الفصل 42
❤️📝 روايات وقصص مميزة 📝❤️:
🍃 186 🍂
أسيل تغسل أيديها إلا بدخلة طيف اللي أبتسمت بخبث ..
طيف : أوه أم عيون هنا إلا شخبارك يالمرفوضه ويه تصدقين توقعت مازن يفسخ الخطوبه من شاف وجهك الحمد لله والشكر ..
أسيل بعصبيه : أيش تبين يالضفدع ..
طيف تعدل مكياجها ولا كأن العرس خلص : أبدا حبيت أعزيك بموت حبك حسافه تمنيت أنا اللي بتكون السبب بفراقكم بس خساره سبقني ..
أسيل تمسح أيديها وبأستهزاء : من مازن ؟؟
طيف : لا حمد والله أنه جيد قد كلمته ولد خالتي ..
أسيل أنصدمت : حمد حمد حمد ولد عمي فهد كيف ؟؟
طيف : شوفي كيف ماني عارفه بس عرفت أنه السبب بقولك قبل تسألين من غاده عرفت ..
أسيل : تعرفين غاده يعني ..
طيف تعدل شعرها : أعرف غاده وهنادي ومنى بعد ياماما كل زوجات حمد صاحباتي ..
أسيل تكتف أيديها : سمساره ياطيف للبنات ليه لأنك ماقدرتي توصلين له أستغليتي حبه للحريم ..
طيف تلف لها : كيف تعرفين كل هذا وكيف عرفتي عني ..
أسيل : بجوابك غاده صاحبتك هي بنت عم ألحان صاحبتي وقبل تاخذ حمد اللي صار لهم سنه كانت مصاحبتك بالسهر والشقق والخايسه أنتي وأهي تحب تسولف بغرامياتها لبنات عمتها اللي حاولت تجرهن بس ربك كريم ما قدرت عليهن صح وعارفه بتنكرين لكن يمكن ربك طيحها بحظ ولا تحلم فيه حمد اللي ماقدرتي توصلين له وأتمنى أعرف شعور حمد لما يعرف زوجته وش كانت وبنت خالته وش تكون ..
طيف برعب من حمد : بــ..
أسيل تقاطعها : أنا مو مثلكن حقيره وأشوه سمعة الناس مثل ما وزيتي العنود ونوره اللي ربك جازاهن باللي قالن عني كذب (طالعت للمرايه) أنا كنت حاسه حاسه يا أنتي ياحمد اللي ورا تركي لمازن ..
طيف تقاطعها : قصدك ترك مازن لك ؟
أسيل بسخريه : هههههه طيب ترك مازن لي أشكرك بس أنا أعرف كيف أرد لكم الصاع يابنت حسين لا تظنين ان أسيل تنسى حق الناس عليها لا واللي خلقك لأردها لك ولحمد زود بزود ..
طيف بسخريه : ما تقدرين ؟؟
أسيل : إذا أنا يالضعيفه ما أقدر فربك يقدر والأيام بيننا ..
طلعت طيف وأسيل تسندت على المغسله وهي تحس قلبها ينعصر من الألم ..
أسيل : معقوله ولد عمي يسوي كذا لا ما أصدق ..
أسيل رفعت نظرها للمرايه وأنصدمت من اللي شافتها ..
أسيل تلف بصدمه : خاله سارا !!
أم حمد ودمعتها على خدها وباين عليها الصدمه : اللي سمعته صدق ولدي ..
أسيل ركضت لها وسندتها قبل تطيح : لا ياخاله تكذب تكذب تعالي نطلع من هنا ..
طلعتها أسيل وأنتبهن لها العمه أمينه والجده وجنهن مسرعات ..
الجده : علامها أم حمد ؟؟
أسيل تجلس أم حمد على كرسي : مدري ياجده ..
روابي شافتهن وجتهن : يمه سارا علامك ؟؟
أم حمد : حمد حمد وينه ؟؟
أمينه : حمد فيه شيء أسيل ..
أسيل : هاه لا بس يمكن داخت بجيب لها ماي ..
روابي : لا لازم ننقلها للمستشفى شكله الضغط بدق على حمد ..
أسيل : عبدالله برا ما نقدر ننتظر ..
الجده : يله بروح معكم
أسيل وروابي سندن أم حمد وطلعو للمستشفى واتصلو على حمد يلحقهم للمستشفى بثواني وصل حمد من أتصالهم ..
