الفصل 34
❤️📝 روايات وقصص مميزة 📝❤️:
🍂 146 🍃
عبدالله : شوفو شوفو أسيل
محمد : والله مو فاهم شئ ليه تصفر ..
حمد : أنا سمعتها تصفر(وفجأه وقف) لا تكون تقصد الوضحه ..
عبدالله : ههههه أيه كذا تناديها ما قدرت تصبر عنها ..
محسن : بس صار لها عنها شهر وأزود راح تتذكر ؟؟
حمد : الخيل الأصيل ما ينسى بس الوضحه بالحظيره بتتعب تصفر هههههه ..
أحمد : لا بالأسطبل الخارجي
حمد مصدوم : شنو ؟؟
عبدالله : خلونا نشوف ..
زياد بصدمه : شف شف الوضحه نطت من فوق الحاجز واو ..
عبدالوهاب بخوف : كأنها هايجه وقفها حمد وقفوها لا توطي أحد من البزران ..
حمد : ياعونة الله أسيل هذي هبله ..
طلعو الشباب وماكان موجود احد من الجهال برى بس فجاه وقفت أسيل عن التصفير ..
الجده : أسيل علامك شوفيها نطت السور من سمعت تصفيرك
زهره : أسيل وقفت صفري لها تجيك
أسيل تطالع لحمد وتتذكر مواقفه معها كل ما شافها حست برعشه تسري في جسدها كانت نظراتها جامده بس صوبه قطع سرحانها ..
بشاير : علامك الخيل تحس بصاحبها أسوله ناديها قبل يمسكونها شوفيها كيف تركض بنفس المكان ..
أسيل طالعت لحمد وبهمس : مو من حقي مو من حقي ..
أم حمد لاحظت نظرات اسيل حبت تطمنها : أسيل صفري لها حمد ما يقول شئ
أسيل : .......................................
تهاني : بلاك هبله شوفي كيف هاجت لو واطيه أحد ..
طيف بأستهزاء : ماعليه باين أنها ملقوفه ومتسرعه مرض والعياذ بالله ..
أسيل(عصبت ولفت عليها وعطتها نظره خوفت طيف وصرخت عليها):جـــــــــــــــــــــــــــــــــــــــب
الكل التفت لها ركضت للبيت قبل تسمع كلمه زياده من سم تهاني وطيف وسهام كانت تتمنى تلمس وتركب الوضحه وتركض فيها
تمنت تمسح على ظهرها وتقول أشتقت لك فقدتك الكل لاحظها وهي تدخل لمحت حزن في عيونها واضحه من رفعت يدها تمسح دموعها
وهي تدخل البيت
حمد أبتعد عن الشباب وأتصل بروابي : ألو
روابي: هلا
حمد : بعدي عن الحريم بسألك شئ ..
روابي بعدت : هلا امر ..
حمد : علامها أسيل وقفت عن التصفير وراحت داخل ؟
روابي بعصبيه : بسبب تهاني وطيف وخاله سهام بعد ..
حمد : ليه أيش حصل
قالت له روابي اللي صار وأستهزاء في طريقته مع اسيل ومقارنتها بالمرحومه أحلام ..
حمد عصب : نذلات ليه كذا حقاره لهذي الدرجه !
روابي: محد قدر عليهن ..
حمد : طيب قولي لها إذا حابه تشوف الوضحه انا سامح لها حتى تركبها بعد ..
روابي بفرح : والله
حمد : والله أسيل بنت عمي والمزرعه مزرعتها
روابي: مشكور يالغالي
حمد : يله باي
روابي : باي
حمد يفكر ليه أهتميت لها انا وش دخلني حقيقه أني متضايق منها بس لما تجي عند اهانة وحده من بنات عمي لا حقيقه بينا هواش وأنا ..
خاطري أذبحها وقريب بسويها لو ماقالت لي بس انا أولى من الغريب أنا اذبحها احسن (وقام يضحك على كلامه) هههههه
الحمد لله والشكر ههههه ..
أسيل اللي أنسدحت على السرير تبكي وقفت بكي لما حست ان أحد دخل......
بشاير : أسيل.........أسيل
أسيل : ......................
