الفصل 77
❤️📝 روايات وقصص مميزة 📝❤️:
🍂 366 🍃 طلع والمنشفه ع خصره وينشف شعره ، سمع صوت جواله يرن ولف له ومشى واخذه شاف رقم غريب استغرب ورد
عايد:نعم؟
.....:عايد؟
عايد:اي نعم من معي؟
.....:لهدرجه ماتعرف صوت ابوك؟
عايد بصدمه سكت
حمدان:شلونك ي ولدي
عايد توتر:يـ يبه
حمدان: هلا!
عايد اخذ نفس وحاول يهدي نفسه:وش بغيت
حمدان:بغيت اشوفك انا بالسعوديه وينك انت
عايد سكت شوي وبعدها:انت قول وينك وبجيك
حمدان:لا والله انا اللي بجيك ، قولي وينك ي الغالي
عايد نزل راسه وحس بسعاده وابتسم:انا بـ..
ووصف له المكان وحمدان يسمعه
،
الممرضه:ماكان لازم تتحرك عمليتك توها يعني تحركك هذا بيأثر عليك انت
مي ناظرت لسيف:قلت له بس عنااااد
سيف ناظر لمي بهدوء وابتسم
الممرضه:انتبهي له انتي زوجته ع الاقل لايقوم
اختفت ابتسامه مي:لا انـ..
سيف قاطعها:مشكوره خلاص انا تمام
الممرضه اخذت اغراضها وطلعت ومي لفت لغزل الجالسه ع السرير
مي: يلا غزل بنروح لجدك وايلاف
سيف: وين وين؟ تونا
مي: وين تونا برجع جلستي مالها معنا هنا وانت ارتاح واذا دخلو اهلك وانا لحالي عندك بينزعجون
سيف ابتسم:خلك ابيك بموضوع
مي مسكت يد غزل:نتكلم بعدين
سيف فجاءه مسك يد مي وانصدمت مي ولفت له
سيف:قلت خلك بقولك شي
مي سحبت يدها بسرعه وسكتت
سيف: غزل بابا روحي لصقر برا
غزل نزلت: بروح لياسر
مي: لا تزعجين الرجال
غزل ماسمعتها وطلعت ومي اخذت نفس
سيف بهدوء:تدرين ان غزل شكثر غاليه عندي صح
مي ناظرت له
سيف:وتدرين انك ام الغاليه
مي:وش بتقول؟
سيف:مابيكم تبقون كذا ضايعين ، انا ..
مي قاطعته:سيف انا للحين ع ذمه غانم وخالي موجود مو ضايعه
سيف:وغانم مستحيل ترجعين له
مي:بس خالي موجود
سيف:خالك مو دايم لك
مي: سيف!!
سيف بحده:اسمعيني ، زيد بيطلبك اول ماتتطلقين من الزفت غانم
مي انصدمت:زيد؟؟
سيف:اي زيد
مي ناظرت لسيف ومنصدمه
سيف اخذ نفس:زيد بيصونكم ويحميكم و..
مي قاطعته :بس بس مالك دخل فيني ومالك بظروفنا اللي بيننا حبك لغزل وبس لاتحدد من اتزوج ومتى
واخذت شنطتها وطلعت وسيف منصدم من كلامها وكانها كانت هاديه ومن عرفت ان زيد بيتزوجها انفجرت
،
طلعت مي من الغرفه ومشت بسرعه لمكتب ياسر وصمود وصقر يناظرون لها
صقر:وش فيها
صمود:ماادري كانها معصبه
صقر تنهد:انا عن نفسي طقيت من جو المستشفى
صمود لفت له بفرحه:نطلع؟
صقر ابتسم:وين
صمود:ممممم للبحر
صقر:لا انا عندي مكان احلا
صمود تحمست: وين
صقر قرب لها وهمس: بيت جدتي
صمود اختفت ابتسامتها
صقر:هههههههههههه يلا
صمود صدت:لا عجبني المستشفى
صقر:ههههههههه مو بكيفك
وقام ومسك يدها وسحبها وصمود خافت:لا عاد صقر تكفى تكفى تكفى الا ذاك البيت
صقر:هههههههههههههه
@storykaligi
🍃 367 🍂
الساعه ٤:١٠
وصل منصور لبيت ابوعقيل ومعه الشيخ اللي بيملك وعبدالله
منصور:تاخرنا تشوف
عبدالله:ماعليه ي شيخ معنا بزر
لف له منصور بحده
عبدالله:مادري عندك الساعه ماصارت نص ومعك كل الليل
منصور بهدوء:تفضل ي شيخ
الشيخ:لاتستعجل خلك راكد
ابتسم منصور:ابشر
عبدالله:عجزت وانا اعلم فيه مايفهم
منصور:انطم انت رجاءً
الشيخ:يلا
ونزلو وطق منصور الجرس
شوي وفتح عقيل مبتسم من شاف عبدالله ومعه منصور اختفت ابتسامته بصدمه ماتوقعهم ابد يعرفون بعض ، وجايين مع بعض؟؟؟؟؟
منصور:سلام
عقيل استوعب:هلا وعليكم السلام تفضلو
سلم عليهم ودخلو وعقيل يناظر لهم ومشى لداخل البيت ينادي ابوه وفايز
،
حنان بربكه:جو!
