الفصل 43
❤️📝 روايات وقصص مميزة 📝❤️:
🍃 196 🍂
شروق اخذت نفس: راحه هالمكان
علياء ساهيه
شروق لفت لها؛ يمه
علياء انتبهت : هلا
شروق جلست جنبها : فيك شي؟
علياء تنهدت ؛ ابوك ، اخر مره جينا هنا معه وهو اللي كان يخلينا نضحك
شروق بضيق : بيرجع
علياء لفت لها وابتسمت:ماراح يرجع مثل قبل ، ابوك تغير بس ماادري ليش
شروق: عين وجته ، ابوي بالشغل قاهر اغلب اللي معادينه وبالبيت معنا ، ماكان فيه منه اثنين
علياء بضيق قامت: خلاص سكري السالفه ، اذا سمعو خواتك بيتضايقون
ع صوت وراهم
سيف وماسك يد ساميه:واخيراً وصلنا
لفت له علياء :حمدلله ع السلامه ليش تاخرتو
سيف: فرينا شوي وجينا ، صقر ماجاء
شروق:صقر نايم بالعسل
ساميه بسرعه: خاله وين غرفتنا
علياء : فوق قدامك
ساميه ؛ طيب
وطلعت لفوق وسيف وقف قدام امه
سيف:فيك شي يمه؟
عليا؛لا ليش؟
سيف:ما ادري احسك متضايقه
ابتسمت علياء :مو متضايقه تتوهم ، يلا روح ورا زوجتك ريحو شوي وانزلو نتقهوى
سيف باس راسها:ابشري
وقام وطلع
،
تعطر وشخص بشماغه لبس ساعته واخذ جواله ومفاتيحه ونظارته الشمسيه
وطلع واتصل بـ عقيل
منصور:سلام
عقيل:هلا ومرحبا وعليكم السلام
منصور: عقيل مضطر اجي الحين بملك قبل المغرب وبطلع بعد العشاء الدمام
عقيل: هلا فيك بس المملك ماجاء
منصور:بجيبه معي
عقيل: اووك ننتظرك ي سبع
ابتسم منصور:اوك
وسكر وركب سيارته ومشى وهو مبتسم فكر يكلم صمود بس قال يبشرها بعد الملكه احسن
،
علت صوت الاغنيه
صمود:احب هالاغنيه
صقر لف لها وقصر الصوت:حبيها بس بشويش
مدت يدها صمود وعلتها:عاليه احسن
صقر قصر:راسي ي بنت
صمود علت:هالاغنيه بس
صقر طفى كل الاغنيه وطلع السي دي
صمود بقهر:ليش
صقر:ابي اذاني وماابي اصدع
صمود:اوووف
صقر يناظر لطريق:مشتهي قهوه
صمود:مر لك كوفي وخذ
صقر:لا ابي قهوه امي
صمود:انتظر ناصل وتقهوى
صقر ناظر لها بطرف عين:ماشاء الله حليتها لي
صمود: اي شي تبيه بس قول لي ، بشهاده زيد
صقر بحده لف لها: صمود انطمي
صمود بااستغراب:ليش
صقر:انطمي وبس
صمود بهمس:انطم انطم ،
وطلعت جوالها وركبت السماعات وشغلت اغنيه وتطقطق بجوالها وصقر يناظر لطريقه وساكت
@storykaligi
🍂 197 🍃
الساعه ٦:١٠
وصل منصور لبيت ابوعقيل وولف لشيخ جنبه
منصور؛ تفضل هذا البيت
المملك:طيب ع خير
ونزل ومنصور طفى السياره ونزل ومشو للباب واستقبلهم عقيل
عقيل:هلا والله حياكم الله
منصور: يحييك
دخل الشيخ للمجلس وعقيل لف لمنصور:الشهود داخل
منصور:زين وين عمي؟
عقيل:بناديه تفضل انت
منصور: طيب
ودخل للمجلس
وعقيل مشى لداخل البيت
عقيل:يبه وينك منصور والشيخ جو
