الفصل 22
❤️📝 روايات وقصص مميزة 📝❤️:
🍃 86 🍂
الأب : فهد ماشوفك رحت لها ..
فهد : يبه العصر بروح أنا و أوراد
هيام : فهد خذني معك ..
الأم : وليه تروحين
هيام : ماما بشوف ناس جدد
الأب : هذولا خواتك شنو ناس جدد ..
الأم : بعدين مو تبين تطلعين مع طيف ..
هيام : موعدي مع خالتي الساعه 7 وأكيد ماراح نتأخر صح فهد ..
فهد : صح ماراح نتأخر
الأب : وجدان ماتبين تروحين معهم..
وجدان : لا بابا عندي مذاكره
الأب : وأنتي تهاني ما تبين تزورينها ..
الأم(طالعته بنظره ووقفت) : الحمد لله والشكر شبعت ..
راشد : أمي حاره ماتتفاهم
الكل : هههههه ..
فراس يرد على جواله : ألو........ هلا سنيور حمد........ههههه...........وصلت متى........... الحمدلله على سلامتك................ لا لا تحاتي كل شئ تمام........ يوم السبت توصل الطلبيه............بستلمه أيه ........ أبدا سلامتك أوكيه باي ..
الأب : وين طاس هذي المره ..
فراس : أيطاليا يبه
فهد : أخلص مو بهين مع منو
فراس : بروحه بيجهز حق المبنى الجديد
راشد : أيه ياويلي على المبنى الجديد ..
فراس فهم لراشد : جب أنت
الأب : خير شنو فيكم
راشد يطالع لفراس اللي يخزه : أبدا العماره الجديده أقول تصميمها حلو مره ..
الأب يوقف : أنا بروح أشوف النار اللي شابه فوق أدعو لي ..
العيال : الله يوفقك يبه
الكل : ههههه
بعد يومين...........
طلعت نجود من المستشفى بعد ما تحسنت نفسيتها وأرتاحت بالنسبه للأم وبناتها أبتعادهن عن الخال ريحتهم نجود أخذت أجازه من المدرسه لمدت أسبوع
الأم : دخلي يمه الحمد لله على سلامتك ..
نجود : الله يسلمك يمه
عبدالله : هااه وش رايك بالشقه ..
نجود : تهبل ماشاء الله عبود ما يعطيناها نجلس هنا على طول
عبدالله : إلا يعطيناها يقول أن قبلت نجود تتزوجني بأعيش أنا وهي هنا ..
نجود : عبيددددددد
الأم : ههههه تعالي يمه مجهزه لك سرير داخل ..
نجود : لا يمه بقعد هنا بالصاله لين ترجع نجد تعبت من النوم إلا وين عيوش ..
عبدالله : عيوش من عرفت أنك بتطلعين اليوم أعتكفت بالمطبخ تطبخ كل اللي تحبينه
نجود تجلس براحه : الله يخليها لي ..
عبدالله : بروح أقول لها أكيد ماحست علينا ..
دخل عبدالله بشويش وشاف عايشه مندمجه بالطبخ
عبدالله : بوووووه
عايشه نقزت : وجع عبيد
عبدالله : هههههه يا رايق أنت
عايشه : متى جيتو ؟؟
عبدالله : تونا داخلين ونجود بالصاله إلا أيش طابخه لنا ..
عايشه تغسل يدها : شف بنفسك بروح أسلم على نجود وراجعه ..
عبدالله يفتح القدور : واااو تهبل الريحه الله يبارك فيكي ياعايشه ويعوض عليك عن عابد باللي أحسن يارب ...
عايشة رجعت وسمعت وأبتسمت : ويخليك لي يارب
عبدالله : ماتأخرتي ...
@storykaligi
🍂 87 🍃
عبدالله : ماتأخرتي ..
عايشه : يا أخي كلها 3غرف وصاله مو من كبرها خطوتين وواصله لها ..
عبدالله : أوكيه متى يجهز الأكل ؟
عايشه : جوعان
عبدالله : مررررررررره
عايشه : خلاص مايبي له شئ بس توصل نجد
عبدالله : يوووه أنا بروح أجيبها ..
عايشه : أوكيه وجيب لنا بيبسي معاك
عبدالله : كرتون وربي لعيون عيوش إلا أسيل ما بتجي ؟
عايشه : لا عندها استلام لليل بدل ترفه ماخذه أجازه ..
عبدالله : ترفه القاطعه ماتدق علي ..
عايشه : عبود تكفه جبها لنا هي ماتعرف الشقه أشتقنا لسوالفها .
عبدالله : طيب خليني الحق على أم لسانين لا تذبحنا .
