الفصل 48
❤️📝 روايات وقصص مميزة 📝❤️:
✨ 216 🐚
على الساعه 5 كانو عند بيت خالة أسيل ...........
أسيل ركبت وما انتبهت للسايق وجلست وراه ..
أسيل : السلام عليكم
الكل : وعليكم السلام
أسيل رفعت النظر : أشتقتو لـ... (أنتبهت لحمد وأنصدمت ماكانت عارفه أنه بيوديهم) ..
فراس : أفا عليك أشتقنا لك
حمد يطالع لها من المرايه : صادق فراس ..
أسيل في نفسها : علامه رايق ؟؟
حمد(حط أغنية أحلام ناويلك على نيه وعلى الصوت) : شرايك بوحمد ..
فراس يطالع له : الله يعين اللي ناوي له على نيه ..
أسيل تهمس لروابي اللي جنبها : رورو علامه أخوك اليوم ؟؟
روابي تهمس لها : مدري جمعتهم جدتي بعد الغداء وطلعتنا برا ..
أسيل : ماعرفتي شنو صار ؟؟
روابي : مدري بس السالفه زواج أظن ..
أسيل : من فراس وبشاير
روابي : لا معاريس جدد
حمد غير الأغنيه وحط الجسمي بلغ حبيبك ويناظر لأسيل ويبتسم وأسيل كل وقت تخاف وتتضايق من نظراته
نزلو للمجمع......
فراس : عندكن ساعه أخلصن فيها ..
أسيل : فراس ممكن شوي ؟؟
فراس بعد ما أبتعدوا عنهم : خير محتاجه فلوس ؟؟
أسيل : لا بس بسألك وجاوبني حمد أيش عنده فيه شئ غريب صاير شئ من وراي ؟؟
فراس : ولا شئ ..
أسيل : فراس أنا أعرفك شنو مخبي علي ..
فراس : ما خبيت شئ بس حددنا الملكه بعد رجوعنا بأسبوعين ..
أسيل : ومن المعاريس الجدد
فراس أرتبك : هاه من قال لك ؟؟
أسيل : البنات وشكلك فيه شئ ..
فراس يحط يده على كتفها : لا تحاتين وروحي البنات ينتظرنك ..
أسيل تطالع ليده وترجع تطالع له : ياخوفي ياخوي ذاك الوقت ما بسامحكم ..
البنات أخذن ساعتين وبعدها قعدن عند كافيه البنات بروح وحمد وفراس بروح ..
أرواد : أسيل علامك ؟؟
أسيل حاطه يدها على خدها : مدري مو مرتاحه في شئ في شئ ..
هيام : قصري حسك علامك ؟؟
أسيل : مدري حاسه أني مخنوقه ..
بشاير : وين رايحه تعالي
اسيل : بطلع من المجمع أفهموني والله قلبي مو متطمن ..
لاحظ فراس وحمد ان اسيل طلعت من المجمع بسرعه ..
فراس : علامها هذي ؟؟
حمد : رح لها بسال البنات ..
فراس طلع وكانت واقفه برا وعندها بشاير تهديها ..
فراس : علامكن ؟؟
أسيل تلف له : فراس شنو اللي قاعد يصير من وراي ..
فراس : ولا شئ قلت لك من قبل ولاشئ
أسيل : في شئ حمد قاعد يعاملني بأدب وأحترام
فراس : هههههههه عادي أسيل ..
بشاير : فراس قل لها إذا في شئ وريحها ..
فراس : مافيه شئ
أسيل : برد بيت خالتي راسي يعورني ..
فراس : يله نمشي(أتصل بحمد) حمد يله مشينا.... لا مافيها شئ بس راسها يعورها.... طيب حنا عند السياره ... باي ..
