الفصل 21
❤️📝 روايات وقصص مميزة 📝❤️:
🍃 81 🍂
الأم : في أمان الله
أتفق عبدالله مع صاحبه فايز أنه يبقى كم يوم مع أهله بشقه فايز قال له الشقه له لمدة اسبوعين لا يستعجل ياخذ راحته نقلت أسيل وعايشه ونجد وعبدالله أغراضهم من البيت الخال كان موجود ساعة النقل ولا أعترض وكأن السالفه جته من الله
بعد مانقلو الأغراض للشقه رجعوا للمستشفى وكانو عيال عمامهم موجودين سلمن على الكل وطلعو الشباب مع عبدالله بالكراسي الخارجيه عشان يعطون الحريم حريه وراحه......
أم خالد : يابنات شلونكن
البنات : بخير
شهد : إلا شخبار الأبره نجود ..
نجود جسمها يرتعش : وجع لا تذكريني
الكل : هههه
بشاير : لهذي الدرجه تخافين وأنتي بهذا العمر ..
نجود : علامكم علي ليه الأبر ماتخوف ..
رنا : أنا قالي زياد أمس عن أول يوم ما صدقته أيش سوت وأمس شفت بعيني كثير خوافه ..
زهره : نجد نجد
نجد : هلا يمه
زهره : تعالي يمه خذي القهوه والفناجين لعبدالله يقهوي العيال ..
نجد : يمهم ما طلبوها
زهره : أخلصي يم لسانين
نجد : أن شاء الله
أخذت القهوه وطلعت للشباب.....
نجد : السلام عليكم
الشباب : وعليكم السلام
نجد : عبدالله خذ تقول أمي قهوه ربعك
عبدالله : مشكوره يالغاليه
نجد دارت بترجع حست بنظرات تتابعها بس ما أهتمت ....
عبدالله : نجد
نجد : هلا
مشعل في نفسه : قلبه بدى يدق ويدق هذي نجد وآه من نجد ياحلوك ..
عبدالله : مافي حلى قهوه ..
نجد : أفا من عيوني هات فلوس وأنزل وأشتري لك من السوبر ماركت حلى
عبدالله : يانحيسه ماابي روحي ..
الكل : هههههههههه
في مكان آخر وبنفس الوقت ............
تهاني : مانخلص من زهره وبناتها
عبدالوهاب : علامك مهبوله منتي صاحيه
تهاني : وليه ماتبيني أكون مهبوله وأنت كل شوي رايح لها
عبدالوهاب : رايح لبنتي مو لها فاهمه
تهاني : حنيت لها تبي ترجع البرنسيسه ..
عبدالوهاب في نفسه : ليتها ترضى ترجع لي بس آآخ
تهاني بعصبيه : رد علي ؟
عبدالوهاب : أطلع أحسن لي من جنونك ..
وجدان نازله : بابا خذني معك ..
تهاني : وين رايحه
وجدان : بزور نجود مع بابا
تهاني : لا والله ما أخلص من أبوك تجين أنتي ..
عبدالوهاب : هذي أختها تعالي وجدان معي ..
تهاني : ياويلك إذا رحتي
وجدان : أنا بروح مع بابا
طلعت وجدان مع أبوها وأمها تغلي وتتوعد فيها وفي أبوها
عبدالوهاب : عفيه بنتي
وجدان : أنا عارفه زعلت ماما بس أنا حبيت خاله زهره كثير ..
عبدالوهاب : هن طيبات ياليت هيام جت معنا بعد ..
وجدان : هيام رايحه مع خاله طيف
عبدالوهاب : صراحه ما أحب طيف
وجدان : طيف طيبه بس ماأعرف ليه تغيرت
عبدالوهاب : كنت أحسبها بنت من بناتي مثلكن ما أفرق بينكن بس فجأه تغيرت من 5سنوات تحولت من طيف الناعمه لطيف كلها خبث وعدم مراعاه لشئ ..
وجدان حبت تغير السالفه : بابا ممكن آخذ ورد لنجود
عبدالوهاب : أوكيه نوصل نزلي وخذي ورد لها
وجدان : شكرا ..
في أحدى الفلل ...........
هيام طلعت للحديقه : أفففففف قرف ..
