الفصل 41
❤️📝 روايات وقصص مميزة 📝❤️:
🍃 186 🍂
لفت ريوف لهم تناظر لهم وهم مبتسمين
ريوف ناظرت لهم بطرف عين:ولو مفروض شسمه تجيها الصبح مو بتالي الليل
غيث: وياذكيه تتوقعين من فتح لي بوابه بيتكم اذا جاي وانا حبيبها
ريوف بصدمه : اي صح كيف
ساميه:انا قلت لسيف كلمهم وفتحو له
لفت ريوف للبنات:الله ياخذكم
ركضو البنات للبوابه الخلفيه للفله وهم يضحكون
وريوف لفت لهم وابتسمت: ماشاء الله الهديه واضح حلوه ، مع السلامه
ومشت بسرعه وبعدها ركضت ورا البنات وغيث انفجر ضحك
لفت له ساميه:اول مره اشوفك تضحك كذا
غيث:ههههههههه هالبنت ام لسانين جد
ساميه:ليش متى شفتها
غيث:بعدين اقول لك
ولف لسيارته وهو يضحك ركبها ومشى وساميه مستغربه ورجعت للبيت
دخلت لجناح سيف
والبنات بالمطبخ من شافوها دخلت ركضو لفوق
ريوف باانفاس متسارعه:حسبي الله وكفى
نجوود : يمه ي الفشله
ريوف: انتو ماطلعتو انا اللي طلعت مالت علي اوووف
شروق:هههههههههههههه بس قسم شكلك يضحك بلد
ريوف:كولي تبن بروح ادفن راسي بالمخده
ومشت لجناحها وشروق ونجود يضحكون
،
بجناح سيف
سيف:ماشاء الله ، تمنيت اطلع بس مثل ماتشوفين راسي مصدع
ساميه:لا عادي
سيف:طيب حبيبي طفي النور بنام وانتي نامي
ساميه اخذت الهديه:اوك
حطتها ع الطاوله ونزلت حجابها وطفت النور ونامت جنبه وسيف ع ماسكر عيونه نام وهي تناظر له ونفس الفكره تجيها كل ماشافته ليتك صقر ي سيف
،
بمكان ثاني هالوقت
عايد : هالاوراق تثبت اني ولد حمدان الـ.. رجل الاعمال اللي باامريكا عايش فهمت
مشاري:حلووو ، ومتى بتلعب فيها
عايد:خلني شوي وبلعب فيها عليه واخليه يعرف كيف ينكرني وينكر امي الله يرحمها
مشاري ابتسم:خبيييييث
عايد:مو اخبث منه
ع فتحه الباب ولفو شافو عبدالعزيز ودايخ
مشاري:خير نعم داخل كذا؟
عبدالعزيز:ابي الهويه بروح
عايد ابتسم:وين تروح؟
عبدالعزيز: برجع لبيتي ولاهلي
مشاري بضحكه؛ احنا اهلك
عبدالعزيز لف له:خلاص ي مشاري برجع افهمو ، اعطني الهويه
عايد لف للاوراق وابتسم؛لا
عبدالعزيز بعصبيه:هااااات
عايد:مشاري اخذه واقلعه عن وجهي
مشاري قام وعبدالعزيز صرخ بس مسكه مشاري وطلع وعايد رجع يقرا الاوراق ببرود
@storykaligi
🍂 187 🍃
الرياض
الصبح الساعه ٩:٤٤
ع الفطور
ابوعقيل:امس عوض فرحان ويضحك ، يالله انك تسعدهم
حنان مااهتمت وتاكل
ابوعقيل:واليوم بزوج بنتي الثانيه
هنادي رفعت راسها:متى؟؟
ابوعقيل:اليوم بيجي زوجك منصور والمملك معه
حنان من سمعت اسمه جمدت بس توقعت انه واحد ثاني
عقيل: ماشاء الله وخلصو بناتك ، ام حنون وهنادي وحنون ، الله يسعدهم
ابوعقيل:امين
هنادي ارتبكت ولفت لحنان وحنان جامده تاكل
ابوعقيل:حنان يمكن يجي عوض ويشوفك
