الفصل 35
❤️📝 روايات وقصص مميزة 📝❤️:
🍂 151 🍃
: أسيييييل
أسيل لفت وجسمها يرتعش : أنا……… عبود
عبدالله : هههه علامك ترجفين ..
أسيل : خرعتني مع هالصوت ..
عبدالله يبتسم : صباحو سكر لأحلى وجه ..
أسيل : صباحو قشطه لأحلى عيون ..
عبدالله يقرب عندها ويمسك يدها : متى صحيتي ؟
أسيل : من نص ساعه ……. عبود تبي فطور ..
عبدالله : جوعان يالغاليه
أسيل : يخسى الجوع خلاص أسوي لك فطور ثواني بس ..
عبدالله : لا روحي جيبي عباتك نطلع لجدي تراه ينتظرنا أوكيه ..
أسيل : ثواني أخبر أمي وأطلع
راحت أسيل وأخذت عبايتها وبلغت أمها وطلعت تجري من الدرج وفجأه صدمت طراخ
أختل توازنها كانت تبي تطيح بس مسكها طاحت نظارتها وتكسرت على عتبات الدرج رفعت نظرها له بغت تشهق بس مسكت عمرها حــــــــــــــــمــــــــــــــد كان أطول وأضخم منها مثل أصحاب كمالي الأجسام ..
حمد في نفسه : ياربي عيونك عذاب ..
أسيل بعصبيه دفته عنها أنحرجت وأهي بين أيديه بدون لا تتكلم أخذت النظاره وطلعت تركض قبل توصل لعبدالله حطتها في الشنطه ..
حمد يتأمل قطع الزجاج المتكسر من النظاره ويرجع يطالع الباب اللي طلعت منه أسيل لأول مره تلتقي عيونه بعيونها بدون حاجز بدون نظارتها ..
حمد أبتسم وهو يطالع الزجاج المتكسر في نفسه :ياي أيش كنتي تخبين وراك كل هذا الجمال والهدب لا أله إلا الله (فجأه بدا يهز
راسه بعصبيه) ياهوه أصحى هذي أسيل الد أعدائك بلا عيون بلا خرابيط خلني أخذ لي دش وأغير ملابسي بجناحي ..
أسيل دخلت السياره وأخذت نفس طويل : السلام عليكم ..
عبدالله : وعليكم السلام علامك أحد لا حقك
أسيل : لا خفت أتأخر عليك خلنا نروح(حركو وعيونها صوب البيت وفي نفسها) ياويلي مزيون النظاره كانت تكبر حجم وجهه أول مره أشوفه بذا القرب والأحلى لحيته توها باديه تطلع حلو (ومثل حركة حمد هزت راسها) لا لا لا يا أسيل حمد مغرور أناني وأكره شخص عندك بالوجود ولا بعد 3حريم متزوج وع يخسي أهتم لذي الأشكال ..
عبدالله : علامك أسيل تهزين راسك يعورك شئ
أسيل : لا يالغالي ..
*
عايشه صحت على الساعه 9 ونزلت وهي تتثاوب ما شبعت نوم بعد السهره مع احمد
عايشه : صباح الخير
الكل : صباح النور
زهره : علامك صاحيه متأخر مو عوايدك تونسين شئ
عايشه تحب راسها :راحت علي نومه
سعاد تغمز لها : وأحلى نومه
بشاير : عيوش عفيه جيبي لي حليب من المطبخ قبل تجلسين ..
أم خالد : وليه ما تجيبين لنفسك ولها مو أهي الكبيره ..
بشاير : خاله ماعليه عايشه واقفه وبعدين مو طالبه من غريب مرت أخوي الغالي ..
عايشه : طيب تامرين بس لا تعيدينها
دخلت المطبخ....
عايشه : صباح الخير
الخادمات : صباح الخير
عايشه تغسل كوبين للحليب وتبتسم : طيب يا بشوره كذا تحرجيني مرت اخوي الغالي
: وأحلى مرت أخو
عايشه تلتفت : أحمد
أحمد يبتسم : عيونه
عايشه(ذابت من أبتسامته ونزلت نظرها للأرض وفي نفسها) : وأنا أقول صوت الخادمات سكن ياويلي أيش راح يقولون علي الحين ان شافوه هنا متواعدين يعني ..