بشاير : علامك ردي علي ؟
أسيل بصوت واطي : ماعليه بشوره راسي يعورني بنام ..
بشاير تطالع ساعتها : تو الناس الساعه 7 المغرب ..
روابي تدخل فرحانه : أسوله قومي نشوف الوضحه
أسيل : .......................
روابي تأشر علامها ماترد بشاير أكتفت أنها تهز كتوفها
روابي : أسيل أنا توني مكلمه حمد تدرين أيش قال ؟؟
أسيل تسمعها وودها تسالها بس سوت نفسها مو مهتمه ..
روابي تكمل : قال أنك تقدرين تركبين الوضحه وان المزرعه حسبت مزرعتك وعصب لما عرف عن اللي قالنه طيف وتهاني وسهام ..
بشاير : والله فيه الخير هذا العشم بولد عمي
فجاه رن جوال أسيل نطت بسرعه من السرير للجوال..........
@storykaligi
🍃 147 🍂
فجاه رن جوال أسيل نطت بسرعه من السرير للجوال..........
روابي تخرعت : يماه علامها ذي ؟؟
بشاير تهمس لها : هذي نغمة مازن أعرفها خلينا ننزل ونرد لما تخلص ..
روابي تبتسم : أوكيه ..
أسيل : هلا وغلا
مازن : كيفك ياحبي
أسيل : بخير لما أسمع صوتك
مازن : يوه ياناس تقدمنا وتغيرنا
أسيل بدلع :من عرفتك أكيد يتغير ..
مازن : لا ما اقدر سمعي لما ارجع ما ابي ملكه زواج على طول ..
أسيل أنحرجت من كلامه أسيل ما تنكر بدت تتعود عليه وبدا قلبها يتعلق فيه مو عارفه حب ولا ايش تسميه ..
مازن : فديت اللي يستحون أسيل
أسيل : هلا
مازن : متى عرس عايشه
أسيل : بعد 3 أسابيع ليه
مازن : لأن بعد شهر راجع لأرض الوطن مو شهرين قللت المده ..
أسيل بفرح : أحلف والله .مازن : والله فرحانه أسيل
أسيل : كثير
مازن : لأني برد مبكر كل هذا شوق لي
أسيل : .............
مازن : هههههههههههه بس تكونين عندي لأعلمك الشوق اللي لك بقلبي من سنه ..
أسيل تتهرب حست انه بدى يخورها : أمي تناديني مازن لازم أسكر ..
مازن : يالخاينه فاهمك بس ماعليه اخليك الحين يله باي ..
أسيل : باي
أسيل بعد الموقف اللي صار قررت تصلي وما تنزل حطت راسها ونامت
أما عتد البنات........
سعاد : إلا أسيل وينها
نجود : نامت
سعاد : ياويلي عليها بدون عشاء
نجد : حاولت رفضت
بشاير : ياقلبي أنجرحت وأنحرجت ..
طيف بحده : ويه على شنو الحقيقه ما تجرح وهي تجيب الأحراج لنفسها ..
سعاد : طيف خلاص
بشاير : ما تسكتين أنتي
طيف : أنا أعرف أسكت بنفسي بس أنتي عارفه من يسكتك صح ..
بشاير بعصبيه : طيفوه أسيل صح نامت وسكتت عنك بس أنا بنت محسن أفرك خشتك بالأرض
سعاد : بشوره خلاص
بشاير بعصبيه : ياعمــ...
: أحم أحم
بشاير تنرفزت في نفسها : ياهو أيش جابه ذا ..
سعاد : هلا بالشباب حياكم ..
أحمد حس ببشاير بتقوم مسك يدها همس لها : وين الغلا قعدي
بشاير : أن شاء الله
سعاد : وين الشياب عنكم
فهد : نامو وخليناهم وقلنا نجي نسهر معكن ..
عايشه كانت ميته حيا وخصوصا أحمد اللي جالس قدامها وتحس بنظراته لها ..
نجد تطالع الكل وانتبهت لمشعل وصدت عنه : فهد ..
فهد : هلا
نجد : عبود صاحي
فهد : أيه
نجود : بالمجلس ولا بالخيمه
فهد : بالمجلس
نجد ونجود وقفن وكأنهن يقرن أفكار بعض طالعن بعض وتسابقن للمجلس ..
