الفصل 36
❤️📝 روايات وقصص مميزة 📝❤️:
🍃 156 🍂
أسيل تهز راسها بلا : لا مو خالد بشاير احمد ..
عايشه : أحمد أستحي منه بشاير ممكن ..
أسيل : المهم تصرفي أهي تحبه بس تكابر كرامتها فوق كل شئ ..
عايشه تطلع الجوال : لحين بقول لبشاير ..
أسيل تطالع ساعتها : الناس مقيله الساعه 2 الظهر ..
عايشه تدق : مومهم ......ألو بشوره ..
بشاير منسدحه وتفكر بحال اخوها : هلا بالغلا
عايشه : سمعي اللي بقوله لك عدل وبلغيه احمد ..
بشاير بخبث : ما أوصل رسايل غراميه إلا بثمن ..
عايشه : وجع هذي رساله خاصه لخالد أما أحمد أعرف كيف أوصل له الرسائل بدون مرسول ..
بشاير تتعدل : أكشخ يالخطيره أسمعك تكلمي علامه خالد ..
شهد ووجدان ومناير وسلوى ورنا كانن جالسات عندها سمعن اسم خالد لن فيها
فــــــــــــــجـــــــــــــأه.......
كلوش
بشاير : مشكوره ياوجه السعد يا أم الأخبار الحلوه باي باي ..
مناير : خير بشاير
شهد : أيش كل هذي اللولشه ..
بشاير تاخذ لفتها وتعدلها : ترفه لخالد وخالد لترفه يله باي ...
طلعت بشاير والبنات يتبادلن النظرات ولا فاهمات شئ طلعت والفرحه مو سايعتها دخلت بعد ماطقت الباب الشباب كلهم مجتمعين ..
بشاير أستحت ونزلت راسها : السلام عليكم ..
الكل : وعليكم السلام
بشاير : أسفه دخلت كذا
أحمد : خير بشوره
بشاير منزله راسها ومشت لسرير خالد ووقفت عند راسه : بكلم خالد بموضوع خالد خالد ..
فراس يبتسم وفي نفسه : أموت بالحيا اويه ..
مشعل : لا تتعبين نفسك مايرد على أحد ..
بشاير نزلت له وتهمس بأذنه : خالد أهي تكذب ماتزوجت والله لعبه ترفه للحين تحبك ترفه لك ياخالد ..
خالد وقف على السريرمن الفرح : حلفي حلفي ..
بشاير اللي مسكها خالد من كتوفها : والله ياخالد ..
زياد كان نايم وصحى على صوت خالد : علامه انجن ؟؟
أحمد : أيش حصل بشاير ؟؟
فهد : وش قلتي لهذا الخبل خلاه يناقز كذا ؟
بشاير : أعذروني خالد يقول لكم ..
حمد(كان نايم وهو ما يحب احد يصحيه كذا عصب) : ياثور أهجد علامك ..
خالد ينط السراير لحد ماوصل لحمد ومسك كتوف حمد : حمد يا أبو ملاك أنا بتزوج ..
حمد يطالع له من فوق لتحت : الحمد لله والشكر الظاهر سالفة ترفه جننته ..
خالد يحبه من خده وينسدح جنبه : آه أنا مجنون ترفه انا ..
حمد مسكه من رقبته وبعصبيه : قل ولا بذبحك أيش صار لك انجنيت ..
خالد : زين فكني كح كح
حمد : هديتك أخلص قل ..
خالد يحط يده ورا راسه ويحط رجل على رجل : أبدا ترفه لا هي متزوجه ولا شئ كانت تكذب علي لأنها زعلانه ومافي قلبها غير خالد ..
أحمد فرح لأخوه) : ألف مبروك ياخوي
خالد يوقف ويضم أخوه : الله يبارك فيك ..
فراس : الحمد لله والشكر الحين اللي يشوفكم يقول وافقت يمكن ما توافق ..
خالد أخذ مخدة حمد ورماها بوجه فراس : لا تتفاول قول بأذن الله توافق ..
فراس(عصب وأخذ المخده اللي جت بوجهه ورماها له بس جت بوجه حمد اللي بان عليه العصبيه) : أ أ أ أسف ..
