الفصل 50
❤️📝 روايات وقصص مميزة 📝❤️:
🐚 226 ✨
حمد بعصبيه : لا راح أتزوجها ..
عبدالله عصب بزود : ليه عناد بس ..
حمد يحط أصبعه على راسه : أيه عناد كيفي بنت عمي وعاجبتني أيش دخلك ..
عبدالله : أيش دخلني أختي بالرضاعه (رفع أصبعه بوجه حمد يهدد) أنا أحذرك كل الناس بكفه وأسيل بكفه إذا قربت صوبها أو غصبتوها وأستغليت أنك ولد عمها وتجبرها على الزواج ذابحك فاهم لو أنشنق لخاطرها ..
حمد وقف وبعصبيه : أنا حر وأسيل ماخذها غصب عنكم وعنها أنا حمد بن فهد ماعاشت من ترفضني ..
عبدالله وقف وومسكه من بلوزته بعصبيه : يعني ماتفهم ..
أسيل بصوت عالي : لا لا لا عبود هد ..
عبدالله هده ولف لأسيل : أسيل !!
حمد لف صوبها أبوها وامها ساندينها : أسيل ..
عبدالله وقف قدامها وبحنيته المعهوده : ليه نزلتي يالغلا
أسيل بدت تبكي : ليه عبدالله قلت كذا له ..
عبدالله : جيت أتفاهم معه ياعيون عبدالله
أسيل تحس أنها مخنوقه : حمد ماراح يفهم أنا أكثر وحده تعرفه وتفهمه أنا تعبت محتاجه لك ياخو(وقبل تكمل أغمى عليها) ..
عبدالله يشيلها: أسيل أسيل ..
الأب : خلنا ناخذها للجناح
الأم تصيح : عبدالله أختك
الأب يطالع لحمد : حمد تعال معنا
حمد يطلع جواله : حاضر .... ألو دكتوره سوزان.... معاك حمد بن فهد الـ... .......... هلا فيك أنا بجده لو سمحتي فندق(.....) تعرفينه ....... لا لا أنا مافيني شئ بنت عمي تعبانه ممكن تجين...... أوكيه غرفه(......) بسم عبدالله خلف......... أوكيه مع السلامه
صعد وللغرفه نيم أسيل على السرير بعد ما فصخ عباتها وبعد فتره وصلت الدكتوره سوزان ودخلت مع الأم لعند أسيل وبقى الأب مع حمد وعبدالله اللي قاعدين مقابل بعض وكل واحد يحد سنونه على الثاني كأنهم يتحدون قطع الصمت عبدالوهاب
الأب : خلصتو خز ببعض وتهديد ووعيد ..
نزلوا عيونهم بالأرض مو خوف من بعض ولكن احترام للعم
الأب لف لحمد : أسمع ياحمد ..
حمد : لبيه ياعمي
الأب : أسيل بنت عمك وأنت أحق فيها هذي حقيقه ..
عبدالله بدهشه : يا عم أسـ....
الأب يقاطعه : أنتظر يا عبدالله خلني أكمل لا تقاطعني
عبدالله : السموحه ..
الأب : مسموح أنا عارف أنك خايف عليها بس تأكد أن الأب مايدور غير مصلحة أعياله ياحمد تأكد أن أسيل لك على سنة الله ورسوله(أبتسم حمد) بس في حاله واحده إذا تقدم لها أحد وقبلت تقدر انت تعترض (أختفت ابتسامته) بس أسيل رافضه الزواج والتجربه اللي مرت فيها مع مازن صعب تتقبل فكرت زواج مومنك خاصه من كل الرجال عامه فهمت ..
حمد أبتسم : فهمت ..
الأب : عبدالله عندك أعتراض
عبدالله يحب راسه : أفا ياعم ما عندي كلام بعد كلامك (وقرب من حمد وحب خشمه) السموحه يابو ملاك بس أنت عارف اسيل عندي بالدنيا وأسمح لي إذا على صوتي عليك لك الحشيمه ..
حمد يضمه : والله مو قصدي بس الله يلعن الشيطان اسمح لي ..
الاب يبتسم : ايه خلونا كذا ..