هيام : علامهن
عايشه(تحس بغصه يطلع الكلام بالغصب قدام احمد) : راحن لعبدالله
فراس : ويتسابقن ليه عاد ؟
عايشه : متعودات وعبدالله غالي ومو حابات يتركنه بروحه ..
أحمد يطالع لها ويبتسم وفي نفسه : فديت صوتها ياناس طيب رفعي النظر صوبي يابنت ..
فراس يطالع حوله : أسيل وين ؟
سعاد : نايمه
زياد : الساعه 10 بدري
روابي : راسها يعورها
عايشه توقف : أسمحو لي
بشاير حست بضغطت أحمد على أيدها وفهمته : وين عيوش ؟؟
عايشه : بشوف عبدالله اذا محتاج شئ ؟
أحمد شافها تبعد وحس الفرصه جته أبتسم ووقف : يله باي
حمد : وين يالحبيب
خالد : أيه والله جتك الفرصه الأم نايمه والأبو نايم والأخو بالمجلس ..
أحمد يبتسم : وأحد يرفس النعمه خلني الحق عليها قبل تدخل المجلس ..
سعاد : أحمد عايشه ماتحب تستحي منك ..
@storykaligi
🍂 148 🍃
بشاير : لا لا لا روح ياخوي دربك خضر ..
أحمد زاد من الأبتسامه : تسلم لي أختي باي ..
مشعل : ودي أكون معهم بشوف شلون ترد عليه ..
زياد : يا أخي زوجته عادي
بشاير : عايشه تستحي من خيالها فكيف بأحمد اللي ماصار لهم وقت ..
حمد يهمس لروابي : علامها أسيل ؟
روابي بخبث : ليه تحاتيها ؟
حمد : جب عادي أسأل .
روابي : يمه علامك عصبي نايمه عادي .
حمد : قلتي لها اللي قلت ..
روابي : أيه ولا أهتمت ولا ردت علي لين دق مازن وفزت مثل المجنونه ترد عليه ..
حمد : مازن ...... إلا مو عارفه متى يرد
روابي : لا لما رديت لها لقيتها نامت ..
فهد يتلفت حوله : إلا وين أوراد
روابي : نامت كانت تعبانه من عيالكم
فهد في نفسه : أف وش هالحاله متزوج ولا كأني متزوج حتى كلام ما تكلمني يا سلام يا مع السلامه .. أشتقت لها (وقف) تصبحون على خير
الكل : وأنت من اهله
فهد وهو راجع شاف أحمد مع عايشه واقفين بنص الطريق ..
فهد حب يقهر أحمد : حمود بقول لعبدالله على اللي اشوفه هنا ..
أحمد عصب : ياهوه واقف مع زوجتي ..
عايشه في نفسها طايره من الفرح : ياحلو كلمة زوجتي من فمك
فهد بخبث : أيه ما قدرت توقف معها في بيتهم ولا إذا غاب القطو العب يافار ..
أحمد : فار بعينك ضف خشتك خلني اعرف أقول كلمتين على بعض ..
فهد : ههههه طيب الله يهنيكم ..
أحمد يلف لعايشه : مايصير لنا10 دقايق عيوش ردي علي ..
عايشه ذابت من كلمت عيوش وبحيا : نعم ..
أحمد أبتسم : الله ينعم عليك أخيرا تكلمتي خلينا نتمشى ..
عايشه : ماعليه عبدالل ..ه
أحمد مسك يدها قبل تكمل : عبدالله وعبدالله يابابا انتي زوجتي وأبي اتمشى معك غصبن عن الكل يله ..
عايشه : أحمد
أحمد : ولا كلمه تعالي بنجلس هناك ونسولف
مشت عايشه معه بدون أعتراض والكل يراقب ويضحك ..
حمد : هههههه قدر عليها منت هين يا أحمد ..
فراس : ياحليله الفال لنا ..
طيف تطالع بشاير : ان شاء الله ياولد أختي ..
بشاير تبي تغيضهم : أيه ياولد عمي جعلي أرقص على عرسك وأنت وهي زافينكم يارب ..
فراس عصب وفي نفسه : ترقصين على عرسي لا والله تبيني آخذ غيرك معصي ..
