الفصل 25
❤️📝 روايات وقصص مميزة 📝❤️:
🍂 101 🍃
محسن : أخاف يصير فيك شئ ماراح تتحملين ..
نجد تمسح دموعها : لا لا راح أتحمل بس أشوفها
محسن : طيب تعالي لازم تكون الملابس معقمه ..
راحت نجد مع عمها ووصلت روابي وأسيل بهذا الوقت ..
أسيل : نجد وين
عبدالوهاب : دخلت تشوف نجود
أسيل : لا ليه ليه ما منعتوها
راشد : نجد رفضت ولزمت تدخل
روابي : خالي معها لا تحاتين
أسيل(تقرب من الزجاج وتطالع نجد اللي دخلت مع الممرضه وشكلها يحزن) : ماراح تستحمل ما تستحمل هذي عديل الروح لها ..
محسن توه وصل : أسيل كيف أمك ؟
أسيل : بخير جدتي عندها وعايشه
راشد : نجد تكسر خاطري
نجد(تمرر أصبعها بكل خفه وحب على يد نجود وتبكي) : نجود نجود أصحي ياقلبي شنو صار أنتي وعدتيني ماتخليني نجود ..
الممرضه : نجود بغيبوبه من جت
نجد(تحب راسها ويدها وخدها ) : أحبك أنا محتاجه لك نجود نجود أبوس رجلك قولي لي أيش حصل من سوى كذا ياعديل الروح أصحى آه ..
مشعل(اللي مانزل عينه عنها وفي نفسه يبكي حالتها) : الله لا يوفقك يلي سويت فيهن كذا نجد ياقلبي ليتني أقدر أواسيك ..
زياد وخالد : السلام عليكم
الكل : وعليكم السلام
خالد : هذي من ؟
محسن : نجد
زياد : نجد نجد متى جت
أسيل : لها 10 دقايق
خالد : عرفت باللي صار
عبدالوهاب : لا لحد الحين والأفضل ماتعرف غير أنها بغيبوبه ..
نجد(تشبك أيدها بأيد نجود) : نجود أرجوك مو متعوده تسكتين عارفه دوم اقولك اسكتي بس طلبتك تكلمي أعاهدك ما أقول لك أسكتي نجود ردي علي(نزلت تحب يدها وتبكي) : أبوس أيدك أصحي لا تخليني نجود أضيع من دونك أبي أتكلم معك عندي سوالف وأحلام بحققها معك نجود لك سلام من بنات كثير بخبرك عن فضيله بسولف لك ردي حرام ليه ليتني مكانك ولا شفتك كذا آه نجود يا ربي أختي آه
الممرضة قربت منها و وقفتها : حرام عليك قطعتي قلبي ..
نجد : أيش حصل لها أرجوك أبي أعرف أيش صار
أسيل بخوف : قاعده تسأل الممرضه شئ ..
عبدالوهاب : تقصدين عن نجود أحنا صدق ماقلنا لها ما تقول ..
أسيل : عمي طلعها طلعها قبل تعرف ماراح تتحمل
محسن : زياد خالد بسرعه طلعوها
وفــــــــــجـــــأه...
لاااا نجوود لا لا لاااااااا حرااام ماأصدق ليه آآآة يانجود نجود لاااا
#مساءالخير
أحلى متابعين
@storykaligi
🍃 102 🍂
وفــــــــــجـــــأه...
لااا نجوود لا لا لاااااااا لااااا حرااام ما أصدق ليه آآآآة يا نجود نجود لااا ..
أسيل تصيح : نجد لا يارب أستر طلعوها .. طلعوها لا نجد ..
نجد من الصدمه أغمى عليها ماتحملت ان أختها كانت بتفقد شرفها وأنها بغيبوبه من ضربه تعرضت لها بالراس وأكبر إحتمال ماتصحى من غيبوبتها الممرضة مسكتها قبل تطيح دخل خالد شال نجد وطلعها من الغرفه للطوارئ أما زياد اللي هزأ الممرضه شر تهزئ ..
الممرضة بخوف : أنا أيش سويت .
