ليت الأقدار يامنصور ماجبنه - الفصل 57 | روايتك

❤️📝 روايات وقصص مميزة 📝❤️: 🍃 266 🍂              بالسياره طفش وهو يتصل ومارد او مشغول ، بالنهايه ردت فهد:رديتي اخيراً سارا بدلع؛ كنت مشغوله فهد:من الصبح اتصل ، من الصبح مشغوله؟ سارا:سوري فهود فهد:ماعلينا ، بشوفك اليوم بتكلم بشي ضروري سارا:مااقدر اطلع اليوم اخوي فيه فهد: سارا سارا:هههههه شفيك قول هنا فهد اخذ نفس يهدا شوي وبعدها تكلم بهدوء:لازم اشوفك سارا بهمس:اشتقت لي صح فهد رفع حاجب:اي اشتقت سارا:اوك حبيبي ، بعد ساعه بمطعم الـ. فهد:اوك وسكر وهمس:شغلك عندي ي كلب ، اجل انا تلعبين علي ، كان واقف يناظر للغرفه كل شي بهالغرفه فيه صمود ، كل هوا هالغرفه ريحتها ، سكر عيونه بقوه واخذ نفس وحط يده ع وجهه ومسح عليه ومشى يغسل ويبدل ويحاول ما يفكر ، منصور؛ من جاء؟ الخدامه: مااعرفه منصور: زين وينها صمود؟ الخدامه؛ راحت مع صديقتها ، قالت لكوثر تقولك وكوثر قالت لي منصور:صديقتها من؟ الخدامه:حنان منصور سكت شوي:حنان؟ الخدامه:اي منصور:اها اوك وتركها ومشى لصاله وجلس شوي يفكر وبعده ابتسم ، وطلع جواله واتصل ع صمود وردت صمود:هلا منصور:وينك صمود جلست ع الطاوله توها راجعه بعد ماغسلت صمود:انا طالعه مع حنان حنان رفعت راسها وناظرت لها منصور: وين طالعين؟ صمود: بنتعشى بمول منصور: شلونها؟ صمود: طيبه وتسلم عليك حنان بشهقه: لااااا صمود: هههه تبي شي منصور ابتسم من سمع صوتها: لا انتبهو لانفسكم صمود: اوك وسكرت حنان: ووووجعع صمود:ههههههههه شفيك حنان: ادري انه منصور صمود ابتسمت:عادي حنان صدت:انطمي وصمود تذكرت المكالمه واختفت ابتسامتها ونزلت راسها لفت لها حنان: شفيك زعلتي من انطمي؟ صمود: اي حنان: صايره حساسه صمود: هههههه للاسف حنان ابتسمت: طيب اكلي الاكل يجيب السعاده صمود: لا والله مو مشتهيه حنان: انطمي واكلي صمود ابتسمت:عشانك هاه حنان:غصباً عليك صمود:ههههههه وبدت تاكل بهدوء ، ساميه بفرحه:رجع سيف بتعب جلس ع السرير:اي ساميه: وينه الحين سيف: فوق ساميه ابتسمت:طيب سيف:ساميه تعبان تعالي سوي لي مساج ساميه رفعت حاجب: لا والله! سيف: ليش ماني زوجك ساميه: واذا صرت ، حمدلله والشكر ومشت لتسريحه تضبط شعرها وسيف يناظرها بطرف عين وتنهد وصد ويفكر ، اذا ماتحبه ليش وافقت عليه من الاساس؟؟؟ @storykaligi 🍃 267 🍂           دخلت عليه بقسم العوائل بالمطعم وجلست ع الطاوله قدامه ونزلت اللثمه وابتسمت سارا:عيون سارا امر فهد يناظرها بجمود ورافع حاجب سارا:ههههههههه شفيك حبيبي فهد اخذ نفس وقرب لها؛هدى الـ. صديقتك؟ سارا بصدمه اختفت ابتسامتها فهد بهدوء: ردي؟ سارا بلعت ريقها: شعرفك فيها فهد بعصبيه: تكلمي سارا بخوف هزت راسها بـ اي فهد: وانا مفروض اني حبيبك صح؟ سارا: اي فهد شفيك فهد:يوم رحتي لهدى وصديقاتك وجلستي تتكلمين عني واني اشوفك بالمولات ، وش بتاصلين له بالضبط؟ سارا هدت شوي: فهد اسمعني فهد: ماابي اسمعك ، وفوق سواد اللي سويتيه بعد عندك غيري كثير هاه سارا بسرعه:لا والـ. قاطعها فهد بعصبيه:لاتحلفين سكتت سارا فهد قام:من اليوم تنسين اني اعرفك وتنسين كل اللي بينـ.. قاطعته سارا:من زينك عاد فهد:احمدي ربك انتي اللي مثلي التفت لك ، ولا انتي شايفه وجهك؟ سارا بعصبيه:انطم ي حقير فهد:هههههه حقير اجل هاه سارا قامت تناظر له بتحدي:اي حقير وبتشوف انت وهدى ذي كيف الشغل صح فهد ناظرها بقهر سارا بضحكه:ع فكره ذي هدى سنابها شغال بصورها وصور اختها وبنات خالتها وحريم عيال خالتها ، كلهم بهالجهاز عندي ، وانت وهدى تعلمو مع من تلعبون فهد بصدمه ناظر لها وهي لفت ومشت وفهد جامد مووو مستوعب ابد اللي قالته ولا قدر يتحرك ، نزل صقر شاف امه بالصاله تناظر لتلفزيون جاء جنبها وجلس ونزل راسه ع فخذها وانسدح عليا بخوف:صقر فيك شي؟ صقر بهدوء:لا عليا مسحت ع راسه:الحمدلله ، ليش مانمت صقر سكت شوي وبعدها همس: الغرفه بدونها تضيق الصدر علياء بضيق: ي قلبي انت ، اتصل فيها خلها تجي صقر بهمس: لو بكيفي ماخليتها تبعد ، بس مو بكيفي عليا: اول مره اشوفك كذا صقر تنهد وسكت وعلياء مسحت ع شعره:حبيتها! صقر مارد وسكر عيونه وعليا ابتسمت بهدوء وكانها عرفت الجواب ، صمود:نرجع الساعه صارت ١١ ونص حنان: مالي خلق للبيت صمود:اي بس حيل تاخرنا حنان:طيب يلا لاتعصبين صمود قامت:يلا تعالي وقامت حنان معها وطلعو من المول لسياره السواق وركبو حنان:يكلم مي بكرا خليها تجي او بروح لها صمود:لا هي بتجي اكيد حنان:وش عرفك صمود:ههههه سيف تعلق بغزل صارت كانها بنته اكيد بتجي عشان سيف وعشان اغراضها اللي بشقتها حنان:تتوقعين تاخذهم؟ صمود: ماادري والله حنان:الله يعين بس صمود:امين @storykaligi 🍃 268 🍂             وقفت سياره السواق قدام بيت منصور ولفت صمود لحنان: انتبهي لنفسك زين حنان:ان شاء الله فتحت صمود الباب وشافت منصور قدام الباب وطاحت عيونه بعيون حنان وصدت حنان ومنصور ناظر لصمود منصور:كان نمتي برا صمود:ههههههههه لا ماتاصل كذا منصور قرب:شلونك حنان حنان صاده:طيبه منصور ناظر لها صمود:حنان اذا تبين شي اتصلي حنان:ان شاء الله منصور لف لصمود:وانتي اذا صقر مو فيه يعني تتاخرين صمود:صقر ماراح يكون موجود من اليوم وتركته ومشت للبيت ومنصور مستغرب لف لحنان منصور: وش صاير حنان لفت له :اسألها ،(لفت لسواق) امش انت منصور بحده: لو جاوبت ماكنت سألتك حنان: وانا ماراح اجاوب منصور: لا تكفين جاوبي ، حمدلله بس وسكر باب السياره ومشى للبيت ودخل وسكر الباب وحنان تناظر له بقهر حنان:امشي السواق:اوك ومشى وحنان منقهره من رد منصور وبنفس الوقت ندمانه ع كلامها اللي قالته ، علياء ع وضعها مع صقر وهو منسدح ع فخذها وتلعب بشعره ع صوت احد جاهم عليا:هلا سيف ، جيعان؟ سيف يناظر لصقر: وش عندنا مدلعته رفع راسه صقر شاف سيف ووراه ساميه وما اهتم ورجع نزل راسه علياء : كيفه صقر ساميه جلست:وينها صمود صقر؟ صقر مارد عليا:بتنام ببيت اهلها ساميه ابتسمت:اها سيف جلس:عشان كذا صقر صاير حزين ههههههه صقر ناظر له بطرف عينه وسكر عيونه عليا: اسكتو عنه سيف: طيب جيعان يمه علياء : قول للخدم يحطون لك الاكل لف سيف لخدامه وراهم:خليهم يحطون العشاء الخدامه:اوك ومشت ولف سيف لصقر:ليش مارحت لبرنامجك اليوم؟ صقر مارد عليا اشرت لسيف يسكت سيف سكت وطلع جواله يطقطق فيه اما ساميه ماشالت عيونها من صقر ، منصور:مااعرفه ولا الخدامه تعرفه صمود:غريبه صراحه منصور اخذ نفس: صمود بسألك صمود:قول منصور:وش بينك وبين صقر صمود صدت منصور:تبين الطلاق؟ رفعت نظرها صمود بسرعه وناظرت لمنصور منصور: تكلمي صمود ، وش صاير؟ صمود بضيق: فيني نوم منصور مو وقت هالكلام منصور: وبعدين معك! ماردت وقامت وطلعت لفوق ومنصور تافف ولف لتلفزيون وتذكر حنان واللي صار بينهم وضغط ع راسه ومسح وجهه بيدينه @storykaligi 🍃 269 🍂         الخدامه:العشاء سيف:اوك وقام سيف:يمه تعالي جلس صقر عشان امه تقوم عليا:تعال تعشاء صقر:عشاء والساعه بتصير ١٢؟ سيف:العشاء ماله وقت مارد صقر علياء :تعال صقر صقر:لا مو مشتهي بطلع برا شري عليا:براحتك وقام صقر وطلع وعليا قامت مع سيف عليا:ساميه بتجين؟ ساميه:شبعانه خاله ، الله يكرمك عليا:بالعافيه ومشت وساميه ناظرت للباب اللي طلع منه صقر وقامت وطلعت شافته جالس قدام المسبح و سرحان مشت له وجلست جنبه ولف لها صقر وصد بضيق صقر: نعم! ساميه: ما اقدر اشوفك متضايق كذا واسكت مارد صقر واخذ نفس بضيق ساميه: صقر اسمعني ، ماحد يستاهل هالضيقه منك صقر لف لها:مالك دخل ، وبالذات انتي ابعدي عني تقلعي ساميه:اوك عارفه انك مضغوط ، بس ماراح اتركك صقر بعصبيه: قسم بالله لو مارحتي لااطلع كل حرتي فيك ، تقلعي ساميه بثقه: مااراح اروح صقر ناظر لها ورفع حاجب:لاتروحين راحت روحك وقام وحس فيها مسكت يده وقامت ونفض يده بقوه وسحبها ساميه:ادري متضايق عشان صمود ، وادري تبيها قريبه لك ، بس بقولك شي ، ترا من كنا بالمنتجع وهي تتكلم بالطلاق ماادري ليش ، وتقول لمي الرجال مالهم سنع بالدنيا كلها صقر صد واخذ نفس ولف لها :اسمعي ي بنت الناس ، للحين ماسك نفسي ما ادخل ع سيف واقول له كل شي وافتك منك ساميه:قول ، انا ابي هالدنيا كلها تدري بحبي لك صقر صرخ بقوه:بقررررررره ماتفهمين انتي ساميه بهدوء:لا ماافهم صقر:انقلعي الله