أحمد : صباح الخير
عايشة مارفعت راسها : صباح النور
أحمد : عيوش
#مساءالخير
أحلى متابعين
@storykaligi
🍂 152 🍃
أحمد : عيوش
عايشه : هلا
أحمد : تراني هنا مو بالأرض حشا تدورين صرصور ضايع ..
عايشه(مسكت نفسها لا تضحك وأبتسمت ورفعت عيونها له) ......................
أحمد : توك صاحيه ما أفطرتي بعدك ..
عايشه : أيه
أحمد : حتى أنا ما أفطرت
عايشه : غريبه أبوي يصحى بدري ما أفطرت معهم
أحمد : لا ما حبيت افطر معهم أستنيتك لين تصحين
عايشه(تطالعه ما فهمت شئ) : ................
أحمد : ههههه قلت لبشاير إذا صحت عايشه دقي علي وأرسليها للمطبخ بفطر معها ..
عايشه رفعت حاجبها : طابخينها سوى ..
أحمد : أيه بتفطريني ولا لا
عايشه تبتسم : من عيوني ثواني ..
أحمد : تسلم عيونك لي أنا بس ..
قعد أحمد يراقب عايشه وهي بين الثلاجه والطاوله تاخذ صحن وتحرر خبز وتحط لبنه ومربى وتسوي بيض وهكذا لين خلصت وحطت كل شئ قدام أحمد ..
أحمد : جلسي ليه واقفه كلي معي
عايشه : ان شاء الله
جلست تاكل معه ويسولفون ويضحكون وقطع وناستهم دخلت العذال ..
بشاير تبتسم : ما خلصتو يا عصافير الحب ..
أحمد : أيش بغيتي ؟؟
بشاير : لازم تفضي المطبخ البنات يبون يفطرن ..
أحمد : طيب طيب 10 دقايق ..
بشاير : لا أنادي جدتي ..
أحمد يوقف : لا إلا جدتك .. (يلف لعايشه) تامرين على شئ ..
عايشه : أبدا سلامتك
أحمد يغمزلها : باي
عايشه : باي
طلع أحمد وسمع صوت عايشه معصبه وبشاير تضحك
عايشه معصبه : يالخايسه كذا تسوين فيني أنزل له معفسه ليه ..
بشاير : هههههههه ..
عايشه : طيب تضحكين علي والله والله مردوده لك أنتظري ..
الجده(تطالع لعايشه تلحق بشاير اللي ميته ضحك) : علامكن فريتن روسنا ..
عايشه : من بشايروه ..
بشاير بخبث : علامها بشايروه قولي أيش سويت ؟؟
الجده : أيش سوت وأنا أمسكها من أذانيها لك ..
عايشه أستحت تقول لهن بيعلقن عليها : هاه لا خلاص جده ( تلف لأمها) يمه وين أسيل ؟؟
زهره : راحت لجدك مثل ماوعدته أمس ..
عايشه : وليه ماخذوني ألحين جدي يزعل ..
زهره : لا بنلحقهم شوي قلت لأبوك بنروح نتغدى عند ابوي ورضى ..
عايشه تبتسم : طيب بروح أشوف التوأم
عند الجد أسيل في المطبخ تحضر فطور لعبدالله وتذكرت حادثة حمد وكيف صدمت فيه تبسمت أبتسامة خبث
أها ياحميد الحين لك 3 بدال الوحده عساك ماتشبع أنا لازم أقول لألحان تجيب لي معلومات عنهن هههه خطير ياحمد خلني أودي الفطور ..
عبدالله يطالع لأخته اللي جايبه الفطور : والله لو قوزي كان أستوى من زمان ..
أسيل : الله يهداك زين سويت لك فطور بعد وتتطنز ..
عبدالله يطالع الفطور : الحين فكيتي جبن وحطيتي زيتون ولبنه وشويه حمص وبس كل هذا الوقت عشان أربع أصناف ..
الجد : نعمه ياولدي ..
عبدالله(يلف لجده) :الحمد لله بس أرد على كلامها لما قالت سويت ..