حمد بخوف : جده أمي علامها ؟؟
عبدالله : هد يابو ملاك أمك أن شاء الله بخير
الجده : أسيل وروابي معها داخل يايمه أهدى ..
حمد : متى حصل هذا الشيء وأيش صار ؟؟
@storykaligi
🍃 187 🍂
حمد : متى حصل هذا الشئ وأيش صار ؟؟
الجده : أظن الضغط بس شنو صار ما ندري أسيل كانت معها ..
حمد : سألتوها ؟؟
عبدالله : رفضت تقول ..
طلعت أسيل وروابي وأسيل أول ما شافته كان ودها تخنقه تطعنه بس تذكرت أمه وتعوذت من الشيطان ..
حمد : خير طمنوني ؟؟
روابي : ضغطها أرتفع بس الحمد لله قدرنا نتحكم فيه ..
حمد : أقدر أشوفها ..
أسيل : عطيناها مخدر بتنام الليله هنا
حمد : طيب أيش حصل ورفع ضغطها
الجده وعبدالله وروابي ألتفتو لأسيل ....
حمد بعيون حزينه وخوف على امه : أسيل طلبتك شنو حصل ؟؟
أسيل ماكانت بتقول له وتبي تعذبه بس نظرت الحزن خلتها تتراجع : حمد تعال أعذروني ..
الجده : شنو موضوع خاص ؟؟
أسيل : ماعليه ياجده هو خاص بحمد ومو من حقي أقوله إذا حاب يقوله لكم بعدين بكيفه ..
مشت أسيل وحمد وأهي متغطيه بسبب المكياج لآخر الممر
حمد : خير خوفتيني ؟؟
أسيل بعصبيه : كنت متوقعه أن السبب ورا ترك مازن لي ..
حمد أنصدم وعجز لسانه ينطق : .........
أسيل : صدق ياولد عمي أنا من لحمك ودمك أهون عليك كل هذا عشان ماقلت لك من يوصل لي أخبارك أفا هدمت حياتي وخليت الناس تنهش فيني وتتكلم علي كله بسبب غرورك ..
حمد : أنا ..
أسيل تقاطعه : شف ياولد عمي أنا كنت بنتقم منك ومن طيف بس الله لما أراد أن ياخذ بحقي منك خلى أمك تسمع بأذنها محد قال لها وربي كريم ما أراد أوصخ أيدي بناس نكره مثلكم وأخذ حقي منك ومن طيف وأهي تعترف ..
حمد بصدمه : طيف ..
أسيل تهز راسها وغلبتها دموعها ونزلت : أيه طيف قالت كل شئ كل شئ ياولد عمي اللي سويته وحريمك وغاده وهنادي ومنى أمك سمعت سبحان الله مع أني ماكنت عارفه بوجودها إلا أن الله شاء تكون موجوده لحظة أعتراف طيف أمك ما تحملت أنصدمت وطاحت علينا وعلى فكره أنا ماقلت لأحد مهما تكون أنت ولد عمي وعارفه لو أهلي عرفوا انا متأكده بتصير قطع للأرحام الله يسامحك هذا كل اللي أقدر اقوله الله يسامحك(عطته ظهرها بتمشي) ..
حمد : أسيل
أسيل بدون لا تلتفت له : لا تجيب أسمي على لسانك لأن مايشرفني أنك تنطقه أسمعني اللي ينشر سوالفك وكل أمورك الشخصيه هي زوجتك غاده عند الغرب والقرب الكل يعرف بس يمكن اهلك اللي ما يعرفون خوفا" منك قبل تدور على أسباب لمشاكل مع الناس وتهد بيوت صلح بيتك صدق ماخاني التعبير يوم قلت لك مغرور أكرهك أكرهك ياحمد ..
أسيل تركت حمد بصدمته ما قدر تشيله رجوله وجلس وحط أيديه على وجهه ..
أسيل : يله عبدالله
عبدالله يطالع لحمد المنهار ويطالع لها : أسيل شفيه حمد شنو حصل ؟؟
أسيل : ولا شئ خلنا نروح البيت تعبانه وحمد متضايق عشان حالة أمه روابي ..
روابي : هلا
أسيل تلف لحمد : أنتبهي له حمد يمر بموقف صعب كوني قريبه منه ومهما حصل لا يطلع بهذي الحال أرجوك ..
روابي : من عيوني ..
أسيل : جده نوصلك معنا ..
الجده : لا بنتظر شوي روحي يمه ..
