الفصل 37
❤️📝 روايات وقصص مميزة 📝❤️:
🍂 161 🍃
أسيل بتردد : انا ...... اسيل ..
حمد : ههههه ليه ماخذه جوال أمي سارقته أشتقتي تسمعين صوتي ..
أسيل بعصبيه : مالت عليك ..
فراس : من اللي ميته على صوتك ..
أسيل تبلع ريقها وبنفسها : ياويلي أمس بحضنه واليوم أكلمه رحت وطي يارب ما يقول اعرفه حقير ..
حمد يوقف : هذي مناير عن أذنكم (بعد ما أبتعد) خير ؟؟
أسيل(تنفست بعد ماكانت كاتمه نفسها من الخوف) : الخير بوجهك(مع اني أشك) أسمع ياحمد قل لبنت خالتك طيفوه تبعد عني وعن مازن أحسن ..
حمد بخبث : كل هذا عشان ضميتك متصله ؟؟
أسيل عصبت : يا مغرور بسببك وحده مثل هالحقيره تهددني بشئ مالي ذنب فيه ..
حمد : فجرتي أذني شنو ترضين بزوج أصم ..
أسيل زادت عصبيتها : ياعلك لصمم أمين حميدوه يالمغرور أسمعني عدل أيش بقول (بشاير أشرت لأسيل عند الشباك قربت من الشباك شافت حمد واقف) ولا تكثر كلام خلها تبعد عني هذي بنت خالتك وتسمع كلامك ..
حمد : والله أنا ما أشتغل عندك وبعدين طيف مالي دخل فيها شنو قالو لك حارسك الشخصي ..
أسيل : ومن له دخل انت السبب بكل اللي صار ؟؟
حمد : محد قالك طيحي بحضني وانا مالي امر عليها ..
أسيل : بايخ انا لاني غاده ولا هنادي ولا منى بغمزه تطيحني ..
حمد أنصدم : أيش ؟؟؟
أسيل : اللي سمعت والله إذا ما أبعدت بنت خالتك عنــ..
حمد قاطعها بعصبيه : أنتي من وين تعرفين كل هذا ؟؟
أسيل خافت من عصبيته بس ما حبت تبين له : عرفت من اللي عرفت مالك دخل ..
حمد زادت عصبيته : لا لي دخل ..
أسيل تطالع له وبستهزاء : لا يطق لك عرق يترملن حريمك أجلس بالظل الشمس ترفع الضغط ...
حمد يرفع نظره لغرفة البنات شاف الستاره تتعدل بس مالاحظ من ..
حمد : تراقبيني يا اسيلوه ..
أسيل بعصبيه : أسيلوه بعينك انا مو بزر عندك تقول اسيلوه ..
حمد عصب منها وخاطره يدخل ويذبحها : سمعي الظاهر شفتيني عادي اتعامل معك قلتي طيب ونسى لا الظاهر ذيل ال الأعوج ما ينعدل ..
أسيل : أنت فاهم
حمد بعصبيه خلاص وصل حده منها : انا تقولين لي والله لولا حاط لعمي حشيمه لأدخل وأجرك من شعرك بس والله يا أم عيون لأردها لك هين ..
أسيل(بأستهزاء تخفي خوفها منه) : أعلى ما في خيلك أركبه ..
حمد : طيب مازن راح يعرف باللي صار ..
أسيل بخوف : أيش اللي صار أساسا ما صار شئ عشان يعرف فيه ..
حمد : اللي دزته لك طيف البارحة ..
أسيل بصدمه : كنت عارف يعني ..
حمد : طبعا أنا حمد ما يخفى علي شئ والله يا ام عيون أن ما قلتي لي من قال لك لتكون ايامك معدوده مع مازن فاهمه فقولي لي بالطيب احسن وتفادي شري احسن لك ..
أسيل بعصبيه : ماني خايفه منك ولا من بنت خالتك يالمغرور أنا أسيل ونشوف من يصمد لنهايه ..
سكرت الخط قبل تسمع رده وهي بقمة العصبيه والنرفزه قامت تبرطم وتهدد والحال عند حمد مو أحسن من أسيل اللي توعد فيها وصار يكرها أكثر من اول ورغبته بالأنتقام منها كبرت وقرر ينفذ التهديد بس لازم يكون حذر يصير كل شئ وهو بعيد ما يبي احد يعرف انه السبب ما يبي يخسر عمامه ..
في نفس اللحظات ................
