الفصل 69
❤️📝 روايات وقصص مميزة 📝❤️:
🍃 326 🍂
منصور:كل هذا صاير وانا ماادري!!
صمود:متى لنا وقت نتكلم ونقول لاي احد
منصور:الله يعين وشلونهم الحين
صمود:احسـ..
ماكملت وهي تسمع صوت علياء صرخت ولفت شافت صقر ماشي لهم وضم علياء
صمود: اكلمك بعدين منصور
منصور:ليـ.
ماكمل وسكرت صمود ومشت لهم حست براحه انه رجع
علياء تبكي: وين رحت
صقر ضامها وساكت
عليا بعدت عنه وناظرت لعيونه:صقر ترا سيف هنا تراه عايش بالعمليات مامات
جمدت ملامح صقر وناظر لها
قدمت صمود وابتسمت:اخطو قبل شوي وحسب بالهم ان احنا اهل الولد اللي مات ، سيف داخل عايش
ناظر لها صقر ومو مستوعب
عبدالعزيز: مو مستوعب ، صقر سيف طلبك دم وماحصلك
صقر بسرعه؛ وينه وين؟
عبدالعزيز ابتسم:خلاص ريوف ونجود تبرعو
صقر:بس انا نفس دمه
عبدالعزيز: وريوف ونجود بعد
صقر:طيب وينه؟
عليا:بالعمليات
صقر ناظر لامه شوي وبعدها اخذ نفس وسكر عيونه بقوه وعلياء ضحكت وضمته ماحس بنفسه صقر وشالها وهو يضحك وصمود والبنات يناظرون لهم مبتسمين
ماعدا مي اللي مو معهم وقامت ومشت لبعيد بدون ماحد يحس واخذت جوالها واتصلت بيوسف اللي رد بسرعه
يوسف: وينك
مي:خالي لاتعصب انا ماراح ارجع اليوم بـ.
قاطعها يوسف:غانم اخذ بنتك وانتي وينك؟؟؟
مي انصدمت وصرخت:نعمممممم
لفو لها كلهم وناظروها
يوسف:اخذها بالقوه وحظرتك ماتردين
مي جمدت ماحست الا بيد صمود ع كتفها وصوتها
صمود:وش فيك
مي لفت لصمود وهمست:غانم اخذها اخذ غزل
صمود شهقت:نعم؟
مي امتلت عيونها دموع وسكرت الجوال
مي:خلاااص ماراح يرجعهااا لي خلاص راحت
صمود ناظرت لصقر وقربت لمي وضمتها:لا بترجع ويرجعها غصب مو برضاه
مي تبكي
قرب لهم صقر عاقد حواجبه:وش صاير؟
مي تبكي:اخذ غزل غانم اخذها
صقر بصدمه ناظر لصمود وصمود اخذت نفس وهي ضامه مي
ولف صقر: فهد
فهد:هلا
صقر:تعال
فهد:وين
صقر:تعال وبس
ومشى وعبدالعزيز صرخ:وووين
مارد صقر وطلع وفهد مشى وراه
وعبدالعزيز خاف عليهم ومشى بسرعه معهم
وعليا مع بناتها مستغربين ومايدرون وش صار
@storykaligi
🍂 327 🍃
ركب السياره وركب جنبه فهد
فهد: وين بنروح وش صار
صقر: لشرطه
فهد لف له: ليش! عشان هالدكتور ترى انا بتفاهم معه بعدين بقول لشرطه لاتخرب علي
صقر حرك:لا بتعرف بعد شوي
وسكت فهد ووده يسأل بس شاف صقر ع اعصابه
اما عبدالعزيز من شافهم مشو انقهر وطلع جواله واتصل بصقر مقفل وسكر واتصل بفهد وشوي ورد فهد
فهد:امر يبه
عبدالعزيز: وين رايحين
فهد لشرطه
لف له صقر معصب وقمط فهد
عبدالعزيز:لاتتهورون لايجيكم مثل ماجاء سيف
فهد:لا ماعليك ان شاء الله
عبدالعزيز:انتبهو مابي اخسر احد
فهد:اهدا يبه بنرجع
عبدالعزيز:ان شاء الله
وسكر وفهد لف لصقر
فهد:ابوي خايف علينا
صقر: ماراح يصير شي ان شاءالله
فهد سكت وصقر اسرع
،
لف عبدالعزيز بيدخل ع صوت وراه
منصور: ابوسيف
لف عبدالعزيز له
منصور ابتسم:خطاكم السو
عبدالعزيز نزل راسه وسكت
منصور باس راسه:شلونك
عبدالعزيز رفع راسه وهمس:مو شايل بخاطرك علي؟
منصور:لا يشهد الله علي ليش
عبدالعزيز:عشان اللي سويته باختك
