الفصل 24
❤️📝 روايات وقصص مميزة 📝❤️:
🍃 96 🍂
ترفه طلعت ولقت بشاير في وجها ..
بشاير : علامك معصبه تخانقتو بعد
ترفه : سمعي أنا ما أقدر أتحمله زياده كل ما يشوفني ياإهانات يازف أنا بطلب أنقل من عنده ..
بشاير : افا ويهون الحبيب عليك(غمزت لها) أنا بكلمه لك ..
ترفه أبتسمت : لا أنا أتصرف أسمحي لي بجيب الملف له قبل يطق عرق له ..
أما في غرفة الممرضات......
أسيل : والله موعارفه ياروابي مو قادره أحدد مشاعري .
روابي : مازن باين من كلامك أنه زين
أسيل : مدري تعبانه كثير هو راجع بعد شهرين مو قادره أنام ولا آكل شاغل كل تفكيري ..
روابي : هذا مصيرك لازم تقررين وقرارك يكون صحيح أحسبي الشهرين فترة خطوبه أختبري مشاعرك وحاولي تفهمين وتتقربين منه أكثر ..
محسن يدخل فجأة : أسيل روابي عندنا حاله طوارئ تجهزن الأسعاف على وصول ..
روابي : معك دكتور
أسيل تهمس لروابي : الله يستر شكل عمي ما يطمن
الكل ينتظر عند البوابه محسن أسيل بشاير وجاهم زياد فجأه يركض ..
زياد : أيش السالفه ياخال قالو لي أن لازم أكون عند البوابه ..
محسن : خير أن شاء الله
بشاير : أنا قلبي ينغزني عمي الأسعاف جايبه من ؟
محسن : وصلت الأسعاف أستعدوا
أسيل(لفت للسياره اللي ورى الأسعاف) : ذا فهد أبوي فيه شئ ؟
محسن : لا..................(بعد صمت) نجود ..
الكل بصدمه : نجووووووود
زياد بخوف : نجود
أسيل : علامها نجود(لفت لأمها اللي جت تركض) يمه علامها نجود ؟
الأم تبكي : مدري مدري ماتتحرك
محسن : يله خلونا ننقلها للطوارئ
أسيل : بفهم شنو حصل
محسن : خلينا نعالجها بالأول .
زياد(بصدمه من منظر نجود) : خالي ملابسها متشققة ..
بشاير : باين محاولة إعتداء ..
أسيل : لا لا مو معقوله نجود ..
محسن : روابي بلغي أحمد واطلبي حضوره ..
روابي : أن شاء الله
دخلوها غرفة الطوارئ وركبو لها جهاز التنفس وكان راسها فيه جرح وأنتفاخ خطير ..
أما في هذي اللحظه لمن ارتكبو الجريمه...........
حمود يدخل ويدخل أمل للبيت غصب ..
أمل تصيح وتصارخ : ماتت ماتت ياحيوان أنت مو بشر حيوان ..
حمود بعصبيه وصراخ : جب جـــــــــب انطمي ..
أمل : أنا مالي شغل مالي شغل
حمود : يعني راح تقولين عني
أمل(خافت منه ومن نظراته الشراريه) : أنا أنا أنا بروح البيت
حمود مسكها قبل تهرب : أنتي مشتركه معي ..
أمل تحاول تدزه : هدني أنت أجبرتني هدني
حمود بعصبيه : أنا أوريك يا أملوه
أمل تتراجع : حمود وخر عني لا تقرب خلني أروح للبيت تكفه ..
حمود مسك يدها وسحبها لغرفته : إذا مافيه نجود فيه أمل
أمل تحاول تفتك وتصارخ : لا حمود طلبتك كفايه اللي سويته في نجود حرام عليك تكمل علي خالتي الحقيني ..
حمود : ههههه خالتك وينك ياخالتها ناسيه خالتك ما تسمع صمخه (يفتح باب الغرفه ودزها) هين تبين تقولين عني أنا أعرف كيف أخليك تسكتين للأبد هههههههههه
@storykaligi
🍂 97 🍃
في المستشفى وخلف زجاج غرفة العناية المركزه كانت نجود غائبه في عالمها الغريب اسموها الغيبوبه غير عالمه ولا مدركه لبكاء أمها وعائلتها موصله بالاجهزه والاسلاك القلب الحياه العقل وغيرها ..
الأم تصيح : ياليتني ماخليتك بروحك ..
أسيل تمسح دموعها : يمه ماعرفتو اللي صار ..
عايشة تبكي : لا ماندري ..
فهد : ليتنا أخذناها معنا ..
سعد : السلام عليكم
الكل : وعليكم السلام
فهد : هاه عمي عرفتو شئ
سعد : لا مافيه أي بصمات بالشقه حتى أحمد وفريقه مالقو شئ بس بالنهايه لازم يطيح بيدنا ..