هنادي ترفع شعرها:اي جو شفتهم من الدريشه
حنان:وابوي راح لهم؟
هنادي:افتحي الباب واسمعي صوته اذا فيه ولا راح لهم
حنان جلست ع السرير:ماقدرت اوقف رجفه يدي
هنادي:شفيك اهدي لو ماتعرفين منصور كان ممكن تخافين
حنان:ولو مرتبكه
هنادي ابتسمت:يمكن بيقرب لك ويضمك و..
قاطعتها حنان بعصبيه:انقلعي انزلي
هنادي:ههههههههههههه الحمدلله بس بوقع وانتهي
حنان بربكه صدت وهنادي تضحك وطلعت
،
مي:مشكور ع كل شي مره ثانيه
ياسر شايل غزل:العفو ماسويت شي ، انتبهي لها زين
مي:ان شاء الله ، يلا غزل
غزل بحركه عفويه ضمت ياسر وباست خده
ياسر: يااااااناس ، تكفين ي ام غزل كل فتره بشوفها
مي ابتسمت:ان شاء الله
ياسر لف واخذ كرته واعطاه مي: هذا رقمي اتصلي واقطعي وانا بتصل اذا فضيت عشان اجيها
مي:ان شاء الله
ونزل ياسر غزل ع الارض وباس خدها وراسها ومي مسكت يد غزل وغزل مسكت يد ياسر ورفضت تتركها
مي:ههههههههه بنطلع لخالي برا تقدر تجي لين تترك يدك
ياسر ابتسم: مرتاح معها عادي
ابتسمت مي وفتح ياسر الباب وطلعو ومشو ع وضعهم تحت نظرات سيف اللي طالع من غرفته ومن شافهم جمد ماقدر يسوي شي او يقول شي
،
بسياره عبدالعزيز
عبدالعزيز:البنات رجعو للبيت؟
عليا:اي توهم مع فهد راحو
عبدالعزيز:طيب ليش متضايقه
عليا:مو متضايقه بس مليت من هالوضع
عبدالعزيز: اليوم او بكرا سيف بيرجع للبيت
عليا:قصدي المشاكل
عبدالعزيز ابتسم:لاتهمك ي الغاليه ، مافي شي يستاهل تضيقين صدرك عشانه
ابتسمت عليا وهمست: ننزل!
عبدالعزيز: دامنا تونا رجعنا من الغدا ليش لا خلينا ننزل لسيف
عليا:يلا
ابتسم ووقف سيارته وعلياء حست معها احد تشد ظهرها فيه عكس الفتره اللي راحت
كانت فاقده هالاهتمام
@storykaligi
🍂 368 🍃
ابوعقيل يناظر لمنصور ولعبدالله مستغرب ومنصور وعبدالله يسولفون بهدوء
عقيل:نبدا ي شيخ الملكه
الشيخ :ابد والله ابشر
منصور ناظر لهم وابتسم:عبدالله بالاول
عبدالله:لا حشى مااتزوج قبلك
منصور:انت جاي قبلي
عبدالله:انت جاي متحمس
عقيل:تتعزمون انتم
منصور:ههههههههههههههه
الشيخ:بيتزوجون مع بعض قربو بتوقعون وبيدخل الدفتر
عبدالله:كذا تمام
ابوعقيل:دقيقه شوي
سكتو شوي
فايز:عمي فيك شي؟
ابوعقيل يناظر لمنصور:انت تعرف عبدالله من متى
منصور سكت شوي واخذ نفس بيتكلم وقاطعه فايز
فايز:عمي هالسؤال ما اتوقع له داعي
ابوعقيل لمنصور:تعرفه من متى
عبدالله بثقه:انا صديقه من ايام الجامعه
ابوعقيل ناظر لمنصور:وليش ماتتكلم انت
منصور بثقه:لاني ماشوف هالسؤال بيفيدك بشي
ابوعقيل:لا بيفيدني ولا ناسي كلامك لي اخر مره شفتك فيها بهالمجلس
عقيل بقهر: يبه
فايز:عمي خلاص عاد
منصور:لا مانسيت ، بس شكلك انت اللي ناسي وش سويت
عبدالله همس:منصور وش يبي هذا؟
منصور لف لعبدالله بصوت واضح:عبدالله انت جاي مجبور
عبدالله:لا
منصور:تبي بنت ابوعقيل
عبدالله:الله الله شاريها وشاري نسبهم
فايز:والنعم فيك
ابوعقيل ناظر لهم ومنصور ناظر له
منصور:وصلت اجابتك
عقيل ابتسم:بيض الله وجهك
منصور:ووجهك ابيض
الشيخ:عم ابوعقيل نبدا
تنهد ابوعقيل وهمس:ابدا
وابتسم عبدالله بفرحه ومنصور ناظر له باابتسامه هاديه
،
عايد:مشاري كل شي جاهز؟
مشاري:كل شي تمام صرفنا الشباب اليوم ورتبنا الاستراحه ولك الحريه
عايد:حلو باقي ساعه بالكثير ويوصل
مشاري:حلو
وابتسم عايد ودخل ومشاري ناظر له وابتسم بااستغراب وهمس:لي معك ٧ سنين ماقد ابتسمت لي هالابتسامه ي عايد
،
بالمستشفى
سيف بعصبيه:قلت ماااااابي
الممرضه:كيف ماتبي المغذي مجبور تـ.