رجعت أسيل لبيت خالتها البال مشغول بتغير حال ومعاملة حمد في شئ غامض سولفت لخالتها وامها وخواتها وقالن يمكن لأنك مو متعوده على حمد هادي وطيب ويمكن المده اللي جلستوها بجو العائله تغيرت النفوس حاولت تصدق الكلام قضوا الليله سهر ببيت الخاله للفجر وذكريات الطفوله كان يومين بالنسبه لأسيل تجددت فيها خلايا جسمها وصفاء لقلبها من الهموم ..
يوم الباربكيون.................
على المغرب طلعن البنات للشاطئ والأمهات وفعلا عبدالوهاب حط عازل وأشعلو المشاعل للضوء على أمتداد الشاطئ وجهزوا المشاوي والبوفيه ومنع منعا باتا طلعت الشباب للبحر مما سبب لهم قهر وضيق وغصب وحسد ..
@storykaligi
🐚 217 ✨
فهد : والله قهر ..
فراس : أنا اللي قاهرني كيف كتمن على الموضوع ..
سعد : عنكم بس حنا عندنا خبر ..
جراح : يبه عندكم خبر من متى ؟؟
سعد : من يوم الأحد
محسن يطالع ساعته : سعد عبدالوهاب مشينا ..
محمد : وين يالشباب
عبدالوهاب : موجهه لنا دعوه شخصيه لحضور الحفله
فراس : وحنا مالنا رب
حمد : والله لو كنا عارفين باللي يصير كان خربنا عليهن ..
راشد يتشمم : ياحلو الشوي وريحته أحس سعابيلي مو قادر أمسكها ..
مشعل : أبو أحمد طلبتك أطعمونا
محسن : بقول لهن أن رفضن كالي دخل زين ..
فهد : عم دز لي مع عيالي قطعة لحم ..
جراح : أما أنا يبه راضي خشها في جيبك
سعد : الله يلوع كبد عدوينك كلها صلصله ..
عبدالوهاب : والله لو تعرفون شلون مخططات لتموتون قهر بزياده ..
حمد : كفايه كفايه شمينا ريحة الشوي لا تسولف نتهور ونخرب عليهن ..
محسن يوقف : أخلصوا يله
فراس يهمس لفهد : بسألك أسيل سألتك عن شئ ؟؟
فهد : أيه تقول أنها حاسه بشئ خفي ..
فراس : يا أخي حمد هذا غريب ..
حمد ألتفت لهم : أسمع أسمي ..
فهد : يا اخي أنت مكشوف أسيل مو مرتاحه لك
فراس : لازم تغير أطباعك معها
حمد : قلت أصير عاقل وهادي بس الظاهر ما ينفع خلاص ولايهمك ماتنام الليله إلا وانا معطيها كف على وجها ومخليها تبكي ..
فراس : طمنتنا يعني
الكل : هههههه
فهد : أنت بس جرب ولا تشوف ظفرها ..
حمد : هونت نبتعد عنها أحسن ..
فراس : عشان ترضى يعني ..
فهد : والله ياحمد ما يجي من وراك غير البلاوي أسيل ماراح تسامحنا ..
فراس : قالت لي قل إذا في شئ عشان أتدارك الأمر ..
حمد : قلبها حاسس فيني ..
فهد : سخيف ولا درت عنك حاسه أن وراك مصيبه ..
حمد بأصرار وثقه : شوفو كلمه وقلتها ولا اثنيها رضت ولا لا أسيل لي ..
فراس : بدل ماتحلها تعقدها خذها باللين
حمد : ننتظر ونشوف ..
أما عند البنات الجو ضحك وموسيقى ووناسه......
الجده : ياراسي راساه وش هذا الدق ؟؟
نجد : ياجده موسيقى رقص تعالي رقصي معي
الجده : أنقلعي بعد ماشاب ودوه الكتاب ..
سعد : أفا يمه شنو عجزتي توه من يومين بوعمر جارنا جانا يخطبك له ..
الجده : وع راعي النياق(الجمل) لا ما ابغاه ..
أم خالد : ياعمه بعد ماشربتي من حليب نياقه كرهتيه وانتي بالأول تمدحينه ..