ياخذك ولف بيمشي ووقفه صوتها ساميه:ع فكره سيف مالمسني وانا مناعته عشانك لف لها صقر وابتسم بهدوء:اذا قصدك با اخذك لو تنطبق السماء ع الارض ماسويتها ، وبقول لك شي ، انتي انسانه اقل مايقال عنك حقيره ولف ومشى لداخل وساميه جمدت وصدت وحطت يدها ع فمها وعيونها امتلت دموع ، ببيت منصور بغرفه صمود كانت ظلاااام كانت حاطه جوالها قدامها ومنسدحه تنتظر اي شي منه حست نفسها غبيه وهي تنتظر وطفت الجوال وابعدته وصدت ببحه الثانيه وهي تشوفه قدامها وتتخيله وسكرت عيونها ماتبي تفكر اكثر ، اما صقر دخل للغرفه وسكر الباب بقوه وتاافف ورمى نفسه ع السرير ومسك راسه بقوه وتفكيره تشوش مايدري وش يصير حوله @storykaligi 🍃 270 🍂             الساعه 7:30 am ببيت عبدالعزيز فتح عيونه ع صوت طقطقه عند راسه شافها تحط مكياجها سيف عقد حواجبه وهو فيه نوم: ع وين؟ ساميه ناظرت له من المرايه:اليوم تنتهي اجازتي برجع للاذاعه سيف اخذ نفس: وليش ما قلتي لي امس ساميه: واذا قلت امس وش تفرق ، بتوصلني؟ سيف: بتفرق كثير ، اي بس ببدل اول ساميه: اوك وقام سيف ودخل اخذ دش وساميه بعد ماخلصت دخلت تبدل ، صمود نزلت من الدرج:كوثر كوثر: هلا هلا صمود: وينه منصور كوثر:توه طلع ، وطلب نضبط عزبته حقت البر صمود: غريبه هالوقت كوثر:يقول متضايق وبيطلع صمود:ودي اروح معه كوثر ابتسمت: حلو ، خلينا نروح كلنا صمود ابتسمت:ي ليت كوثر:طيب تعالي افطري صمود سمعت صوت جوالها:دقيقه بجيب جوالي وطلعت لفوق ركض ، واخذت جوالها من الشاحن ومن شافت الرقم رجفت بخوف ( رقم البنت اللي كلمتها بالمول ) توترت بس جمعت كل قواها وردت ، نروح لصقر كان نايم وصوت المنبه ازعجه فتح عيونه بصعوبه وطفاه وشاف الساعه وتنهد وتذكر الاجتماع بالاذاعه وتافف وقام بتعب غسل وبدل وطلع اخذ عطره وتعطر ولف للكنب وتذكر وقت ماكانت نايمه فيه ، عقد حواجبه بضيق واخذ جواله وطلع ونزل شاف امه مع سيف وساميه حس بضيق بوجودها واتجه لامه صقر باس راسها:صباح الخير علياء :صباح النور ي هلا صقر: انا بطلع عندنا اجتماع تبين شي عليا:افطر صقر:مو مشتهي ساميه:صقر بروح معك ما ابي اتعب سيف صقر ناظرها بحده:زوجك وملزوم فيك مافيها تعب سيف:هههههههههه هذا الرد ساميه ميلت فمها:اذا تبي فلوس السواقه بعطيك صقر : تصدقي فيها اصرف ، او اعطيها راعي اجره وخليه يوصلك ، سلام يمه وطلع وساميه بقهر نزلت الشوكة : يلا سيف سيف ابتسم لامه:يلا وقامو ، مي:توصلني لشقه؟ يوسف:ابشري بس غانم يمكن فيها مي: معي المفاتيح ، واذا هو فيها انت معي يوسف ابتسم:ان شاء الله ، يلا مي: بلبس غزل واجيك يوسف: بسرعه دام ايلاف نايمه لو قامت ماتخلي غزل تروح مي:هههههههه ابشر ودخلت تصحي غزل وهي تدعي انها ماتواجه غانم @storykaligi