الفصل 41
❤️📝 روايات وقصص مميزة 📝❤️:
🍃 181 🍂
بشاير : أن لها غراميات عشان كذا تركها ...
ألحان : وكيف سمحتي لهن ؟؟
بشاير : لا والله ما سكت لهن وبغيت أوصل الأمر لفصلهن بس تذكرت البيوت اللي مفتوحه من معاشهن وحذرتهن آخر مره ..
حصه : السلام عليكم
بشاير و ألحان : وعليكم السلام ..
ألحان : علامك معصبه كذ
حصه تاخذ ماء وتشرب : رفعن ضغطي اللي مايستحين ..
ألحان : من ؟؟
حصه : عنودوه ونوره ..
بشاير : خير بعد وش سون هذلن ما يتركن أحد بحاله ..
حصه تجلس : يدورن بين السسترات ويقولن أن خطيب أسيل بعد سنه حب لها تركها لانها تعرف واحد من وراه تقضي معه أوقات فراغها العاطفي لين يرجع مازن من السفر بس هو كشفها عشان كذا فسخ الخطبه وهون عنها وقال بنات عمي أضمن ...
ألحان وبشاير : شنو ؟!!!
حصه : والله
ألحان بعصبيه : صدق ذيل ال الأعوج ما ينعدل ..
بشاير : والله اليوم ليكون نهاية شغلهن هنا هن قطعن رهن بنفسهن ..
طلعت ألحان وبشاير وحصه شافت أنه من الأفضل تصف معهن لأن أسيل غاليه عليهن وصلن واهن بقمة العصبيه
بشاير : أنا مو حذرتكن ؟؟
الكل سكت على دخول بشاير وألحان وحصه لغرفة الممرضات ..
العنود : خير بشاير
بشاير تأشر عليها وعلى نوره : أنتي وهي كم مره قلت لكن لا تتكلمن عن أسيل ..
نوره : ما قلنا غير الصدق ..
ألحان : الصدق الصدق اللي ماتعرفه ولا الصدق اللي قالت لكن عنه غاده وطيف ..
العنود أرتبكت : هاه من ذلن مانعرفهن ؟؟
ألحان : لا والله على من تضحكين اذا تسولف عن أسيل الطاهره العفيفه نسيتي أنتي وأهي غرامياتكن سمعن قبل تحذفن بيوت الناس بطوب شوفن بيتكن ..
نوره بعصبيه : تكذبين ولا عشان صاحبتك الغاليه قمتي تألفين عنا قصص ..
بشاير : ياماما الكل يعرف عن سوالفكن بس ساكتين لأن عندنا خوات وبنات ونخاف على سمعتهن ..
العنود : لهنا ووقفي حدكن ..
ألحان : لهنا وأنتن وقفن وقولن للي وازاتكن تشوهن صورة أسيل بعيون الناس ألحان تقول أبعدن عن أسيل لا والله لتطلع كل القديم والجديد ويبي يهد بيوتهن فوق روسهن ..
العنود(بعصبيه) : أنــــ.....
: بس
الكل لف للباب وانصدمو.....
محسن معصب : سستر العنود وسستر نوره تروحن لشؤون الموظفين وتستلمن مستحقاتكن ..
نوره : دكتـ..
محسن حط أصبعه على فمه وبعصبيه : أص ولا كلمه محمد ..
محمد الأمن : أمر طال عمرك ..
محسن : تأكد(أشر على نوره والعنود) من هذلن الثنتين يكونن خلال 10 دقايق برا المستشفى وممنوع دخولهن لهنا ..
العنود بدمع : أسمعنا
محسن : برا ..
محمد : سستر العنود ونوره لو سمحتن بلا شوشره وكلام قدامي ..
كان هذا جزاء نوره والعنود اللي تجرأن على سمعت صديقه لهن أو توقع الكل انهن صديقات لها ..
#مساءالخير
أحلى متابعين
@storykaligi
🍃 182 🍂
في استراحة الشباب مساء.........
هههههههههه
سامي معصب : تضحك
زياد : هههه شكلك حلو وانت معصب ..
سامي : يحق لي أعصب الخايسه مسويه فيني هالحركة ..
زياد : والله ما ضنيت رشا بهذا الخبث تصدق لما صحيت لقيت مكالماتك 33 مكالمه قلبي بقى يوقف قلت أكيد صاير شئ ويوم قلت لي عن رشا قلت انك مو صاحي رحت لرنا وسألتها قالت انها ما ارسلت وقالت انها رشا وسالفة الخطيب وهميه .. ههههه ..
سامي يصر على ضروسه : والله صار لي ازود من 8 ساعات وأنا على أعصابي حتى الشركه ما رحت لها وأخلاقي مقفله على الكل وانا صدقت أنها تنتظر خطيبها تصدق كنت ناوي أطب عليها بالبيت معه وأذبحه ..