طيف : هيوم ليه طلعتي الحفله واااااااااو
هيام بعصبيه : ماتشوفين المقرف محمود ونظراته كلها قرف قرف ..
طيف تغمز لها : الظاهر طاح ولا حد سمى عليه ..
#مساءالخير
أحلى متابعين ..
@storykaligi
🍂 82 🍃
هيام : شنو أنتي مو صاحيه ..
طيف : هيام علامك الرجال معجب لا تقعدين تعاملينه بهذا الاسلوب كوني كووووووول ..
هيام عصبت : أنتي مو صاحيه مو صاحيه أنا بنت أختك كيف تقولين لي كذا ..
طيف حست ان هيام ممكن تخرب عليها خططها : أم سوري مو قصدي خلاص حبيبتي تحبين نمشي من هنا ؟؟
هيام : يكون أحسن بجيب عباتي ونطلع ..
طيف : خلاص على راحتك ببلغ أسماء ونطلع ولا تزعلين
هيام تبتسم بحسن نيه : أوكيه ..
طيف دخلت : أسوم سوري مضطره نروح ..
أسماء : لا طيوف والحفله ترى على شرفكم ..
طيف : سوري هيام مصدع راسها وعصبيه شوي ..
أسماء تغمز لها : نروق الصداع لها وش قلتي ..
طيف فجأة : لا
أسماء خافت : علامك بسم الله عليك ..
طيف : سمعي أنا بحذرك مو معناه أني غلطت قبل 5 سنوات أرمي بنت أختي لنفس الطريق والله يا أسماء لو حصل لها شئ لأكون ذابحتكم ..
أسماء بأبتسامه صفراء : طيوف الله يهداك أمزح مو قصدي
طيف : أنا حذرتك باي ..
أسماء : باي
محمود(يمشي عندها ويحرك كاس الشرب) : إلا وين راحت الغزال ؟
أسماء : هاه راحت لبيتهم ..
محمود : وليه وأنا
أسماء : أنت علامك
محمود : أسماء لا تستهبلين علي أنتي قلتي أن هيام بتكون لي ؟
أسماء : شسوي خالتها مو مخليه لي مجال أقرب منها ..
محمود : ههههههه أما هالطيف قويه مثل ماخبرتها لبؤه ..
أسماء بخبث : أشتقت لها ؟
محمود : لا طيف صارت بضاعه منتهيه أبي بضاعه جديده بقراطيسها مانفتحت إلا لمحمود خالد الـ..........
أسماء : أجل أصبر وبتكون لك
محمود : إذا مو براضها غصب عنها
أسماء : ههههه مثل ماصار مع طيف تذكر ..
محمود : يوه لا تذكريني يله خلينا نفرفش ..
أسماء : يله ..
نزلت وجدان لمحل الورد القريب من المستشفى وكانت تتأمل الورد والباقات و هي محتاره ..
وجدان : لو سمحت ممكن تنسق لي باقه ورد جوري
بنفس الوقت كان في شاب يراقبها من يوم نزلت من سيارة أبوها ..
الشاب : كيف يسمحون للجوري ياخذ جوري ؟
وجدان تلف : نعم !!
الشاب : نعم الله عليك معك حسين
وجدان لفت عنه : الحمدلله والشكر
حسين : ممكن نتعرف على الجوري أكيد هذا أسمك ..
وجدان ماعبرته : خلصت الباقه ..
حسين : أفاااا وليه القسوه كذا خابر الورد رقيق
وجدان : لوسمحت بلا ملاقه وسخافه ..
حسين : وربي أنك عسل وكلك رقه(حس بأيد على كتوفه لف) : خير ..
: يالأخو أقول فارق أحسن لك ..
حسين: إلا أنت فارق أنا شفتها أول ..
وجدان إلتفتت للصوت اللي حست أنه تعرفه وبصدمه : محمد !!
محمد :وأنا ولد عمها أخلص لا أسدحك هنا وأعلمك من شافها ومن ماشافها أول ..
حسين خاف لأن محمد أعرض منه : طيب طيب لا تدف ..
محمد بعصبيه : أنتي أيش جابك هنا لوحدك ..
وجدان : أنا قلت لبابا أبي باقة ورد وقال معليش ..
