الفصل 72
❤️📝 روايات وقصص مميزة 📝❤️:
🍃 341 🍂
عليا:تعال فهمني وش بينكم؟
سيف اخذ نفس ولف لامه:بيننا اخوه بس
عليا:وايش!!
سيف:يمه!!!
علياء رفعت حاجب ع صوت الباب
ودخل عبدالعزيز
عبدالعزيز: ريوف وشروق ونجود ارجعو البيت خلاص يكفي جلستو كل اليوم
شروق: انا تعبت اصلاً برجع ، سيف انتبه لنفسك وحمدلله ع سلامتك
سيف ابتسم: الله يسلمك ي قلبي
نجود ابتسمت:اذا تبون شي كلمونا
عليا:ان شاء الله
ريوف كانت جالسه وساهيه مو معهم ابد وعبدالعزيز يناظر لها:ريوف ي قلبي
ريوف ساهيه
مشى عبدالعزيز لجنبها وجلس وانتبهت ريوف ولفت له
ريوف:هلا! وشو
عبدالعزيز:حبيبتي وش فيك
ريوف ابتسمت:مافيني شي وش فيني
عبدالعزيز: ساهيه ليش؟
ريوف اخذت نفس وناظرت لامها:ولا شي ،
عبدالعزيز: اجل قومي للبيت ارتاحي
ريوف هزت راسها بـ اي وقامت
وعبدالعزيز قام: بنات السواق تحت
شروق:طيب باي
عبدالعزيز:الله معكم
وطلعو ولف عبدالعزيز لمي وناظر لها ومي استحت وقامت
مي: اسفه ضايقتكم
ومشت بتطلع ع صوت سيف:مي
وقفت مي ولفت له
سيف: تعالي لاتروحين
علياء بصدمه همست: سيف!!!
عبدالعزيز ناظر لسيف
مي: ماعليش تطمنت عليك بروح
سيف بحده: تعالي
مي ناظرت لعبدالعزيز وعلياء وتفشلت ومشت له بهدوء
سيف: من متى جالسه هنا!
سكتت مي
عبدالعزيز: ام غزل ماقصرت من امس جالسه وفوق اللي صار لها
لفت مي لعبدالعزيز بسرعه
سيف: وش صار
علياء : لاتضايق نفسك سيف
سيف: مي وش صار؟
مي:ماصار شي ، حمدلله ع سلامتك وماتشوف شي
سيف:وش صار
سكتت مي
عبدالعزيز:ي حبك لنكد ي سيف
سيف يناظر لمي:انتظر اجابه ، غانم وش سوى؟
علياء ناظرت لمي بحده ومي ماقدرت تتحمل ولفت ومشت بسرعه وطلعت وسيف مارفع عيونه عنها ولف لابوه
سيف: يبه وش صااااير لاتقهروني تكلمو
عبدالعزيز:ماادري وش السالفه بس اللي اعرفه زوجها اخذ بنتها ع مااظن كذا
سيف انصدم:نعم!!!!
علياء بخوف: سيف اهدا تكفى اهدا
سيف:وين صقررر! اتصل عليه يبه يمه اتصلي
عبدالعزيز:اهدا اهدا صقر حلها راح للشرطه فهد كان معه
سيف مسك راسه بقوه وهمس:غزززل راحت معه
علياء بخوف ناظرت لعبدالعزيز وعبدالعزيز مستغرب وش اللي معلق سيف فيهم كذا!!!