حمد(أخذ المخده ومشى له بعصبيه صوب فراس وقعد يضربه فيها) : يا أحول ..
وبدوا الشباب هوشات بالمخاد نسوا أنهم رجاجيل ورجعوا بزران وعفسوا الغرفه على بعضها كلن يطق الثاني بوجه ياتجي ببطنه شوي بظهره يا تصيب يا تخيب
وفــــــــــــــــجــــــــــــــــــــأه
أتجهت وحده من الوسايد صوب الباب وجت بوجه اللي فتحه
طرااااااااااااااااااااااااااااخ
@storykaligi
🍂 157 🍃
وفــــــــــــــــجــــــــــــــــــــأه
أتجهت وحده من الوسايد صوب الباب وجت بوجه اللي فتحه
طرااااااااااااااااااااااااااااخ ..
محسن عصب : يا حمار منك له ..
عم الصمت المكان والكل نزل راسه للأرض محسن يخوف إذا عصب ..
محسن بعصبيه : بزران شوفوا كيف عفستم الغرفه البزران نعمه عندكم .. (بصوت عالي هز المكان) بسرعه توضو عشان الصلاه وبعدها يا ويلكم إذا ما رتبتو الغرفه فاهمين ؟؟
الشباب : فاهمين
محسن يوقف عند الباب : قدامي وش تنتظرون ؟؟
بعد الصلاه خالد خبر ابوه باللي صار ووعده أبوه بأذن الله البنت له وخالد حن إلا يخطبونها اليوم وعلى ألحاح خالد أستغل أبو أحمد وجود أخوه عبدالوهاب عندهم ويفاتحهم بالموضوع إذا قبلو يتقدم خالد رسمي يوم السبت ..
فاتح عبدالوهاب خلف بالموضوع ورحب بنسبهم اللي يشرف بس لازم ياخذ رأي البنت وأصر عبدالوهاب ياخذه ألحين أستأذن خلف وراح للبنات ..
الخال يطق الباب : يا بنات
عايشه : حياك خالي
الخال : السلام عليكم
البنات : وعليكم السلام
الخال يجلس جنب ترفه : ترفه كيفك أمك قالت لي كنتي تعبانه ..
ترفه تبتسم : أنا بخير لله الحمد ..
الخال : أنا أبيك بموضوع
عايشه : يله بنات خلنا نطلع
الخال يلف لهن : لا جلسن أنتن ورايكن يهمني ..
ترفه : خير يبه
الخال : والله يابنتي في ناس متقدمين لك ..
ترفه بخوف : هاه
الخال : والحين ينتظرون ردك عليهم .
أسيل : أسفه لتدخلي بس ماكأنهم مستعجلين
الخال : مستعجلين أيه بس لأن أبوه حاب يزوجه مع اخوه الكبير في ليله وحده
أمل : وأذا ينتظرون لين تفكر هذا زواج
الخال : عرس اخوه بعد 3 اسابيع يبه
نجد : مع عرس ولد عمي احمد
الخال يطالع لعايشه ويبتسم : زواج عايشه وأحمد ..
ترفه بصدمه : تقصد خالد
الخال تعجب : أيش عرفك أنه أهو ..
أسيل تدخلت لما شافت ارتباك ترفه : مو أنا ياخالي قلت لها ولد عمي حاب يخطبها أخته بشاير وصتني أقول لها عشان ماترتبك لما تسألها ..
الخال : طيب ترفه أيش قلتي يابنتي الناس ما ينعابون وبوفهد قالي انه من فتره كان متزوج وطلق وهذا ما يعيبه ..
ترفه تلتفت للبنات اللي يهزن راسهن لها توافق واللي تأشر لا تضيع الفرصه ..
ترفه الفرحه مو سايعتها .. بأبتسامه : اللي تشوفه يبه ..
الخال حب جبينها : على بركت الله ألف مبروك يابنتي ..
طلع الخال والبنات استلمن ترفه تطنز وتريقه على اللي سوته وتقليدها بالبكي وأنها ماتبيه وبس سمعت انه خطبها وافقت ما صدقت والأبتسامه شاقه الوجه
بعد صلاة المغرب.............