أسيل وباين بصوتها حقد وغضب : لا ياهنيه إذا طاح بيدكم قبل أيدي ..
عبدالله توه وصل وحط يده على كتفها : ويدي بعد لأنسيه حليب أمه ..
أسيل(لفت له ورجعت تصيح) : عبدالله
عبدالله ضمها : أهدي ياقلب عبدالله اهدي اسيل ..
أسيل : شفت أيش سوى فيها الحيوان حيوان ..
عايشه تصرخ : يمه
أسيل وعبدالله لفو لأمهم اللي أغمى عليها عبدالله شال امه لغرفة الطوارئ
وبعد دقايق صمت أمام زجاج غرفة العنايه....
عبدالوهاب : خير أيش صار لنجود
فهد خاف من حالة أبوه : يبه.. نجود..نجود في غيبوبه
عبدالوهاب(من الصدمه ماقدر يوقف جلس) : غيبوبه كيف ومتى ؟
سعد : أهدى ياخوي أنا بفهمك شنو صار ..
عبدالوهاب : أيه فهموني بنتي شنو فيها
سعد : أحنا مو فاهمين أيش اللي حصل بالضبط غير أن فهد لما رجع مع زهرة وعايشه لقوا الجيران متجمعين على الدرج وطالبين الاسعاف والشرطه وشافو نجود كلها دم ولما رحت للشقه حصلت احمد يحقق قال لي ان الجيران سمعوا صراخ نجود واستغاثتها وصراخ رجال وبعدها صرخت صرخه وشافوها طايحه وحاولو يمسكون الرجال بس انحاش ..
عبدالوهاب(وبان على وجهه علامات خوف وتردد في سؤاله) : سعد اصدقني القول ياخوك نجود اقصد اعتدى عليها
@storykaligi
🍃 98 🍂
فهد(بأبتسامة ) : لا يبه الحمد لله ماقدر لها قدرت تخلص نفسها قبل يقدر عليها ..
عبدالوهاب : الحمد لله ماعرفتو من
سعد : لا بس ننتظر لين تصحى
عبدالوهاب : وين زهره والبنات
فهد : خالتي ماقدرت تستحمل فأرتفع السكري وطاحت ودخلوها غرفة الطوارئ ..
عبدالوهاب بخوف : شنو والحين ..
فهد : بخير يبه بخير
عبدالوهاب : الحمد لله طيب دقيت على اخوانك
فهد : أيه يبه جايين ..
عبدالوهاب : وين عمك محسن بشوف نجود
فهد : أستريح يبه أنا بروح أشوفه لك
***
أما في مكان آخر خرجت انسانه مفعمه بالحياه كامله والكمال لله ورجعت بعد ان تحطمت اصبحت ناقصه عن بنات جيلها وسنها فقدت أعز ماتملك الفتاه أشتركت في جريمه بعد ان وسوس لها الشيطان ضد بنت عمتها ضنت بأن لن يراها احد ولكن الله رآها وكان عقابه لها بالمرصاد اصبحت هي الضحيه بعد أن حفرت الحفره بمساعدت حمود زلت قدمها ووقعت هي بالحفره
دخلت الصاله وامها موجوده ..
وسميه : أمل وين كنتي ومتى طلعتي
أمل :...............
وسميه : أنا أكلمك ردي علي
أمل(طالعت أمها وصدت قبل تنزل دمعتها) : أنا بروح غرفتي ..
صعدت أمل لغرفتها رمت نفسها على سريرها تكورت مثل الجنين برحم أمه تبكي ماحصل لها اليوم تبكي على ما فقدت ولا يمكن أن تسترده اللي حصل قضى عليها كيف بتتصرف ولمن تلجأ من بيصدقها انها ضحيه لا لا لا كيف تذكرت اللي حصل ببيت حمود كيف أعتدى عليها ليضمن سكوتها خبت وجهها بأيديها وصاحت بصمت كيف تفضح نفسها زياده دخلت الحمام( وأنتو بكرامه) وأخذت دش تغسل أثار الخطيئه اللي دبرتها لبنت عمها وهي من وقع فيها أمل لأول مره في حياتها تتوضأ طلعت تدور على سجاده لأنها ولامره صلت فما توجد سجاده للصلاه بدارها راحت لغرفة ترفه اخذت جلال وسجاده وبدأت تصلي وتبكي بقلب لأول مره خاشع مترجي نادم تائه مغلوب عسى الله يغفر لها ويفرج عنها ..
أمها دخلت عليها وتفاجئت أمل تصلي وتقرأ بخشوع خلتها ونزلت للصاله
عابد توه داخل : السلام عليكم يمه
الأم : .............