زياد : تسويها مجنون ههههه ..
سامي : وأختك خلت فيني عقل بعد المسج آخ لو أصيدها ..
زياد : تذبحها ؟؟
سامي : بسم الله عليها
زياد : يا ولد ياعيني على الحب ..
سامي : أيه أحبها وأحبها وأحبها ..
زياد : ليتها تقدر حبك هذا ..
سامي : طيب سألتها ليه سوت كذا ..
زياد يحك راسه : والله يا ولد عمي تقول بترد لك الصاع صاعين ..
سامي : على قلبي مثل العسل بس طلبتك قل لها مثل هذا الصاع لا لا لا
زياد : ههههههههه لا توك الجاي أعظم ..
سامي : شنو بعد ؟؟
زياد : بصراحه مدري وش في مخها بس ما أظن بتسلم بسهوله ..
سامي أبتسم : زيود
زياد : خير ؟؟
سامي : متى بتروحون بيت عمي ..
زياد : لا لالا تفكر تشوفها لو معها رشاش فرغته بقلبك ..
سامي : ووووول كل هذا حقد ..
زياد : وأكثر وأكثر ياولد عمي ممنوع نطق أسمك بالبيت أساسا ماسحه رقمك من تلفوناتنا ..
سامي(فتح عيونه من الصدمه) : ...........................
زياد ماقدر يمسك نفسه : ههههههههههه ...
سامي عصب وضربه بكتفه : خرعتني ..
زياد : أح يا أخ تحبك والله تحبك وتموت فيك ..
سامي أبتسم والبسمه من الأذن للأذن لو فيه زود ما قصر : أحلف وكيف عرفت ..
زياد : يبان فعيونه شوقه وعذابه ..
سامي : تحبني رشا أخيرا تحبني ..
زياد غمز له : هاه أنت وشطارتك كيف بتخليها ترضى عنك ؟؟
سامي : لعيونها أصعد للصعب لرضاها تجيك الأخبار اللي تفرحك ..
زياد : كفو ياولد عمي يله أطلب لي على حسابك ..
سامي : كفوك الطيب تامر امر حسن ..
حسن : أمر
سامي : شف طلبات زياد على حسابي
زياد : أحم أحم
@storykaligi
🍃 183 🍂
بـــــعــــــد أســـبـــــوعــــيـــــــن
أنتهت الأمتحانات والفرحه مو سايعه نجد ونجود ورنا وسلوى لأنتهاء فترة السجن بالنسبه لهن والسهر والمذاكره نجحت شهد ومناير ووجدان ومشعل وراشد اللي فرحوا لهم أكثر من البنات
لولا أن تعكر جو الفرحه حالة أسيل اللي أنطوت وأتخذت غرفتها ملجئ لها ومهرب من أزمتها وحزنها حاولو يطلعونها من حالتها
بيت أسيل .........................
أنطق باب غرفتها ........ كانت مظلمه و خاليه من أي نور سوا الأبجورة نورها خافت
أسيل : أدخل
عايشه تدخل : مراحب
أسيل تبتسم بحزن : هلا عيوش ..
عايشه : ليه الظلمه بفتح الستاير ممكن ..
أسيل : معليش خلـ......
عايشه ما استنت جواب أسيل و فتحت الستاير : واو كذا خلي نور ربك يدخل ..
أسيل تغمض عيونها تحس الضوء قوي : عيوش عفيه سكريهن ..
عايشه : لا لمتى دافنه نفسك بالظلام أسيل أرمي مازن ورا ظهرك هو الخسران خليه يولي أنسي مازن خلاص من باعك بيعيه أسيل صار لك أسبوعين لا طلعتي و لا رحتي بنات عمامي و خوالي يجون ورافضه تشوفين أحد حتى أخواني حاولو فيك رفضتي يا أسيل خلاص ..
أسيل نزلت دمعه على خده تحرق فؤادها : خلاص شنو كرامتي جرحي عايشه هو حتى ماكلف نفسه يتصل ويشرح لي ليه سوى كذا لهذي الدرجه انا رخيصه عنده والله والله هو يحبني ..
عايشه : وأنتي ؟؟
أسيل بحزن : أنا يمكن لو سألتيني قبل أسبوعين أقول أموت فيه بس الحين أكرهه ..
عايشه فرحت لأجابة أسيل عن سؤالها : أثبتي للكل وين أسيل القويه(قامت تدور بجيوب بجامة أسيل ) ..
أسيل تستغرب : تدورين على أيش ؟؟
عايشه تبتسم : أسيل القويه أختي وين خبيتيها ؟؟
أسيل بدموع تبتسم : أنا أسيل القويه وبثبت لك هههههههههههه ...
عايشه تضمها وتبكي : أسيل أشتقت لضحكتك أحبك ..