عبدالله : يله
رجعو للبيت ورفضت تقول أيش حصل خافت من قطع الأرحام اللي سواه حمد بتهوره وغروره كبير وأبوها ماراح يسامحه على اللي سواه رجعت لذكرياتها واليوم المشؤوم يوم بلغها أبوها عن قرار مازن بكت وبكت بحرقه وألم و بقهر ..
ما تقدر تسوي شئ وتاخذ حقها من اللي سببوا لها الألم بكت لين نامت والوساد تشهد على ليلتها الكئيبه ودموعها ..
@storykaligi
🍃 188 🍂
يوم الجمعه......
طلعت ام حمد ورفضت تشوف حمد ولو للحظات وراحت لبيت امينه لأنها ماتبي البيت اللي يجمعها بحمد صدمتها قويه مهما كان حمد وأسيل عيال عم ماتوصل لهذا الشئ أنه يكون السبب بكلام الناس عن عرضه ونهشهم فيها مناير ماقدرت تخلي أمها لوحدها وراحت معها لبيت عمتها واخذت ملاك لأن ماعندها اللي يراعيها الكل مو فاهم شنو قاعد يصير لا أسيل راضيه تقول ولا حمد راضي يقول ولاأم حمد راضيه تنطق وكيف تقول وأهي عارفه أن تكلمت بتكون نهاية علاقته تجمعه بعمامه لا لا لا فضلت السكوت والصمت ..
أما في بيت الجده طلعت النتايج
نجد 98 - نجود 90 - سلوى 92 - رنا 90 الكل فرح خصوصا لنجد لأن نسبتها تدخلها الطب وهذي أمنيتها التهاني والتبريكات تجي من كل صوب ونجد أتصلت على صاحباتها وعرفت أن
مها 99 أعلى وحده لأنها حابه طب مثل نجد رفيقة عمرها - آمنه 88 - أشواق 91 - فضيله 89
الأباء فرحوا للبنات والشباب ترسوا البيت غاتوهات وكيك وحلى و ورود للبنات الأربع وأشتغلت الأغاني والرقص وعم بيت الجده الفرح ما كان غايب عن هاليوم المهم غير سهام اللي مع زوجها مسافره وحمد اللي حابس نفسه من يوم اللي صار حتى ام حمد حضرت ساعه ورجعت لبيت أمينه بس أسيل حضرت تحس اللي صار قواها مع انها خافت يهدها
تكلمت مع أم حمد وأتفقت معها أنهم يقولن أنها أكتشفت أن حمد متزوج مسياره وصدمها فضلت يبقى الأمر سر بينهم رضت ام حمد اللي ضمت أسيل وبكت فرح على كبر عقل وقلب هذي البنت ..
الحريم جالسات في الصاله التحت والبنات فوق بياخذن راحتهن
بشاير تهمس لأسيل : وين رحتي أنتي وخاله سارا ..
أسيل : جدتي طلبتنا تستفسر عن اللي حصل أمس
بشاير : طيب أيش حصل أنا ماني فاهمه ؟؟
أسيل : هذي خاله سارا عرفت أن حمد متزوج غير غاده وأنصدمت وأرتفع ضغطها ..
بشاير مو مقتنعه : بــــــــس ..
أسيل : أيه يله قومي ودي أكل حلى خلينا ننزل للمطبخ ..
بشاير : طيب
وأهن بالمطبخ طايحات سوالف وأكل ..
: أحم أحم ياولد ..
أسيل : من ؟؟
فراس : أنا فراس ؟؟
ركضت بشاير ودخلت للمخزن التابع للمطبخ ودخل فراس
فراس سلم على أسيل : كيفك الغلا
أسيل : بخير ياخوي ..
فراس يتلفت يمين ويسار : وينها
أسيل : من ؟؟
فراس يبتسم : بشاير ..
أسيل : وليه بشاير بالذات اللي سألت عنها(تمد فنجان له) ..
فراس : لأن دوم أشوفكن مع بعض (وسكت ثواني وأبتسم) ولأني سمعت صوتها قبل أدخل فين أختفت ..
أسيل : هههههه راحت لما سمعت صوتك ..
فراس : خساره صار لي أسبوع ما شفتها ..
أسيل : تحبها يا خوي ؟؟
بعد فتره صمت
فراس يحط الفنجان : أموت فيها ..
بشاير تسمع لهم وأنصدمت في نفسها : بعد كل اللي سوي فيك ولازلت تحبني أيش هالحب يا فراس ..
أسيل حبت تستغل الفرصه ووجودهم بنفس المكان وتقرب بين فراس وبشاير على أساس موفقه بين راسين بالحلال ..