هيام بالمطبخ تسوي لها نسكافيه ودخل محمد ولما شافها فز قلبه حبيبة قلبه قدامه حب يستغل فرصة وجودها بروحها ويصرح لها بمكنونات قلبه
محمد : السلام عليكم ..
هيام تعدل لفتها : وعليكم السلام ..
محمد : هيام شلونك ؟؟
هيام : بخير(تشيل كوبها) اعذرني محمد ..
محمد : لحظه هيام حاب أتكلم معك بموضوع
هيام تلف له : خير
محمد : صراحه أنا ........ أحبك وبكلم ابوي اخطبك
هيام(الصدمه سكتتها) : ...............
هيام ومحمد يتكلمون بس مو لوحدهم هناك طرف ثالث يسمع الكلام
وجدان لما سمعت أعتراف محمد لهيام بحبه حطت يدها على فمها تكتم شهقاتها من الصدمه صرخت بصمت
لا لا لا لا لا لا
وقبل تسمع رد أختها ركضت لغرفة البنات وكانت مناير وشهد موجودات دخلت وكانت تبكي
شهد ومناير ركضن لها : وجدااااااااااااااااااان
#مساءالخير
أحلى متابعين
@storykaligi
🍃 162 🍂
وجدان ماقدرت رجولها تشيلها وقعدت بالأرض منهاره : آآآآآآآآآآآآآآآآآآآآآآآآآآآآآآآه ...
شهد : علامك وجدان ؟
وجدان تبكي : راح يا شهد راح ..
مناير خافت : من اللي راح وجدان تكلمي ؟؟
شهد : علامك يالغلا كنتي رايحه تجيبين لك عصير في شئ حصل صح(وجدان هزت راسها بنعم) وجدان قومي على سريرك مناير ساعديني ..
مناير بعد ما جلسوها على سريرها : بجيب لك ماي ثواني ..
شهد تمسح دموع وجدان : خير قلبي أيش حصل شفتي شئ تحت ؟؟
وجدان تصيح وساكته : ........................
مناير داخله : خذي شربي وأهدي ..
وجدان تهز راسها لا : .......................
مناير : وجدان أنتي شفتي محمد تحت مع هيام صح ؟؟
وجدان (تهز راسها لا) : .......................
مناير : وجدان أنتي شفتي محمد تحت مع هيام صح ؟؟
وجدان (سمعت مناير وزاد بكيها ما قدرت توقف دموعها) : ..............................
شهد : مناير أيش عرفك
مناير : شفت محمد توه طالع من المطبخ وهيام كانت فيه ..
شهد تهز كتوف وجدان : بسك صياح قولي أيش حصل أيش ؟؟
وجدان : مـ .....حمد محمد قال لـ. (تشاهق من الصياح) ... لهيام أنه يحبها ويبي يخطبها ..
شهد ومناير شلتهن الصدمه هن يعرفن ان كل نبض بقلب وجدان يقول محمد ..
شهد : وجدان أيش قالت هيام ؟؟
وجدان : ما أعرف ما أنتظرت لين ترد عليه ..
شهد : مو يمكن رفضته ..
مناير : يمكن صح انها ما تحبه ولا تفكر فيه
وجدان وسط صياحها : وكيف افكر فيه أنا الحين وهو يحب أختي حتى لو رفضته خلاص محرم علي آه يامحمد ذبحتني ذبحتني ..
مناير(قلبها تقطع على وجدان ارق انسانه وأنجرحت من الصغر تحبه وانصدمت هو يحب اختها وبدت تصيح معها) ....
شهد(بعصبيه تخفي دموعها اللي رافضه تنزل عشان ما تضعف) : هيه منور بسكتها تزيدين معها .. سكتي (لفت لوجدان) وجدان خلاص الدنيا قسمه ونصيب ..
وجدان تلف لها بعصبيه : أحــــــــــــــبــــــــــــــه أحبه والله
شهد تضمها لها : أهدي ياقلبي اسفه مو قصدي ما يصير يشوفونك كذا ..
شهد ومناير هدن وجدان وبقن معها لين نامت من تعب والبكاء والتفكير ..