أسيل تمسك الصينيه وتقوم : أرده احسن ..
عبدالله بسرعه يمسك الصينيه : جيبي زين ما صدقت يجيني فطور مقبول مقبول ..
أسيل : توك تذم الحين تمدح ..
عبدالله يرفع حاجبه : لقيت غيره وقلت لا
الجد وأسيل : هههههه
أسيل ترد على جوالها شافت الرقم فرحت : ألو......... هلا ترفه قلبي
ترفه : هلا أسيل ياعمري
أسيل : لا عمرك وينك يومين ماتردين علي ..
ترفه : كنت مشغوله
أسيل بتعجب تطالع جوالها وترد تكلمها : ياربي صوتك قريب ماكأنك في جده ..
ترفه تضربها على كتفها : لأني وراك ..
أسيل تلف وتجمعت الدموع في عينها : أشتقت لك يادبه ..
ترفه تضمها : وأنا أكثر ..
عبدالله : أيش رايك بالمفاجئه ؟؟
أسيل تلف له : كنت عارف ولا قلت لي ..
ترفه : أنا قلت له بسوي لك مفاجئه ..
@storykaligi
🍂153 🍃
ترفه : أنا قلت له بسوي لك مفاجئه ..
عبدالله : وخري خليني أسلم أنا بعد ..
ترفه تسلم على أخوها وبعدين على جدها : شخباركم ؟؟
الكل : بخير ..
الخال توه داخل : طيب سلمو علينا ولا ترفه كلت الجو كله ..
عبدالله : أفا يبه أنت الخير والبركه ..
سلمو على الخال و وسميه وعابد وأمل اللي كانت متوتره كيف تسلم على اسيل ..
أسيل(حست فيها وقربت تسلم عليها وهمست لها) : أنسى حنا عيال اليوم ..
أمل : مشكوره ريحتيني
الخال : أمك وين عبود
عبدالله : في مزرعة حمد أنا واسيل جينا بدري وماقلت لهم ترفه هنا ..
الجد يبتسم : ياني كنت مشتهي جمعتكم من زمان الحمد لله ربي حققها لي ..
الخال : أيه والله يبه الله يلعن الشيطان ..
وسميه : أسيل أمك زينه
أسيل : أيه خاله الحين بتصل عليها وأقول لها ..
عبدالله : قولي لها إذا تبيني أجي وأخذها ..
أسيل تطلع جوالها : ألو هلا عيوش
عايشه : هلا
أسيل : علام صوتك
عايشه : من نجد ونجود عين يصحن عجزت معهن
أسيل : عيوش ياقلبي عندي لك مفاجئه
عايشه : خير شنو
أسيل تمد الجوال لترفه
ترفه : عيوش
عايشه بصوت عالي : ترفه أنتي بالرياض ؟؟
ترفه : صميتي أذني أيه جيت البارحه بالليل ..
ترفه تسمع اصوات وهواش
نجد : ترفه
ترفه : من نجد قلبي كيفك
نجد : بخير وأنتي
ترفه : تما.....
نجود تقطع كلامها : ترفه عمري ..
ترفه : نجود قلبي كيفكن أشتقت لكن
نجود : وأحنـ......
عايشه تاخذ الجوال منهن : هلا ترفه أنتي عند جدي صح ..
ترفه : أنا وكل العائله هنا ماتبن تجن مشتاقه لكن ؟؟
عايشه : أوكيه أقول لأمي ونجي باي ..
ترفه : باي
عايشه تلف للتوأم بعصبيه : لا والله لي ساعه أصحيكن يوم سمعتن ترفه صحيتن ..
نجود : ياحلوها أشتقت لها
نجد تلف لعايشه : حقيقه راح نروح لجدي ..
عايشه : أيه يله بسرعه لبسن أنا ببلغ أمي
نجد , نجود : أوكيه
أما تحت عند الحريم ............
بشاير(تشرب شاي عند الحريم ورن جوالها طالعت الرقم وشرقت) : كح ك ك كح كح
الجده : بسم الله عليك فيك شئ
بشاير : لا كح ........... ألو هلا وغــــــــــــــــــــــــــــــــــــــــــلا شفتي غلا كيف قلتها كبرها أشتقت لك
ترفه : هلا وغلا أكثر الأحروف أشتقت لك ..