منصور ابتسم:كل شي رجع لوضعه وانا من قالت لي صمود انك رجعت لمثل ماكنت وربي فرحت بس سالفه سيف ضيقت خلقي
عبدالعزيز:من ماضيقت خله هالسالفه ، الله يطلعه بالسلامه بس
منصور:امين بس هالدكتور لاتسكتون له
عبدالعزيز:بعد مايطلع سيف ان شاء الله
منصور:ان شاءالله
عبدالعزيز:تعال ندخل
منصور:يلا
،
بالقسم
صقر بعصبيه:اقول لك خطفها
الشرطي:هذي بنته مايعتبر خطف
صقر:اجل وش يعتبر ، هالشخص مريض
الشرطي: مافي شي يثبت
صقر ضرب الطاوله بقوه:وبعدين اقول لك هالشخص مريض توه ضارب اخوي بمسدس وهو بالمستشفى الحين وتقول مافي شي يثبت
ناظر له الشرطي
وقرب فهد لصقر وهمس:خلاص مافي فايده امش
صقر: لا ماراح امشي ، الا ومتحركين ذول
الشرطي:اذا ضارب اخوك بمسدس معناه البنت ماتبقى معه ، اكيد بس دقيقه بتاكد عن بلاغ هالمسدس
صقر بعصبيه:استعجلو
فهد:صقر خلاص
صد صقر والشرطي رفع السماعه يكلم
وفهد ماسك صقر مايتهور
شوي وقام الشرطي
الشرطي:تاكدنا بنتحرك الحين بس نبي العنوان
صقر: شقته بـ...
الشرطي بعد ماكتبه:اوك ورقمك؟
صقر:٠٥.....
وبدا يتكلم والشرطي يكتب ومن خلص قام وطلع وفهد لف لصقر:يلا خلص دورنا بنرجع لسيف قبل يطلع
صقر تنهد:يلا بس يارب يلقونه
فهد:ان شاء الله
وطلع صقر وفهد وراه ركبو السياره ومشو
@storykaligi
🍃 328 🍂
منصور بهمس: صمود مي خلاص مو تقولون صقر راح يعني بيحلها اهدو انتم
صمود:قول لها لاتقول لي
مي: بنتي اخذها هالمجنون شلون تبوني اهدا
منصور: لاتزيدين هاللي ينتظرون ولدهم يطلع ، وخايفين عليه انتي هدي نفسك غانم لو سوا كل شي مستحيل يضر غزل
مي مسحت دمعتها:بس وربي ماني قادره اهدا
منصور:تعالي اجلسي بجيب لك ماء بارد وتهدين
صمود: تعالي
واخذتها ومشو ومنصور راح يجيب ماء
ع طلعه الدكتور وفزو كلهم
عبدالعزيز بجمود:شلونه
الدكتور بضيق:انا اسف ع اللي صار قبل شوي
شروق صرخت: وجع اوجعت قلبي ع بالي بتقول شي ثاني
ناظر لها الدكتور
علياء:اهدي شروق ، وشلون سيف تكلم
الدكتور:الحمدلله اصلاً الرصاصه كانت سطحيه قدرنا نطلعها بس يبي له راحه لوقت
عبدالعزيز تنهد براحه:الحممممممممدلله
علياء جلست وابتسمت:الحمدلله
والبنات فرحو ومشى الدكتور ع جيه صقر وفهد ومعهم منصور
صقر من شافهم والدكتور ماشي من عندهم مشى بسرعه
صقر: وش فيه صار شي
عبدالعزيز ابتسم: الحمدلله مافيه شي
صقر بفرحه: جد
منصور: الحمدلله ع سلامته عساها اخر الاحزان
فهد:الله يسلمك
عبدالعزيز:ريوف يبه اخذي امك وخواتك للاستراحه
عليا:لا بجلس
ريوف:تعالي يمه شوي وبيطلعون سيف وبنشوفه
عبدالعزيز:قومي علياء جلستنا بالمرر ماهي زينه
عليا بهدوء ناظرت له وقامت وقامو معها البنات وصقر وفهد ومنصور جلسو مع عبدالعزيز
،
هنادي:يعني موافقه ع الاسبوع الجاي؟
بدور:والله ما ادري عنه اذا جبنا طاري منصور فرحت واذا جبنا طاري ابوي تضايقت
هنادي: مالومها اكيد تذكر عوض الكلب
بدور:بس عوض راح
هنادي:ذكرى ذيك الايام مايروح
بدور:الله يعين ، ابي اسألك
هنادي:قولي
بدور:مو زعلانه ع حنان لانها اخذت منصـ.