اما مي من طلعت ماتدري وين تروح ومشت لبرا المستشفى ووقفت تتلفت واتصلت ع تاكسي وجمعت كل قوتها وطلبت يوصلها للجبيل وهي تدعي مايصير لها شي بالطريق وهي تخاف من راعين التاكسي وخصوصا ًان الطريق طويل
@storykaligi
🍂 342 🍃
لبس بنطلون جنز وقميص كحلي ووقف قدام المرايه يرفع اكمامه وعدل شعره وتعطر وابتسم وهو يناظر لسرير من المرايه ولف وشافها نايمه ببرائه ومشى لها وانسدح جنبها وهمس
صقر: صمود
صمود عقدت حواجبها
صقر: قلبي
صمود فتحت عيونها بهدوء ومن شافته ابتسمت وسكرت عيونها
صقر باابتسامه:الساعه بتصير ٦ ومارحنا لسيف
صمود اخذت نفس:روح انت انا بكلم منصور من زمان ماجلست معه وتكلمنا
صقر: امس مو رحتي معه؟
صمود: ماتكلمنا ابد
صقر ابتسم وقرب لها: طيب انا من زمان ماجلست معك
صمود ابتسمت بهدوء: انا معك
صقر:شلون بعني نكنسل الروحه؟
صمود قامت بسرعه:لالالا يلا بكلم منصور
صقر:ههههههههه طيب
وقام وصمود اخذت منشفتها ودخلت تاخذ دش وصقر جلس ع الكرسي وطلع جواله واتصل بـ زيد
زيد:حي ابوعبدالعزيز
صقر: حياك ، وينك؟
زيد: بالاذاعه توي جيت من شركتكم وينكم مو فيها؟
صقر تنهد: زين بجي اخذك وبتكلم لك
زيد:صاير شي؟
صقر:اذا جيت اقولك تبي شي؟
زيد: خوفتني ، زين انتظرك
صقر:سلام
وسكر وقام
صقر بصوت عالي:صمود بطلع
صمود من ورا الباب:اوك انتبه لنفسك
صقر ابتسم وطلع وسمع صوت بغرفه ريوف واستغرب> من بيكون بغرفه ريوف وريوف بالمستشفى
مشى للغرفه وسمع صوتها
ريوف:اقول لك كلمني ماقدرت امشي واتركه بالقوه مشيت تتوقعين ليش
شروق:ريوف تفكيرك غبي ، اذا قصدك انك ملتي له ترا قسم انه كذاب وش يبي فيك وانتي اخت نسيبه ، وبما ان ساميه متفتحه حيل ع باله ان كل البنات نفسها
ريوف:تصدقين هذي ثالث مرة اشوفه بس ماادري ليش اذا قالت ساميه اسمه احسها تقصدني شرووووووق اوووووف وش بسوي
شروق:انسي اللي تفكرين فيه
ناظرت لها ريوف: غيث براسي عجزت امسحه
شروق:ريووووف شفيك
ريوف بهدوء:كلامه بعد كلام خالتي ريحني كثير
شروق:اووووف ريوووف
سكتت ريوف
شروق:انا بروح انام
صقر من سمع هالكلام انصدم ومشى بسرعه وطلع من البيت وهو يفكر معقوله ريوف العاقله؟؟؟؟؟
،
غيث بهمس:ساميه تسمعيني
ناظرت له ساميه بتعب:امي وين امي!
غيث ضغط ع يدها:خالتي بتجي بكرا ، تحسين بشي يوجعك؟
ساميه صدت وتذكرت اللي كانت فيه وسكرت عيونها ونزلت دمعتها
غيث:ساميه حبيبتي وش صار قولي؟
ساميه بهمس: صمود!
غيث عقد حواجبه
ساميه: هي السبب صمود
غيث انصدم: صمود من؟؟
ساميه بضيق: زوجه صقر
غيث انصدم اكثر وساميه سكرت عيونها وحست بتنفجر بكى
،
@storykaligi
🍃 443 🍂
ريما:شلون يعني؟
هدى:مو مرتاحه اللي سويته خطا ان ماحسبتني امي ربي بيحاسبني عليه
ريما: يااااي ياام قلب انتي اقول انطمي وان قلتي لامي راح تكرهنا احنا وتحبهم هم ، وانتي نسيتي كيف عشمو امي خالتي كل ماشافتنا قالت لامي ريما لصقر وفهد لهدى وين مااشوف هالكلام صار صقر تزوج هالسحليه ذيك وفهد مااهتم فيك عاجبك؟
هدى؛ مره قالتها خالتي بس وبمزح وامي اخذتها بجد وصارت كل مره تقول لك لين صدقتي تراه كذب لاتصدقين
ريما ناظرت لهدى:بسألك
هدى:نعم؟
ريما:صقر وصمود كيف تزوجو؟؟؟
هدى ناظرت لها بااستغراب
ريما:جد ليش تزوجها بالسر وماقال لاحد؟؟
هدى حركت كتوفها بمعنى ماادري
ريما؛ تتوقعين فيها شي؟
هدى:وش عليك منها انتي استغفر الله؟؟؟
ريما:لا ولاشي بس اسأل
هدى: ريما بالله يعني للحين متأمله صقر يجيك؟
ريما:لا بقلعته بس اسأل اتوقع فيها شي
هدى ناظرتها بطرف عينها وريما ابتسمت
.