صرخ سيف: مابي ماتفهمين انتي
علياء ناظرت لعبدالعزيز ورجعت تناظر لسيف ومو عارفة سبب عصبيته وساكته وطلعت الممرضه وسيف صد متوتر
،
صفاء اخذت ملابس ساميه ورمتهم بالشنطه
ساميه تبكي:مابي اررررح معك افهمي
صفاء ماردت ورجعت تجمع ملابس ساميه وتحطهم بالشنطه وساميه تبكي
ساميه:خلااص ماااامااااا
صفاء حطت الملابس وسكرت الشنطه
صفاء :لاتقولين خلاص اللي سويته سود وجيهنا ي ساميه
ساميه: وش سويت عشاني حبيت
صفاء : ومن حبيتي اخو زوجك ي وقحه
ساميه تبكي:غصب عني يمه
صفاء قربت لها وضربت كتفها وصرخت: لاتقولين غصب
قومي بنرجع جده اليوم
ناظرت لها ساميه بصدمه وصفاء لفت ومشت بقهر وساميه حست خلاص زمن دلع امها لها راح وماعاد يرجع ودموعها ماقدرت توقفهم
@storykaligi
🍃 369 🍂
قدام البحر
بجو هادي ونسمه بارده
صقر باابتسامه: وش علينا من الناس
صمود: شلون وش علينا ، مو هالناس اهلك ومنصور وصديقاتي
صقر يناظر لها وحط يده ع خدها: تصدقين عاد
صمود ابتسمت: بصدق
صقر: احسك صرتي انا ، اذا قالو صمود احسهم يقصدوني بيوجهون الكلام لي مو لك
صمود استحت ونزلت راسها وهمست: وانت تصدق لو قلت لك كنت استخف كلمه (نصفك الثاني) بس عرفته معك من جد احسك انا بس بمكان ثاني
صقر بهدوء: ماكنت متوقع يجي يوم وبيكون في شخص هالقرب لي
صمود: ولا انا ، توقعت ماحد يصبر ع شخصيتي
صقر: شخصيتك هي اللي جذبتني لك
صمود ابتسمت
صقر قرب لها وهمس:كل شي يضيق صدرك بالماضي انسيه ، ماابي شي يبكيك
صمود ناظرت له
صقر: اتفقنا؟
صمود حركت راسها بـ اي وصقر قرب وباس راسها
،
عبدالعزيز يكلم:اوك تمام جاي ، سلام
وسكر
سيف:بتطلع
عبدالعزيز:اي
سيف:وانا برجع البيت احس نفسي احسن
عليا:متاكد
سيف:اي ، بتصل بصقر يجينا
عليا:السواق برا
سيف:طيب
عبدالعزيز:اجل روحو للبيت وانا عندي شغل اخلصه واجيكم
عليا:طيب انتبه لنفسك
عبدالعزيز:ان شاءالله
ومشى لسيف وساعده يقوم وسنده وعليا لفت لخدامه وراها
علياء: رتبي اغراض سيف ورجعيهم للبيت وانا بروح معه
الخدامه:اوك مدام
وطلعت علياء وراء سيف وعبدالعزيز ، من مرو من عند مكتب ياسر لف سيف وشاف المكتب فاضي وحس بشي داخله اوجعه وصد ومشى وعبدالعزيز سانده
،
وقعو منصور وعبدالله ع الدفتر واخذه عقيل ودخل
فايز باابتسامه؛ مبروك ي عيالي
منصور: الله يبارك فيك ي الغالي
عبدالله:الله يبارك فيك
ابوعقيل يناظر لعبدالله:مبروك ي ابوي
عبدالله:الله يبارك فيك
وصد ابوعقيل ومنصور ابتسم وما اهتم
،
داخل البيت
هنادي وقعت وهي مبتسمه
حنان بفرحه:حبيبتي مبروك
هنادي:الله يبارك فيك
حنان تهف ع نفسها بيدها:مبروك مبروك هنادي
عقيل: وقعي حنان يلا
حنان ناظرت له بطرف عين وصدت لهنادي
حنان:هنادي احس نفسي بفرن
هنادي:غريبه احساسك هههههههههه
بدور:ههههههههه حنان سمي ووقعي
حنان:يمه بطني يوجعني
بدور:حنان اخلصي