محمد : وأخذتيها ؟
وجدان : الحين يخلصها .
محمد : لوسمحت عطني الباقه .
البايع :تفضل .
محمد : كم الحساب ؟
البايع : 120 ريال .
وجدان : أنا أدفع
محمد : معليه خلي فلوسك
وجدان : هذي هديه مني لأختي
محمد : على راحتك يله قدامي
وجدان في نفسها : ياي مو قادره أصدق أنا جنب محمد بموت ما أقدر بقول لشهوده ومناير ماراح يصدقن ..
محمد قطع تفكيرها : وجدان ..
وجدان : هلا
محمد : أنتي جايه معك هيام ..
وجدان : هيام ليه تسأل ؟
محمد : ابدا صار لي مده ماشفتها هي جت ؟
وجدان بدون نفس أنقهرت : لا وعطني الباقه لوسمحت مشكور أنا أشيلها ..
محمد عطاها الباقه و هو مستغرب تقلب مزاجها وكان معها لين دخلت لنجود
محمد : مهي صاحيه علامها عصبت
جراح من وراه : بوه .
محمد : بسم الله علامك
جراح : هههههه يالسرحان
محمد : وين الشباب
جراح : يالطيب أذن المغرب ولا أنت في عالم ثاني
محمد : جيت عبالي القى الحبايب ومالقيتهم ..
جراح : ههههه يا أخي أيش تبي بالمغروره .
محمد بعصبيه : حدك جراحوه هذي الغلا
جراح : طيب السموحه خلنا نروح نصلي
محمد : معك
أما بغرفة نجود........
شهد : وجدان علامك
وجدان : ولاشئ
زهره : وجدان كيف حالك
وجدان : بخير ياخاله تسلمين
عايشه : والله أنك ذوق ياكل الجوري
وجدان : تسلمين كم نجود عندنا
نجود : أدري وحده
مناير : طالعو الغرور أعوذ بالله
الكل : هههههه
بعد أنتهاء الزياره الكل غادر وباتت زهره عند نجود مرافقه ورجعوا عبدالله وخواته للشقه
@storykaligi
🍃 83 🍂
الكل : ههههههه
بعد أنتهاء الزياره الكل غادر وباتت زهره عند نجود مرافقه ورجعوا عبدالله وخواته للشقه
دخلت الجده ورنا للبيت راجعات من المستشفى............
سهام في الصاله : رجعتن ؟؟
الجده ورنا : السلام عليكم
سهام : وعليكم مابغيتن تردن
الجده : ردي السلام عدل وبعدين قلت لك تعالي معنا رفضتي
سهام توقف : أنا أروح لزهروه ؟
رنا : ماما هذي بنت أخوك وزيارة المريض واجب ..
سهام بعصبيه : جب أنتي وأطلعي غرفتك يله .
الجده تمسك يد رنا : خذيني معك انا بعد بنام الله يهديك ياسهام ..
سهام : مجنونه شايفتني؟
الجده ورنا أكتفن بالنظر لها بأسى وحزن لحالها وطلعن لغرفهن وتركنها معصبه تحت
إما في مكتب حمد..........
حمد يوقع أوراق : وهذي أهم الأوراق للفتره هذي ..
فراس يتثاوب : يا أخي منت صاحي الساعه 12ونص جايبنا نوقع اوراق ..
حمد : لأني بسافر الحين وباخذ أسبوع بإيطاليا ..
فراس : والسفر جاء فجأه يا أخي لو مسافر لشغل قلنا ما يخالف بس أستجمام وللمدام ..
حمد : علامك حاسدني وبعدين الفكره جت فجأه وحبيت أحتفل معها بأول سنه لنا بالبلد اللي تحبه إلا شخبار آلاء ..
فراس : فديتها ناطرتني بجده مشتاقه ...
حمد : إذا تبي رح لها بس لما أرجع ما يصير أثنينا نروح .
فراس : شدعوه بسالك طبعا بروح لعمري انا ..
حمد : طيب هذي آخر ورقه أنا بطلع آخذ غاده وعلى المطار سلم على عمامي أوكيه ..
فراس : يوصل ولا تنسى تطمني إذا وصلت ...