هيام : ما يصلح بشوره ترقصين في عرسه ..
سعاد اللي مو فاهمه شئ : وليه عاد هذا ولد عمها وترقص بعرسه من فرحتها فيه ..
بشاير(فرحانه في نفسها) : تسلم لي عمتي
فراس زادت عصبيته من غباء عمته في نفسه : ياربي ياسعاد أفهمي أستوعبي أف ..
@storykaligi
🍃 149 🍂
فراس زادت عصبيته من غباء عمته في نفسه : ياربي ياسعاد أفهمي أستوعبي أف ..
رشا(تتثاوب) : تصبحون على خير ..
زياد يغمز لرنا اللي ثواني طلعت جوالها وردته وقفت رشا وأسمعو رنه جوالها بأستلام رساله ماحبت تفتحها لأنها عارفه منين واصله ..
رشا ترفع يدها : باي
زياد يهمس لرنا : تظنين دز لها شنو ؟؟
رنا : زيود صار لنا أسبوع أكيد تصبحين على خير وكم كلمة غزل من توأم روحها
زياد : ههههه جننها صح ..
رنا : يا أخي أيه صارت عصبيه مو لازم نوقف خلاص عاد ..
زياد : مو متغيره صارت ماتطلع كثير وتنتظر رسايله دوم تصحى بدري وتنام بدري تركت رفقت السوء مزون وغيرها ..
رنا : بذي صادق بس لمتى عاد تسوون كذا فيها لو عرفت بتزعل و اولكم انا ..
زياد : الأسبوع الجاي راح نشوفه ونسأله أوكيه ..
رنا : أوكيه
مناير توقف : سلوى رنا بنام تروحن معي ..
حمد : غريبه وين شهد ووجدان عنك اليوم ؟؟
مناير بزعل :نايمات يقولن من فرحتهن بجية المزرعه قامن بدري ..
حمد : طيب نوم العوافي
رنا وسلوى : خذينا معك
دخلو البنات ورجعو الشباب للمجلس ولفت انتباهم صوت ضحك عبدالله وفهد العالي
نجد بعصبيه : ليه
عبدالله : أحسن ليه تسون فينا مقلب ..
فهد : حقيقي ضنيت أنكن تتهاوشن وقمت أفك بينكن ..
نجد تناظر نفسها : وتغرقنا ماي
عبدالله : ههههه قلنا نطفي النار المشتبه فيكن ..
نجود تغمز لنجد : عاد عبود ما يحب الدغدغه وفهودي أيش عنك ..
فهد يحط أيديه حول بطنه : لا عاد لا تقربين ..
نجد ونجود نطت كل وحده تدغدع الثاني ويضحكون ودموع نازله من العين من شدة الضحك فكهم من نجد ونجود صوت تنحنح خالد قبل يدخلون نجد ونجود عدلن لفاتهن ..
فراس متعجب : علامكن قاعدات بالمجلس ولا بمسبح
نجود : هذا عبدالله وفهد غرقونا ماي فغرقناهم دغدغه
نجد : يله تصبحون على خير
عبدالله : نجود كتبي ورقه عند سرير أسيل إذا صحت الصبح بنروح لجدي أوكيه
نجود : أوكيه
طلعن نجد و نجود
نجد : نجود لاحظتي شئ ؟
نجود بخبث : مشعل صح
نجد : يا أختي هذا الولد يعصبني كيف يطالع لي ..
نجود : توك تحسين يعني
نجد : لا من زمان بس كذبت عمري ليه عاد كذا يطالع لي ..
نجود تغمز لها : يا جميل
نجد : نجود بلا ملاقه و سماجه ..
نجود : ليه ما تستلطفينه
نجد بعصبيه : شنو أنتي عارفه ما أحب هذي السوالف ولا عبالك نجود وزياد ..
نجود تحط يدها على قلبها : ويه فديت زياد
نجد : أوص انت شنو تبين تفضحين عمرك ..
نجود : نجد مدري اللي احسه حب ولا أعجاب .
نجد(تمسك يدها) : أمشي خلينا ننام ياجولييت
@storykaligi
🍂 150 🍃
عايشه (توقف) : تصبح على خير ..
