الفصل 38
❤️📝 روايات وقصص مميزة 📝❤️:
🍂 166 🍃
أوراد بهدوء مصطنع : بكره ورقة طلاقي توصل لي ..
الكل سكت من الصدمه حتى تهاني وبناتها اللي طلعن يشوفن هوشه فهد وحمد الكل عارف بحب أوراد من الصغر لفهد ..
فهد الصدمه شلته لا قدر يتكلم ولا قدر يمنع خروجها مع حمد بشناطها وعيالها قدام عينه تمشي وده يضمها ويقول أسف وده يقول سمعيني وده يقول لا تروحين
الكل لاحظ فهد وعيونه تلاحق أوراد وعياله خافو عليه ..
الأم : فهد يمـ..
فهد طلع من البيت ركب سيارته ولا التفت لأحد
الأم بخوف : فراس تكفه ألحقه ..
فراس بحزن لحال اخوه : يمه خليه بيهدى ويرجع يله خلونا ندخل ..
حمد(يسوق وأحترم هدوء أرواد اللي تبكي من تحت غطاها ) :............
أرواد بصوت مبحوح من البكي : حمد ..
حمد : عيونه
أوراد : انا ما أبي فهد تكفه خله يطلقني أنا تعبت ..
حمد : خلاص اوراد لك اللي تبين بس هذا حنى وصلنا ترى أنا قلت لأمي أمينه ..
أوراد : آه قهرني ..
حمد يوقف السياره نزل صوبها وفتح الباب : تعالي وروده ..
أوراد تنزل مع اخوها وهو ساندها غمز لأمه وروابي وسلوى لحد يكلمها صعدها لغرفتها وساعدتها روابي بنزع عباتها ونامت على سريرها وسلوى أخذت عيالها ولغرفتها عشان ترتاح أما حمد نزل مع امه أمينه للمجلس الداخلي ..
أمينه : حمد علامها أوراد
حمد يفرك أيديه بعصبيه : طقها ولد تهاني ..
أمينه : طقها
حمد : أيه يمه
أمينه : ليه ؟؟
حمد خاف يقول انها أنهانت وانهم تجرؤ على أمها ولما دافعت ضربها : مدري لما تصحى أسأليها تامرين على شئ يمه ..
أمينه : لا يمه سلم على أمك
حمد : يوصل يمه ..
مرت الأيام على البعض بسلام وعلى البعض بتوتر ولا البعض بألم
يــــــــــــــوم الـــــــــــمــــــــــلـــــــــــــكـــــــــــ ــه.......
الكل في بيت خلف وخصوصا في غرفة عروستنا
ترفه تهز رجلها متوتره : ياربي ..
أسيل : هههههه علامك هدي خلي المره تخلص شغلها وبعدين هذا زواج مو ماخذينك على المقصب ..
ترفه بعصبيه : أسيلوه سكتي وربي خايفه ..
بشاير : ههههههه أخوي ماياكل ولا يعض ..
أسيل ترد على جوالها : ألو .... هلا عبود .......العروس بخير لله الحمد ....... أوكيه جايه باي ..
بشاير : وين ؟؟
أسيل : عبود يبيني ثواني وراجعه ..
في المطبخ............
عايشه تشرف على البنات : أيه كذا زينه القهوه ..
روابي : أف عيوش شنو هذا واقفه فوق راسي القهوه والقهوه ليه ماجبتو عاملات وخدمه ..
عايشه : وليه نجيب الحفله عائليه وعلى قدنا وبعدين ماتبيني أعلمك القهوه
روابي : لا ياماما انا دكتوره علميني عن المشرط الجروح أيه ..
أمل : وع أنتي كيف تتحملين الدم والقرف ..
روابي : أموت على كذا إذا جاني المريض وأسعفته ..
نجود : ما أظن أنك بتتزوجين ترجعين البيت وكلك دم وع ..
روابي : والله ياعمري اللي بياخذني يبوس أيده وش وظهر اني قبلت فيه ..
عايشه : يالثقه أنتي لازم ياخذك دكتور احسن يعني متعود على الدم ..