الجده : مو تسممت من حليبه الفاسد ..
روابي : جده حاطه عينك على راعي البقاله بو سليم ..
الجده ترفع العصى : بالعصى وجع
أسيل : لا الظاهر مالحب إلا للحبيب الأول بعد جدي محسن مافيه رجال يسواه ..
الجده تبتسم : والله صدقتي ياحلوك وياحلو كلامك ياهنيه ..
عبدالوهاب يقاطعها : يمه ..
أسيل(أنتبهت لأرتباك أبوها معناه تأكدت شكوكها بس تبي أثبات) : جده منو اللي هنيه ..
الجده : اللي يبي ياخذك
أسيل عرفت أنها ماراح تجاوبها لو سألت طوال الليل ماحبت تخرب الحفله على البنات وسكتت ..
محسن : يا أم أحمد حطي للشباب
شهد : لا والله خلوهم ..
@storykaligi
✨ 218 🐚
شهد : لا والله خلوهم ...
الجده : أهب يالأكوله ذولا اخوانك ..
شهد : والله مو مسؤوله عنهم ..
تهاني : الله يعين اللي بياخذك ..
شهد : داعيه له أمه اللي يبي ياخذني بحفظ ماله ..
مناير : بذي صدقتي لأنك بخيله
الكل : ههههه ..
شهد : ها ها ها ماني بخيله وراح اثبت لكم بحط للشباب الحين ..
محسن : عفيه بنتي
شهد تبتسم : بس قطعه وحده يتقاسمونها ..
بشاير : وانا أقول كيف غيرت رايها بالسرعه هذي
الكل : ههههههه ..
شهد : يعني ما اطلع وجهي بشينه ..
الجده : إلا هذا الشين بعينه وعلمه أسيل بشاير قومن حطن للعيال ..
روابي : أنا بحط لهم ياجده ..
الجده : ياعل عيني ماتبكيك ..
شهد : ياعيني أنا يا أنا ناس يندعا لهم وناس يندعا عليهم ..
أم أحمد : ومن دعا عليك الحين ؟؟
شهد : مدري أحساس قلبي جدتي ..
الجده : روحي ياشهد يابنت محسن عساه يجيك اللي ياخذك ..
شهد تشهق : تدعين علي أنه ياخذني ؟؟
الجده : لبيت المعرس ..
شهد بحيا : أحسب عشان هذي الدعوه بحط لهم انا ..
الجده : لوعارفه كان دعيت لك من الاول بالعرس
الكل : هههههه ..
على الساعه 10 بقن البنات بروحهن أخذن راحتهن باللبس شورتات وبلايز وعلن على الموسيقى ..
أسيل : نجد عطيني عصير كوكتيل عفيه ..
هيام(تاخذ جوالها وتبتعد عن البنات شوي وقررت تتصل ) : ألو..
محمد : هلا
هيام بتردد : محمد ؟؟
محمد : نعم من معي ..
هيام تحسفت وقررت ما تتمادى : هاه خلاص آسفه أسفه باي ..
محمد : لحظه ألـ..... طوووط ..
هيام دق جوالها طالعت الرقم محمد خافت ترد حطته صامت ورجعت للبنات ..
روابي تمسك طرف عصى طويله : بشوره مسكي الطرف من عندك بنات طوفن من تحت وانت واقفات من اللي تقدر بدون ماتطيح ..
هيام : انا أول يله
البنات يصفقن : عاشو عاشت يله هيومه واو ..
هيام بعد ما طافت : واو ..
نجود : أنا دوري ..
البنات : نجود نجود هوه يله يله ههههه ..
نجود طاحت على الرمل : والله مقدر هيام عصله(ضعيفه) ..
هيام : ياماما هذي رشاقه
سلوى : دوري دوري
هيام : لا تحاولين أنا وبس
سلوى : يالمغروره يله مسكنها
البنات : عاشت عاشت سوسو ياي سلوى ..
سلوى بعد ماطافت تناقز : ياي شفتي أقدر بعد ..