أحمد يمسك يدها ويجلسها : جلسي عيوش تراك جالسه مع زوجك مو مع احد غريب عيوش علامك ماترتاحين معي تراك زوجتي من فتره وأنا أطلب عبدالله أشوفك بس هو يرفض حاب آخذ وأعطي معك(يلف الصوب الثاني) ياربي خلاص روحي من جلسنا وأنتي كلمتين على بعض ماقلتي روحي نامي مو غاصبك على القعده تصبحين على خير ..
عايشه بهمس : أحمد
أحمد : ..............
عايشه(في نفسها) : لا يكون زعل يوه طيب أيش أسوي مو متعوده عليه ..
عايشه : أنا مرتاحه معك مو حابه أروح عندك مانع ..
أحمد يلف لها ويبتسم : ياقلبي أنتي ..
عايشه : بس ربع ساعه ما أبي اجلس كثير ولا تزعل مني ..
أحمد : بس ربع ساعه وسولفي اوكيه
عايشه : أوكيه
بقت معه ساعه الوقت مضى بدون ما يحسون حست براحه معه وأختلاف بينه وبين عابد اللي دوم مجافيها حمدت ربها انه عوضها بأحمد زينة شباب العائله وأكتشفت جوانب من شخصيته ولو قليله وهو بعد حس براحه لها وحب خجلها وكلامها اللي تهمس فيه بين فتره وفتره
*
اليوم الثاني بالمزرعه..............
صحت من النوم واخذت دش وصلت بعدها لبست بنطلون أسود وبلوزه طويله لنص الساق وردي لفت لفه سوده ولبست نظارتها ونزلت للمطبخ تاكل لها سندوشه جبن وعصير برتقال طالعة ساعتها الساعه 6
أسيل : محد صاحي اروح للوضحه أشتقت لها ولمستها وركوبها
أسيل تتأمل المزرعه : واو تهبل ماشاء الله ذوق ولد عمي ويه المسافه طويله اذا الوحده حابه تسوي رجيم تجي هنا تتمشى ليه ما قول لصاحباتي الدخله على 5 ريالات للشخص ههههه والله لأحصل ثروه من وراك ياولد عمي ...
أسيل قربت من الأسطبل توها تبي تفتح الباب إلا حست بحركه تخبت ورى أكوام (تبن-قش) تسمع واحد يتكلم بالجوال عرفت صاحب الصوت حمد قررت ما تتحرك ولا تصدر أي صوت مالها خلق مشاكل معه فضلت في مكانها تسمع له ..
حمد : ههههههه أموت على الدلع....... لا هنادي مو كذا طيب ليش الزعل ياقلبي.............. عارف بس صارت مشاكل ماقدرت أجي لجده................ لا مابينكن أختلاف................ ياربي والله مارحت لمنى بالشرقيه...........غاده ساكنه معي بالرياض سهل أجيها............. وان قلت السبت بكون بجده ترضين................ هههههه لا ما أقدر على دلعك ياهنو ..
أسيل كاتمه الضحكه : أخص ياولد عمي انا عبالي وحده صارن ثلاث لا وغير العاشقات شنو كل شهر تغيرهن حلو ودي انط من الفرح واو ...
حمد : أجلس 3 أيام لعيونك........ لا لا لا فراس ماراح اتدخل بحياته............. علامها آلاء خليها تشوف حياتها مو طلقها
أسيل حطت يدها على فمها قبل تطلع شهقتها : طلقها ..
حمد : شرح لها الأسباب ...... كيفه بنت عمه لا ........(بحزم) هنادي لا تتدخلين بينهم........ عفيه حبيبتي أوكيه بروح أنا عشان عمامي باي يا قلبي
لما تأكدت انه دخل المجلس مشت بسرعه للبيت خوفا من انه يطلع ويشوفها أحد
(بس تجري الرياح بما لا تشتهي السفن)
:أسيل
أسيل لفت وجسمها يرتعش : أنا .......
#انتهى
مكملين معكم غدا" بإذن الله
أنتظرونا
الرجاء التصويت ..
في سجل رائيك في روايتنا الحالية ..
فنحن نحب دائما" أن نقدم لكم ماهو اﻷفضل ..
شاكرين تصويتكم ..
@storykaligi