محسن بعصبية : ماكان مسموح لك تقولين عن الحاله أحنا أهلها ماقلنا لها كيف ..
زياد عصب : أن صار لها شئ راح أحملك المسؤوليه فاهمه ..
محسن : خلاص زياد خلنا نروح نشوف أيش صار لها ..
عبدالوهاب يهدي أسيل : أسيل أهدي بابا أهدي ياقلبي ..
أسيل تبكي : يبه مو قادره أستحمل ماعندي حتى الطاقه أروح أشوفها ..
عبدالله(اللي جاهم يركض من عرف عن نجد واللي صار) : أسيل
أسيل : عبدالله نجود
عبدالله(يقعد على ركبه ونص قدامها ومسح دمعتها) : نجد بخير عطوها مهدئ نامت لا تخافين ..
أسيل حطت أيديها على وجها تبكي : ليه يحصل لنا كذا ليه كل هذا ..
عبدالوهاب : تعوذي من الشيطان
عبدالله يوقف ومسك يدها : تعالي نروح لامي لا تجلسين هنا ..
اليوم هو اليوم المأساوي الذي مر على العائله كلها واقع الخبر قوي على الكل عبدالله وخواته رفض الأب يرجعون للشقه خاف عليهم و هم بادروه برفضهم يروحون معه لبيته بسبب تهاني ورفضوا اقتراحه لبيت أمه بسبب سهام وتدخلت العمه أمينه لما شافت الكل عنيد وطلبت يباتون ببيتها رضى الكل على أقتراحها باتت عايشه مع أمها بالمستشفى اللي بقت تحت الملاحظه ونجد طلعت مع اسيل وعبدالله ..
أمينه : هلا حياكم الله
@storykaligi
🍂 103 🍃
الكل : الله يحييك
عبدالله : طيب أسمحولي وأذا أحتجتن شئ أتصلن علي
أسيل وقفت معه : عبود وين ؟؟
عبدالله بهمس لها : ما أقدر أبات هنا بروح بيت أبوي ولا أشوف واحد من الربع ..
أمينه سمعته : والله منت رايح وخواتك لمن تخليهن يمه عبدالله والله انك مثل ولدي هذا بيتك وأنت واحد منا
عبدالله : مشكوره ياعمه بس أنا
أسيل بترجي : عبدالله خلك معنا تكفه لا تبعد محتاجه لك .
أمينه : يمه راح نجهز لك المجلس الثاني تنام فيه وأنتي يانجد راح تنامين مع اسيل بغرفة بنتي أوراد
نجد :..........
أسيل : تسلمين ياعمه
سلوى تطق الباب : يمه يمه
أمينه : أسمحولي
نجد اللي مهي بصوبهم تمسح دموعها اللي مو قادره توقفهن عن الأنسكاب دامعتا رافضتا لحقيقه ماعانته وتعانيه توأمة روحها
نجد(بهمس) : ماراح تصحى ماراح تصحى ماراح تصحى
أسيل : نجد أهدي ياقلبي
عبدالله(يمسك يدها) : لا نجد لا تقولين كذا
نجد(ترفع نظرها له وعيونها مليئه بدمعها) : أهي قالت ماراح تصحى من الغيبوبه
أسيل : لا نجد لا تقولين كذا أهي ماتعلم الغيب
دخلت العمه معها عشاء لهم نجد رفضت تاكل بس أغصبو عليها وأكلت شوي عبدالله وأسيل شافو أن حالة نجد ماتسمح أنها تداوم للمدرسه وقررو ياخذون لها اجازه كم يوم لين تتحسن حالتها النفسيه
**********************
اليوم الثاني من الحادث.........