الأم : تفضلي يا دكتوره
الأب : هاه بشري شلون بنتي
الدكتوره : الأموره بخير بس تعرضت لشوي ستريت يعني ضغط نفسي هي الحين صاحيه وبخير بس لازم تاكل باين لها فتره ماتاكل هامله نفسها
الأم : أيه رافضه العيشه ..
الدكتوره : هي لازم تتغذا عدل شوربه شئ خفيف بالأول واتمنى تبعدونها عن الضغوط النفسيه لفتره هي حساسه كثير ..
حمد : مشكوره يا أم كريم وآسف لأني تعبتك
الدكتوره : صراحه تعب بس لخاطر الجمال اللي داخل أجي من الصين بسم الله ماشاء الله ...
@storykaligi
🐚 227 ✨
الدكتوره : صراحه تعب بس لخاطر الجمال اللي داخل أجي من الصين بسم الله ماشاء الله ..
الأب : مشكوره
الأم تبتسم : الله يجبر بخاطرك عيونك الحلوه ..
الدكتوره : أستأذن وعقبال ماتفرحون فيها
الكل : أمين
حمد وصل الدكتوره وشكرها لتلبية اتصاله بسرعه هذا طبعا لأن حمد شخصيه معروفه وبارزه بالمجتمع ..
الأب : هاه عبدالله أيش رايك تسدد الحساب وتجي معنا مثلك عارف اسيل تحتاج مراعاه والكل ينتظرها هناك والله ماتردني ..
عبدالله : ماعليه ياعم انا راح أجيها وأتطمن عليها ..
حمد توه داخل : أفا والله لا تروح معنا حنا حاجزين شقق ووحده شبابيه ..
عبدالله يبتسم : والله أسمـ...
الأب يقاطعه : أنا حلفت يله خلنا ناخذها ونطلع ..
حمد : أنا أنتظركم بالسياره تحت ..
حمد صعد سيارته ويفكر وهو يبتسم بخبث : ياحليلك يا أم عيون لهذي الدرجه الزواج مني يجيب الضغط هههههه لا توك ياي والله لأتزوجك وأعلمك كيف تتطنزين على حمد وتتحديني لو تعرفين أيش مخطط لك هين أبوك قال أن خطبك أحد أعترض وأنا أخلي الأحد والأثنين والثلاثاء يخطبونك وبالنهايه راجعه لحمد بن فهد ههههه(بس شافهم سكت) ..
الأب والأم : السلام عليكم
حمد : وعليكم السلام
الأب : تأخرنا عليك
حمد يبتسم : لا ياعم ..
عبدالله يصعد : السلام عليكم
الكل : وعليكم السلام
عبدالله : ماقصرت يابوملاك ماكان له داعي تدفع الحساب للفندق ..
حمد يحرك السياره : الفندق يتعامل معي من زمن يعني عندي حساب مفتوح وانت تستاهل ..
الأم : ماتقصر ياولدي
حمد : يستاهل ياخاله
بعد صلاة العشاء ...............
ألحان اللي أول ماعرفت عن أسيل أنها تعبانه راحت لها
ألحان : ألف سلامه عليك يا عمري ..
أسيل : الله يسلمك
مها : سلامات يالغاليه أيش كل هذا الدلع ما أقدر عليه ..
اسيل : أشوف غاليه ولا لا
الأم : غاليه والله
أسيل : الله يخليك لي
ألحان : عاد سعود وصلنا لهنا وهو راجع شاف عبدالله وفراس اللي عزموه على القهوه ..
الام : متى راجعين للرياض
ألحان : بعد بكره يا خاله المغرب
أسيل : مثلنا
مها : وين البنات ماشوفهن
الأم : نزلن للسوق يشترن فساتين لملكة بشاير وفراس ..
@storykaligi
🐚 228 ✨
الأم : نزلن للسوق يشترين فساتين لملكة بشاير وفراس ..
مها : من هنا من مكه !!!
أسيل : لا راحن لجده مع الشباب
ألحان : عاد أنا جايبه كيكه
أسيل : راح تفوتهن يم يم يم ..