رجعت زهره وبناتها مع أبوهن وعبدالله حب يبات عند اهله وخواته , أسيل وخواتها صعدن وغيرن بعد ماخذن دش وصلن نزلن تحت الكل جلس خارج البيت كالعاده ..
أسيل تسولف مع بشاير ولاهيه عن الكل قطع كلامهن صوت اللي جو الشباب حمد فراس محمد وجراح
الشباب : السلام عليكم
الكل : وعليكم السلام
الجده : حيالله أحفادي
الشباب : الله يحييك ياجده
ملاك شافت أبوها ركضت له وضمته بقوه ..
ملاك : بابا حمد
حمد : عيون بابا حمد
ملاك تبوس ابوها : أحبك
فراس : وانا ما تحبيني ..
@storykaligi
🍃 158 🍂
فراس : وانا ما تحبيني ..
ملاك تبوز : لا
فراس يطالع بشاير على صوب : أيه لنا اللي يحبونا الله كريم ويجمعنا ..
أسيل مسكت يدها وهمست : قعدي يا غبيه كذا يستفزونك كل مره ..
أمينه : أسيل
أسيل تلف لعمتها : هلا عمه ..
أمينه : أنا أول مره أشوفك من غير نظارتك ؟؟
أسيل : انكسرت ياعمه الصبح
حمد(تذكر موقف الصبح أبتسم وسكت) : ..................
زهره : كيف يمه طاحت منك ؟
طيف بخبث : لا يمكن اصدمت بالطوفه وهي نازله من الدرج الصبح ..
أسيل وحمد بنفس اللحظه لفو لطيف معناه شئ واحد طيف شافت اللي صار اليوم كله ..
سهام باستهزاء : على كبر النظاره اللي تقولين دربيل وعميه بعد ههههه
أسيل : .................
طيف : عسى ما تعورتي ؟
أسيل تلف لها : أيش قصدين بتعورت ؟
طيف : بالطيحه
أسيل باستهزاء : لا تطمني طحت على راد للصدمات ..
حمد في نفسه : انا راد للصدمات يا أم عيون ..
طيف : أيه مو كل يوم الوحده تطيح على راد للصدمات(رفعت حاجبها لاسيل):
""صدفه ولمتنا الدروب الطويله""
""في خطوتين أعيوننا صارت أحباب""
""صنعت عمري بين يوم وليله""
""في لفته ساقت لنا سم الأهداب""
أسيل فهمت أيش قصد طيف وحبت تغيضها :: ضافت أسم مازن و قالته بدلع: :
""قلبي معك (مازن) لو كان جسمي مع الناس""
""ما غاب طيفك عن خيالي دقيقه""
""أجلس بوسط الناس سارح بهوجاس""
""لا في يدي حيله و لا فيه طريقه""
""حبك (يا مازن) بوسط القلب مبني على ساس""
""وإن قلت أموت بشوفتك هي الحقيقه""
طيف : هاي ضحكتيني ..
الجده : علامكن أنهبلتن
أسيل بعصبيه : ماهي مو صاحيه اليوم هاه يا بنت حسين أيش عندك؟؟
بشاير : أسيل خلاص سفهيها ناقصه عقل ..
طيف : ما ناقص عقل إلا أنتي و هي ..
هيام : طيوف خلاص قصري الشر ..
طيف تلف لأسيل و تبتسم :
""أبيه و ما أبيه! و لا يغيب بكل حزاتي""
""احبه و أكرهه مدري! أحبه و العن اوقاته""
""ليا من غاب عن عيني افكر فيه و أحاتي""
""و إذا عندي يضايقني كلامه و اكره سكاته""
طيف بخبث لفت على حمد : أيش رايك يا ولد خالتي ؟؟
حمد في نفسه محتار : أيش تقصد يعني أنا معقوله ..
بشاير تهمس لأسيل : علامها ؟؟
أسيل : بعدين
سعاد : ليه حمد ليه ما سألتي فراس ؟؟
طيف : حمد يحب............(أسيل و حمد تخوفو منها)................الشعر
أسيل ابتسمت :
"" مسـكـيـن يا قلبي أنا.... باع الهنا و شـرا العـنـا ""
"" يمشي و يطرق كل باب.... ولا لقا غير العذاب ""
"" فهمتها متأخر كثير.... أنه ركض خلف السراب ""
أمينه : والله لو كنتن بشاعر المليون كان فزتن ..