هيام : مو خيزرانه مو سلوى ..
روابي : يمه منك ذكري الله عليها ..
هيام : تخافين أحسدها عيني بارده ماشاء الله زين ..
شهد تشرب عصير الفراوله : أما أنا ما أحاول إلا إذا تبي أعدي من فوق ما يخالف ..
أسيل : تنكسر العصا لا جلسي في محلك ..
البنات : هههههه ..
شهد تمد لسانها : مالت محتره لأني ممتلئة الجسد ..
بشاير : حاد حدكن عن أختي ..
نجد : طالعي الطبقات !!
وجدان : لا هو طابق واحد بس والثاني قيد الترميم ..
شهد عصبت : وجدانوه وجع
البنات : ههههههه ..
هيام طالعت لجوالها اللي يدق للحين : ثواني بنات ..
هيام(كتبت مسج لمحمد) : أنا أسفه أني أزعجتك بأتصالي بس أسمح لي جاني فضول أسمع صوتك تصبح على خير ..
هيام ثواني ووصل لها مسج وقرته
(معذوره ماله داعي الاعتذار ويمكن لحظي أنك أتصلتي بس منو أنتي اللي لاحظته أنك ذكرتي أسمي من أنتي) ..
هيام ردت عليه
(أنا تقدر تسميني رهينة محمد ولا تسأل يزياده لو سمحت) ..
محمد قراه ورد عليها بمسج ثاني
(طيب أيش رايك تكلميني وناخذ ونعطي مع بعض) ..
هيام حزنت ظنت محمد غير عن الشباب أرسلت له
(أفا ظنيتك غير أثاريك مثلهم خلاص أنساني باي
قفلت جوالها ولا ردت عليه ..
محمد(توه ماخذ دش وطالع من الحمام وأنتو بكرامه شاف أخوه يسولف على نفسه) :.........
عايض : علامها هذي ماهي صاحيه ؟؟
محمد : هاه بومتعب شعندك تسولف على نفسك ..
عايض : هاه ابدا ترى دق جوالك
@storykaligi
✨ 219 🐚
عايض : هاه ابدا ترى دق جوالك ..
محمد ينشف شعره : واللي يرحم والديك لا تقول رديت أعرفك ..
عايض يبتسم : أيه رديت طلعت وحده ياحلو صوتها يهبل ..
محمد ياخذ الجوال ويطالع الرقم : ما أعرف الرقم قالت شيء ..
عايض : دزت رسايل بعد ما دقيت عليها وماردت ..
محمد فاتح عيونه : وبعد ياجرأتك كم مره قلت لك لا تلمس جوالي آخ لو تعرف نوير عن سوالفك ..
عايض : واللي داقه عليك ..
محمد : أنت عارف أنا مالي بسوالف البنات وهذي وحده فاضيه ..
عايض : الفاضيه تعرف أسمك وأنك مو راعي حركات طيب أيش راح تسوي بآخر مسج زعلت وسكرت الجوال ..
محمد يفتح المسجات وأنصدم من اللي يقراه : الله ياخذك كذا أخذت فكره شينه عني قم أطلع برا قم أطلع أنت مصايب من هذي أرسل أعتذر .. ولالالا خلها أنا وش دخلني تاخذ فكره أم ما تاخذ خلني أنام أحسن ..
على الساعه 10 صحن البنات وزهبو أغراضهن وحطوهن بالسياره وودعو أم ياسر والشاليه وأتجهو لمكه قبل صلاة الجمعه بنص ساعه وصلوا وهم ينزلون ...
فراس : هلا والله أيش هالمفاجئه !!
زياد يبتسم : شفت كيف ..
نجود قلبها يدق من شافته وفي نفسها : زياد ياقلبي ..
زياد سلم على الكل وتعمد يخلي نجود بالأخير : كيفك نجود ..
نجود : بخير وانت
زياد : من وصلت للبلاد صرت زين ..