الأم : أنا بجيب صحون وشوك
مها : أنا بجيب خاله بس أي صوب
الأم : الباب اللي مقابل باب الشقه
مها تحط عباتها : ثواني بس
دخلت المطبخ وبدت تدور بالدواليب(الدروج)
مها : ياربي ذولا وين حطو الشوك الأحسن يحطون لافتات هنا الجدور وهنا الملاعق وهنا
: الصحون الملاعق الكبت الثاني
مها تفتح الكبت : شكرا
: عفوا كل يوم تعالي ..
مها جمدت بعد ما استوعبت ان الصوت رجالي ما قدرت تلف لأنها بدون غطا وشوي وتصيح بس سمعت تسكيرت الباب التفتت
مها(تتنفس بصعوبه من الخوف) : هذا من وين شنو أحلم لا لا سمعته ..
الأم تدخل : يمه مها بطيتي ..
مها : هاه لا كاني خاله
مها رجعت لهن وكانت تاكل والعقل مع الصوت ..
مها في نفسها : من هذا ياربي جريئ طيب شاف بنت مو متغطيه يطلع شافني لا لا ما أظن ..
ألحان : مها مها
مها : هلا
ألحان : قلبي شوفي سمر فين ؟؟
مها : وين أدورها بنتك تموت على جلست الرجاجيل
الأم : يمه شوفيها عند المصاعد ..
مها تلبس عباتها وتتلثم : أن شاء الله بجيبها بكشتها ..
ألحان : لا حرام عليك احلى ما فيها شعرها
أسيل : بسم الله عليها
الأم : أنا بروح معك بمر على جدة اسيل
ألحان بعد ما طلعوا لفت لأسيل : هذا حنا صرنا بروحنا انا سمعت باللي صار أمس طلبت من مها تدور سمر عشان نكون لوحدنا ..
أسيل بعصبيه : قهرني ألحان قهرني ..
ألحان : أنا ما ضنيت أنه قوي لهذي الدرجه
أسيل : مغرور مو قادره أتخيل أن سقف واحد يجمعنا شيء يخوف ويرعبني ..
ألحان : السبب المعلومات ..
أسيل(تاخذ نفس وتهز راسها بنعم) ...................
ألحان : حابه أتدخل او سعود
أسيل : لا لا أرجوك أبوي حل الموضوع وقال له أن خطبني أحد و وافقت من حقه ذاك الوقت مثل ما يقول يطالب فيني ..
ألحان : هههه شنو تركه ..
أسيل : حل لي إذا تزوجت وأنا مهبوله أقبل أتزوج عساني أعنس ..
ألحان : آمين مع أني تمنيت تكونين من نصيب سعود
أسيل : النصيب وسعود ربي يره باللي أحسن مني ..
مها المسكينه تدور على سمر : ياربي فينها هالبزر (تطلع جوالها) ألو يمه........ بسألك عن سمر جتكــ...(عصبت نست انها ماجت معهم وعرفت أن ألحان تبي تصرفها بس) لا لا نسيت باي ..
وقفت وأهي تنتظر المصعد ماتبي ترد و وقف واحد جنبها ونزلت عيونها فتح المصعد
: تفضلي
@storykaligi
🐚 229 ✨
: تفضلي
مها تدخل : شكرا أخوي
: العفو كل يوم تعالي ..
مها رفعت عيونها نفس الجمله تبي تشوفه بس سكر باب المصعد قبل تشوف ملامحه ..
مها بخيبة امل : لا خساره ماشفت ملامحه بس جسمه واو ولا ابتسامته صف لؤلؤ سنونه ..
أما في جده ..............
فهد : ياربي من هالحريم ما يعجبهن شئ
محمد : بشاير بشاير
بشاير تلف له :هلا
فهد : وش تبي فيها لا تشغلها خلها تخلص ..
محمد يمسك يدها : أنا باخذ العروس وأخليها تختار على راحتها باي ..
مشعل : غدار يامحمد
فهد : مو حنا غلطانين 3 مع 9 حريم مشعل تكفه باخذ مرتي 10 دقايق وارجع لكم ..
مشعل : خذ راحتك يابو عبدالوهاب بس تكفه لا تتاخر ..
فهد يمسك يد أرواد : من عيوني 10 دقايق ..