الخدامه:سارا مااكلتي شي من الصبح
سارا ساكته وتناظر لنافذه
الخدامه: سارا اجيب اكلك؟؟
سارا ناظرت لها: ماريه
الخدامه(ماريه):ايوه؟
سارا:الصور اللي اعطيتك وقلت تصرفي اذا اعطيتك خبر تذكرينهم؟
ماريه:صور البنات؟
سارا:ايوه ، ابيك تقطعينهم خلاص وتمسحينهم من الجهاز
ماريه:اوك
سارا تنهدت:وابيك تسوين لي شي برا بروح لامي بالسجن وافرحها فيه
ماريه ابتسمت:مثل ايش؟
سارا:مممم ملابس لها مثلاً
ماريه:اوكي
وطلعت وسارا تنهدت بضيق وهمست: اوووف وش جاني انا وش هالضيق اللي انا فيه
،
صمود شهقت:نعمممم نعمممم
منصور:ههههههههههههههههههه
صمود:قسم ببكي وش هذا بتملك بكرا؟
منصور: ملكه بس مو زواج وش فيك
صمود:لاني بجي معكم
منصور:بالزواج انتي اول وحده
صمود:اخاف عندك اعتراض بس
منصور:هههههههههه لا ابد
صمود:طيب وصلت الرياض؟
منصور:لا للحين
صمود:اووف منصور كنت بطلع معك وتركت صقر يروح
منصور: ماصار شي خيره
صمود بهدوء:طيب ، مااعطلك انتبه لطريقك زين
منصور:ان شاءالله تبين شي
صمود:سلامتك
وسكرت بضيق ورمت جوالها ورجعت لغرفه الملابس تلبس قبل تطلع وطق الباب
صمود:مين!
ريوف:انا عادي ادخل
صمود:اي حبيبتي تعالي
دخلت ريوف تتلفت:وينك؟
صمود:دقايق بلبس واطلع لك
ريوف جلست:طيب وين صقر
صمود:طلع من شوي
ريوف:طيب
،
حنان:لازم؟
بدور بعصبيه:حناااااان
حنان:طيب طيب بلبس
فايز:بسرعه بنطلع من هالشقه اللي تضيق الصدر
حنان بهمس:والله اللي يضيق الصدر بيت جدكم
بدور:سمعتك
قامت حنان:بلبس ونطلع
ومشت للغرفه وبدور لفت لفايز:متى يوصل منصور
فايز:يقول بالطريق
بدور:الملكه بكرا؟
فايز:ان شاءالله
حنان كانت تسمعهم وابتسمت بفرحه ومشت لشنطتها بسرعه
@storykaligi
🍂 444 🍃
عايد ابتسم:هرب!
مشاري:اي ، اللي سمعته انه صار فيه اطلاق رصاص قدام بيت عبدالعزيز بس ماادري وش صار بالضبط
عايد:ههههههههههههههههههههههههههه غبي قدام البيت عاد ي غانم ههههههههههههههه
مشاري ابتسم:اي وقفل جواله ماقدرنا نوصل له
عايد:قلعته ، اسمع طلعه من القائمه شكله خروف مايفهم
مشاري:ابشر
عايد بجديه:الحين وقت اوراق حمدان
مشاري:ابوك
ناظر له عايد بحده ونزل راسه مشاري
عايد:ابيك تبدا فيها اليوم حطها بشنطه اول شخص رايح لامريكا ووصه ع اللي اتفقنا
مشاري:ابشر
اخذها وطلع وعايد اخذ نفس وابتسم وهو يفكر بوجه ابوه اذا عرف ان ولده عايد اللي تركه من صغره بيسبب له خساره كبيره
،
صمود جلست جنب ريوف واخذت جوالها
صمود:بكلم صقر اذا سمحتي صوت خناقه سكري اذانك
ريوف:هههههههه ليش
صمود:قلت له بروح مع منصور وتركته يروح واذا درا ان منصور مو فيه وانه بيرجع ياخذني بيعصب
ريوف:هههههههه مايسويها صقر
صمود:نشوف
واتصلت ورد صقر بهدوء
صقر: هلا قلبي
صمود عضت شفتها بخوف وناظرت لريوف وهمست:وينك؟
صقر:واقف انتظر زيد يطلع من المحطه
صمود:صقر ترجع لي منصور مو فيه
صقر:وينه؟
صمود:راح الرياض
صقر:انا رايح مع زيد المستشفى يعني انزله واجيك؟؟؟
صمود ناظرت لريوف وابتسمت:اي
صقر:الله!!
صمود:صقرر يلااا
صقر:اوووف صمووود وش اسوي بك انا
صمود تناظر لريوف:خلاص اروح مع السواق
صقر سكت شوي وسمعت عنده صوت
ركب زيد مع صقر وسلم عليه
زيد:شلونك
صقر:تمام ، دقيقه شوي
ورجع للجوال:خلاص جهزي نفسك برجع لك اذا نزلت زيد
صمود بفرحه:اوكي قلبي باااااي
صقر ابتسم:باي
وسكر ولف لزيد
صقر:توك تخلص؟
زيد:اي ، كنت تكلم صمود!
ناظر له صقر بحده:وش دخلك
زيد:هههههههه لا ولا شي بس اذا بتمرها عادي مرها الحين معنا
صقر رفع حاجب وناظر لزيد
وزيد ابتسم: شفيك؟
صقر شغل السياره:لاتجيب طاريها ع لسانك
زيد:اوف اوف لهدرجه تغار
صقر بحده: زيد ، زوجتي ومابي احد يتكلم فيها ، ممكن مجتمعك متفتح بس طلع صمود مو هالتفتح عاجبني انها بعيده عن كل رجال ومابيك حتى تتكلم بها لو بنيه زينه
زيد:اوك اسف
سكت صقر
زيد:ممكن انا متعود كذا بس خلاص ماراح اجي طاري صمـ..