عابد : يمه فيك شئ
الأم دمعت عيونها : عابد تصدق شفت أمل تصلي .
عابد : أمل أمل أختي ههههههههه
@storykaligi
🍂 99 🍃
عابد : أمل أمل أختي ههههههههه ..
الأم : أيه أمل تصلي ..
عابد : أنتي متأكده أنك مو مريضه ..
الأم : وجع شنو مريضه رح شفها
عابد : سبحان الله الله يهدي
الأم : شكلها حلو و هي تصلي
عابد : الحمد لله اللي هداها إلا بسألك شنو صار على الجماعه ماردو خبر ..
الأم : إلا يمه قالو يتشرفون خل عويشه وأبوها يعرفون أنهم خسرو يوم طلقتها عساها تطيح بكبدهم المطلقه ..
عابد : يمه خلاص هذا النصيب ولا تدعين عندك بنات قولي الحمد لله اللي راح يوفقني وهي الله يوفقها محد ياخذ غير نصيبه شوفي أمول طول حياتها تقولين لها صلي وتقول بعدين والحين فجأه صلت ..
الأم : أعوذ بالله صدق يمه روح يمه تسبح وأنا بشوف الغداء ..
عابد(حب راس أمه) : الله يخليك لي يله رايح
***
عند مدرسة نجد الكل نساها في دائرة المشاكل اللي حصلت
نجد : ياربي هذولا وين تأخروا شلون أتصل فيهم ؟
: نجد الحلوه هنا
نجد تلف : فضيله
فضيله : ليه مارحتي
نجد : هاه ماجو أهلي
فضيله : أوصلك معي
نجد : لا لا لا مشكوره
فضيله : ليه تخافين مني ؟
نجد بخوف : بصراحه أيه
فضيله : ههههه لهذي الدرجه أخوف ؟؟
نجد : مو شكلا تصرفاتك أسفه على صراحتي ..
فضيله : تقصدين رجوليه صح بويه ..
نجد : أيه فضيله انتي مو شينه ليه كذا تتصرفين وتخلين الكل ينفر منك إلا طبعا رفقة السوء
فضيله : تصدقين أنتي أول وحده تتجرأ وتسألني ليه أسوي كذا ؟
نجد : أسفه
فضيله : بقول لك أنا أعاقب أهلي باللي أسويه
نجد : أيش تقصدين
فضيله :................
نجد : تطفلت صح
فضيله : لا لا أنا أرتحت لك وأبي أسولف لك أمي وأبوي منفصلين ماعندي أخوان من أبوي وأمي عندي من أمي وعندي من أبوي البيتين بمشاكل دائمه أنا ماكنت كذا إلا لما دخلت الثانويه كنت رقيقه رشيقه خجوله وحلوه بس في كثير من الطرفين طمع فيني وياما حاولو كنت اشكي بس محد يصدقني خفت على نفسي وخفت منهم بديت أكل وأكل بنهم وبديت ألعب ألعاب قوى وتعلمت الدفاع عن نفسي والكراتيل ولعب كوره بعد ما تغير جسمي وشكلي ما أهتميت للبس ولا لشغلات البنات لاحضت بدو ينفرون مني خلوني ولا عاد أتجهو لي ..
نجد دمعه عيونها : عشان تحافظين على نفسك
فضيله : أيه
نجد : بس ماأنتبهت أنك بالغت وأفرطتي لدرجة أن كثير أبتعدوا عنك مو بس اللي يترصدون لك نسيتي أنك تقدرين بالملاكمه والكراتيل تدافعين عن نفسك
فضيله : أستهويت فكرت القوه بدل أكون الضعيفه ..
نجد : بالنهايه أنتي أنثى مهما حاولت وتتغيرين لك أحساس ومشاعر البويه قناع بس ..
فضيله تبتسم : صح
نجد : فضيله بسمتك حلوه
فضيله : مشكوره نجد أمممم نجد بسألك لو تغيرت راح يحبوني ولا يبتعدون عني ..
@storykaligi
🍃 100 🍂
فضيله : مشكوره نجد أمممم نجد بسألك لو تغيرت راح يحبوني ولا يبتعدون عني ..
نجد : اللي يحب لك الخير بيحب تغيرك وأنا أولهم فضيله أتشرف بمعرفتك ..
فضيله : أختفى الخوف منك
نجد : أيه الحين ممكن تتكرمين وتتعطفين على هذي الفتاه المسكينه وتوصليني ..
فضيله : ههههه طراره تفضلي تحت أمرك ..
نجد : طراره مقبوله شكرا ..