ابوعقيل بغرفه حنان وسمع عقيل ولف لحنان
ابوعقيل:وصل المعرس ، انا بنزل وانتي انزلي لعوض شوي ويجي ياخذك
حنان صدت
ابوعقيل لف ومشى
وطلعت هنادي بفستانها الناعم الموف من ارفه الملابس
هنادي:وش يبي ابوي
حنان:يعني ماسمعتيه يبيني اروح مع عوض الزفت
هنادي جلست:انا اقول روحي ع الاقل تتعرفين عليه ، مو انتي خلاص مملكه ومتزوجه
حنان تنهدت؛ بس ياربي مو بالعته
هنادي:طيعيني هالمره بس
حنان ناظرت لها بهدوء وابتسمت هنادي
حنان:طيب اوف
وقامت وهنادي قامت لتسريحه تعدل مكياجها وشعرها
،
ساميه:ايهم البس
سيف:الابيض احسن
ساميه:جد؟
سيف؛لا الوردي
ساميه:اووه سيف ايهم؟
سيف:لا خلاص الابيض ، مو كل شي عليك حلو
ابتسمت ساميه:من ذوقك
ودخلت تبدل
وسيف اخذ نفس يفكر ساميه رافعه الميانه وكل شي بينهم تقريباً رسمي معقوله للحين مو متعوده عليه؟؟؟؟
،
بالرياض
الشيخ: وقع ي ولدي وعسى الله يكتب لك الخير والتوفيق
ابتسم منصور واخذ الدفتر ووجاء بيوقع وشاف اسم البنت ورفع راسه بضحكه:عمي الله يهديك اغلطت
ونزل القلم واعطى الدفتر الشيخ
منصور:اسم البنت حنان مو هنادي
عقيل نزل راسه وهمس: الله يستر
ابوعقيل ابتسم:الله يهديك ماعندي بنت اسمها حنان
منصور بصدمه:حنان بنت فايز الـ.. انا خاطبها منك ووافقت
ابوعقيل:هههههه حنون بنتي امس تزوجت
منصور بصدمه: نعم؟؟؟؟؟؟؟
الشيخ: الظاهر في ملاعبه بالموضوع
منصور بعصبيه:اناااا طلبت منك حناااااان وانت وافقت؟؟؟؟
ابوعقيل بثقه:عقيل انت شاهد يوم جاء خطب قال ابي حنان؟؟
عقيل انصدم من الموقف اللي حطه ابوه فيه
ابوعقيل:هاه
منصور يناظر لعقيل
عقيل بهمس :لا
منصور ضرب الطاوله بقوه وصرخ : كذب قلت حنااااان وانت زوجتها للبزر ذاك
ابوعقيل مبتسم ومارد
قام منصور وضرب الطاوله بقوه:خل بنتك عندك مايشرفني نسبك
ولف ومشى وابوعقيل انصدم من رده ماتوقعه يترك هنادي
ابوعقيل : تعال
مارد منصور وطلع
وطلع من البيت كله بعصبيه وقبل يركب سيارته سمع صوتها ولف
شافها لابسه عباتها وتخانق اللي قدامها
حنان:ي هوووه وش تسوي
عوض فاتح باب الدسن غماره ومبتسم وهو مسوي عمامه بشماغه
عوض:اركبي ي قلبي شفيك
حنان:بذي؟؟؟؟
عوض:شفيها هاه شفيها وش حلاتها
منصور:.
@storykaligi
🍃 198 🍂
منصور بحده:حناااان؟
حنان بصدمه لفت ومن شافته جمدت:منصور؟؟؟
منصور قرب لهم
عوض:تعرفينه؟ من ذا تكلمي
حنان ساكته وتناظر لمنصور يعني اللي بيملك ع هنادي منصور ماغيره؟؟؟؟
عوض لف لمنصور:من انت ي كلـ،
مارد وقاطعه منصور: جب انت
ولف لحنان:تزوجتيه؟؟
حنان نزلت راسها
منصور: غصبوك هاه
عوض صرخ: وش دخلـ.