بدن البنات يدخلن المحلات من محل لمحل
نجد : ثواني بشوف المحل اللي جنبنا شفت فستان حلو
طلعت نجد للمحل رغم تحذير مشعل أنهن ما يتحركن إلا بأمره وما أنتبه لها لأنه يكلم بالجوال وهي ما أنتبهت للأثنين اللي يلاحقونها ..
نجد : لو سمحت أبي الفستان الفيروزي
البايع : الشك الذهبي ولا الفضي
نجد : الفضي
الشاب : لا الذهبي باين أحلى عليك
نجد : أخلص عطني الفضي
البايع : تفضلي بس أي مقاس
الشاب2 : m
شاب 1 : لا لا ماتشوف الجسم والخصرS
شاب2 : أوافقك الرأي
مشعل أنتبه إنها مفقودة : شهد فين نجد ؟؟
شهد تتأمل فستان بأيدها : بالمحل الثاني تلقاها ..
مشعل طلع معصب : غبيه فين تروح ؟؟
نجد تلف بعصبيه : ما تستحون أذلف أنت وياه لا ابلغ الأمن حتى الحيا ماتعرفونه ما عندكم خوات ؟؟
الشاب2 : لا مثل هذي الحلوه لا
مشعل بعصبيه : لا والله عطها الرقم بعد ..
نجد شهقت من شافت وجهه : مشعل !!
شاب يلتفت له : من هذا الجو بتاعك ياعيني ..
مشعل زادت عصبيته : جو بعينك ياحيوان ..
وتضاربو مع بعض بس مشعل قوه وضخامه وطلعو يركضون ..
مشعل : حيوانات (لف لنجد وبعصبيه مسك يدها) أنا ماقلت ولا وحده تروح بدون علمي هاه ..
نجد تألمت من مسكته وشكله يخوف : أيه أي هدني ..
مشعل بعصبيه : وأنت ما يعجبك لين احد يتغزل فيك تموتين اذا ما غازلوك ..
نجد بلا شعور عصبت من كلامه ورفعت يدها وعطته كف : طراخ ..
مشعل عصب وعيونه كلها شرار كف وقدام البياع : أنا مشعل تعطيني حرمه كف ..
نجد خافت بزياده بس تذكرت خير دفاع هو الهجوم وبعصبيه : وأنا نجد ما انتظر أحد يتغزل فيني ..
مشعل صرعلى ضروسه وبعصبيه : صدقتي لو منتي نجد كان علمتك كيف أرد الكف والحين قدامي قبل أغير رأي وبدون كلام ..
نجد أخذت الثوب بسرعه وطلعت وفي نفسها : أنا كيف تجرأت ومديت يدي عاد مشعل كبريت طيب وش يقصد لو منتي نجد كان علمتك لا لا مشعل نسواني أيه ..
نجود تقطع سرحانه) : نجد نجد
نجد : هلا
نجود : شريتي الثوب صح
نجد: أيه
نجود : طيب يله بنمشي الأكسسوارات نشتريها من الرياض فهد برى ..
نجد : طيب
اليوم الأخير بمكه الكل صحى من الصبح ما يبي يضيع عليه اليوم الأخير بأطهر بقاع الارض
نجد اول وحده تصحى وكل تفكيرها باللي حصل أمس : ...............
أسيل تحرك يدها قدام عيون نجد السرحانه : نجد نجيده
نجد ترفع بصرها : هلا صباح الخير ..
أسيل : صباح النور علامك سرحانه
نجد : ولاشئ
@storykaligi
🐚 230 ✨
نجد : ولاشيء ..
أسيل : عفيه نجد خذي إبرة أمي السكري تعبانه مو قادره أروح ..
نجد : من عيوني بس آخذ جلالي
أسيل : تسلم عيونك
نجد طلعت وشافت مشعل يكلم بالممر وصد أول ماشافها : الحمد لله والشكر زعلان يعني مو لازم تشوف أحسن ..
مرت من جنبه ولا عبرته ولا كأنه موجود
مشعل ولا كأنه شافها : ههههه هلا حبي ... لا بمكه ياقلب مشعل ..... أفا أسومه زعلانه أراضيها أمري ... بس بوسه .... أموااااااااااااااح ..