زهره : أسيل خلاص يمه ..
أسيل بعصبيه : يمه اهي اللي مو قادره تسد فمها الضفدعه ..
الكل غير سهام تهاني : ههههههه
طيف بعصبيه : اذا انا ضفدع فأنتي أم عيون على قولة حمد ..
أسيل عصبت والتفتت لحمد وبهمس) : مغرور ..
طيف تقطع عليها :
* الحب يفضح لا أنكشف داخل العين
* وأنتي بنفسك ماهقيتك بصيره
* طيعي كلامي وأحذري لا تمادين
* تراجعي لا عل في الأمر خيره ...
@storykaligi
🍂 159 🍃
الجده عصبت منهن : حشى طباين أسكتي أنتي وهي ..
أسيل وطيف فضلن السكوت وكل وحده تغلي من الداخل ودها تقطع الثانيه بسنونها والكل يتسائل شنو السالفه الحيره مسكت الكل بس حمد الوحيد اللي فاهم ..
طيف تهمس لهيام : هيام وين جوالك ؟؟
هيام : معي خير ..
طيف : فيه رقم أسيل ؟؟
هيام : أيه ليه تسألين ؟؟
طيف : هاتيه
فتحت طيف كتابة الرسائل وكتبت لأسيل ودزته لها على جوالها أسيل فتحت الرساله وقرتها بانت على ملامحها أنزعاجها من الرساله اللي وصلت لها ...
أسيل بعصبيه لفت لطيف : لا زودتيها سمعي فصلت لي ثوب من العزه ساترني........ وكلن يفصل خلاقينه على ذوقه (رفعت جوالها بعد ما كتبت شئ وهزته بابتسامه) تلقي ياطيف اللي يسر عينك ..
طيف فتحت الرساله وشهقت ووقفت على حيلها : أنتي كيف
أسيل توقف وكتفت ايديها وبأستهزاء : هاي وحده بوحده ومن طق الباب سمع الجواب ..
طيف وأسيل بعصبيه قربن من بعض ناويات على بعض بس فراس وقف بينهن .. وهيام وتهاني يهدن طيف وعايشه وبشاير يهدن أسيل ..
فراس يوقف بين طيف وأسيل : هوب على هونكن منتن صاحيات ..
الجده بأستهزاء : لا كلن تاخذ نعله والا عصى وتضرب الثانيه قدامي أنثبرن و الا بالعصى أجلسن وياويلكن أن دزيت شئ لبعض ..
جلست أسيل وطيف وكل وحده تطالع الثانيه بحده وعصبية ..
حمد يوقف ويبتسم : يله بابا ملاك نروح للرجال صدق الحريم ناقصات عقل ودين وتونا تأكدنا انها حقيقة ..
طيف وأسيل بوقت واحد لفن لحمد يبن يردن عليه بس الجده بالمرصاد
الجده بعصبيه : جــــــــــــــــــــــــب ولا وحده تفتح فمها
حمد : هههههههه
أسيل في نفسها : ضحكت من سرك وهو ينفقع ...
طيف في نفسها : هين ياحمد تضحك كل هذا أسويه لك وتضحك علي ان ما جاني وقت أضحك عليك فيه ..
فراس : خلونا نروح ياشباب للخيمه
عقب زفت الجده لأسيل وطيف ما تكلمن مع بعض وتم الكل طوال الليل سواء عند الشباب او البنات يحلل اللي صار اليوم أيش يقصدن بكلامهن وليه عصبن وش محتوى الرسايل الكل نام بعد تفكير إلا أسيل وطيف كل وحده تفكر بالرساله ..
طيف على سريرها وبنفسها : هذي كيف عرفت عن إبراهيم وروحاتي له شربي للسجاير كيف إذا هيام اللي معي دوم ماتعرف كل أموري كيف هذي اللي ماصار لنا شهر نعرفها تعرف كل هذي المعلومات أنا لازم أعرف أنام وبكره اتصرف يا ويلك يا اسيل مني هين ..