روابي : وع أساسا مكره عندي غير الدكاتره ؟؟
أمل : غريبه منتي دكتوره
روابي : شوفي حبيبتي أنا أحب الطب بس أنا عندي مبدأ هو ينتظرني بس أنا لا
أسيل توها داخله : أيش ينتظرك وأنا لا شلون يعني ؟؟
روابي : أقصد أبي لما أرجع القاه ينتظرني أنا مو أرجع يدقون عليه المستشفى وأجلس بروحي تعرفون الدكاتره الرجال أي وقت يتصلون عليهم يحصلونهم عكس الدكتوره عندنا أي مهنه غير الدكتور ..
نجد : اها حلال عليك حرام على غيرك ؟؟
روابي : أنا أبي الأنسان اللي يقدرني ويحترمني ينتظرني وانتظره المهم يحطني بعيونه لو شنو كان ومن كان والأهم أمي أبيه يعتبرها أمه هذا قمة هرم شروطي أنا دوم العذر عندي زاهب على الخطاطيب لأني ما أحصل من يرفق بأمي دوم همهم أنا ويبان بعيونهم كذبهم عشان كذا أرفضهم ..
أسيل : ياقلبي أنتي الله يبارك ونعم التربية (دق جوالها وصفقت جبينها) يوه نسيته...... ألو طالعه طالعه لا تعصب باي
@storykaligi
🍃 167 🍂
أسيل : ياقلبي أنتي الله يباركك ونعم التربيه(دق جوالها وصفقت جبينها) يووه نسيته...... ألو طالعه طالعه لا تعصب باي
طلعت أسيل لعبدالله اللي خبرها بعد ربع ساعه تنزل ترفه لأنهم بيملك الشيخ ولازم يسمع موافقه ترفه وتوقع على الدفتر وبعدها بيدخلون خالد أسيل وصلت الخبر للعروس ..
أما في الصاله.......
شهد : حشى ولا كأنه عرس اليوم
نجود : وربي مو حاسه انه عرس وبعد بكره أول يوم أمتحانات ..
مناير : حالنا من حالكن انا خايفه من النتيجه واني ما أنجح بكل المواد ..
رنا : ياويلي توني أحس اني غلطت يوم دخلت علمي ..
رشا(مو معهم في نفسها) : ياربي صار له يومين ما يدز ولا يسأل علامه تعودت عليه اسبوعين من أحلى الأيام غيرني وإذا أتصلت مايرد بس لو يطمني عنه ..
هيام تهمس : علامك بس عيونك على الجوال ..
رشا بحزن : له يومين مادز ولا سأل خايفه عليه ..
هيام تبتسم : حبيتيه وانتي ماعرفتيه كيف ؟؟
رشا : مدري دخل قلبي وحتى غيرني وتغيري عشانه بس صدقيني حبي له غيرني للأحسن ..
هيام(في نفسها سرحت بفارسها) : آه يازينك مو قادره أنسى الصدفه او هههه الخطف اللي جمعنا أتمنى أشوفك ويه معذبني ولا أنت حاس بس كيف أوصل لك يله عسى الأيام تجمعنا فديتك وفديت شهامتك يوم تدافع عني .. (لفت لرشا) رش رش خلينا نرقص هذي ملكت ولد عمنا يله أنسيه يارب يكون بخير ..
رشا تبتسم وتوقف : يارب يله برقص معك يمكن انسى مع اني ما أظن ..
دخلو المعرس والعروس كانت قاعده على الكوشه وتحس كل خطوه تقربه تزيد ضربات قلبها خالد مو احسن منها حال يحس قلبه بيطلع من مكانه قرب منها وحبها على جبينها دخل أبوها وأخوانها ودخل محسن معهم باركو لها وطلعو وجلس خالد وباركو له ولا خلت الجلسه من طنازت أسيل وبشاير اللي كل وحده أستلمت واحد منهم خالد وصى بشاير أن بعد 10 دقايق من دخوله تطلع الكل حب يكون لوحده مع عرسه فعلا تركوهم وترفه ما حست من شدت توترها من قرب خالد بأن المكان فضي ..
خالد : مبروك يالغاليه
ترفه رفعت النظر وما حصلت أحد وبحيا : الله يبارك فيك ..
خالد مبهور من حلاتها : ماشاء الله ماكنت عارف أن النقاب مخبي كل هذا ..
ترفه : .................
خالد : ترفه
ترفه : ............
خالد : ردي علي يا بعد قلبي
ترفه بصوت أقرب للهمس : هلا
خالد : ابيك تسامحيني على كل ما سببته لك من جرح وانا كنــ...
ترفه(بحركه عفويه منها حطت يدها على فمه) : أنسى الماضي ياخالد ..