ماكمل وبحركه سريعه لف منصور له وضربه بقوه وشهقت حنان وطاح عوض ع الارض
عوض بعصبيه: والله ماخليك والله
منصور:تقلعععععع
وقام عوض وتو يرد:والله مااخليك
وركب سيارته ومشى بسرعه
ولف منصور لحنان:ليش ساكته انتي ، غصبوك وساكته
حنان بقهر:وشش اسوي جدي لو طلعت من البيت بيتبرى من امي وخالي
منصور:ليش ماقلتي لي طيب
حنان بهدوء:ومن انت؟ اخوي؟ ابوي؟
منصور بهدوء: اخوك اي اخوك ، لا مو اخوك اقرب بعد من اخوك ، اعتبريني اي شي قريب لك وقولي ولاتعيشين بهالظلم
حنان نزلت راسها تخفي دموعها: خلاص وش يفيد الكلام الحين ، تزوجت
منصور بعصبيه:ينفع ونص ، من بكرا تطلبين الطلاق
حنان صدت:مطلقه بيقولون عني مطلقه
منصور بهمس:وانا وش وضعي ؟ عمود كهرب
ناظرت له حنان وابتسم منصور:ع فكره ترا خطبتك من شايب النخره ذا بس هو تلاعب وحطني لبنته اسمها هنادي
حنان بصدمه تسمعه
منصور:جاي لك انتي ، تسمعين ماابي الا انتي ، لاتقولين قليل ادب اتكلم مع متزوجه كذا ، بس والله والله ماابي الا انتي وعوض لو اذبحه ماعندي مشكله بس ماياخذك مني احد
حنان منصدمه
منصور اخذ نفس وصد:انا وش اقول
حنان بهدوء:بدخل قبل احد يشوفني
ومشت بسرعه ومنصور يشوفها لين دخلت للبيت وضرب رجله بالارض وهمس:وششش سويت وششش قلت
مشى لسيارته ركب وحرك بسرعه
اما حنان من سمعت صوت سيارته مشى انفجرت بكى ماتدري فرح او زعل
،
فهد: يمه
عليا:عيون امك
فهد ابتسم؛من قدي
علياء :وش تبي اخلص
فهد:ياسرع ماتنقلبين ، المهم خالتي وبناتها وصلو
علياء :دخلهم دخلهم
فهد؛ ليش خدامه استقبال انا؟
عليا قامت:ابعد ووجع
وطلعت تستقبلهم وفهد طلع لغرفته يبدل
@storykaligi
🍂 199 🍃
وصلو صقر وصمود للمنتجع
صمود:شكله جميل
مارد صقر ولفت له شافته عاقد حواجبه ويناظر قدام
صمود: شفيك
صقر ؛ هذي سياره سواق خالتي لايكون جايه!
صمود ناظرت لسياره وارتبكت خالته اللي تكلمت تكلمت عليها بس صقر ما يعرف انها هي ، كيف بتقدر تواجهها مره ثانيه
صقر:اوووف الله يهديك يمه ، الحين شلون ادخلك داخل
صمود بهدوء : يمكن بيروحون
صقر:لا اعرف خالتي اذا جينا منتجع تجي تجلس لين نمشي
صمود سكتت
لف لها صقر؛ اسمعي انتي زميله معي بالاذاعه وصديقه للبنات اوك؟
صمود: اوك
صقر:طيب انزلي وبعدين بجي انا
صمود اخذت نفس بضيق ونزلت وصقر حس فيها بس مايقدر يسوي شي ويعرف لسان خالته
دخلت صمود للمنتجع شافتهم متجمعين بالصاله ومشت لهم
صمود: مساء الخير
علياء : هلا صمود هلا يمه
صمود ابتسمت:هلابك
منيره تناظرها من فرق لتحت وصمود قربت لها ومدت يدها؛شخبارك
منيره صافحتها ببرود وهي جالسه:طيبه
صمود استغربت
علياء بترقع: يمه صمود اطلعي للبنات فوق معهم بنات منيره
صمود:طيب
ولفت وطلعت
منيره:هذا وش جابها معنا
علياء :وحيده وبتتونس
منيره صدت:مو مضيعنا غير طيبه قلبك ذي مع الكل
ماردت علياء عليها ومنيره بقهر تهز رجلها
،
بالرياض
هنادي بصدمه؛مافهمت؟