بشاير : فقدتك ليه تسوين فيني كذا أكثر من 10 أيام ماكلمتك ولا تردين علي ..
ترفه : أعذريني
بشايرتوقف وتطلع من البيت متجهه للمجلس شافت خالد أشرت له يجي جاها لما شاف الجوال بأيدها خاف انه في شئ خطير أشرت له يسكت ..
ترفه : ألو بشاير رحتي وين
بشاير تعمدت تذكر أسمها قدام خالد أبتسمت : معاك ترفه ..
خالد أبتسم ودق قلبه بزود وقرب أذنه من الجوال اللي حاطته على اذنها ..
بشاير : كيف هنت عليك
ترفه : ما قدرت كنت كاتمه كل شئ وأنفجرت وكانت أسيل المسكينه اللي كانت بدربي غلطت عليها ما أستحملت أشوفها وسافرت والباقي انتي عارفته ..
بشاير : لا مو عارفه ؟
ترفه(يطلع من الخيمه وتبتعد عشان تاخذ راحتها) : شنو اللي مو عارفه ..
خالد أخذ الجوال من بشاير حب يسمع اللي تقوله لوحده
ترفه تكمل : مو عارفه أني عشت قصة حب من طرف واحد كل شئ أنتي عشتيه معنا 5 سنوات ما يوم فضحته كتمته ما كنت عارفه أنه بيوم ممكن أتعرض لخدش أو أنزف ألم من ورا هذا الحب ظهور
حسناء في حياته زلزلني هزني كتمت أهاتي وآلامي لملمت قلبي اللي تحطم بس والله ماكنت مستحمله نظراتهم لبعض أنا أشوفه يبتسم لها أو يغمز خالد ماحس بحبي طوال 5سنوات حسناء كشفته بيومين
خالد يأشر لبشاير تقول لها أنه طلقها ويبيك ..
بشاير : بس هو طلقها ويبيك ترفه ..
رجع خالد وأخذ الجوال من بشاير ..
ترفه بحزن : بشاير تعتقدين أني رجعت لهذا السبب لا انا عرفت من 3 أيام أنه طلقها هو حر بعد أنا حره أنا بقول لك أني بتزوج قريب ..
خالد أنصدم : لااااا
@storykaligi
🍂 154 🍃
خالد أنصدم : لاااااا ..
ترفه بدا قلبها يدق وتنفسها تحسه صعب وفي نفسها : هذا صوته هذا خالد كان يسمعني سمع كل اللي قلت ..
خالد : ترفه ردي علي أرجوك أنا أسف سامحيني
ترفه بدت تبكي وفضلت تسكت مو عارفه ليه ماسكرت الجوال يمكن لأنها اشتاقت لصوته أو تبي تسمع كلامه ..
خالد بترجي : لا ياترفه لا تتزوجين أنا أحبك أرجوك لا تهدين كل شئ لحظه وربي أسف لأني أعمى لا تقبلين وتدفنين حبك لي اللي مو وليد هذي اللحظه من 5 سنوات ترفه ردي علي انا أبيك زوجه وحليله لي ترفه ..
(كان يسمع شهقاتها من صياحها) : لا تبكين أرجوك كل دمعه أحسها نار على قلبي ترفه ردي ياعيون خالد ..
ترفه سكرت الخط ماقدرت تسمعه أكثر بدون ولا كلمه تريحه وتطمن باله ..
خالد يطالع الجوال ويطالع لترفه : سكرت ترفه قبلت تاخذ غيري ليه ليه خذي تلفونك ..
بشاير بخوف : خالد فين رايح ؟؟
خالد طلع مفاتيحه بعصبيه : بروح لها مقدر أشوفها لغيري ترفه لي لي ..
لشاير : تعال يامجنون كذا بتفضحها خالد خالد
عند الشباب والشياب .............