رفعت راسها حنان ورفعت حاجب:ليش يجي يشوفني؟
ابوعقيل:زوجك الحين عادي مانتدخل بينكم
حنان رجعت تاكل ببرود:بعد الزواج نشوف بعض
ابوعقيل:والله عاد كيفكم انا اللي علي سويته
حنان بقهر قامت:حمدلله
هنادي:وين
حنان ماردت ومشت
عقيل: يبه خف ع البنت
ابوعقيل:والله عاد هي مدلعه
عقيل: ومن مدلعها مو انت؟
ابوعقيل:اقول هنادي تجهزي وانا ابوك زين؟
هنادي هزت راسها بـ طيب وساكته
اما حنان كانت منقهره من جدها وخلاص ماتقدر تسوي شي صارت زوجه عوض
،
ببيت عبدالعزيز
صقر بهدوء:اليوم؟؟
سيف:اي بعد شوي باخذ ساميه وبمشي وفهد معه امي والبنات وانت جيب زوجتك وتعال
صقر : سيف عاد الله يهديك تراك طاير
سيف: وش اسوي ، امي قالت لي
صقر:بس انا عندي شغل ، وتبينا نجلس بالمنتجع ثلاث ايام
سيف:ماعليه اجل شغلك لبعدين
صقر:المشكله مايتاجل
سيف:والحل
لف سيف وناظر لخواته وامه وصمود وساميه ع الطاوله ياكلون
ولف لسيف صقر:خلاص بس يمكن انا اتاخر شوي
سيف: يعني ناخذ صمود معنا؟
صقر؛ لا معي صمود
سيف:اوك براحتك
ولف ومشى لطاوله وجلس جنب ساميه وصقر اخذ نفس ومشى وجلس جنب صمود
علياء :هاه انتفقتو
سيف:ان شاء الله عاد انتم تجهزو بعد ساعه نمشي
عليا:ع خير
ريوف كانت منزله راسها وماتناظر لساميه وساميه عيونها ع صمود وتاكل وتفكر بمنصور اللي ماكلمها ولا هي ناظرت للجوال
@storykaligi
🍃 188 🍂
ريوف كانت منزله راسها وماتناظر لساميه وساميه عيونها ع صمود وتاكل وتفكر بمنصور اللي ماكلمها ولا هي ناظرت للجوال
عليا:بنات اذا خلصتو قومو تجهزو لاتتاخرون وتاخرونا معكم
قامت ريوف:انا خلصت
ومشت
نجود:قومي شروق
شروق:يلا
وقامو وطلعو وصمود بتقوم
ع صوت ساميه:اقول صقر
لفت لها صمود وصقر بضيق لف:نعم
ساميه:ماراح تروح للاذاعه تاخذ مكاني؟
صقر:زيد وهند بياخذون اليوم
ساميه:اها
صمود:انا بطلع
وقامت
صقر:دقيقه ماتعرفين لااغراضي بطلع معك
صمود:طيب
وقام ومشى معها
علياء :وانتم مو ناوين بعد تقومون
سيف:ههههههههه مانخليك لحالك
عليا:لا ماعليك انا ابي فهد ولدي يجي يفطر معي
سيف:الله اكبر جحديتنا
عليا:ههههههه لا بس فهد يكسر الخاطر ماحد مهتم فيه
سيف:براحتك قومي ساميه
ساميه:يلا استاذنك خاله
عليا:اذنكم معكم
وقامو لجناحهم وعلياء ارسلت خدامه تنادي فهد يفطر معها
،
بجناح صقر
كانت تحط ملابسها بشنطتها وصقر بغرفه الملابس يطلع اللي يبي لف لها
صقر:ترا احنا ماراح نروح بعد ساعه يمكن نلحقهم العصر او بالليل
صمود بااستغراب:ليش؟
صقر اخذ ملابسه:عندي شغل
صمود:طيب خلني اروح مع البنـ..
قاطعها:لا
وحط ملابسه بالشنطه
صمود: طيب ليش ، ما ابي اجلس لحالي وانت بشغلك
صقر لف لها:باخذك معي بس ماتروحين معهم
صمود:طيب ليش مو اهلك هم!