عايشه : هههههههههههههههههههه والله لو تسمعك تاكلك
عبدالله : باي
عايشه : باي
بيت محسن
خالد يكلم بالجوال : حسناء كيفك ؟
حسناء : خالد حبيبي مشتاقه لك بالزاف ..
خالد : وأنا أكثر .
حسناء : أيش حصل معاك بموضوعنا كلمت أبوك عنا .
خالد : لا ماقلت له
حسناء : ليه خالد أنا بحبك كثير وبعدين أنا زوجتك .
خالد : عارف بس مو عارف كيف أفتح الموضوع معه .
حسناء : خالد ماقدرش أجلس بالمغرب أكثر من هيك بليز اتوحشتني بزاف ..
خالد : ما عليه حسناء خلينا ننتظر وأنا بقول له ..
حسناء : خالد إذا ما بتتصرف أتركني أتصرف ..
خالد : حسناء لا تتهورين خلاص أنا بقول له ..
حسناء : أوكيه أنا بسكر خالد باي ..
خالد : باي
خالد كان يدرس بأمريكا التقى بحسناء كانت ممرضه مغربيه بالمستشفى اللي كان يتدرب فيه تزوجوا وصار لهم 6 شهور ومن يوم رجع وهو يحاول يقول لأبوه ومو قادر بعد زواجه ب 3 شهور رجع للرياض وهي رجعت للمغرب على أمل أنه يدز لها ورقه تسمح بدخولها للمملكه على أساس أنها زوجته قرر خالد يطلب مساعده من أحمد طلع لغرفة أحمد ..
خالد : أحمد صاحي
أحمد : حياك خالد
خالد : أحمد حاب أتكلم معك بموضوع يخصني ..
أحمد : عساه خير
خالد : بصراحه في شئ ودي أقولك عنه يخصني
أحمد : خالد بصراحه خوفتني
خالد : أنا أنا بصراحه متزوج ..
أحمد مصدوم : هاااااااه
خالد : أيه
أحمد بعصبيه : مهبول أنت ومن بنته ..
خالد : قصر حسك مو من السعوديه ..
أحمد(يمسكه من بلوزته بعصبيه) : من أمريكا قدرن يلعبن عليك ..
خالد : هدني أحمد لا مو من أمريكا من المغرب ..
أحمد يهده وزادت صدمته بأخوه : لا مو مصدق كيف عرفتها ماخبرتك مره سافرت للمغرب ..
خالد : لا هي ممرضه كانت تشتغل بالمستشفى اللي كنت أتدرب فيه وتزوجنا ..
أحمد : من متى
خالد : صار لنا 6 شهور قعدنا 3 شهور مع بعض وبعدين رجعت هنا وهي للمغرب ..
@storykaligi
🍃 88 🍂
خالد : صار لنا 6 شهور قعدنا 3 شهور مع بعض وبعدين رجعت هنا وهي للمغرب ..
أحمد عصب : ياغبي ياحمار أيش سويت في عمرك وفينا ..
خالد : ماسويت شئ أنا تزوجت على سنة الله ورسوله ولا رحت للحرام ..
أحمد : لا والله مع شينه قوات عينه طيب أيش تبي فيني ..
خالد : تكلم أبوي وتقول له
أحمد : نعم نعم وليه ماتقول له أنت ولا بطل وشجاع تتزوج ولما تبي تقول لأبوك فقدت شجاعتك ..
خالد يوقف : الحق علي اللي جايك أبيك تساعدني ..
أحمد : أجلس أجلس خلنا نشوف حل لهذي المصيبة ..
خالد : وليه تقول مصيبة..
أحمد : لان أبوي ممكن يروح فيها لو يعرف ..
خالد : ساعدني
أحمد : أجلس خلنا نفكر بشئ ..
بيت حمد ...............
أم حمد : ياملاك ياقلبي تعشي
ملاك : مابي أبي بابا
أم حمد : بابا مسافر عنده شغل
ملاك تاشر بأصابعها : صار له 3 أيام ما شفته ..
مناير : يمه مايصير كذا البنت من الصبح ما أكلت ..
أم حمد : أففففف مافيه غير نتصل بحمد لازم يكلمها ..
في نفس اللحظه حمد كان قاعد يتفرج على التلفزيون رن جواله بأسم الغاليه تتصل ..
حمد : ألو هلا وغلا بغاليتي ..
أم حمد : هلا حمد ..
حمد يقصر على التلفزيون : يمه كيفكم
أم حمد : بخير حمد متى ترجع ..
حمد : ولهتو علي يالغاليه
أم حمد : يايمه أنت دايم في البال بس هذي ملاك ..