فهد : هذا مو خالد يركب سيارته
محسن : وين رايح كذا مستعجل
أحمد : يمكن طالبينه بالمستشفى
سعد : محسن بالعاده يتصلون عليك وبعدين حرك مسرع
محسن : أحمد دق عليه
أحمد طلع جواله ودخلت بشاير
بشاير : أحمد أحمد ألحق خالد تكفه قبل يسبب مصيبه
أحمد بخوف : علامه ؟
محسن : أعوذ بالله مصيبه بشاير أخوك وين رايح ؟
بشاير : لمزرعة الجد عناد
فهد : خير عبدالله أو أسيل فيهم شئ أو الجد علامهم ؟؟
بشاير تهز براسها لا : ترفه هناك ..
محسن مندهش : ترفه رجعت ؟!
بشاير : أحمد خالد راح لترفه أرجوك أن راح لها ممكن يسبب بالموت لها لا تخليه يروح لهم يفضحها ..
محسن : فهمينا أيش حصل وكيف عرف بوجودها ..
بشاير : يبه على ما أقول لك يكون وصل رجعوه وانا أقول لكم ..
أحمد يوقف : أنا برجعه ..
فهد : خذني معك
محسن : رجعوه غصب عنه فاهمين لا تخلونه يدخل لمزرعة الجد
فهد : ان شاء الله
محسن : فهمينا أيش حصل
بشاير حكت لأبوها كل شئ صار مع خالد
في سيارة خالد ................
خالد : مالومك يا ترفه اللي سببت لك كبير وما أظن تغفرين لي آآآآآآه وشكثر كنت غبي ركضت خلف سراب والحقيقه قدامي والله اسف والله احبك لو تسمعين لي بس ...
خالد رن جواله وبعصبيه : ألو ..
أحمد : خالد وقف وين رايح
خالد : ما لك دخل
أحمد : خالد اللي تسويه غلط
خالد بعصبيه زايده : غلط لا اللي أسويه صح وربي يا أحمد احبها ليه وافقت على الزواج تعاقبني أنا معترف بالغلط راضي بأي عقاب بس أنها تتركني لا ما اتحمل أحمد انا أحبها ..
أحمد حزن على اخوه وبترجي : تكفه ياخالد لا تتهور إذا أهلها عرفوا راح يذبحونها وعبدالله بتخسره أرجوك فكر أيش راح يكون موقف عبدالله وقف خالد واصفط سيارتك خلنا نتفاهم ..
خالد سكر التلفون بوجه احمد......
أحمد يلف لفهد : سكر الجوال أيش نسوي الحين
فهد : لا لا شفه بدى يخفف سرعته الحمد لله هذا اهو وقف خلنا ننزل له
نزل خالد وتسند على سيارته ونزل له احمد وفهد ووجه كله انكسار وحزن ..
أحمد : الله يهديك ياخوي
فهد : خالد أرضى بالواقع البنت قالت بتتزوج
خالد بعصبيه : أرضى بالواقع الواقع انها تحبني تحبني كيف تاخذ غيري ..
فهد يطلع جواله : طيب الحين بجيب لك الخبر ..
خالد : الخبر كيف
فهد : بدق على أسيل أتأكد منها
في نفس اللحظات.........
أسيل منصدمه : شنو ..
@storykaligi
🍂 155 🍃
أسيل منصدمه : شنو ..
ترفه بحزن : اللي سمعتيه انا قلت لخالد تزوجت ..
أسيل : ليه تكذبين عليه
ترفه : عشان ينساني ويشوف حياته
أسيل : بس أنتي حياته ياترفه
ترفه : خلاص إذا سألوك قولي صح أنخطبت ؟
أسيل تكتف أيديها : أنا ما اعرف اكذب ؟؟
ترفه : أحلفك بالله ما أبي غير هذي الخدمه ..
أسيل : كيف يصدق
ترفه تطالع لدبله بأيدها : أنا أشتريت هذي الدبله من 3 ايام قبل اجي هنا عشان كل من يشوفها يصدق اني مملكه ..
أسيل : والزواج
ترفه : بشهر9 بعد 4شهور بهذا الوقت هو يتزوج وينساني وأكون تزوجت بعد ..