ناظر له صقر
وسكت شوي وبعدها ابتسم:ماراح اجيب طاري زوجتك ع لساني الله يخليكم لبعض
صقر:تسلم
زيد:طيب قول لي وش اللي بتقوله؟
صقر تنهد:اسمع ....
وقال له اللي صار مع سيف
،
صمود:هههههه بيجي
ريوف:عصب
صمود:ماعصب بس كذا تعيجز
ريوف:قلت لك مايسويها خاصه مع اللي يحبهم
ابتسمت صمود
ريوف ابتسمت:ياربي ي زينكم تجننون ، يارب ارزقني
صمود:تستاهلين احسن ، هاه قولي لي وين كنتي وكيف سيف؟
ريوف نزلت راسها:طيب
صمود عقدت ححواجبها؛شفيك؟
ريوف:غيث..
@storykaligi
🍃 445 🍂
صمود عقدت حواجبها؛ شفيك؟
ريوف:غيث
صمود بصدمه:شفيه؟
ريوف:كلمني اليوم ، ياربي ماادري ليش كذا كل شي داخلي يتحرك اذا قلت اسمه
صمود: يالله ، قولي وش صار
ريوف:اسمعي....
وبدت تتكلم من سالفه خالتها الى ماوصلت للبيت
وصمود منصدمه
،
بالشقه
شقه مستاجرها غانم عشان يتخبى فيها عن الشرطه
طفشت غزل من الالعاب وقامت وطلعت لغرفه ابوها ببرائه شافته نايم وضحكت بفرحه وكانها راشده وجرائه الكون كله فيها
ومشت لباب الشقه بهدوء وفتحته بصعوبه وركضت ماتدري وين بس تبي امها تبي الحنان جنب امها صارت تركض وبس وماحد انتبه لها لين طلعت لشارع وشافت السيارات وخافت وتلفتت ومشت ع الرصيف بخوف ودموعها ملت عيونها
،
صوت الجرس يرن
عقيل: طيب طيب ،
وفتح الباب وابتسم بفرحه: هلا والله
فايز:هلابك
سلم عليه ودخلو بدور وحنان
عقيل قرب لبدور وضمها: وينك اشتقت لك
بدور ابتسمت: ي قلبي وانا بعد
حنان صدت وابتسم عقيل لبدور ولف لحنان
عقيل: حبيبه خالها تعالي ضميني طيب
حنان مشت له ببرود وسلمت ولفت ومشت وعقيل يناظر لها
بدور بضيق: لاتشيل بخاطرك
عقيل ابتسم:لا عادي تفضلو
لفت بدور وشافت لفايز الواضح انه تضايق من تصرف حنان وسكت
،
هنادي صرخت:حنننننننننناننننن
ضمتها حنان:يالله اشتقت لك
هنادي:وانا وربي شلونك
حنان:تمام اسمعي وين جدي؟
هنادي:برا
حنان تنهدت براحه: زين
هنادي:هههههههه امك وينها
حنان:تحت
هنادي بفرحه:بروح لها
حنان:طيب وانا برتاح وانزل
هنادي:طيب
ونزلت وحنان قامت ع صوت جوالها بنغمات رسائل متتاليه تذكرت ان تو توصلها شبكه هنادي واخذت الجوال وفتحتها شافت منصور مرسل لها وفزّت وفتحت المحادثه
منصور:(انا جاي لرياض بااخذك لي لحالي واعطيك نفسي ملك لك وبرجع)
ابتسمت حنان ونزلت الجوال وتنهدت بحب وقامت تغسل
،
صقر:وصلنا رقم غرفته ٥٦٠
زيد:طيب
ونزل وصقر طلع جواله واتصل وردت بسرعه
صمود:ايوه!
صقر:بنت بقولك شي
صمود:ايش
صقر:مو لازم تجين اليوم في رجال عند سيف واصلاً البنات بالبيت
صمود:اي صقر بس مي
صقر بضيق:اي صح بنزل اشوفها وارد لك
صمود:طيب
وسكر ونزل وصمود لفت لريوف
صمود:كملي
ريوف:هذا كل اللي صار ، كلامه بعد كلام خالتي ريحيني صح ماقال شي كثير بس نبره صوته تكفي
صمود تنهدت:ي حياتي انتي ، شكلك عشقتي
ريوف:ياربي لاااا
صمود ابتسمت:خلينا منه ، كلام خالتك منيره لايهمك اكيد كانت معصبه
ريوف:ان شاء الله كذا
ضغطت صمود ع يدها وهمست:اكيد
وابتسمت ريوف لها
@storykaligi