وجدان كانت تدعي النوم ومعطيه لشهد ومناير ظهرها ودموعها على خدها وفي نفسها مكسوره
(آه ........ياحبي اللي ضاع .......... هديتني يامحمد......... صرت فراغ ............... وجدان اللي ياما قالت أحبك تحطمت................. كنت شاكه انك ما تحبني بس ما ضنيت أن الحب لهيام............... ليتني أنصميت ولا سمعتك تصارح أختي بحبك ........... في كل ساعه ودقيقه فكرت أن ممكن أنك تحبني أذا حسيت بحبي ألحين مافيه مجال انك تحبني............ حتى هيام لو رفضتك وانت حسيت فيني ............ كيف راح أستحمل وجودكم مع بعض وفي بالي أنحفر حبك لها ........... آه )
تغيرت أمور كثير في ذاك اليوم للكثير..........
أسيل اللي بدت تحاتي حياتها مع مازن وتفكر بتهديد حمد وطيف وتدور حلول للمشكله , حمد اللي زاد كره وغل لأسيل وتفكيره بالتهديد وكيف ينفذه دون أنه يضر بعلاقته بعمامه ويكسر خشم اسيل , طيف اللي من شافت أسيل ما بلعتها زاد كرهها لها وخوف منها باين مو هينه هالأسيل , وجدان اللي تلقت صدمه عمرها بحبها اللي اعترف بحبه لأختها وبسمعها شهدت الخيانه لها , هيام اللي صدمها كلام محمد معقوله يحبها
بعد الغدا الكل رجع لبيته وحياته اليوميه المعتاده
أول يوم بالأسبوع..............
في المستشفى .........في غرفة الممرضات
أسيل بصدمه :الملكه الخميس هذا ..
@storykaligi
🍂 163 🍃
أسيل بصدمه :الملكه الخميس هذا ..
ترفه بحيا : أيه خالد توه قايل لي والعرس مع عرس اخوه أحمد ..
أسيل بخبث : لا والله تتلاقون من ورانا بعلم عبدالله عفيه لقاءات قبل العرس عيب ..
ترفه : جـــــــــب
أسيل : ياربي منكم ما يمديني أفصل للملكه ..
بشاير من وراها : اشتري جاهز يمديك ..
أسيل تلف لها : ما أحب الجواهز يعني الفتحات وغيرها لا لا لا
ترفه : أجل أيش تبين ساتر لحفلة الملكة ..
بشاير : هيه أنتي ترا عمرك 23 سنه بس وكأنك على هالنظاره 50سنة ..
ترفه بعصبيه : ياويلك إذا لبستي هالنظاره في يوم ملكتي فاهمه والعرس لبسي عدسات ..
أسيل نزعت النظاره وحبت تقهرهن : علامها حلوه .. وبعدين الملكه عائليه عادي
: أسيل
أسيل تلف وبصدمه : حـــــــــــــــــمـــــــــــــد
حمد فتح عيونه بنفسه : يا ويلي من هالعيون هذي ثاني مره لا ما أقدر راح تذبحيني بعيونك ..
أسيل انتبهت له ولبست نظارتها : هلا حمد ..
حمد أنتبه لنفسه هلا شلونك بشاير ترفه شخبارك ..
أسيل عصبت من تجاهله وبعصبيه : خير تبي شئ مني ولا بروح ..
حمد بعصبيه : لا بس حبيت أذكرك ..
أسيل ببلاهه مصطنعه : بأيش آه الحين تارك الشركه وجاي لهنا عشان تذكرني ..
ترفه غمزت لبشاير وأنسحبن على شويش وأسيل ولا حست عليهن ..
حمد يصر على ضروسه : أنا حذرتك فاهمه علميني من يخبرك بالأسرار ..
حمد تلفت حوله لما حس المكان هادي ماشاف أحد وأستغل الفرصه ومسكها من معصمها بعصبيه ..
حمد بعصبيه : منو ال ..
أسيل بخوف تتلفت حولها بنفسها : والله اوريكن خليتني مع هالوحش هين والله لأردها لكن ياويلي أي أحد يارب يجي يارب أنا ميته ميته اليوم أكيد ..
حمد زادت عصبيته : منو يا أم عيون ال هاه ..
أسيل تبلع ريقها : هاه مو حمد عورتني هدني ..
حمد يطالع لأسيل اللي صارت قريبه منه وبلمعة خبث بعيونه أبتسم : أسيل ..
أسيل ما فاتت عليها نظرته وخافت منه : حمد ممكن تبعد شكلنا غلط ..
حمد بخبث ولا أختفت أبتسامته : تعرفين أنك حلوه يا بنت عمي (وشد على كلمة بنت عمي) وتعرفين مره قريت بيت شعر يقول
...أنا أحب ثنتين والثالثه بالبال ... والرابعه ممكن مب عيب وشرعا ولي حلال...
