ليت الأقدار يامنصور ماجبنه - الفصل 39 | روايتك

❤️📝 روايات وقصص مميزة 📝❤️: 🍃 176 🍂  صمود من سكرت من منصور جت بتنزل بس شافت ملابسها وملابس صقر من امس ماترتبت ومشت لهم تنظمهم وهي تفكر بمنصور وحنان وابتسمت وطرت ببالها مي لفت لجوالها وركبت السماعات واتصلت بـ مي وهي ترتب رن جوالها لين سكر وماحد رد عليها استغربت حيل مو بعادتها مي ماترد بس حظت ببالها انها طالعه مع غانم وسكرت الجوال وكملت ترتيب ، بالصاله شروق:وين بتسافرون؟ سيف: ع كيف ساميه وين ماتبي ساميه تبشر ساميه ابتسمت:لو اقول مانسافر سكتو كلهم وسيف استغرب علياء :ليش ي قلبي ، سافرو وعيشو شهر العسل ساميه بضحكه ؛ انا بينكم مبسوطه ومابي شهر عسل الا بينكم ومعكم ، واذا ع سيف سيف جنبي هنا ولا برا ابتسم سيف وهو يناظر لها نجود: ي حياتي يجنن كلامك ساميه:من ذوقك ريوف همست لشروق:لاصمود ولا صقر عنده نص رومنسيتهم شروق:هههههههههه اي والله سيف:وش تضحكون عليه شروق:اقول بس لو شسمه نطلع للمنتجع سيف:ليش؟ علياء :دام مافي سفره اكيد بنطلع سيف ابتسم:براحتكم ، الساعه ١٢ بعد ماخلص البرنامج صقر؛للبيت وانت؟ زيد:بطلع لرياض عندي شغل وبكرا جاي صقر:احتمال بكرا مااجي للاذاعه وبنتناوب انا وهند ومحمد ع تغطيه مكان ساميه زيد:اوك براحتك ، سلمني عليها وبارك لها بمكاني صقر نزل راسها:ان شاء الله اخذ جواله وطلع لسياره ركب ومشى ورن جواله طلعه وشاف رقم غريب ورد صقر:ايوه! (صوت رجل):صقر عبدالعزيز صقر:وصلت الرجال:تعال لقسم الشرطه اذا تقدر الحين صقر قرصه قلبه: ليش الرجال:تعال وبتعرف صقر:اوك جاي وسكر الجوال ومشى وكل تفكيره ان ابوه صار فيه شي ، بالقسم صقر بصدمه:عيد؟ الشرطي:الشيخ فك سحر ابوك امس واكتشفنا ناس كثير ساحرتهم هالحرمه وقدرنا الحمد لله نفك السحر والقبض عليها صقر:بس انتم قلتو بتخلون معكم الشرطي:كل شي صار بسرعه والحمدلله خلصت كل الاجراءات صقر اخذ نفس براحه: يعني متأكد قدر يفك السحر الشرطي:اي نعم صقر ابتسم ع صوت بالسيب ولف الشرطي:لاتهتم كذا العاده ، تقدر تتفضل صقر:مشكور الشرطي:العفو ومشى صقر للباب وطلع وشاف حرمه تبكي والشرطه يهدونها استغرب بس عرف الصوت وهمس؛خديجه؟ @storykaligi 🍂 177 🍃  صقر ابتسم ع صوت بالسيب ولف الشرطي:لاتهتم كذا العاده ، تقدر تتفضل صقر:مشكور الشرطي:العفو ومشى صقر للباب وطلع وشاف حرمه تبكي والشرطه يهدونها استغرب بس عرف الصوت وهمس؛خديجه؟ لفت خديجه له بصدمه صقر: وش جابك هنا؟؟؟ الشرطي: تعرفينه؟ خديجه هدت وهزت راسها بـ اي الشرطي:اوك ومشى وصقر قرب لها؛ شفيك؟؟ خديجه سكتت ونزلت راسها صقر:اوك قومي اوصلك للبيت خديجه:لا انا برجـ. قاطعها صقر:ام محمد لاترديني تعالي اوصلك خديجه بهدوء قامت ومشى صقر جنبها وطلعو ركبت السياره وركب صقر بمكانه وحرك السياره صقر بهدوء:اسمعك خديجه نزلت راسها وساكته صقر لف لها:خديجه اسمعك وش مشكلتك خديجه بهمس:صقر لاتسألني صقر:لهدرجه المشكله كبيره؟ خديجه سكتت وصقر حس انها ماتبي تتكلم وسكت عنها ووصل لبيتها ولف لها:اذا بغيتي شي اتصلي زين؟ خديجه بضيق:ان شاء الله ونزلت وشافها صقر لين دخلت البيت ومشى وهو يفكر وش المشكله اللي خلتها تبكي بالقسم ولحالها؟؟ ، هنادي ابتسمت:موافقه ابوعقيل ابتسم:ي قلب ابوك انتي الله يوفقك ويكتب الخيره لك هنادي استحت:امين ومشت وابوعقيل رفع السماعه واتصل ورد بسرعه منصور:ي هلا ابوعقيل:هلا فيك شلونك ي ولدي منصور:الحمدلله وانت شلونك ابوعقيل:بخير ، المهم احب ابشرك البنت وافقت ونسبك يشرفنا منصور ابتسم:الشرف لي ي عم ، بس حبيت املك قبل ارجع الدمام عشان يصير كل شي بسرعه ابوعقيل:ابد تبشر بطيبك ، تعال بكرا وجيب المملك معك منصور:ان شاء الله ابوعقيل:يلا تامر ع شي منصور:سلامتك وسكر والفرحه مو واسعته ، وصل صقر البيت ونزل وقفل السياره ومشى للفله دخل ع صوت سيف:دقيقه وقف وقف صقر مستغرب وجت نجود معها جلال وعطته ساميه وفهم صقر ونزل راسه سيف:تعال صقر:السلام الكل:وعليكم السلام ساميه كانت متحجبه بس ووجهها طالع صقر:كلكم مجتمعين اجل وين فهد؟ عليا:نايم اكيد صقر:وصمود وينها الكل سكت ماتوقعو ساميه تعرف بسالفه صمود اذا صقر قال قدامهم يعني اكيد قايل لساميه انه متزوج علياء بتردد: فوق صقر:اوك رايح ابدل وبجيبها معي لاتتغدون بدوننا علياء : ابشر نجود ناظرت للبنات وسكتو وساميه انقهرت ونار الغيره اشتغل ، @storykaligi 🍃 178 🍂  دخل للجناح شافها متربعه ع السرير سكر الباب ومشى لها صقر:وش تسوين صمود عاضه شفايفها وقدامها عطورات وحطرين بيدها وتحط واحد ع واحد عقد حواجبه صقر:صمود وش تسوين؟ صمود اخذت نفس ورفعت راسها:وش تشوف؟ صقر؛ متخلفه انتي؟ عطورات تجنن تخلطيهم ليش؟؟ صمود:هذا عطري ، اخلط صقر:بالله؟ صمود:تعال شوف نزل صقر شماغه وتربع قدامها صمود مدت له عطرين: ثلاث قطرات من ذا حطها ع ذا صقر اخذهم:طيب وبدا يحط وصمود تناظر له نزلت قطره وقطرتين وثلاث صمود: بس بس صقر:طيب وبعدين صمود:سكره وحركه بشويش سكره وحركه ابتسمت صمود:خلاص يلا عطني رايك بريحته فتحه صقر وشمه وما صدق وناظر لها صمود ابتسمت صقر:خطيره قسم صمود:دقيقه ماشفت اللي بسويه صقر:وريني خذت صمود اللي كانت تشتغل فيهم وبدت تقطر وصقر يناظر لها ومن خلصت حركته شوي ومسكت يد صقر وحطت عليها صمود: شمها اخذ نفس صقر ومن شم الريحه بلع ريقه وسكر عيونه ريحتها عطرها هذا هو ناظر لها صمود:حلو ابتسم صقر:جميل صمود ابتسمت:هذا عطري صقر ناظر لها مبتسم وصمود نزلت راسها تجمع العطورات وقامت حطتهم ع التسريحه ولفت له صمود:ننزل جيعانه صقر:يلا جاي اخذك وننزل حتى انا جيعان صمود:اوك يلا اخذت