نجد أنصدمت وفي نفسها : وجع بوسه بعد يالحقير الوصخ مغازلجي أستح بنت عمك قدامك وطايح غراميات حتى الكلام ما تستحي هين يا مشيعيل ..
بعد ما عطت أمها الأبره طلعت وهي تتمنى تلقاه وفرحت يوم شافته للحين واقف يكلم ووقفت قدامه وشالت الجلال عن وجها بس مغطيه شعرها وأبتسمت ..
مشعل حس أنه أنشل قدام بسمتها وعيونها بس سوى نفسه مو مهتم ولف عنها : خير ؟؟
نجد بدلع : مشعل جيت أشكرك من زمان من قبل 3 شهور عن وقفتك معي ضد شباب الملاهي تذكر ..
مشعل لف لها : يعني تذكريني ؟؟
نجد أبتسمت : أيه أذكر اللي حصل مو انت ..
مشعل أبتسم : وليه ساكته عبالي نسيتيني ..
نجد رفعت عيونها له وأبتسامة خبث : ومو ناسيه حتى كلامك البارح واللي صار(رفعت رجلها ووطت على رجله بقوه ودزته للطوفه) ومره ثانيه لا تقول أنتظر أحد يغازلني مثل يا بتاع أسومه مالت عليك وعليها مغازله من الصبح عيب ..
مشعل يمسك رجله : آي وجع مو رجل طابوقه يالخايسه هين ..
نجد(تمد لسانها له قبل تدخل وتاركته وراها يتألم من رجله) : ...........................
مشعل يجلس ويمسك رجله ويرد يكمل : ألو هلا بدر هههههه ......... لا سالفة أسومه خدعه قدام الحب............... أيه أهي............... الخايسه تصدق تتذكرني وتتذكر اللي صار من 3 شهور ومسويه مو عارفتني ................ههههه .............. لا زعلانه علي سمعتني أقول أسوله وبوسه ما شفتها بغت تكسر رجلي وطت عليها من الزعل ................ههههه.............. والله تحبني تحبني أجل ليه غارت وعصبت ............. أروح أفحص رجلي يامعود خلني أروح أفحص قلبي اللي مدري بمكانه ولا راح معها ههههههه ........... فديتها أنا أوكيه يله باي بفطر سلم على الشباب بكره راجع بأذن الله باي
عند البنات.............
بشاير توها صاحيه : شنو هذا فول وتكه وعدس وعسل وقشطه ..
هيام : الفطور
بشاير : الحمد لله على النعمه ما أبي ..
وجدان : فراس اللي جايبه ..
بشاير تبتسم وتجلس : وخرو بجلس دامه حبيب القلب وزوج المستقبل جايبه باكل ..
: حبيب القلب وزوج المستقبل إذا ماكنت موجود ينقال الكلام الحلو ليه
بشاير رفعت عيونها وبصدمه : فراس ..
هيام ووجدان نحاشن داخل وفراس مسك بشاير قبل تلحقهن
فراس : وين وين ؟؟
بشاير تطالع نفسها بالبجامه وبدون غطى : بروح ..
فراس : والفطور
بشاير : فراس لا يشوفونك ما يجوز مو محرم لي حرام ..
فراس أبتسم : يعني أطلع ؟؟
بشاير بصوت مخنوق : لو سمحت أيه ..
فراس رفع يدها وباسها : فديت حبيب قلبي باي ..
بشاير سندت ظهرها للحائط ورجولها ترتعش وضمت يدها لقلبها : هين يالخونه تسون فيني كذا ..
البنات من ورا الباب : ههههه ..
بشاير : كلكن تعرفن يعني مهزأه أنا ..
أسيل من ورا الباب : والله مانعرف حتى وجدان وهيام كنا نظن أنه طلع والله والل ..ه
بشاير : طيب صدقتك تعالن نفطر من فطور ........ لا لا ماني قايله شئ بس تعالن
البنات : ههههه ..
جلسن يفطرن ويضحكن ويخططن وش يبن يسون
أسيل ترد على جوالها : ألو .... هلا والله ثواني ياقلبي باي(دخلت الغرفه خذت شنطتها وعبايتها وطلعت) باي بنات ..
#انتهى
مكملين معكم غدا" بإذن الله
أنتظرونا ..
@storykaligi