يا بنت عمي ( ورد وشدد على كلمة بنت عمي ) ..
أسيل (فهمته وفهمت تلميحه عصبت ودفته عنها وطاح على الكرسي) : تخسي أنا أخذ واحد مثلك مغرور ومزواج وعينه زايغه على الحريم قم أطلع بره لا أستدعي الأمن يطلعونك فاهم ..
حمد حب يقهرها بزياده مثل مهي قاهرته وقبل يطلع دز لها بوسه بالهواء وهو يضحك
هههههههههه
أسيل بعصبيه : تف عليك يالمغرور ..
دخلت ترفه وبشاير وشافتهن أسيل
أسيل بصراخ : ياحمارااااااااات ليه تخلني مع هالمغرور لوحدنا
بشاير : ليه شنو صار
ترفه : ماكان قصدنا بس حبينا نتركم على راحتكم تتكلمون بس ..
أسيل تصر على ضروسها من العصبيه : أيه ما الأخ أستغل الوضع أخذ راحته هددني يا أقول له ولا أكون الزوجه الرابعه ( وإهي تقلد حمد) أنا قريت بيت شعلا يقول أنا أحب ثنتين والثالثه بالبال والرابعه ممكن مب عيب شرعا ولي حلال يااااااااابنت عمي ..
بشاير وترفه : هههه ...
أسيل بعصبيه : جــــــــــــــــب لاتضحكن والله ماراح أكلمكن والله لأرد لكن اللي سويتنه فيني ..
ترفه تكتم الضحكه : سوري أسيل بس شكلك وأنتي تقلدينه يفطس من الضحك
أسيل من كثر ماهي مقهوره من تصرفه وجرأته وكلامه اللي ماعمر أحد عاملها كذا وبدت تصيح ..
بشاير : أسيل ليه تصيحين
أسيل تصيح : أكررره حمد بن فهد أكره المغرور ..
بشاير : تحبين أقول لأبوي يقوله يبعد عنك أو قولي لعمي
أسيل تهز براسها لا :......
ترفه : أسيل ماعليك منه خلاص لا تصيحين بسك
@storykaligi
🍂 164 🍃
ترفه : أسيل ماعليك منه خلاص لا تصيحين بسك ..
أسيل تمسح دموعها وتوقف : أنا باخذ أجازه شهر لين يرد مازن ونتزوج ولا أخلي لحمد مجال يخوفني أو يهددني ..
بشاير بدهشه : شهر يالظالمه ليه كل هذا خوف ..
أسيل : حرص مو خوف أنا ما اخاف إلا من الله بس حذر أن ماكنت بوجهه بينسى السالفه وأن شافني يذكر لا بروح لعمي محسن وبقوله يعطيني شهر ..
ترفه : طيب شنو السبب للأجازه وش تبين تقولين له
أسيل : أقول له مشغوله مع عايشه العروس وما يقول شئ .....
فعلا أتجهت أسيل لمكتب عمها اللي ماعارض الأجازه لأنها تحججت بتجهيز لزواج عايشه وترفه بنت خالتها وكذا بيصير عليها ضغط عروستين ..
*
في بيت عبدالوهاب.......
فهد بعصبيه : هذي مو عيشه
أوراد ببرود : طيب
فهد لف عليها : أوراد أنتي ما كنت كذا أيش غيرك ؟؟
أوراد توقف ومشت من قدامه : عادي ..
فهد(قبل تروح مسك يدها ولفها له لين صارت قدامه ومرر يده على خدها) : وروده ..
أوراد تحاول تتماسك قدامه لا تضعف : ممكن تتركني بروح لولو بأكلها ...
فهد : لولو عندها خدامتها بس أنا من عندي ؟؟
أوراد : عندك الماما رح لها ..
فهد يبتسم : بس أنا ما أبي الماما أبي وروده حبيبتي ..
أوراد عطته ظهرها : أنسى وروده ...
فهد رجع ولفها تقابله وأبتسم : طيب أيش مزعلك من حبيبك لهذي الدرجه ماتلاحظين صار لنا أكثر من أسبوع ماجلسنا ولا سولفنا مع بعض ..
أوراد بسخريه : توك تلاحظ توك صحيت ...
فهد : طيب بأيش غلطت عشان كل هذا الجفا منك ؟؟
أوراد(في نفسها) : لا تضعفين لا تضعفين عارفتك يافهد تقص علي مثل كل مره ..