أستوعبت اللي سوته سحبت أيدها بس هو أسرع مسك يدها قبل تردها لحضنها أبتسم وباسها ..
خالد بأبتسامه : أموت باللي يستحون
بشاير دخلت فجأه عليهم وشهقت
@storykaligi
🍂 168 🍃
بشاير دخلت فجأه عليهم وشهقت ..
خالد تخرع وهد يد ترفه بعصبيه لف لبشاير : وجع علامك ؟؟
بشاير : عيب شنو تمسك يدها ؟؟
خالد يتلف حوله كانه يبي شئ : أفقع راسك الحين زوجتي يابهيمه زوجتي ..
ترفه ذابت من سمعت كلمة زوجتي حست بنبض قلبها يزيد حلوه بلسان خالد ..
بشاير تطالع السقف وترد تطالعه : ياربي عارفين أنها زوجتك أيش رايك تنشرها بالجريدة ..
خالد عصب : أحذفك بالنعله أيش تبين شنو موقفك هنا يله طلعي ..
بشاير بخبث : ليه وش تبي تسوي هاه هاه وبعدين قلت عبدالله مو موجود أكون بداله وأحرص على الجو (وبدت تصفر بطريق أستفزازيه) ...
خالد(رص على ضروسه) : حاطك محامي لنـ.. (دق جواله) : ألو..
فراس : علامك معصب يالمعرس طقتك ههههههههههه
خالد : هاهاها سخيف لا هذي بشاير الله مو راضيه تخليني ..
فراس(فديتهااااا) : خلودي أعلمك كيف تصرفها ..
خالد أبتسم : كيف
فراس : سو نفسك تكلم عبدالله وقل لها تطلع لأنه بيدخل (ياحلالاه لو تطلع للحديقه) ..
خالد : طيب طيب عبدالله باي ..
فراس : هههههههه باي
بشاير : عبدالله بيجي
خالد بعصبيه زايده : أيه ذلفي خربتي علي لا يجي ويشوفك هنا ..
بشاير تمد لسانها له : تستاهل باي ..
خالد لف لترفه ورجع مسك يدها وأبتسم : هاه وين كنا ؟؟
ترفه بحيا : خالد مو حلوه يدخل عبدالله ويشوفنا ..
خالد رفع حاجبه : نعم أنتي زوجتي أولا وبعدين صدقتي عبدالله اللي كنت أكلمه لا هذا فراس و هو قال لي عشان ناخذ راحتنا(غمز لها) ..
ترفه : هههههههههههه حرام عليك بشاير صدقت ..
خالد رفع يدها وباسها : أموت عليـ...
بشاير تدخل فجأه وتشهق : أنا أيش قلت لك عن الأدب هاه هاه ..
خالد تخرع لدرجه نقز من مكانه : أنتي كيف أقصد ليه حسبي الله عليك من اخت ..
بشاير تغمز له : ياقوي أنت وولد عمك فراسوه ..
خالد أنصدم : كيف عرفتي أنه فراس ؟؟
بشاير تكتف أيديها : قل له لما يبي يوزك لا يتلصق بالحوش يناظر لبنات الناس فاهم ..
خالد : الحديقه بنات الناس ماخبرت احد غريب
بشاير : هههههه الحبيب يعطيك نصائح وهو يتمشى بالحوش والاحلى معلي الصوت أنا فراس قله ما يغازل كذا مالت عليه ما حوله أحد ..
خالد : والبنات
بشاير : ليه خداماتنا مو بنات ناس ههههه ..
خالد عصب : اشوف فيكي يوم ومن قال لك بذبحه ..
بشاير : بسم الله عليها لا والله الدنيا سايبه ولا سايبه بعد عمري أسيل ..
خالد رفع يدينه للسماء : جعلي أشوف فيها يوم يارب ..
ترفه ما قدرت تمسك نفسها : ههههههه ..
خالد لف لها ورفع حاجبه : لا يكون متفقات أخاف بعد ..
ترفه( كتمت ضحكتها وهزت براسها لا) :...............
بشاير : يوه كسرت خاطري خلاص بروح خذ راحتك ماتهون علي ياخوي ..
خالد أبتسم بفرح : والله أيه هذي أختي السنعه ..
بشاير بخبث تبتسم : لأني أسمع صوت عبدالله جاي باي
خالد بوز مثل الجهال : هالدبه ضيعت علي الكلمتين اللي بقولهن لك ..