حمد بخوف : ملاك صار شئ؟
غاده توها طالعه من الحمام ماخذه دش أشر لها حمد تسكت وبدت تنشف شعرها عند المرايه ..
أم حمد : يايمه عيت تاكل تبيك من الصبح ماكلت ..
حمد : عطيني أياها ..
أم حمد تمد التلفون لملاك : خذي بابا
ملاك بفرح : بااااااااااااااااباااااااااااااا
حمد : قلب بابا وعمره
ملاك(بدت تصيح) : بابا ليه رحت ..
حمد : أنا رايح أجيب لك هديه كبيره ..
غاده في نفسها : ياعلك للمرض حتى هنا مو مخليته ياهالبزر النشبه ما أقدر أجلس معه بروحنا لازم تتصل وذي العجيز ما تعرف تتصرف لازم حمد والله إذا رديت قبل اسبوع ياحمد يبقى يقابلوني هين ..
حمد : خلاص بابا لا تأذين يمه سارا وأسمعي كلامها ..
ملاك : زين بابا لا تتأخر زين ..
حمد : زين يله باي
ملاك : باي باي
غادة تبتسم : ياحليلها هالملاك ..
حمد : أيه رافضه تاكل لين تكلمني ..
غاده : الله يخليك لها
حمد : ويخليك لي
غاده : أمين
في الأستراحه ......................
راشد : مابغينا نجتمع
زياد : هذي حال الدنيا مشاغل
مشعل : لا والله حنى قطعنا صدق
فراس : صراحه ودي نطلع طلعه معتبره أيش رايكم
زياد : تقصد طلعه شبابيه بس
@storykaligi
🍂 89 🍃
زياد : تقصد طلعه شبابيه بس
جراح : حلو أتمنى كذا ..
محمد : طلعة بر ما نبي مزرعه أبي مساحه كبيره
فراس : أوكيه أيش أيش رايكم الأربعاء ونبقى يومين..
جراح : أنا عني باخذ أجازه
فراس : خلاص نبلغ فهد وحمد وخالد وأحمد وسلمان
زياد : ولا تنسى عبدالله والله والنعم فيه
جراح : أنا ماقابلته أتمنى اقابله من كثر سوالفكم عنه ..
راشد : طيب وين المكان
مشعل : عطوني يومين واقول لكم عنه بس أنتو جهزو كل شئ
الشباب : أوكيه
...............اليوم الثاني بشركة الأب ............
فهد(يدخل) : يبه مشغول
الأب : لا حياك فهد
فهد : قالو لي أنك طلبتني خير
الأب : حاب أستشيرك أبي أشتري بيت لخالتك زهره وبناتها
فهد : من حقك يبه هذلن خواتي وصحيح كيف يسكنن بشقه وابوهن موجود ويقدر يعيشهن بأحسن البيوت بالرياض
الأب : يعني ماعندك مانع
فهد : أفا أنا من بكره ليه بكره من الحين طالع على أبو عزام أقول له يدور لي على بيت يكون في منطقتنا هنا ..
الأب : لا لا أبعده شوي أحسن أخاف تعرف أمك وتصير مشاكل ..
فهد : إلا يبه أسمح لي بسألك أنت بس ناوي تدور لهن على بيت ولاترجع خالتي لك .
الأب : والله يافهد أنا أتمنى وأنت عارف اللي صار أبي أعيش مع الكل ..
فهد : خلاص أنوي وأقدم وخلك صريح ووقف بوجه الكل
الأب : ههههه اللي يشوفك يقول داخل حرب يا مجلس ..
فهد يغمز له : حرب يابو فهد الله يستر منه ..
الأب : صدقت ياولدي يله أنا بروح أشوفهم تجي معي
فهد : لا والله سلم عليهم بطلع للربع
الأب : طيب مع السلامه
فهد : مع السلامه
بشقة عبدالله ...........
أسيل : ألو هلا مازن
مازن : هلا أسوله سامحيني ماجيت الخميس
أسيل : أنتظرتك مازن أيش حصل ؟
مازن : رفضوا يعطوني اجازه آسف .
أسيل : والموعد اللي عطيته أبوي أنقص وجهي قدامه
مازن : آسف
أسيل : طيب متى تجي
مازن : مو قبل شهرين
أسيل مصدومه : شهرييين ..
مازن : أسف ما يخالف أنا قلت لأبوي أبي أملك وأعرس مره وحده ووافق ..
أسيل : يالله يصير خير
مازن : أسوله عمري لا تزعلين
أسيل : لا ماني زعلانه
مازن : أحبك أسيل ..