ماكملت وقاطعتها هنادي:اوش ، هالكلام ماينقال ومو من طبعي ازعل ع حنان ولا بااي شي واصلاً واضحه انهم لايقين لبعض ، توقعتك تعرفيني ي اختي
بدور ابتسمت:اعرفك ي قلبي
هنادي بفرحه:اجل تعالو بسرعه اشتقت لك
بدور:ان شاءالله بكرا او بعده
سنعود لاحقا لنكمل لكم بقية البارتات
@storykaligi
🍂 329 🍃
الساعه ٢:٣٦ الفجر
بالمسشتفى
وقف صقر مبتسم يناظر له
وطلع جواله واتصل بـ ابوه ورد بسرعه
عبدالعزيز: هلا وينك؟
صقر:عند غرفه العنايه وسيف قدامي ، تعالو
عبدالعزيز: شوي وجايينك
وسكر ونزل صقر جواله وحط يده ع راسه يناظر لسيف وضحك بدون مايحس وهمس: الله يخليك
جاء بباله كل شي صار من وقف غانم قدامهم لين ماوصلو للمستشفى وثوبه والدم عليه
سكر عيونه وتنهد وهو يردد الحمد لله
ع صوت جنبه
علياء : ي قلبي انت
لف صقر لها شافها تناظر لسيف وابتسم وهم جايين كلهم
صقر: هوووب هووب ماصدقتو خبر جيتو كلكم
صمود وقفت جنب صقر وهمست:خلهم بيشوفونه
صقر لف لها وابتسم: خليهم يشوفونه بس مو كذا
صمود: تبي طابور يعني
صقر: ليش لا
صمود: بالله!
ريوف: ي حياتي ليش كل هالاجهزه عليه
عبدالعزيز: لازم كل هالاجهزه بس ٢٤ ساعه وبيطلعونه
منصور: عساها اخر الاحزان ، عاد انا من تطمنت استاذن
عبدالعزيز: ماقصرت يالغالي
صقر: وقف منصور قبل تروح اخذ صمود معك وانت فهد اخذ امي والبنات
صمود ضغطت ع يد صقر: ما ابي اروح
صقر لف لها وهمس:لازم تروحين خلاص الى متى وانتم مسببين زحمه للعالم
علياء : انا بجلس ماعلي منك
صقر:يمه خلاص سيف ومافيه شي ان شاء الله روحي وبكرا تعالي تلقينه صاحي بغرفته
عبدالعزيز: صادق صقر وماراح نخبي عليكم اذا صحى
شروق: طيب يبه انت تعبان مانمت بعد
صقر:وابوي معكم بعد يلا ببقى انا عنده
عبدالعزيز: زين يلا تعالو
علياء : صقر امنتك اتصل كل شوي
صقر: ابشري
وناظرت علياء لسيف شوي وهمست: الله يحفظك
ومشت مع عبدالعزيز والبنات مع فهد وصمود ناظرت لصقر وصقر رفع حاجب وهو مبتسم
ومن شافهم منصور مشى ابعد عنهم شوي
صقر: اتركي يدي روحي
صمود:اي عمي وخالتي والبنات وانا كلنا تعبانين بس انت لا
صقر: لا مو تعبان
صمود: الا شوف عيونك صارت حمراء
صقر بضحكه:علامه الزين
صمود: لا والله؟
صقر:ههههههههه خلاص صمود والله برتاح وبدخل لي غرفه وبنام ماعليك
صمود: لا تعال معنا
صقر: ما اقدر اترك سيف
صمود: طيب بس ساعه وارجع
صقر ضغط ع يدها وقرب لها وهمس: صمود والله برتاح بااقرب غرفه بس اتركه لا ، روحي والصبح بدري تعالي بصبح بوجهك
صمود ناظرت له شوي وصقر تلفت ماشاف حولهم احد وفتح شوي من لثمتها وباس خدها وهمس: انقلعي ي ادميه لاانجن هنا
صمود بضحكه عدلت اللثمه:بنقلع بس من ٦ بكون هنا