نجد : زياد أحم أحم نسيتنا ترى أنا نجود هذي نجد ؟؟
زياد يطالع لهن من ورا النقاب نفس العيون : صدق
نجد بدلع): ايه ..
زياد أبتسم وأشر على قلبه : القلب يانجد يميز ..
نجد : هههه أخس يالرومنسي نجود خلينا نصعد ..
جراح من وراه : ياروميو زين ما أنتبهو لك يالجرىء ..
زياد : وربي أحبها ياجراح تدخل القلب بدون أستئذان ..
جراح : أمش خلنا نصعد ونتسبح وننزل لصلاة الجمعه ..
نزلو للحرم وصلوا وبعد الصلاه جلسوا يقرأون القرآن ويسبحون ويستغفرون لله ورجعوا للشقه يتغدون .. ويرتاحون لصلاة العصر الشياب ناموا والشباب يسولفون ..
فهد : من صدقك زياد أبوك يخطب لك بنت عمك غصب عنك ..
زياد : أيه أنا أستغربت من أبوي اللي لزم روحتي معهم على أساس يقرب بيننا ..
جراح : عشان كذا رجعت بدري ..
زياد : ما أستحملت أنا رجال ولي قرار وقلب يفرض علي ليه ..
محمد : هد ياخوك كل شئ بينحل
زياد : ياولد أقول لك مزهب كل شئ بس يبي الفحوصات للمطابقه .
فهد : يمكن ما يطابق
زياد : وليه أجرب وأخاطر لا يا عم
حمد : طيب تكلم مع عمامي إذا حاب يتدخلون ..
فراس : راي زين ..
زياد : ما بيسمع يا شباب أبوي وأعرفه ..
حمد : أجل من شاف بلاوي غيره هانت عليه بلاويه ..
زياد : شنو بعد بيغصبونك تتزوج
حمد بأبتسامة خبث : لا بيغصبون العروس
الكل : ههههه ..
زياد : هههههه حلوه ذي ومن التعيسه أقصد السعيده اللي بتاخذك
حمد : أسيل ..
@storykaligi
روايات خليجية:
🐚 220 ✨
حمد : أسيل
زياد بقق عيونه وأنفجر ضحك : هههههه
مشعل : علامك ؟؟
زياد : هههههه لا يمزح ..
راشد : لا صدق بس ماخبروها للحين ينتظرون الفرصه المناسبه ..
زياد : تبي تاكلك هي ما تحبك ولا تواطنك
حمد يبتسم : كفايه أنا وتراني أنحب وأقدس الحياة الزوجية
زياد : ياحليلكم يا عيال خوالي والله لو جالس معكم أحسن لي من سفرتي ..
فهد : حياك كل يوم تعال
الكل : ههههههه ..
أما عند البنات فالجلسه واو
نجد تنغز نجود : وين وصلتي ؟؟
نجود تبتسم : معكم
نجد تهمس لها : لا والله مع اللي بالغرفه الثانيه ؟؟
نجود : نجد ما كأنه ضعفان
نجد : لا صدق لحقتي تخزين ترى كلها كلمتين قزيتي الرجال قز ..
نجود : ههههه
مناير : ضحكينا معك وش قالت لك نجد خلاك تضحكين كذا ..
نجد : الله يسلمك ويطول عمرك أنا أقول لها نكته
شهد : أموت بالنكت قولي
نجد : خلنا نسوي دائره وكل وحده تقول نكته أحنا 6 بنات يله ..
سلوى : عشان تطلع أحلى لازم جائزه لأحلى نكته
شهد(تدور بجيبها) : يله لقيت 30ريال كل وحده تحط 30 ريال واللي تكسب تاخذ 170 ريال
البنات : أوكيه
اما بغرفة البنات الكبار......
روابي : الحين من صدق بشاير ملكتكم بعد أسبوعين ..
بشاير : والله هذا اللي قاله لي أبوي اليوم ..
هيام : يمديك تفصلين
بشاير : لا بشتري جاهز طلبت محمد أروح للسوق بجده في مشاغل روعه ..