أسيل : لهذي الدرجه ياخوي عاد أسمح لي أنت عرفت وتزوجت بنات أحلى منها ..
بشاير عصبت وكان ودها تطلع وتكفخها : أنا يا أسيلوه يعني شينه هين خليه يروح وطالعه لك ..
فراس : أهي ملكة عرش قلبي و كله أهي أسيل أنا عارف أني شفت بنات بس مثل بشاير لا أنا مو عارف ليه ماترضى فيني مع أني أقدر أجبرها على الزواج مني بس لا أبيها ترضى فيني ..
أسيل : أنت من جد تبي تعرف السبب ؟؟
فراس : ياليت ..
أسيل بلا تردد : أمك السبب ..
@storykaligi
🍂 189 🍃
أسيل : أمك السبب
بشاير حطت يدها على فمها تكتم شهقه وبنفسها : لا يا أسيل لا تقولين ..
فراس : أمي كيف ؟؟
أسيل ترفع صوتها : أتمنى تسامحيني بشاير بس خلاص ..
فراس : علامك ترى محد موجود غيرنا كملي طلبتك ..
أسيل : أسمع أنت أول مره خطبتها متى ؟؟
فراس : قبل وفاة أمها بأسبوع تقريبا ..
أسيل : قبل 3 سنوات في اليوم الثاني أمك راحت لهم البيت كانت أم بشاير وبشاير ولطيفه كانوا يفتكرون أمك جايه تتفق على لوازم الملكه لأن الكل يعرف أن بشاير لك من الصغر بس أمك أستغلت أنشغال لطيفه بجيبة القهوه وقالت لها ولا عبرت مرض القلب اللي فيها ..
أم فراس : سمعيني يا فطيم وحطيني على بالك عدل ..
أم بشاير : علامك يا أم فراس وشنو فطيم عيب ..
أم فراس : أجل يالعرجاء أنا ولدي فراس خريج جامعات الأجنبيه ياخذ بنتك السوريه ..
أم بشاير : بنتي ما يعيبها شئ السوريين أجدادها وأنا بنت سعودي وأهي بعد ..
أم فراس : ليه ناسيه يا خطافة الرجاجيل ..
أم بشاير : شنو بعد ؟؟
أم فراس : أجدادها فراشين عند أبو أحمد ..
أم بشاير : ما يعيبهم والحين أيش تبغين أخلصي وكفايه تجريح ..
أم فراس : بنتك ترفض ولدي لا يمكن أقبل ولدي ياخذ غير سعوديه أصل وفصل ولا ياخذ وحده دمها مخلوط والعياذ بالله ..
أم بشاير بعصبيه : كفايه كفايه أهلي أشرف منك وأنا ما طقيتكم على يدكم وخلي ولدك يرفض دامه هامك الموضوع لهذي الدرجه ..
أم فراس : لا ما طقيتينا على يدنا بس العرق دساس والبنت طالعه على أمها تعرف كيف تسلب العقول وبعدين أنتي عرجاء وأيش راح يكون موقفنا لما عيال ولدي وأول فرحته عرجان مثلك ..
: بــــــــــــــــــــــــــــــــــــس
أم فراس وأم بشاير التفتن للدرج وأم خالد طلعت على الصرخه من المطبخ ..
بشاير بدموع على خدها : حرام عليك ليه ؟؟
أم فراس أرتبكت : شنو علامك يا بنتي علي ؟؟
بشاير تنزل وتوقف قدامها وتبكي : لا تقولين بنتي مثل ما يشرفك نسبنا ما يشرفني تقولين بنتي كيف تقولين كذا ليه الشماته في أمي عشان أرفض ولدك ..
أم بشاير بدت تصيح على حالة بنتها : يمه بشاير أهدي ..
أم خالد مو فاهمه شيء : علامكن تهاني شنو الكلام اللي قلتيه لفاطمه وش قلتي ؟؟
أم فراس بعصبيه : ماقلت شئ ..
بشاير بعصبيه : لا قلتي وقلتي ليه حرام كل هذا التجريح ما يشرفك تاخذيني لولدك عشان دمي مو سعودي صافي مثل ما تبغين لأن أجدادي كانو يشتغلون عند أبوي ما يعيبهم ومن وصلتي جرحتي وأهنتي ليه ..
@storykaligi
🍃 190 🍂
أم خالد بعصبيه : مجنونه أنتي والله قلبي قارصني من دخلت البيت ..