نجد وعبدالله وأسيل كانوا من الصبح عند أمهم بغرفتها الكل قام يدعي لنجود تقوم بالسلامه
أسيل تحاول تبان قويه وكاتمه دمعتها وتداريها لخاطر أمها) : أسمحولي يمه أنا عندي شغل وراجعه لك
عبدالله : وأنا بروح للدوام بعد ماأطلع بمر وآخذكم
الأم : حافظكم الله
أسيل(طلعت وأتجهت للحمامات وأنتو بكرامه تبكي) : آآآآآه يانجود انا السبب أنا
ترفه(دخلت عليها ) : أسيل
أسيل(ضمت ترفه ) : ترفه آآآآآآه
ترفه(حطت يدها من ورا ظهر أسيل) : خلينا نطلع البكي مو زين هنا تعالي معي
طلعن لغرفة الممرضات وطلبت ترفه عصير يهدي أعصاب أسيل
ترفه : أهدي ياقلبي أهدي ..
@storykaligi
🍂 104 🍃
ترفه : أهدي ياقلبي أهدي ..
أسيل(ودموعها مو راضيه توقف كأنها ما صدقت أفرج عنها لأجل أنها تنسكب) : تعبت تعبت أحس بالذنب لو ماطلعنا من عندكم كان ماصار لنجود كل هذا أنا السبب أنا ....
ترفه : لا أسيل لا تقولين كذا ..
أسيل : هذي الحقيقه كان محد قدر يقرب أو فكر يتعرض لها ..
ترفه(أخذت العصير من الفراشه) : طيب اشربي عشان تهدين شوي ..
أسيل : ماراح أهدى لين أعرف من سوى كذا وأنتقم منه ..
ترفه : إن شاء الله بس اشربي العصير أرجوكي ..
أسيل : حاضر
*
في شركة حمد اللي وصل بالليل ولا عرف إلا الصبح من أمه
حمد : والحين كيف حالها ؟
فراس ياخذ نفس : آه ياحمد على حالها بغيبوبه ..
حمد : تعوذ من الشيطان ياخوي طيب وخاله زهره والبنات ؟
فراس : كلهم بجهه ونجد بجهه تكسر الخاطر تحس أن شئ أنكسر داخلها و خاله زهره ما تحملت أرتفع السكري معها و بقت في المستشفى ..
حمد : طيب ما عرفتو من ؟
فراس : لا أبداً
حمد : طيب مو يمكن صاحب الشقه اللي عطاها لعبدالله .. فراس : هذا أول ما فكرنا فيه بس هو مسافر من يوم السبت لأستراليا ..
حمد : الحمد لله على كل شئ و الحمد لله اللي سلمها من الأعتداء ..
فراس : تصدق حمد أسيل مسكينه تلوم نفسها ..
حمد يرفع حاجبه : ليه عاد ..
فراس : تقول لو أنا ما سببت مشكله مع خالي و طلعنا من بيته كان ما صار اللي صار لنجود يا حمد أسيل ما قامت تكلم أحد ساكتة ..
حمد : ليه مو فاهمه أن هذا مقدر و مكتوب ..
فراس : أنا مريت عليهم قبل أجي ما قدرت أشوفها كذا تحس فقدوا أحد أساس بيتهم ..
حمد : الله يقومها بالسلامه
في نفس الوقت وفي مكان آخر.....
نجد اللي ماتفارق توأمتها إلا عند إنتهاء الزياره تقرأ القرآن وبعد مدة توقف وتسولف معها كأنها تكلمها و هي مو عارفه باللي يراقبها خلف الزجاج العاكس لغرفة العنايه له فتره صامت
نجد : نجود تعرفين شئ أبوي اليوم قال لي يانجد السبت بيتنا بيكون جاهر لنا وأنه حرص على أن تكون أكبر غرفه لي ولك بابا قال ما يبي يفرقنا(مسكت يدها بحنان) .. أمممممممم تعرفين راح أأثثها على ذوقي ههههههههه أدري ماتحبين ذوقي عاد هذي حلها بسيط سمعي والله والله إذا قمتي قبل يوم السبت بخليك تأثثينها على ذوقك وماراح أتدخل ههههه صفقه صح والكل رابح
(نزلت لمستوى أذنها وهمست بكل حب وشوق لها) أحــــــــــــــــــــــبـــــــــــــــــك
و مــــــشــــــتــــــــــــاقـــــــــه أسمعها منك ...