فهد يقرب منها ويبتسم : هاه ماتبين تقولين لي لفهودي حبيبك ..
أوراد : ...............
: باااااااااااااااااااابااااااااااااااااا
أوراد أبتسمت بنصر : سوري نأجل كلامنا لولو صحت لولو ماما تعالي ..
لولو(بأبتسامه وأهي تخطي بشويش) : ماما
فهد عصب وخبط برجله بالأرض مثل البزران : أف هذا وقتك ؟؟
أوراد كتمت ضحكتها شكله يهبل و هو طفران : يله ماما ننزل ما تبين يم يم ..
فهد كتف أيديه ومد بوزه : وروده طلبتك لا تروحين أبي اتكلم معك حرام عليك يهون عليك حبيبك ..
أوراد تشيل بنتها : مثل ماهنت عليك يا(بسخريه) حبيبي تعالي لولو ..
فهد أنصدم معقوله هذي أوراد اللي تموت بتراب رجليه معقوله هذي حبيبته اللي ماتنام لين يرد وتتطمن عليه والحين يرد ويلقاها نايمه لا وعند عياله مو بغرفتهم معقوله هذي أوراد اللي ماتاكل لين يكون جالس جنبها وتتأكد انه أكل الحين ولا معبرته معقوله ومعقوله ومعقوله لا مو قادر إذا ماطلعت بيصير شئ ما يرضي الكل ..
أما بغرفة هيام جالسه هي ووجدان
وجدان بتردد : هيام
هيام ترفع نظرها عن المجله لوجدان : عيونها ..
وجدان : حابه أسألك عن شئ ممكن ؟؟
هيام : شئ وشيات كم جودي عندي ..
وجدان : السؤال يخص محمد ولد عمي
هيام : خير ؟؟
وجدان : أنا سمعت محمد يعترف لك بحبه يوم كنا بالمزرعه ..
هيام : آآآه وبعد ؟
وجدان : أبي أسألك يوم كنتي اقصد كان أقصد أنتو ؟
هيام : تحبينه !!
وجدان ما حست بتسرع قالت : ايه أقصد لا
هيام : ياقلبي كنت حاسه نظراتك له فضحتك
وجدان(بدت دموعها تنزل لا أراديا) : ..............
هيام قربت لها وضمتها : محمد حسبت اخو بس أنا قلت له ما يعني لي شئ والله ما أكن له غير مشاعر الأخوه ..
وجدان : هيام حطمني حطمني ..
هيام : ماعاش ولا كان من يحطم بنت عبدالوهاب يا عمري محمد ما يستاهلك صدقيني هو يعرف أنك تحبينه بس الرجال والعياذ بالله يبون اللي ترفض وتصد عنهم وهو والكل لاحظ أهتمامك لكن قلبه حجر محمد طول عمره أناني ..
وجدان : أنصحيني قلبي يتألم محتاجه لك والله محتاجه ..
هيام تمسح دموعها بحنان : أنسيه وهالدموع ما يستاهلها الله بيعوضك عن محمد ويجيب لك اللي يسوى محمد ..
وجدان وهيام(سمعن صوت باب شقة اخوهن يصفق بقوه) .........
هيام : تعالي خلينا نشوف وش صاير اليوم ؟؟
وجدان : الله يستر
@storykaligi
🍃 165 🍂 )
وجدان : الله يستر
نزل معصب ولقى أمه في وجهه.......
الام : علامك معصب ؟؟
فهد : ولا شئ ولاشئ ..
الأم بنرفزه : أكيد هذي بنت أمينوه مثل العاده ..
أوراد(كانت بالمطبخ سمعت صوتها خلاص مو متحمله لا وعلى أمها طلعت لهم) : رجاء ياخاله لا تغلطين على أمي ..
الأم بعصبيه : لا والله تبين تعلميني الأدب يابنت أمينه ..
أوراد : لا موقصدي بس أذكرك ..
الأم تلف لولدها بعصبيه : ما تتكلم ولا عاجبك أسلوبها أيه مااشره عليك تربية حرمه مو غريبه العرق دساس ..
فهد بعصبيه : أورادووووه ..
أوراد : فهد أظن مثل ما أنت ما ترضى على أمك الكلام انا بعد ولا عبالكم بسكت عنكم لا خلاص تعبت تعبت ..
فهد(رفع يده وعطاها كف طلع حرة جفاها طول الفتره بخدها) : طراخ ..