فضيله : العفو
بعد ماوصلت نجد للشقه دقت الباب دقت دقت دقت محد فتح
نجد : أففف هذولا وين راحو شسوي بشوف الجيران أحسن(طقت الباب)
أم أيمن جارتهم : هلا مين أنتي ؟؟
نجد : أسمحي لي أنا بنت جارتكم اللي قدامكم أطق الباب مافيه أحد يرد ..
أم أيمن : أيه خطيي ما أختك صار لها حادس ..
نجد بخوف : ميين
أم أيمن : أيمن أيمن ليك أيمن الزفت ..
أيمن : أييييه أجيت نعم
أم أيمن : هيدي بنت الست اللي أدامنا تسأل عنهم ؟
أيمن : أيه اليوم صار حادس لوحده شبهك ..
نجد : نجود أيش صار ؟
أيمن : مابعرف بس أمك وأختك نألوها للمستشفى والبوليس كمان كانوا هون ..
نجد تصيح : شسوي الحين محد فيه ..
أم أيمن : بتحبي أدخلي لحد ما يجي حدا
نجد : هاه لا شكرا ..
نجد نزلت و وقفت تاكسي خوفها على نجود نساها خوفها انها تركب مع غريب لحالها أتجهت للمستشفى ولما وصلت كان من حضها أن راشد ومشعل واقفين برى
نجد نزلت من التاكسي : راشد ..
راشد قرب منها : نجد أنتي نجد
نجد : راشد تكفه مامعي أجرة التاكسي
راشد يحاسب الرجال : أنتي كيف عرفتي أنا هنا ؟
نجد : رحت للشقه وقالت لي جارتنا راشد أيش اللي حصل ..
راشد : تعالي خلينا ندخل وراح أقول لك مشعل خلنا ندخل
مشعل : تطمني يانجد ان شاء الله تكون بخير ..
نجد : مشكور يامشعل قولو لي أيش حصل وين نجود
راشد : نجود نجود
نجد : نجود أيش ..
راشد : نجد خلينا ندخل أسيل بتقول لك أفضل ..
نجد بدت تصيح : لا لا تقول أنها ماتت ..
مشعل خاف عليها : لا ماماتت نجود بالعنايه ..
نجد تلف بصدمه : العنايه أنت شنو تقول ليه ؟؟
راشد : نجد لا تخافين
نجد بعدت عنه وركضت للداخل المستشفى وكل همها تلقى العنايه : نجود بالعنايه ..
راشد : نجد نجد
مشعل : أنا بقول لأسيل وأنت الحقها ..
راشد : طيب بسرعه وبلغ أبوي
نجد تركض تدور عن غرفة العنايه تقرا لافته لافته ماهمها راشد اللي يناديها ماهمها الناس اللي تطالع لها همها نجود ...
مشعل ماحصل أسيل ركض لمكتب أبوه كان أبوه وعمه فيه ..
مشعل : يبه نجد هنا وعرفت عن نجود وقاعده تدور عليها ..
محسن بعصبيه : من قال لها ؟
مشعل : أنا
محسن عصب : غبي ليه منت عارف ممكن تتعرض لصدمه هذي توأمها غبي ..
عبدالوهاب : هد ياخوي خلنا نلحق عليها وبعدين حاسب ..
محسن : يله
وصلت نجد للعنايه وقفت خلف الزجاج كانت نجود جسد على السرير والأجهزه حولها أيدها مجبره ورأسها ملفوف بشاش جهاز القلب يعلن لنجد بانها حيه تنبض بهذا القلب الصغير رضوض وكدمات متفرقه على ذاك الجسد النحيل ..
نجد تصيح : آآآآه ياقلبي نجود راشد أمنتك من سوى فيها كذا ؟؟
راشد : هاااااه
نجد تلف له وبعصبيه : قلي من ضربها من سبب كل هذا تكلم ؟؟
عبدالوهاب من وراها : نجد ..
نجد(أرتمت بحضن أبوها وتصيح) : يبه يبه من السبب أيش حصل ؟
عبدالوهاب يضمها لصدره بحنان : مانعرف للآن بس تصحى هي راح تقول لنا من اللي سوى كذا فيها ..
نجد رفعت راسها له : يبه أيش تقصد ؟
عبدالوهاب :.................
نجد تتلفت للي حولها : قول لي يبه عمي مشعل راشد ريحوني طيب أمي أيه أمي وين عايشه ماشوف أحد وينهم ..
عبدالوهاب : أمك بخير ونجود راح تعدي هذي الأزمه وتقوم لا تخافين ..
نجد : تكفون بدخل لها
محسن : ما يصير ماراح تحس فيك
نجد : عمي أرجوك لازم أدخل ثواني بس ثواني ..
عبدالوهاب : دخلها ياخوي
محسن : أخاف يصير فيك شئ ماراح تتحملين
@storykaligi