ترفه كسر خاطرها : الأيام الجايه أن شاء الل ..ه
خالد(لف يمها وأبتسم وبغى يمسك يدها بس تراجع) : لا ماني ماسكهن كل ما لمستهن دخلت بشاير ..
خالد وترفه طالعو بعض : ههههههههه
عبدالله طق الباب بس شكلهم ما سمعوه ودخل : ياعيني حلو عصافير الحب
ترفه انحرجت ونزلت راسها....
خالد : أف لا حول ولا قوة إلا بالله يا انت يابشاير شهذي الحاله اليوم يارب انا من متصبح بوجهه ..
عبدالله مسند ظهره على الباب : مدري بس قم يالله قم أستحليت القعده قدامي الرجاجيل يبونك ..
خالد يبتسم له : تكفه يا أبو أسيل قل لهم مالقيته ..
عبدالله رفع حاجبه : لا والله أحلف بس أخلص قدامي ..
خالد : طيب (يلف لترفه) أشوفك بكره
عبدالله : هاهاهاي العب غيرها ياحلو أخذت لها أجازه مالك أمل إلا يوم العرس ..
خالد تنرفز : أهب يا وجهك وخر يله باي ..
@storykaligi
🍃 169 🍂
خالد تنرفز : أهب يا وجهك وخر يله باي ...
طلع خالد وعبدالله وترفه ماتت ضحك عليه ودخلن البنات وأستلمنها أسأله وتعليقات ....
عبدالله : علامك مبوز كذا
فراس توه طالع من المجلس : أوه المعرس ..
خالد بوز : أي معرس معرس وطل بوجهي وهو اللي أخته بشاير يعرف العرس ..
فراس فز قلبه لطاريها : خير بعد مو طلعت من عندكم ..
خالد : سمعوا وأحكمو اللي صار أنه.......................... وهذا كل شئ
فراس وعبدالله : هههههه ..
خالد : تضحكون هاه
فراس : شوف أولا أنا ماطلعت للحديقه كنت بالمجلس
خالد منصدم : أحلف طيب كيف ؟؟؟
عبدالله : ههههه الحين فهمت ..
خالد وفراس : شنو ؟؟
عبدالله : قبل أجي بشوي لخالد سألتك من تكلم يافراس صح ..
فراس : صح قلت لك خالد ..
عبدالله : بعدها بدقايق دقت علي أسيل وسألتني إذا أنا بجي عشان الحريم يتغطن قلت لها لا من قال ؟ قالت خالد يقول لبشاير أنك كلمته قلت لا هذا فراس والله ما كنت عارف اللي يخططن له ..
خالد : أخص ما هن هينات الأيام بيننا ..
فراس أبتسم وفي نفسه : انا أغازل يا بشاير .. هيه خليني بس أشوفك ..
عبدالله : يله شباب خلونا ندخل المجلس
*
أول يوم أمتحانات.............
نجد شوي وتصيح : الأمتحان ماكان سهل ..
فضيله : ياربي يانجد اذا الدكتوره نجد تقول مو سهل أجل حنا أيش نقول ؟؟
مها : ذكري الله عليها ..
آمنه : من يدافع الدكتوره مها
مها(خزت آمنه وفضيله) : .....................
أمنه وفضيله خافن : ماشاء الل ..ه
نجود : ..................
أشواق : علامك نجود ..
نجود : أنا أكيد راسبه معناها الطب طار ..
مها : يابنات أذكرن الله نشد حيلنا بالمواد الباقيه ..
نجد : نجود نجود يله السواق وصل ..
نجود تفتح أيديها لأختها الواقفه : هلكانه وربي نجد شيليني ..
نجد : لا والله يالدبه قومي أخلص بوصل البيت وأحط راسي ساعتين وانام وارجع أقوم واراجع ..
نجود : بس بس جدولك عارفته يله ..
نجد ونجود : باي
البنات : بايات ...
*
في بيت الجده............
رنا داخله مع زياد اللي جايبها
الجده : حيالله اللي جو ..
رنا شوي وتصيح : آه الأمتحان صعب ..
زياد : الله يحييك يمه رنو لا تخافين ربك كريم بعدين انتي مو تقولين مذاكره عدل ..
رنا : أيه والله
زياد : خلا....