حمد يغمز له : أذا كنت فاضي ..
فراس :هههههههه أيه بهذي صادق ..
حمد يرد على جواله : هلا قلبي ....لا تأخرت ولا شئ..... مسافة الطريق.....باي ..
فراس : روح قبل تذبحك
حمد : خخخخخ بايخ يله مع السلامه
فراس يضمه : بحفظ الله ياغالي ..
حمد : باي
فراس : باي
@storykaligi
🍂 84 🍃
في يوم آخر في غرفة نجود بالمستشفى العمه أمينه وبناتها زايرات نجود
أمينه : يالك وحشه يا أم عبدالله
زهره : والله أنتو اللي لكم وحشه كبيره
روابي تمد لزهره حليب : تفضلي ياخاله ..
زهره : تسلمين ليه مغلبين حالكن وجايبات كل هذا ؟؟
أمينه : الله يهداك شنو جبنا حليب وفطاير
عبدالله يدخل فجأه وبصوت عالي : أنا أو..
نجد وراه : غشاش
عبدالله يصد : أسمحولي ماكنت عارف أن في أحد
أمينه : حياك يا ولدي ..
زهره : هذا عبدالله ولدي وهذي خالتك أمينه والدكتوره روابي وسلوى
عبدالله : كيفك خاله ؟؟
أمينه : بخير يا ولدي حياك تقهوى معنا
عبدالله : معليه عليكم بالعافيه أنا بنتظر برى
أسيل دخلت : السلام عليكم هلا بعمتي وروابي وسلوى
الكل : هلا فيك ..
أمينه : أسيل شلونك
أسيل : بخير ياعمه أعذروني بطلع لعبدالل ..ه
روابي : شوفو يا شينها ماعبرتنا وحنا ضيوف ..
عايشه : أول منتو ضيوف ثاني شئ هذا عبدالله عين السيح ماتشوف مثله
زهره : أسيل تتركني أنا يمها وتروح له
أمينه : الله يخليهم لبعض
الكل : آمين
سلوى : نجود متى تطلعين
نجود : ماني عارفه
روابي : أتوقع على السبت بس مامشيتي لازم تمشين عشان العمليه
نجود : روابي كل ماتحركت توجع العمليه
سلوى بستهزاء : حلفي لا لا ماصدق توجع مو ياهبله أذا الشلخ الصغير يوجع شلون عمليه
نجد : نجود لازم تمشين عشان تطلعين تعبت أنام بروحي
نجود : لخاطرك بس
بشاير(دخلت) : هاااااااااي يم يم أشم ريحة حليب وفطاير
روابي : يعيني ماجابك إلا الحليب والفطاير وبعدين ليه مارحتي مو خلصت مناوبتك
بشاير(تاخذ فطيره وتجلس) : إلا خلصت بس حبيت أجلس معكم شوي
عايشه(تمد لها حليب) : مير الله يحييك تفضلي
بشاير : مشكوره ياقلبي تصدقن يااااااااي لو تشوفن أسيل وعبدالله والضحك مالي الممر وربي لولا الحيا كان جلست معهم
نجود : ليه الجلسه معنا مو حلوه
بشاير : نعم نعم خلي أحد غيرك يتكلم وأنت طول الوقت ياآآي أأأأي ياماأبي أبره وأأأي
الكل : هههههههههههههههههههههههههههههههههههههههههههه
نجود : جـــــــــــــــــــــب زين
بهذي اللحظه دخل فراس
فراس : السلام عليكم
الكل : وعليكم السلام
فراس : شلونك نجود
نجود : بخير ياخوي تسلم
فراس(لف لبشاير وأبتسم) : شلونك بشاير
بشاير : كنت بخير
فراس : كنتي
بشاير(توقف) : يله السايق ينتظرني برى باي
فراس : أفااااااا يعني أذا حضرت الشياطين ذهبت الملائكه
بشاير : قلتها يله أودعناكم بخير
فراس(يبتسم) : أودعناك
بشاير(في نفسها) سخيف مالت عليك
طلعت بشاير متنرفزه وحست أسيل أن مزاجها تغير أستأذنت عبدالله وراحت لها
أسيل(تمسك يدها) : هووب لحظه علامك
بشاير(بعصبيه) : من أخوك فرييييييييس
أسيل : وش سوى بعد
بشاير :ما أدانيه أكرهه أكرهه
أسيل : ليه فراس حبوب
بشاير : المشكله أنك ماتعرفين ليه أكرهه
أسيل : طيب قولي لي
بشاير : ميخالف مره ثانيه السواق برى
أسيل : على راحتك بس أنتي ماخذه تفكير غلط عن فراس
بشاير : باي أسيل
أسيل : باي
@storykaligi
🍃 85 🍂
في بيت الخال.......