سكت صقر شوي وبعده لف لشنطه:اي اهلي
وسكر الشنطه
صمود تنهدت:طيب بكيفك
صقر اخذ شنطته ونزلها وجلس ع السرير وصمود بضيق ترتب شنطتها
صقر:شفيك؟
صمود لفت له:منصور ماكلمني
صقر:ليش وش فيه منصور؟
صمود:مافيه شي بس ملك امس
صقر ابتسم:جد ! مبرووووووك
صمود:الله يبارك فيك ، بس ماكلمني حنان اللي قالت لي
صقر:اي يمكن الرجال منشغل وانتي الله يهديك لازم يكلمك كلميه انتي
صمود:كلمته يقول مشغول
صقر:خلاص قالها
صمود اخذت نفس ورجعت لشنطتها وصقر ناظر لها وصد يفكر
لو قال لها ان السحر انفك عن ابوه بتتركه وترجع لمنصور وتنتهي هالقصه مثل مابدت
تنهد بضيق وانسدح وصمود مو يمه وتفكر بمنصور وحنان
@storykaligi
🍂 189 🍃
بعد ساعه
بالحديقه
عليا:فهد يمه خواتك معنا
فهد:يالله ي بردهم ذول عاد متى ينزلون الحين
عليا:رايما ناديهم
رايما:هذا هم
طلعت ريوف عليها عباتها:خلاص جينا
شروق:انا وش قاردني ومخليني مع فهد ، بروح مع صقر
فهد:انطمي مالك غيري سيف وصقر صارو لحريمهم
نجود:يالله الله كاتب لنا الشقى معك
فهد:اركبي واعلمك الشقى ع اصوله
عليا:بس انت وياه اركبو السياره اخلصو
ركبو البنات وركبت عليا
فهد؛سيف وينه
عليا:بيطلع مع ساميه
فهد ركب:طيب
وشغل السياره ومشى
بجناح سيف
سيف:يلا ساميه
ساميه:خلصت انا
سيف:طيب يلا بنمشي
طلعت ساميه ولابسه عباتها بتتحجب قرب لها سيف واستغربت
مد يده وعدل شعرها ولمس خدها وابعدت بسرعه واستغرب
سيف:شفيك
ساميه؛تاخرنا يلا
وتحجبت وسيف مستغرب اخذ جواله وطلع وساميه وراه ، ركبو السياره
ساميه تناظر سياره صقر:وصقر وصمود ماراحو
سيف:بيتاخرون مو جايين الحين
ساميه بااستغراب:ليش؟
سيف:صقر عنده شغل
ساميه:مفروض ياجله يعني مو حاط لك قيمه الطلعه عشاننا ويتاخر عليها
سيف ابتسم:ماعليه معذور
وحرك سيارته وساميه بقهر تناظر لسياره صقر وصدت
،
صقر اخذ شنطته وشنطه صمود واعطاها الخدامه
صمود لبست عباتها ولفت لصقر:خلصت
صقر:حلو يلا بخلص شغلي ونطلع ع المنتجع ع طول
صمود:طيب
اخذت جوالها مع الشاحن وحطتهم بالشنطه وطلعت مع صقر بعد ماسكر صقر الباب وقفله
نزلو
صمود:البيت فاضي
صقر يمشي:اي
صمود:يخوف صاير
صقر لف لها:تعالي بلا كلام فاضي
صمود ابتسمت:طيب
وطلعو ركبو السياره وساكتين حرك صقر ومشى
صمود:وين بتروح الحين
صقر:بطلع للاذاعه وبعدها لشركه
صمود:شوف احسب حسابك من الحين ترا بنزل معك مو تنقعني بالسياره
صقر لف لها ورجع يناظر طريقه ساكت وصمود سكتت
،
وصلو للاذاعه وقف صقر السياره ولف لها
صقر:انزلي بس بدون صوت وماحد يدري انك زوجتي
صمود بهدوء:اااي فاهمه
صقر نزل ونزلت معه ودخلو للاذاعه
مشى صقر وسلم ع الاستقبال وصمود وراه
ودخل لمكتبه ومن دخلت صمود سكر الباب ومشى للمكتب
صمود:هذا مكتبك
جلس صقر ع الكرسي:اي
صمود جلست :جميل
صقر طلع الاوراق:عارف
صمود:اكذب ترا مو حلو
رفع راسه صقر وناظر لها ونزلت اللثمه وابتسمت:وانا صادقه مو حلو بس اسلك لك