رشا نازله معصبه من فوق وصراخها : رنو يالزفته ..
رنا بخوف : شنو شنو ؟؟
رشا ماسكه جوال رنا بعصبيه : تلعبون علي أنتي وسامي الزفت ..
رنا طالعت زياد وبلعت ريقها : أنا أنا
رشا بعصبيه : أنا أنا شنو يعني انتي تعطين أخباري له ..
رنا : كيف عرفتي ؟؟
رشا تفتح الرساله بجوال رنا : صباح الخير أختي الصغيره وين انتي ما خبرتيني اليوم رشا أيش تسوي أنا مثل ما قلت لك ماراح ارسل لها ليومين بس مشتاق لسوالفها باي سامي ..
رنا : رشا فهمي ..
رشا تقاطعها بعصبيه : يعني لو دخلت غرفتك وفضولي للرساله اللي وصلت لك كان لحد الحين على سذاجتي وغبائي ليه انا اختك ..
زياد : هدي رشا معليش اللي سويناه عشــ....
@storykaligi
🍂 170 🍃
زياد : هدي رشا معليش اللي سويناه عشــ....
رشا تطالع لاخوها ومصدومه : يعني حتى انت كنت تعرف طابخينها مع بعض ..
الجده : يابنتي سامي ولد ما ينعاب وما سوى كذا إلا انه يحبك ويبيك ..
رشا تأشر على جدتها حتى انتي أول رنا أصدمتني وبعدين زياد وكملت جدتي ..
زياد : قعدي رشا قعدي
رشا تجمعت الدموع : أنا ما أصدق كلكم ليه وانا اسولف لكم وكأني خبله إلا خبله وانتم وسامي ما خذيني على قد عقلي ..
رنا تقرب من أختها : أنا أسفه رشـ..
رشا ركضت لغرفتها وسمعوا الباب ينصفق بقوه رمت نفسها على سريرها ومسكت جوالها وأرسلت لسامي
أكرهك اكرهك ..
أما في الصاله رنا تبكي ..
زياد : رنا قلبي خلاص رشا تزعل شوي وترضى ..
رنا : زعلت مني ليه ياليتني ما وافقت ..
الجده : رنا ياقلب جدتك لما تتزوج اهي وسامي راح تشكرك على اللي سويتيه ..
رنا : انا ما أبيها تشكرني أبيها ترضى عني ..
تركتهم وركضت لغرفتها رنا عمر أمها ما اهتمت فيها رشا حسبت الأم لها ..
الجده تطالع لحفيدتها وبحزن : والله مدري اللي سويناه غلط ولا صح ..
زياد بثقه : صح يمه صح سامي ما ينعاب وهو يقدر يغصبها بحكم ولد عمها بس حب يخليها باللين (رن جواله وابتسم) الطيب عند ذكره ..
الجده : سامي
زياد يهز براسه بنعم : ألو ... هلا بوسلطان... رشا أيه أيه.......هههه..... أيه عرفت من رسالتك اللي ارسلتها لرنا اليوم فضولها..... والله قويه ههههه... عندنا وعنك خير حتى حنى .. هههه .... لا ما أرسلت لنا قالتها بوجيهنا هههههه ......لا ما اظن تقبل تشوفك ياعم خلها ترضى علينا بالأول بعدين نطلب ترضى عنك .......... ههههه لا والله ما أتطنز حاشاك ...... هلا...... لا ما عندي دوام....... على حسابك ..... أوكيه مرني ونطلع مع بعض أنتظرك باي
*
أما في غرفة أسيل ...............
طق الباب...............
أسيل : أدخل يبه
الأب يدخل مبتسم : وش عرفك انه أنا ..
أسيل تبتسم : حفظت طقتك يالغلا حياك ..
الأب يطالع لها وبعد صمت : أسيل
أسيل : عيونها
الأب : تسلم عيونك والله مدري شقول بس انا حاب تسمعيني للنهايه ..
أسيل بخوف من نبرة صوت ابوها : خير حصل شئ ؟؟
الأب : يوم ملكت خالد حضر أبو مازن يبارك لنا
أسيل حست بحيا بذكر أسم مازن وفي نفسها : ياقلبي أكيد كلم ابوه عن الملكه ..
الأب بحزن : وطلب نفسخ الخطبه اللي بينك وبين مازن .. ..
#انتهى
مككلين معكم غدا" بإذن الله انتظرونا
@storyslove