أسيل نفس حالتها الحيره متملكتها : الحقيره كيف ترسل لي هذا الكلام لا وتقول كيف بيكون شعور مازن ان عرف أنك كنتي بأحضان ولد عمك الوصخه الحقيره ياربي شسوي هذا الكلام ممكن يقضي على حياتي مع مازن وهذا حمد كل ما شفته صارت لي مصيبه كله منه ياليتني طحت على الأرض ولا مسكني ومازن قلبه رهيف يمكن يصدق هذا الكلام لا لا لو يحبني ما يصدق الله يلعنك وسياره تدهسك وانتي ماشيه ياطيف يابنت حسين حتى النوم طيرتيه مني يارب افرجها علي ..
تقلبت يسار ويمين لين نامت قرب طلعت الشمس.........
بـــــــــــــــــــــزوغ شــــــــــــمـــــــــــــس جـــــــــــــــديــــــــــــــــده
صحن البنات وقامن يسولفن شوي بعدين نزلن يفطرن وأسيل صحت وماقدرت تنام إلا 3 ساعات اذا كثرت 4 ساعات جلست على السري وحطت راسها بين أيديها مصدعه
@storykaligi
🍃 160 🍂
وحطت راسها بين أيديها مصدعه ..
بشاير جلست جنبها : صباح الخير ...... فيك شئ ؟؟
أسيل : صباح النور راسي يعورني ..
بشاير: أسيل علامك محد فيه مانمتي عدل البارحه بس تتقلبين قولي لي ..
أسيل : من الحيوانه طيف ورسالتها
بشاير : قولي اذا حابه وش مضمون الرساله
أسيل بدمع : يا بشاير تقول انها بتوصل لمازن وتقول له انها شافتني باحضان ولد عمي ..
بشاير بصدمه : شنو الحقيره وليه تقول هذا الكلام ..
أسيل بدت تحكي لبشاير كل شئ و هي تبكي ومقهوره من طيف.......
بشاير : أمسحي دموعك أنا أشوفها ما فيها شئ ولد عمك أسندك لا تطيحين ..
أسيل : انا عارفه بس هي حيوانه أفكارها الوصخه يابشاير بموت إلا مازن إلا مازن انا بديت احبه وما شوف غيره بحياتي ..
بشاير : لازم يتدخل أحد بس منو ؟؟
اسيل : ما أدري بس إذا أحد عرف راح يفهم السالفه غلط ما أبي مشاكل ..
بشاير تبتسم : أنا عرفت شلون ثواني بس غسلي وجهك وراجعه لك بجيب لك كوفي يصحصحك ..
قامت اسيل تغسل وجها ومالها خلق تغير البجامه وتنزل فرجعت جلست على السرير
بشاير تدخل وهي شايله كوفي وجوال بايدها : خذي الكوفي وخذي الجوال بعد ..
أسيل أخذت الكوفي وحطتها على الطاوله وتطالع للجوال : من له الجوال ..
بشاير : خاله ساره
أسيل : أيش أسوي فيه
بشاير : كلمي حمد أنا عارفه ماراح تتصلين عليه من جوالك عشان الرقم وهذا جوال أمه قلت لها بتصل على صاحبتي وبطارية جوالي فضت يله اتصلي ..
أسيل : أتصل على حمد ليه أقولك طيف تقولين حمد ..
بشاير: ياخبله قولي له يبعد بنت خالته عنك ..
أسيل : لا والله خدام اهلي ما شفتيه البارحه فرحان باللي تقوله طيف الحمار عارف أنها تقصده ..
بشاير : هدديه تفضحين زواجه بغاده اذا ما فكك من بنت خالته خصوصا انها تحسب له ألف حساب وحساب ..
أسيل تنزل راسها : مو انتي عارفه ان خاله ساره عرفت وماهمه احد غيرهــ.......(رفعت راسها) أيه صح !!
بشاير : صح شنو ؟؟
أسيل تاخذ الجوال وتدور اسمه : لقيته سمعي ولا تتكلمين ..
بشاير : حاضر
أسيل تتصل : ألو
حمد : هلا (شاف شاشة الجوال هذا رقم أمي بس مو صوتها) : من معي ؟؟
أسيل : حمد
حمد : أيه من ؟؟
أسيل بتردد : انا ...... اسيل ..
#انتهى
مكملين معكم غدا" بإذن الله
انتظرونا ..
@storykaligi