حنان ناظرت لدفتر وحاولت تهدي نفسها وهي تهف ع نفسها واخذت القلم ووقعت بسرعه وشخابيط
بدور:هههههههه مبروك
حنان :وقعت؟
هنادي:ههههههههههه ايه مبروك
حنان بفرحه:اخيررراً
وسكتت شوي وبعدها شهقت وهي تضحك
حنان:قصدي اني وقعت مو عشاني تزوجت يعني
عقيل ابتسم واخذ الدفتر وطلع وبدور قامت بسرعه وضمتهم بفرحه وهي تحس نفسها امهم ثنتينهم
@storykaligi
🍂 370 🍃
مشاري ابتسم:طال عمرك اول مره اشوفك كذا متحمس
عايد اخذ نفس وهمس:ابوي كان متبري مني ومنكر اني ولده وفجاءه كذا تقرب لي ويبيني اكون معه ، صح كنت بخسره امواله بس بعد قربه لي مستحيل اضره ، مشاري انت ملاحظ تغيري حتى ماقمت اصرخ ع احد
مشاري: ملاحظ ، الله يجمعكم ع خير
عايد: يارب بعد ما ابوي بيقرب لي انا بنسى كل اللي كنت فيه ، وبعتذر عن كل الاخطاء
مشاري بصدمه:تعتذر؟؟
عايد ابتسم: اي بعتذر ، اللي سويته مو قليل انا سويت ذنوب وربي ستر علي ، زنيت وحتى قتلت النفس البريئه ونميت بين خلق كثير وكرهتهم ببعض .. بعد اليوم ما ابي ارجع لهالامور
مشاري:كثير تغيرت ، الله يسعدك بدنياك الجديده
عايد:امين وانت الله يسعدك ابعد عن هالشغلات
مشاري:ان شاءالله ببـ..
ماكمل ورن الجرس
عايد بحماس:هذا ابوي روح افتح انت
مشاري:طيب
وقام ومشى وعايد مبتسم ووقف ومتوتر اخذ نفس حاول يهدي نفسه وفجاءه دخل عليه رجال كبير بالسن بس واضح بعافيته وعرف انه ابوه حمدان وابتسم ودخلو رجال شرطه بعد حمدان واختفت ابتسامه عاااايد بصدمه
عايد:من انتم وش تبون؟؟
وسمع صوت وراهم يعرفه
ودخل مبتسم عبدالعزيز:ماعرفت من ذول؟
عايد انصدم وناظر لعبدالعزيز
وشاف رجال شرطه ماسكين مشاري ومكتفينه
عايد ناظر لابوه: يبه!!!
حمدان: عفواً؟ ميت ابوك؟
عايد بصدمه:انت انت ابوي شفيك انكرت
حمدان: انا مالي عيال وانت تعرف والاوراق اللي ارسلتهم لي مزوره
عايد بعصبيه: مو مزوره لاتكذب ع نفسك
حمدان: الا مزوره وانت كنت بتكذب ع الشرطه صح
عايد فتح عيونه مو مستوعب
عايد:عبدالعزيز انا ارسلتك لامريكا تجيب الاوراق صح
عبدالعزيز بضحكه: لا انت واضح شرب هالحرام مأثر ع عقلك
عايد تنرفز : هيه انتم متفقين انا مازورت انتم كذبتو
حمدان:حضره الضابط تفضل احنا سوينا اللي علينا
الشرطي:ماقصرتو ، تعال انت
عايد كان منصدم ومو قادر يستوعب انه انلعب عليه ،
نجود شهقت : سيف
سيف ابتسم:عيونه
نجود:نورت البيت
وضمته وسيف حس بوجع وسكر عيونه
عليا بسرعه: سيف!
سيف:مافيني شي بس نجود دفشه
نجود بعدت عنه وتناظر له مبتسمه:اشتقت اشوفك بالبيت
سيف:كل اللي غبته يومين
نجود:احسهم شهرين
شروق قربت بهدوء وسلمت عليه: عساها اخر الاوجاع
سيف: حياتي ع النعومه
ابتسمت شروق وسلمت ريوف بهدوء
ريوف:حمدلله ع السلامه
سيف ناظر لريوف وشكلها مو ع بعضها بس سكت ومشى وجلس وعلياء نزلت عباتها وجلست جنبه والبنات حوله
@storykaligi