جلالها وصقر طلع بدون شماغه ونزلو وريحتها معه من سمعت ساميه صوت ع الدرج لفت وشافته معها ومتلثمه وصدت بقهر وصل صقر وجلس ومشت صمود لساميه صمود:مبروك ي عروس لفت لها ساميه شافتها ماديه يدها بتصافح قامت ببرود وصافحتها:الله يبارك فيك صمود ابتسمت ولفت مشت لصقر وجلست جنبه وجلست ساميه جنب سيف نجود:الله الله وش ريحه العطر اللي جت ذي صقر ابتسم:حلو صح نجود:يجنن اول مره اشمه صقر لف لصمود مبتسم:معي هالعطر عطر صمود ابتسمت صمود سيف:قمت تتعطر بعطورات الحريم شروق بضحكه:مو شرط يتعطر بعطرها فهموها وسكتو ريوف:هههههههههه وجع شروق استحت صمود ونزلت راسها وساميه من فهمت صارت تهز رجلها بتوتر وهي تناظر لصمود ونظرات صقر لها قهرتها زياده ع صوت الخدامه:الغداء خلص علياء :قومو يلا قامو كلهم وسيف مسك يد ساميه ومشت معه وصقر قام وجنبه صمود جلسو وبدو ياكلون وسيف كل شوي يلف لساميه يسألها اذا تبي شي عكس صقر اللي ياكل ولا سأل صمود وصمود باابتسامه تناظر لهم معجبينها @storykaligi 🍂 179 🍃 بعد الغداء الكل جالس بالصاله وفهد جالس جنب امه ويوريها صور بالكانون ونجود وشروق ويتكلمون بهدوء وريوف ع جوالها وسيف يتكلم مع ساميه وصقر ع جواله وصمود ملت تناظر لهم لفت لصقر وهمست صمود: اتصلو عليك الشرطه لف لها صقر بسرعه:ايش؟ صمود:اقول الشرطه اتصلو عليك؟ صقر عقد حواجبه:ليش صمود:وشو ليش عشان ابوك صقر رجع لجواله:لا صمود بصدمه: للحين لف لها صقر وهمس:ليش تسألين؟؟؟ صمود:لاني بعرف صقر:قولي لانك بتفتكين مني ومن هالبيت وبترجعين لمنصور صمود بصدمه ماكانت مفكره كذا ساميه كانت تناظر لهم بطرف عينها ومو سامعه شي صقر:صح كذا؟ صمود هزت راسها بـ لا صقر من بين اسنانه بعصبيه:الا ولاماكان اهتميتي كذا لشي مايعنيك صمود بقهر:صقر انتبه لكلامك احنا بينهم صقر:هذا الصدق قامت صمود بقهر:استاذنكم ومشت وصقر يناظر لها وقام وراها بسرعه ومشى حسو ان بهم شي وساميه صدت عنهم مو قادره تتحمل ان صقر مع بنت ثانيه ، طلعت صمود من باب الحديقه وتمشي بسرعه وماحست الا بيده توقفها ولفها له ومعصب صقر:ليش طلعتي من عندهم صمود: بتطلع فضايحنا قدامهم وتبيني جالسه صقر:انتي تدرين انهم مايسمعون صمود:الا يسمعون يكفي ملامح وجهك تبين وش كنت تقول صقر: صمود خلك من هالكلام وجاوبي ، كل هالمشكله لانك مليتي مننا وبترجعين صمود بعصبيه؛ لو برجع رجعت من عرفت ان منصور باامان ، بس بقيت لـ. وسكتت صقر بهدوء:كملي ، بقيتي لانك حاسه بتانيب الضمير وماتبين تروحين لين تنحل المشكله صمود ناظرت له بقهر وسحبت يدها وبعدت عنه صمود:انت تدور مشاكل وانا مو ناقصه صقر ناظر لها وانفاسه بدت تتسارع تركته صمود ومشت لداخل البيت و ع طول لدرج ولغرفتها ، بالصاله علياء :شفيهم ذول ريوف:ماادري عاد مااحب اتكلم مع صقر وهو معصب سيف:لا واضح معصبين علياء :بطلع له ساميه:لا خاله ، خلوني اتكلم معه ، ممكن سيف؟ سيف ابتسم:اي تفضلي قامت ساميه ومشت له و ع وجهها ابتسامه فرح @storykaligi 🍃 180 🍂  دخلت وسكرت الباب بقوه وهمست صمود:غبي ، نفسيه ، متخلف رمت جلالها ع الارض ودخلت غسلت وجهها ورفعت راسها وناظرت نفسها بالمرايه وبقهر طلعت واخذت جوالها ورمت نفسها ع السرير وصارت تدخل كل البرامج بس اهم شي تلهي عن اللي صار وماتفكر فيه ، حنان بصراخ: مابي ماتفهم ماابي عقيل:لاتقولين لي هالكلام قولي لابوي حنان بكت:خالي تكفى ودني الدمام مااابي اجلس ماابي عوض عقيل قرب لها ومسح ع شعرها:يشهد علي ان ودي اخذك وابعدك عن ابوي وعن عوض بس والله ما اقدر ، لو اخذتك ابوي ممكن يوصل انه يتبرا مني وتعرفين ابوي وتفكيره متحجر حنان تبكي ورمت نفسها عليه وضمها عقيل:خلاص حنان لاتبكين كل شي بهالدنيا خيره حنان بين شهقاتها:بس عوض مو خيره عقيل:استغفري ماتدرين لو عوض ذا هو الخيره والسعاده اللي كاتبها لك الله حنان هزت راسها بـ لا وتبكي وعقيل وتنهد وهو ضامها ويمسح ع راسها وهنادي وراهم وفيها الصيحه من صوت حنان وبكاها ، بالحديقه صقر كان معصب  هالكلمه قليله عليه كان مشتغل ناااار ويناظر للمسبح وحس بااحد وقف جنبه لف بسرعه ع باله صمود وعقد حواجبه من شافها صقر بعصبيه:خير انتي وش جابك ساميه ابتسمت:ذي زوجتك صقر سكت يناظرها ورافع حاجب ساميه:ممم حلوه شفتها لما قامت تغسل بعد الغداء جميلة اهنيك صقر بصراخ؛ مالك شغل فيها وبعدي عنها لفت له ساميه باابتسامه:مااضمن لك ، لو شفتها بتقرب لك ماتدري وش بسوي صقر صرخ بقوه:سسسسساميييييه ساميه قاطعته:اوووش اووششش ، اهدا ، اصلاً واضح لاانت تحبها ولاهي تحبك ، من هوشتكم ذي اللي مااتوقع لها اساس صقر ناظر لها وبهدوء تكلم:لاتحكين بالمشاكل ، وانتي ماتدرين وش بالقلب ، خلك بحالك اصرف لك ولف ومشى وساميه ابتسمت:اذا صارت بينكم مشاكل بعد تعال فضفض لي لف لها وتكلم بصوت عالي:انا اقترح عليك تشوفين لك طبيب نفسي ولف ومشى لسيارته وساميه جمدت ملامحها ولفت بقهر ومشت لداخل البيت ودخلت علياء :هاه هدا ساميه جلست جنب سيف:اي تكلمت معه وقال لي المشكله ، الله يعينهم شكلهم مليانين مشاكل نجود بهدوء:صقر قال لك كذا؟؟؟ ساميه لفت لها:اي رفعت نجود حاجب وريوف وشروق استغربو فهد:اذا شفت صمود وصقر مرات اقول بتزوج ومرات اقول لا سيف:ليش فهد:مرات يتغزلون ببعض ع المسبح ومرات خناقهم يخوف ساميه خزت فهد وصدت وماحد انتبه ريوف:ههههههه بالعكس لايقين حيل لبعض شروق:وانا كذا اقول ساميه قامت:بدخل استاذنكم علياء :اذنك معك ومشت لجناحها و سيف يناظر لها فهد:ي هوه سيف ابتسم ولف له علياء :هههههه خله كيفه توه عريس فهد:ماقلت شي بس يقهرني عليا:هههههه عقبالك فهد:امين @storykaligi