وجدان وهيام اللي كانن نازلات على صوت الصراخ شهقن ..
فهد أنصدم كيف فقد أعصابه : أو أو أو رااااد أنا ..
أوراد(حطت يدها على خدها ورفضت نزلة دمعتها وحطت يدها حاجز بينه وبينها تمنعه يقرب) : بس كفايه لهنا وخلاص هذي النهايه أنت قطعت آخر خيط يربطنا ..
فهد بترجي : أوراد طلبتك خلينا نتفاهم ..
أوراد ركضت لدارها وقفلت باب غرفتها عليها وهو يطق الباب يترجها تفتح أخذت الجوال : ألو حمد
حمد : هلا بحبيبة أخوها ..
أوراد(ماقدرت تتماسك أكثر وبكت) : حمد
حمد خاف عليها : أوراد وش فيك لولو عبدالوهاب صار لهم شئ ؟؟
أوراد تبكي : لا حبيبة أخوها اللي أنهانت حمد فهد ضربني قدام امه وخواته حمد أنا تعبانه تعال خذني من هنا ما ببقى معه حمد تكفه تعال ..
حمد عصب : لا كيف يتجرأ أوراد أنا جايك ثواني مسافة الطريق .
أوراد : حمد ما بجلس هنا بروح لبيت أمي تكفه ..
حمد : اللي تبينه يصير ماعاش من يهين أخت حمد ما عاش زهبي نفسك وعيالك أنا جاي أخذك انا قريب 5دقايق وأكون عندك طيب ..
أوراد : طيب ياخوي
فراس كان توه واصل للبيت لما شاف حمد يوقف سيارته ابتسم : هلا بأبو ملاك
حمد : هلا
فراس : علامك ياخوي تكلمني من طرف خشمك ؟؟
حمد متنرفز : أسمح لي معصب شوي(طلع جواله) ألو أنا تحت تعالي (بعصبيه) يخسي يعترض تعالي وماعليك منه ..
فراس : وش السالفه ليه معصب ومن تكلم ؟؟
حمد بعصبيه : أكلم أوراد أخوك المحترم مد يده على أختي ؟؟
فراس متفاجئ : وليه ؟؟
حمد بعصبيه : ما يهمني ليه المهم أنه مد يده لولا انه ولد عمي لأدفنه بارضه ..
فراس : وأنت
حمد لف له : أنا وش تقصد ؟؟
فراس : أظن فاهم أنا بعد لولا أنك ولد عمي .. كنت دافنك بأرضك ولا نسيت يا ولد العم ..
حمد(زادت نرفزته مع أنه عارف أن فراس يقصد أسيل وأنه غلطان) : فراس أنا عارف أني غلطان خلاص لك وعد ما أتعرض لأختك وأنت عارف أني مديت يدي لما أهانتني راضي ..
فراس : مو قصدي بس لها أخوان يردون عليها اﻷن تعال ندخل ونتفاهم ..
حمد : لا أسمحلــ...(ألتفت وشاف فهد وبسرعه قرب منه ومسكه : كيف تتجرأ ؟؟
فهد يحاول يفك نفسه : حمد
فراس عارف حمد إذا عصب مايعرف أمه من أبوه : حمد صل على النبي حمد أهدى ..
حمد يبعد فراس ويصر على ضروسه ويطالع لفهد : أسمعني عدل أوراد تنساها فاهم ما هي بنت خالد اللي تنهان وراس أخوها يشم الهواء والله لا تندم على رفعت ايدك عليها ولولا الحشيمه لعمي كان عرفت شغلي معك ..
فهد : حمد انا مو قصدي صدقني والله اوراد عزيـ...
أوراد اللي توها طالعه : لو عزيزه يافهد ما شفتني أنهان وأنت تتفرج علي لو عزيزه يافهد وقفت بوجه الكل لتحفظ كرامتي لو عزيزه يافهد قلت لأمك وطيف عيب هذي مرتي .. لو عزيزه يافهد كنت مسحت دمعتي بتالي الليل وانا أبكي قهر لو عزيزه يافهد صنت ووفيت بوعودك لو عزيزه كان مارضيت أمك تهين امي لو عزيزه يافهد كان ماعرفت غيري ولا تعتقد اني مابعرف غرامياتك
لو عزيزه يافهد ولو لو لو لو فهد ..
فهد خجلان منها مو قادر يطالع لها : لبيه
أوراد بهدوء مصطنع : بكره ورقة طلاقي توصل لي ..
@storykaligi