أسيل تضمها : وأنا أموت فيك وأكثر من أحمد ..
عايشه تبعد عنها وتبتسم : متأكده ..
أسيل تمسح دموعها : عيوش متأكده يله سولفي لي خلصتي تجهيزات عرسك فستانك كل شئ باقي أسبوع صح ..
عايشه تاخذ منديل وتمسح دموعها : أيه باقي أسبوع أما التجهيزات لا ما خصلت الوضع اللي كنا فيه ما خلى لي نفس أتقضى من دونك فستاني ما جبته ولا تنسين فستانك وفستان التوأم محد كان له نفس لشئ ..
أسيل توقف وتطالع الساعه : الساعه 5 عيوش قومي لبسي أنا وأنتي ونجد ونجود بنروح للسوق وبعدها بنتعشى برى
مشتهيه آكل خروف يله بسرعه لبسوا ..
@storykaligi
🍃 184 🍂
عايشه تضم أسيل : أشتقت لك ولخبالك ربع ساعه أوكيه ..
أسيل : أوكيه ..
أسيل تقرب من المرايه وتطالع لنفسها نحفت كثير وهالات سوداء تحت عيونها من قلت النوم وحزنت على منتظرها وشكلها ولوين وصلت بحالتها والسبب مازن دمعت عينها غمضت عينها قبل تنزل دمعتها وهزت راسها لا ...
أسيل : لا لا لا خلاص زمن الحزن ماراح أبكي على الماضي ولا على علاقه حلوه كانت كانت علاقه أنتهت نهاية خضوعي لقلبي نهايه قلب نبض مره لحب شخص أعتقدته كفو لهذا الحب أنا أسيل أسيل الجديده القوية ..
أنقتح الباب فجأه...........
أسيل تلف وتبتسم : عبودي أنا ..
عبدالله يركض لها وبفرح يضمها : أشتقت لك يالدبه ..
أسيل : ههههههههه دبه حرام عليك شف كأني عصى ..
عبدالله : أسيل لا يهزك شئ يا روح عبدالله كنت بموت ..
أسيل تبوسه بخده : بسم الله عليك .. فديتك بعيد الشر عنك لك وعد برد أسيل وأحسن من قبل ..
عبدالله : طلبتك لا تكررين اللي صار الأسبوعين اللي مرو علينا كأنها دهر ..
أسيل : تامر زمن الحزن أنتهى
عبدالله : عيوش تقول بتروحن السوق صدق ولا بعد تتعشون برا ..
أسيل : أيه
عبدالله : أنا بوديكم وبعشيكم اليوم على حسابي بمناسبة رجوعك لنا والله والله والله أشتقت لك ..
أسيل : خلاص موافقه طيب بلبس وأنزل أوكيه ..
عبدالله : أنتظرك تحت لا تتأخرين ..
مر الأسبوع على أبطالي بخير وتخلله بعض المواقف البيسطه ..
رشا اللي سامي من يوم عرف بحبها وكل يوم يرسل لها باقة ورد وأعتذار رفضت تقبل الورود بالأول ولكن حن قلبها من قرائة كلماته الشاعريه رغم أنها رفضت أن تعترف بذلك كاد الأمل ينطفئ بقلب سامي من أن ترضى عنه ولكن عاد ليضئ من جديد بعد معرفته لتقبلها لهديته المتواضعه ..
اسيل بدت ترد لطبيعتها الأولى رغم بعض اللحظات السارحه لها للماضي لكن أخذت على عاتقها وعد بأن لا تعود للحظات الحزن القديمه الكل وقف لجانبها في أزمتها وقررو بأن يمدو لها يد العون لتخطي هذه المحنه أسيل تكابر رغم تحطم فؤادها من تجربة حب انتهت بألم ..
أوراد وفهد تجدد الحب من جديد في حياتهم فهد عاهدها وعاهد نفسه بان يقف في وجه كل من تسول له نفسه بأن يتجرأ على زوجته قرر بأن يستقل في منزل لوحده عارضت والدته وعاهدته بأن تعزز وتكرم زوجته بشرط أن لا يبتعدو عن ناظريها تهاني تغيرت معاملتها لأوراد بسبب فكرة بأنها ستفقد أبنها البكر ويبتعد عن ناظريها ..
هيام تلك الفتاه الطائشه تغيرت 180 درجه للهادئه الحالمه بعد ظهور فارسها المغوار تجدد الأمل بحياتها بان تحب وتنحب لازال لديها الأمل بلقاء الحبيب المنتظر رغم كتمانها لسر دخوله وسيطرته على حصون قلبها ..