هيام تلف لاسيل : علامك ساكته ؟؟
أسيل : هاه تعبانه شوي
البنات : سلامتك
أسيل : الله يسلمكن (في نفسها) ياربي أحس قلبي مقبوض وش هالألم الله يستر ..
روابي : أسول أسولتي
أسيل : هلا
روابي : وش سارحه فيه حالك هاليومين مو عاجبنا لا تاكلين وكلامك قليل وتسرحين كثير ..
أسيل : أبدا حاسه أنتي متنانه شوي فمسويه رجيم للملكه(ترد على جوالها) ألو..... هلا بلحونه....... أنا بخير وبشاير بعد........... أحنا بمكه اليوم جينا............والله أحلفي ياخاينه............ههههه لا عبود مو معنا في الشرقيه.............. أوكيه باي ..
أسيل تلف لبشاير بفرح : ماتصدقين ألحان هنا ..
بشاير : والله من متى ؟؟
أسيل : لهم يومين هي وأهلها وأهل عمامها أتفقنا العصر نلتقي ..
هيام : من ألحان ؟؟
بشاير : صاحبتنا بالمستشفى عسل ..
أسيل : ماراح أقول لنجد ونجود عن مها بخليها مفاجئه لهن ..
روابي : مها اللي تبي تدخل طب مع نجد أهي أختها ..
أسيل : أيه خوات هم جيران خالي خلف واحنا متربين مع بعض ونقلو لبيت جديد من فتره بس ما قطعونا أستمرت العلاقه ..
بشاير تبتسم : وجايز تقوى ..
أسيل طالعت لها وقامت تتوضأ عشان صلاة العصر
نزلوا للحرم وبعد ما طلعو راحن للبوابه المتفق عليها ألتقن بألحان ومها اللي تفاجئن نجد ونجود فيها
ألحان : شخباركم
أسيل : بخير وأنتي والنونو
ألحان : بخير لله الحمد
أسيل : بعرفك على خواتي وبنات عمامي
وعرفتها على البنات
أسيل : وين ساكنين
ألحان : في .....
أسيل : والله أي طابق
ألحان : 8
أسيل : حنا جيرانكم اللي فوق 9
ألحان : زين قريبين من بعض إلا وين خاله زهره ؟؟
أسيل : جالسه بالحرم تعالي عندها جدتي وحريم عمامي وعماتي ..
ألحان : لا أجل بعدين نجيكم
بشاير : أحلى مفاجئه والله
روابي : تعالي أنتي ومها عندنا الليله شقه البنات بروح ..
ألحان : معنا بنت عمي خلود عادي
أسيل : كل اللي من صوبك حياهم
ألحان : مها يله أشوفكن الليله
أسيل : أوكيه باي بايوه مهاوي
مها : باي
رجعن البنات للمجمع على أساس يتقابلن الليله شهد ومناير ووجدان قررن يروحن للسوبر ماركت يشترن أغراض بيسون كيكه وحلى لليله دخلن .....
شهد : نفترق ولا نبقى مع بعض
مناير : نفترق وبعد ربع ساعه نجتمع عند الكاشير
شهد :أوكيه
مناير تلف لوجدان : ياهوه معنا ..
وجدان : أيه أيه بروح أجيب لوازم كيكة الأيس كريم
بعد ما أفترقن وقفت عند ثلاجة الايس كريم وحطت يدها تبي تفتحها تذكرت موقفها اللي صار مع محمد اليوم عند المصعد ..
محمد راجع من صلاة الظهر ووجدان توها واصله وواقفه عند المصعد : السلام عليكم ..
وجدان : وعليكم السلام
محمد بعد صمت : وجدان بسألك شئ ممكن تجاوبيني ..
وجدان : آمر
محمد بكل جرأه : تحبيني ؟؟!! ..
#انتهى
مكملين معكم غدا" بإذن الله ..
أنتظرونا ..
@storykaligi