أسيل في نفسها : وهذا اللي ذابحني ليه ما أحس فيك أنت مغرقني بالحب وأنا مثل الثلج عادي عندي ..
مازن : ألو ألو أسيل
@storykaligi
🍃 90 🍂
مازن : ألو ألو أسيل
أسيل:هاه معاك
مازن : شنو فيك
أسيل : ولا شئ مازن أبوي جاي يزورنا بتجهز
مازن : أوكيه باي
أسيل : باي
أسيل قعدت تفكر بعد ما سكرت الجوال منه لنا سنه مخطوبين ليه شعوري هو هو لا فارق بين أول والحين مااحس قلبي يتلهف له أو إذا تأخر بالأتصال أحاتيه ولا مره عاتبته على على قلة وصاله هو يحبي أيش اللي جذبه فيني أنا لازم أحبه أو على الأقل أحسسه أني أحبه غمرني بحبه وغمرته بالجفا ..
نجد تطق الباب : أسيل أسوله
أسيل : هلا
نجد : بابا وصل تعالي
أسيل : جايه نجد
أسيل طلعت للصاله كان أبوها مع أخواتها وعبدالله جالسين يسولفون وأمه مو معهم ..
أسيل تحب راس أبوها : شخبارك يبه
الأب :تمام ..
نجد بفرح : أسوله سمعي سمعي أبوي شنو يقول ؟
أسيل : خير أن شاء الله
الأب : أنا راح أشتري لكم بيت
أسيل : مشكور يبه
الأب : بس عندي شرط واحد
الكل : خير
الأب : أسمع ياعبدالله انت كنت خير أخو لبناتي وربي شاهد أني أعزك معزة عيالي لهذا أنا قررت البيت راح يكون مناصفه بينك وبين زهره ..
الكل فرح لعبدالله وبارك له
عبدالله : مشكور ياعم ماله داعي ..
عايشه : تستاهل عبود
الأب يمد له مفتاح : وهذي هديه مني لك ..
عبدالله : خير شنو بعد
الأب : سياره لك تلاقيها تحت العماره بيضاء ..
عبدالله : هذا كثير علي ..
أسيل(تحب راس أبوها) : ماقصرت يالغالي وعبدالله صدق كان نعم الأخو لنا
نجد : لا عبود أنت تستاهل كل خير
الأب : صدق يستاهل بس أبي منكم تساعدوني بشئ
عايشه : خير يبه ..
الأب : أبيكم تقنعون أمكم نرجع لبعض
نجود : نتمنى يبه
أسيل : لا تحاتي يبه بأذن الله مايصير إلا اللي تتمنى
الأب: إلا شخبار مازن
أسيل : بخير توني مكلمته يتعذر منك مايقدر يجي قبل شهرين ..
الأب : خير أن شاء الله أنا بروح سلمولي على أمكم ..
عايشه : يبه تغد معنا
الأب : مره ثانيه يله مع السلامه
الكل : مع السلامه
الأم(طلعت بعد ماراح) : هاه يمه راح
عبدالله : أيه يمه ويسلم عليك
الأم : عساه سالم يارب
نجود : يمه سمعتي آخر خبر
الأم : خير
نجد : أنا أنا أقول أبوي بيشتري لنا بيت ويكتب نصه بأسمك ونصه بأسم عبدالله وشرى له سياره بعد ..
الأم بفرح : ألف مبروك عبدالله
عبدالله : الله يبارك فيك يمه بس كثير علي
الأم : لا يمه تستاهل اللي سويته لنا مايوفيك حقك لا البيت ولا السياره ..
عبدالله يحب راسها : يمه أنتي اللي ربيتيني شلون ماكون بار فيك ..
الأم : الله يخليك لي ..
عايشه : الله يسامحكم الدمعه تبي تفر من عيني ..
أسيل : خلاص ترى شوي ببكي
عبدالله : هههههه يمكن زايد الدمع عندكن خلنه ينزل
الكل : هههههه
عايشه : بروح أزهب العشى
أسيل : خذيني معك أساعدك ..
عايشه(متفاجئه) : شنو شنو يمكن ماسمعت عدل عيدي اللي قلتي ..
أسيل : عيوش بتعلم منك يله عاد لا تحرجوني ..
عبدالله : حيلك فيها عيوش
اسيل : ياشينك بشويش عيوش خطوه خطوه ..
عايشه : وأنا بذيك الساعه اللي أعلمك الطبخ
أسيل : تسلمين لي
عايشه : يله قدامي
#انتهى
مكملين معكم غدا" بإذن الله
أنتظرونا ..
@storykaligi