ابوعقيل ساكت ومنزل راسه وعقيل اخذ نفس
عقيل: منصور فركش ، طلع مو ناوي يتزوج ولا يبي يملك اصلاً
هنادي تناظر لابوها وامتلت عيونها دموع : وانا ما ابيه صح يبه
ابوعقيل مارد
بكت هنادي:عقيل روح له وقول ماابيه مووو راميه نفسي عليه مووو ناقصه رجل ولا يد
عقيل قرب لها وضمها ودفته هنادي وطلعت بسرعه لفوق وحنان تناظر لها من المطبخ ودمعت عينها
هنادي مالها ذنب الذنب كله ذنب ابوعقيل اللي عشمها وانصدمت
لف عقيل وناظر لابوه نظره بقهر وطلع وابو عقيل تنهد بضيق وقام لغرفته
اما هنادي من دخلت لغرفتها قفلت الباب ورمت المفتاح ع الارض ورمت نفسها ع السرير وكل مانزلت دمعه مسحتها وردت:مو ميته عليه بداله عشر
وكل ماتذكرت فزتها وفزت ابوها ترجع تبكي
@storykaligi
🍃 200 🍂
المنتجع
بغرفه البنات دخلت صمود عليهم
نجود:اخيراً
صمود ابتسمت:اشتقتي لي صح
نجود:حيل
ريوف:لا جد وين كنتـ،
وماكملت وكانها تذكرت انهم مايدرون عن زواج صمود وصقر
شروق:ريوف قومي شوفي ساميه وين وانتي ساكته
ريوف:هههههه ساميه مع سيوف اللب
ضحكت صمود وشافت بنتين وكانها عرفتهم
صمود:بنات خالتك؟
نجود:اي هدى وريما
صمود مدت يدها لهم:ي هلا تشرفت وانا صمود صديقه البنات واشتغل بالاذاعه مع صقر
استغربو ريوف وشروق ونجود بس سكتو
هدى: هلا والله شرفتي
ريوف: خلونا ننزل تحت طفش
صمود:ببدل احسن وانزل انتم انزلو
ريما قامت ومسكت يد نجود:تعالي والله طفشت
نجود:دقيقه بجيب جوالي
وتركتها ومشت وصمود نزلت شنطتها وعباتها وهدى وريما يناظرون لها مستغربين وش جابها؟؟؟؟
،
دخل صقر للصاله
منيره شهقت بفرحه: مابقى نشوفك ي الغالي
ابتسم صقر:هلا والله بخالتي شلونك
وباس راسها
منيره:مشتاقه لك وينك ماتسأل وتتصل
صقر:تعرفين شغل وحوسه
علياء : ليتنا نشوفه احنا
منيره : والله قصرت معي هالفتره اعرفك تجي وتسلم علي كل فتره
صقر: العذر والسموحه ابشري بالجايات
منيره: ان شاءالله
ع نزله نجود وريما وتلثمت ريما من شافته
ريما: هلا صقر شلونك
صقر: هلابك انتي ايهم هدى ولا ريما!
ريما:افا انا ريما
صقر ابتسم:ي هلا
وجلس
نجود:صقر تبي قهوه
صقر: جاي عشانها
نجود:طيب
وجلست ريما جنب عليا
عليا:ايه شلون ريما
ريما:اسأل عنك
عليا؛وين وصلتي بالجامعه ،
ريما:خلصت سنيتين ويبقى لي سنتين
عليا:الله يوفقك
ريما:امين
اخذ صقر الفنجان من نجود ويتقهوى ومنيره تقرب له الحلا
منيره:وانت شلون شغلك
صقر: الحمدلله ماشي
منيره: زين عاد خلصنا بنزوجك ونفرح فيك
رفع راسه صقر وناظر لامه ورجع ناظر لخالته:ان شاء الله
،
بغرفه البنات
صمود بهمس:صقر قال لي كذا
ريوف:ولمتى ان شاءالله بيخبي زواجكم
سكتت صمود
ريوف:قسم شي يقهر انتي مافيك شي عشان يستحي يقول انك زوجته
صمود:اوووش خلاص لاتسمع هدى
ريوف لفت وشافت هدى وشروق يتكلمون وبقهر ناظرت لصمود وصمود تفتح شنطه مكياجها وتتجهال تناظر لريوف وهي تدري ان كلامها صح وبنفس الوقت ضايعه
@storykaligi