صقر ابتسم:انتظرك
ابتسمت ومشت لمنصور وصقر اخذ نفس وهو يشوفها لين اختفت مع منصور ورجع ناظر لسيف وجلس ع الكرسي وهو يناظر له ومرتاح
@storykaligi
🍃 330 🍂
الساعه ٤:٥٠ الفجر
دخل عبدالعزيز بتعب للغرفه ع تسليمه علياء من صلاتها لفت له
علياء:فهد صلى معك؟
عبدالعزيز جلس ع السرير:اي دخل ينام واضح تعبان
علياء : ومن مو تعبان قليل اللي عاشوه اليوم
عبدالعزيز:لا والله مو قليل
عليا قامت وجلست جنبه:عبدالعزيز
عبدالعزيز لف لها:سمي
عليا:عرفت من اللي سواها؟
عبدالعزيز حرك راسه بـ لا
عليا تنهدت:وصقر مو راضي يتكلم
عبدالعزيز: لما سألت فهد كان واضح انه عارف من بس ماقال شي قال اسألو صقر
عليا: بيطلع اسمه بالغصب
عبدالعزيز: لو ضغطنا عليه بيقول
علياء : ان شاء الله وهذي ساميه شكلها طالعه من البيت وقافله غرفتها لي ساعه اطق الباب ماحد فتح
عبدالعزيز: ليتها ماعرفت بس
علياء : ي ليت لان حتى جوالها مقفل
عبدالعزيز تنهد: الله يعين ، طيب بس بسألك
ناظرت له علياء
عبدالعزيز:البنت اللي معنا بالمستشفى من ، ماقدرت اعرفها
علياء : ذي مي صديقه صمود
عبدالعزيز بااستغراب:وليش تبكي كثير؟
عليا سكتت شوي وبعدها ردت:لانها جلست معنا يومين اكيد عرفت سيف وانقهرت عليه
عبدالعزيز : بس؟
علياء : وش قصدك؟
عبدالعزيز:في سالفه اكبر ، لان لما سيف ضربته الرصاصه كانت فيه ، وش هالصدفه وهي اكثر وحده بكت وتحسرت
عليا بصدمه: قصدك لها دخل
عبدالعزيز: اكيد
عليا حطت يدها ع فمها وهي تفكر وعبدالعزيز اسند راسه ع السرير من وراه وسكر عيونه بيرتاح من التفكير اما علياء راح بها التفكير لبعيد
،
الصبح الساعه ٦:١٦
ببيت منصور
صمود:قهوه وتمر بسله
كوثر:تم حطيتهم
صمود تلبس عباتها: ومنصور وينه؟
كوثر: نايم
صمود:زين انا بطلع مع السواق للمستشفى انتبهي للبيت وقولي لمنصور اذا قام
كوثر:اوك انتبهي لنفسك
صمود:ان شاء الله
وطلعت وكوثر لفت ترتب تسريحتها
اخذت صمود السله وطلعت من البيت شافت السواق راكب السياره من شافها نزل واخذ السله وصمود ركبت وحط السله ورا وركب ومشى
،
بالمستشفى
صقر:يعني مافي خطر عليه
الدكتور:لا سيف عمليته مو خطيره كثير بالنسبه لبنيه جسمه ونقله لغرفه خاصه اريح له وازين
صقر:مشكور ماقصرت
الدكتور:العفو واذا تبون اي شي انا بالخدمه
صقر: ماتقصر
ومشى الدكتور ودخل صقر للغرفه شافه نايم بهدوء مشى لجنبه وجلس واخذ نفس وهو يناظر له وابتسم وسند راسه لورا وضغط بيده ع راسه
ع صوت عند الباب ولف بسرعه وانصدم وهمس
صقر:مي؟
مي سكرت الباب: شلونه
صقر:متى جيتي
مي تنهدت:مارحت اصلاً
صقر انصدم ويناظر لها ومي مااهتمت ومشت لسيف ووقفت جنبه
@storykaligi