@storykaligi
🍃 185 🍂
وجدان المطعونه بحب نبض من الصغر لم تستطع السيطره على مشاعرها في بعض اللقائات الجامعه لها مع محمد ذلك الحبيب الذي لم يعلم بأن هناك قلب قد ولازال ينبض بحبه ولا يعلم ولا نعلم نحن كذالك قد ينطفئ ويتجدد حب آخر مكانه ..
بشاير وفراس كما يقال عنهم توم وجيري أموت في توم وجيري .. لم تخلو لقائاتهما في منزل الجده من بعض المناوشات التي تزيد من توهج قلب فراس حبا لبشاير وألم وحسرة بشاير من لقاءه ..
هذي أهم الأحداث والبقيه آتيه لا محاله
يوم الزفاف الكل مشغول بنفسه وبعرائسنا بعد العرس بيسافرون معاريسنا لإيطاليا هديه زواجهم من محسن لمدة شهر محسن خصص لكل واحد جناح مستقل له رفض أنهم يسكنو خارج المنزل ..
كان يوم الخميس فرحه للعائله كلها لأن الأفراح لم تدخل لمنزلهم من 5 سنوات عرس فهد وحمد البنات كل وحده تقول عندي وعيون الحريم شوي وتاكل البنات اللي أمهاتهن كل شوي يسمن ويقرن عليهن من عيون الناس زفوا أحمد أول الساعه 11 وبعد نص ساعه طلعوهم ودخلو خالد على الساعه 1 طلعوا المعاريس متجهين لبيت محسن يغيرون وياخذون الشنط و يتجهون للمطار ..
على الساعه 2 بالليل أتجهو المعاريس للمطار في سيارتين فهد وفراس معهم أحمد وعايشه وعبدالله وعابد معهم خالد وترفه ولم يخلو الجو من تهديد ومزح وتوصيه على خواتهم لين صدع راس أحمد وخالد اللي ما صدقو وصلو لقاعة المسافرين عشان يفتكون من الحنه والرنه ..
أحمد : أجلسن هنا بنوصل الشناط ..
خالد يطالع لترفه : أقول لا ياخوي رح أنت أخاف أتركها بروحها ..
ترفه أبتسمت وسكتت ..
أحمد يرفع حاجبه : لا والله مو أنا تارك قلبي هنا قم بس (سحب خالد اللي ما يبي يتحرك ولا فيها) ..
عايشه : تروفه الله يعيننا عليهم ..
ترفه : صدقتي كأنهم يتحدون بالغزل والأحراج ..
عايشه : صراحه أحس بالخوف ..
ترفه : حالي مو أحسن من حالك ..
خالد بعد فتره جاهن : يله خلنا نمشي ..
عايشه : وأحمد
خالد أبتسم : لا تخافين عليه هذاك هو قدام البوابه محد خطفه ..
عايشه في نفسها : الله يلعني غبيه ليه ما مسكت لساني خلني أقوم أحسن بلا أحراجات ..
أحمد أبتسم يوم شاف عايشه : هلا وغلا ....
خالد يغمز له : أقول ياخوي أنت وش مسوي بمرتك ..
أحمد تعجب : خير ؟؟
خالد : أنت غبت 10 دقايق بس واهي تسأل عنك قلي وش السر ..
أحمد أبتسم وطالع لها وأهي أنحرجت ونزلت راسها : الحب أنت وش عرفك بهذي السوالف ..
خالد : أها طيب بتوقفونا طول الليل هنا تطالع لها أخلص قدامي أخاف على قلبي يتعب من الوقفه ..
أحمد : بسم الله عليك قلبك وش فيه ..
خالد يطالع لترفه ويبتسم : وآه من قلبي ..
أحمد فهم عليه : لا والله شكلك انت اللي بتوقفنا طول الليل هنا ..
الشرطي : الأخوان لو سمحتو تحركو عطلتو المسافرين ..
خالد وأحمد : حاضر طال عمرك ..
على الساعه 4 الفجر خلص العرس وبدأ الناس يطلعون أسيل وخواتها ينتظرن عبدالله
نجد : واي تعبت من الرقص ..
أسيل : ما تركدن كل ما طقت الطقاقه طبيتن ..
نجود : فرحانين ما عمرنا صادفنا عرس لأهلنا وشلون لو يكون لأختنا وبنت خالنا بس صدق بفقد عيوش .
أسيل : والله صادقه مو عارفه كيف برد البيت وما أحصلها فيه
نجد : ما تخيلت أن الوداع صعب إلا يوم جربته مع عيوش
أسيل : طيب مسكي شنطتي بدخل الحمام(وانتو بكرامه)
نجد : أستني لما نروح البيت عبدالله قريب ..
أسيل : يوه ما أقدر ثواني بس ..
نجود بعد ماراحت أسيل : بكره النتايج صح ..
نجد : أيه بنجتمع في بيت جدتي عازمتنا كلنا
نجود : وناسه ...
@storykaligi