أسيل تصفق بأستهزاء : برافو فكرتي بكل شئ لا شاطره
ترفه بدت تصيح : أفهميني ما أقدر أسيـ......
قطع كلامها رنة جوال أسيل
أسيل : ألو .........هلا بو عبدالوهاب
فهد : هلا أسيل ......... اسيل أبي أسألك شئ
أسيل : أمر
فهد : ترفه صدق تزوجت ؟؟
أسيل(تطالع ترفه مو عارفه اللي تسويه صح او غلط) : أيه تزوجت
فهد : أكيد
أسيل : أيه حتى الدبله بإيدها وعرسها بشهر 9 الجاي ليه تسأل ..
فهد : خالد مو مصدق ويالله يالله أقنعناه انه ما يروح لها ..
أسيل بخوف : خالد كان جاي لهنا ؟؟
ترفه خافت في نفسها : مجنون يجي والله كانو نحروني ودفنوني هنا ..
فهد : من يوم سمع أنها تزوجت واهو مو قادر يصدق ..
أسيل بترجي : لا فهد قله خلاص ينساها ولا يسأل عنها مانبي مشاكل خالي عصبي ..
فهد : خلاص لا تحاتين والله يهنيها يله مع السلامه ..
اسيل : مع السلامه
فهد يلف لخالد بحزن : خلاص خالد البنت جاها نصيبها ..
خالد حس نفسه تحطم كان عنده امل ان أسيل راح تكذب الخبر بس لا أكدت ..
خالد : الله يهنيها
أحمد : فهد انا بسوق عن خالد يله خلونا نرجع
رجعوا للمزرعه وأستأذن خالد يبي يختلي بنفسه دخل غرفتهم وغطى نفسه ونزلت دمعه غصب عنه دموع الرجل غاليه ودموع خالد حزن وقهر وأنكسار بكى على حبه اللي ضيعه من ايديه بغبائه وكبريائه وغروره الكل تركه لوحده يعطونه مجال ينفرد بنفسه لين يهدا ...
قبل الغدا بساعه أخذ أبوفهد زهره وبناتها لمزرعة الجد يسلمن على الجد والخال وعايلته ..
الجد : حيالله أبو فهد كيفك ياولدي
عبدالوهاب : بخير ياعم كيفك انت
الجد : بخير
عبدالوهاب يلف لخلف : كيفك يابو عابد ؟؟
خلف : بخير دامك بخير
عابد : كيفك ياعم ؟؟
عبدالوهاب : بخير إلا كيفك ومبروك الخطبه الله يهنيك ..
عابد : الله يبارك فيك أنا ياعم بستغل وجودك هنا وحاب اعتذر منك على اللي سويته او قلته بحقك ..
عبدالوهاب يبتسم : مقبول ياولدي اعتذارك وانا والله مازعلت منك لأنك حسبت عيالي ..
خلف : والله يا ابو فهد سامحني على كل اللي بدر مني ووقفتك معنا ما ننساها ..
عبدالوهاب : أفا ياولد العم اللي سويناه واجب ..
عبدالله جايب الغدا : يا حيالله العم بوفهد هذي الساعه المباركه اللي تتغدا معنا ..
الكل تغدا إلا ترفه اللي جلست بالغرفه تصيح حزن انها انهت اللي بينها وبين خالد وهي عارفه انها تحبه وتموت فيه ..
عايشه قامت تغسل أيديها وأهي ماره سمعت أنين وبكاء ترفه إلا على مرت أسيل ..
عايشه : أسيل ليه ترفه تصيح احد قايل لها شئ
أسيل : تعالي بخبرك كل شئ والله يسامحني
جلست أسيل وخبرت عايشه بكل اللي صار ..
عايشه : ليه كذا كذبتي يا اسيل وطعتي هالخبله انا عارفه انها مجروحه منه بس حرام تهدم هذا الحب انا كنت احسدها على حبها لخالد بس لما عرفت احمد مالمتها فيه ..
اسيل : والله موكيفي عيوش كسرت خاطري وانا وعدتها ما اقول له بس انتي ...
عايشه : تقصدين أني أقول لخالد
أسيل تهز راسها بلا : لا مو خالد بشاير احمد ..
@storykaligi