أمل نزلت لأمها تحت بعد ماصحت من النوم ..
أمل : أوووه حمود عندنا حياك الله
حمود : الله يحييك أبدا مريت أسلم على خالتي ليه فيها شئ ؟
وسميه : أفاااااا البيت بيتك بروح أجيب القهوه ..
أمل تجلس : مو الأحباب مو هنا نقلو مكان ثاني ..
حمود : قالت لي خالتي
أمل : أحسن كذا قلعتهم
حمود بعد صمت وبخبث : أمل شخبار نواف ؟
أمل أرتعبت وحست بالرجفه : نواف من نواف ؟
حمود يطلع جواله : شوفي هذي الصور يمكن تتذكرين ..
أمل شافت الصور كانت صورها مع نواف على البحر قاعدين ..
حمود : حلوين صح وياحلوكم تلعبون في الماي بس عن جد ما أقدر على كذا صورته وهو يبوس خدك واااو تحفه ..
أمل(بدت دموعها تنزل) : حمود أرجوك ..
حمود : ياربي أيش راح يسوي أبوك إذا شافهن لا لا عبدالله أحسن ..
أمل تحب يده وتترجى : لا تكفه أنا بنت خالتك حراااااام عليك ..
حمود يدزها عنه : بس هذا شرفنا مقدر
أمل : حمود طلبتك أنا أمل أموله ..
حمود بخبث : إذا نفذتي اللي أقول لك عليه راح أمسحهن ولا كأني شفت شئ ..
أمل : موافقه
حمود : أنتي عارفه نجود أبيها ..
أمل : عارفه بس ما أعرف وين ساكنين ..
حمود : عادي أنا أسأل وأعرف عنهم كل شئ ..
وأمل : وأنا شنو المطلوب مني
حمود : أبيك يوم أتصل تكونين جاهزه وبس
أمل : والصور
حمود : هاااااي لما تنفذين المطلوب منك ..
أمل : زين
وسميه : ياحيا الله حمود شلون أمك ؟
حمود : بخير ياخاله ..
**
جراح توه صاحي لان اليوم الخميس إجازه ما يصحى إلا متأخر على الساعه 12 الظهر شاف أخوانه بسام وأبتسام ..
جراح : صباح الخير
أبتسام : زلاح
جراح : ههههه زلاح حلوه ذي ياعيون زلاح آمري ..
أبتسام : زلاح نلوح نلعب ؟
جراح(يمسح على شعرها بحنيه) : عندي شغل بسومه إلا بابا وين ..
حنان من وراه : سعد طلع أبتسام بسام على غرفكم ..
جراح(تخرع واللي أربكه قربها منه) : بسم الله علامك أنتي تطلعين فجأه ..
حنان بدلع : بسم الله عليك ..
جراح بعد عنها : علامك يامرت ابوي عيب عليك ..
حنان : أنت عارف علامي لا تتغيبا
جراح : أقول شيلي هالأفكار من عقلك وتعوذي من الشياطين فاهمه ..
حنان : جراح لا تتحداني فاهم ..
جراح عصب : أنتي مجنووووووووونه
حنان بعصبيه : أنا مجنونه
جراح عصب بزود : قصري حسك وبعدين أنتي ناسيه أنك مرت أبوي أطلع أبرك لي ..
حنان : حرام عليك حس فيني ..
جراح ما ألتفت لها وطلع قبل يرتكب جريمه بالبيت ..
حنان : جراح جراااااح هين ياجراحوه والله لأوريك
في بيت عبدالوهاب على طاولة الأكل
الأب : فراس شلون أختك ؟
فراس : بخير يبه .
الأب : فهد ماشوفك رحت لها ..
@storykaligi