نجد ماقدرت تتحمل لفت ناحيه الزجاج العازل وخبت وجها بين أيديها وبدت تبكي بصمت وحنين وشوق لأختها ...
: ياعمري كيف أواسيك والله حرام عليك ما أقدر أشوفك كذا ..
@storykaligi
🍂 105 🍃
..... : ياعمري كيف أواسيك والله حرام عليك ما أقدر أشوفك كذا ..
جراح من وراه : أوووه من ياعمري من عمرك أعترف اللي تبكي والا النايمه ياروميو زمانك والله لو أقول للشباب مشعل يحب محد يصدق ههههه .....
مشعل : هههههه ياجراح اللي شاغله القلب والفكر مو توها من 3 شهور متربعة في قلبي أدورها بالسماء وحصلتها في الارض ..
جراح تعجب : بس حنا ماصار لنا أسبوعين عرفنا بوجود بنات عمي من هذي ..
مشعل (يدندن)
يامن خذيت القلب والروح وياك
لا تفتكر في يوم أبعد وأخليك
ماذقت طعم الحب ياشوق لولاك
كل الهنا شفته بنظرات عينك
جراح : لا لا حالتك خطيره وتغني بعد وأخيرا" حبيت يامشعل ..
مشعل : تصدق مشعل بن محسن تقدر عليه غرشوبه ..
جراح : طيب هي من فيهن ..
مشعل يعطيه ظهره : هي بالقلب ياولد عمي باي ..
جراح : بالقلب بالقلب باي(رجع راقب نجد ونجود) آآآه يازمن أيش جنيت على التوأم أحلى علاقه شفتها ..
زياد اللي قطع سرحانه : جراح أنت هنا ؟؟
جراح : هلا زياد خير أنت ليه هنا ..
زياد(يراقب نجد وهي تكلم نجود بحماس) : موعد إبرة نجود عشان الدم ما يتجلط ..
جراح : ههههه تذكر أول مادخلت نجود لعملية الزايدة رفضت الإبره وحقدت عليك ههههه ..
زياد : ههههه ياليتها تصحى أن شاء الله تذبحني ما بتكلم أشتقت لدلع الطفولة وتدخل نجد عشان تساعدها
جراح عارف وش يقصد زياد : قول أن شاء الله
زياد : إن شاء الله يله أنا بدخل لها ..
**
بعد يومين طلعت زهرة من المستشفى وأستقبلتها أمينه في بيتها لين يخلص بيتهم خلال أيام ونجود أستقرت حالتها ولازالت في غيبوبه ونقلوها لغرفه خاصة ..
أمينه : الحمد لله على سلامتك يا أم عبدالله
زهره : الله يسلمك وأعذرينا ثقلنا عليك ..
أمينه : أفا يا أم عبدالله والله أنك أخت عزيزه وغالية ..
عايشه : تسلمين ياعمه
سلوى : السلام عليكم
الكل : وعليكم السلام
سلوى : يمه أمي ساره ومناير جايات لنا
أمينه : الله يحييهن إلا وين روابي وأسيل ونجد ؟
سلوى : فوق يمه
أمينه : روحي لهن نسيت أقول لكن جدتك ورنا ورشا بيجن بعد ..
سلوى متفاجئه : نعم نعم رشا بتجي حلفي ..
أمينه : مهبوله معناها أمك كذابه
زهره وعايشه : هههه ..
سلوى : لا اسفه بس معقوله رشا طيب بروح أقول لهن ..
أمينه : قولي لليندا تجهز القهوه والشاي بطريقك ..
سلوى : تامرين يمه
وصل حمد مع أمه وأخته ودخلن للحريم وهو راح للمجلس عند فراس وعبدالله وثواني ووصلت الجده ورنا ورشا
في مجلس الحريم.....
الجده : ألف الحمد لله على سلامتك ..
زهره : الله يسلمك ياخالة ..
رشا : أعذريني ياخاله مازرتك
زهره : معذوره يابنتي مافي شيء واﻷن شفناك حبيبتي ..
@storykaligi