صقر رجع للاوراق:من ذوقك
صمود:طيب خل عندك ذوق واطلب لي قهوه
صقر اخذ نفس ورفع السماعه:ابوسعيد هات قهوه لمكتبي ، مشكور
وسكر ورجع للاوراق
وصمود تناظر للمكتب
ع طق الباب وتلثمت صمود بسرعه وصقر رفع راسه:تفضل
@storykaligi
🍃 190 🍂
وصمود تناظر للمكتب
ع طق الباب وتلثمت صمود بسرعه وصقر رفع راسه:تفضل
دخل زيد ومعه هند
زيد بااستغراب:اوه عندك ضيوف ، اسفين
صقر:لا عادي ادخلو
هند باابتسامه مشت لصمود:مرحبا
صمود وقفت:هلابك
صافحتها هند: ماعرفتنا
صقر سكت شوي وبعده ابتسم:ذي زوجتي
سكتو بصدمه وصمود منصدمه اكثر بس ماوضحت
صقر:للحين ماسويت الزواج بس مملك
زيد:ع البركه اجل حتى انا لازم اتزوج ، كل الناس تزوجت
صقر ابتسم وناظر لصمود وصمود ناظرت له ونزلت راسها
هند:ايوه وكيف الشغل معك
صقر:اجلسو وخلونا نتكلم
جلسو زيد وهند وصقر جلس جنب صمود
صقر:الاعداد اصعب من اللي توقعت
هند:جداً
ع طق الباب ودخل ابوسعيد (المقهوي)
ونزل الدله وفناجين
صقر:مشكور ابوسعيد ماقصرت
ابوسعيد:العفو
وطلع
وصب لهم صقر وبدا يتكلم وماقدرت تتقهوى وزيد قدامها لانها مستحيه تنزل اللثمه ، ولانها قامت تناظر لزيد ومبتسمه مو مصدقه انه قدامها وهند بعد وجالسه معهم ماتوقعت ابد تجلس هالجلسه
صقر:تمام؟
هند:تمام
زيد ناظر لصمود وابتسم واستحت صمود
زيد:عطينا رايك طيب
صقر: هووووب هوووب اقطع السالفه خلها ع جنب
زيد ابتسم:ليش
صمود:لا جد ليش ماتخلون البرنامج عفوي اكثر من انه حواري ، الحواري ممل
زيد:قلت لكم
صقر لف لها وبيتكلم قاطعته صمود:والله جد يعني لما يكون عفوي وتتكلم مع الضيف وكان الكاميرا مو فيه يكون احسن وممتع اكثر ويجذب المشاهد
هند: فكرت فيها ، ماشاء الله والله كلامك يقنع
صمود: ههههههه مو قلتو تبون رايي
زيد:لو طالبين رايك من البدايه احسن
ابتسمت صمود وصقر لف لها:خلاص بنفكر فيها
زيد اخذ الدله ومد يده لهند:تقهوي
اعطته فنجانها وصب لها ومد يده لصمود وصمود ناظرت لفنجانها مليان
صمود:لا معي
هند:ماشربتي اصلاً من اللثمه ، تعالي نطلع لمكتبي
صمود:لا مايحتاج
صقر:اصلاً عندي شغل بالشركه بطلع بعد مااخلص وخلصنا
زيد:اوك عاد اذا جات فكره بقولك
صقر:اوك
هند قامت:تشرفنا فيك
صمود:الشرف لي
صقر قام:يلا
ولف بيمشي
زيد:دقيقه شنطتك
لفت صمود:ههههههه نسيتها
اخذها زيد ومدها لها وصمود ابتسمت واخذتها وبهدوء تكلمت:مشكور
زيد:ولو
صقر بحده:نستاذنكم
مسك يد صمود وطلع
لفت هند لزيد:والله طلع متزوج الاخ
زيد:من قده عقبال لك
هند:ههههههه ولك
،
مشى صقر وفتح باب السياره لصمود وركبت وسكره بقوه وصمود مستغربه ركب وحرك سيارته بسرعه
صمود:شفيك
صقر من بين اسنانه:انا ماقلت تنطمين وماتتكلمين
صمود:اي بس انت قلت زوجتي يعني مايصير اجلس ساكته
صقر بصرخه وضرب الدكسون:بس مو كذا انتي طقيتي ميانه مع زيد ذا
صمود قمطت وسكتت تناظر له وصقر بعصبيه يناظر لطريقه واسرع وخافت صمود
@storykaligi