أم فراس : كذابه ما قلت شئ من اللي قالت عنه ..
بشاير بعصبيه وصوت عالي : طلعي من بيتنا و ولدك ما أبيه فاهمه لو كان آخر رجل بالعالم ما يشرفني أخذه ما أبيه ..
طلعت أم فراس وأم بشاير حزنت على بنتها اللي فرحت بخطبتها لفراس زاد ألم قلبها وطاحت عليهم .. وأنقلوها للمستشفى بحاله حرجه ودخلت العنايه يومين وبعد ماصحت وطلبت بشاير وأم خالد ..
أم بشاير بتعب : يالطيفه بطلبك شئ ..
ام خالد بدموع : أمريني ..
أم بشاير : لا تقولين عن اللي صار ما ابي القطيعه بين الأخوان بسبب حرمه هذي وصيتي لك قبل أموت ..
أم خالد تبكي : طلبتك لا تقولين كذا أن شاء الله بتكونين بخير ..
أم بشاير تبتسم بتعب : أوعديني ووصيتي بنتي بشاير ..
أم خالد : أوعدك وبشاير بعيونا ..
أم بشاير(تلف لبنتها اللي واقفه جنب الباب ورجولها مو شايلتها) : يمه بشاير أقربي ..
بشاير ودموعها غرقت خدها تقرب : يعونك يالغلا
أم خالد فضلت تطلع وتخليهن بروحهن…..
أم بشاير : فراس ولد عمك ويحبك لا تسمعين لتهاني ..
بشاير بعصبيه وهي تبكي : أكرها وأكرهه يمه اللي قالته لك مرضك سامحيني انا السبب ..
أم بشاير : لا يا بنتي هو مو السبب هذا ولد عمك حب حياتك و هو اللي راح يبقى لك من بعد عيني ..
بشاير تصيح وتحب يد أمها : لا يمه لا تقولين كذا من بيبقى لي لا تروحين ..
أم بشاير تمسح على شعر بنتها وتبكي : يا يمه الموت حق طلبتك فراس لا تردينه وتهاني لها الله هو اللي بيكون سندك بالدنيا فراس غير عن امه بيحميك من غدر الناس والأيام ..
بشاير بصوت عالي تبكي : لا يمه لا أنا ما أبيه لا تجبريني على شئ يمه انا محتاجه لك ..
أم بشاير تحس روحها تبي تسلم لبارئها رفعت أصبعها : أشهد أن …. لا إله… إلا الله ..وأن محمد رسول ..الله
بشاير تحس الزمن وقف و هي تشوف يد أمها تطيح على السرير بجنبها بدون حركه وبدت تهز امها : يـ ـ ـ ـ ـ ـ يـــــــــ يم يـ ـ ـ ـ مه يمه يمه أصحي الله يخليك ردي علي لا تخليني يمه طلبتك ..
بشاير بعدت عن السرير بصدمه خلاص أيقنت امها ماتت لو كان عندها أمل ترجع خلاص انطفى الأمل وبصرخه رجت أركان المستشفى
يــــــــــــــــــــمـــــــــــــــــــــــــه
لا لا لا لا
حرااااااام يمااااااه لااااا لا لا لا
دخل الأب مع كل العائله وركض محسن لها ولمها لحضنه وأرتفعت أصوات البكاء والصياح لتملئ أركان المستشفى معلنه عن رحيل الأم الحنون والزوجه العفيفه والأبنه الباره
فــــــــاطــــــــــــــــمــــــــــــه ..
أسيل تلف لفراس وتمسح دموعها : وهذا انت عرفت السر ليه ترفضك ..
فراس بحزن : أنا ماكنت عارف ليه ماقالت لي وأعترفت ..
أسيل : وان قالت لك هذي امك بتوقف ضدها وضد رغبتها ..
فراس : أمي على عيني وراسي بس هي ماتعرف حجم حبي لبشاير كنت خطفت بشاير ورحت بها عن عيون البشر هي غلطانه كيف تعاقبني طول 3 سنوات بغلطة أمي أنا حبيتها طول حياتي تزوجت عشان ما أضعف وأجبرها على الزواج فيني أنا بصوت عالي ولا يهموني العالم أحبها وما أبي غيرها
بشاير من خلف الباب وبصوت مبحوح من البكي لذكرى والدتها : وانا أحبك يا فراس
فراس مصدوم ويوقف : .............
#انتهى
مكملين معكم غدا" بإذن الله ..
أنتظرونا ..
@storykaligi