الفصل 34
❤️📝 روايات وقصص مميزة 📝❤️:
🍂 151 🍃
ناظرت لساعه صارت ٨:٣٠
وناظرت لتحت من الدريشه وماجاء
لفت واخذت جوالها ورجعت لقدام الدريشه واتصلت
ورد ببرود
صقر: نعم
صمود: وينك
صقر: وش تبين
صمود اخذت نفس:انت قلت اليوم بـ..
قاطعها صقر:خلاص انتي اطلعي منها انا بسوي كل شي لحالي
صمود بصدمه:لا مو ع كيفك
صقر ببرود: الا بكيفي
صمود عصبت:صقر انت قلت لي بنكون مع بعض فيها
صقر: غيرت رايي
صمود:صقـ..
ماكملت وسكتت شوي
صمود:صقر؟؟
ورفعت الجوال شافته مسكر بوجهها وتنرفزت ورمت الجوال وهمست:حيوان
،
اما صقر نزل الجوال ورفع راسه
صقر:كملي
هند:اسفه اذا اشغلتك
صقر بهدوء:لا
هند:اوك ، اسمع البرنامج بيكون من اعدادي انا واخراج سامي
صقر:حلو
ابتسمت هند:يسعدني اننا رجعنا نقدم مع بعض
صقر ابتسم:ويسعدني اكثر
هند:اوك ع فكره ترا عارفه ان بينك وبين ساميه مشكله لاتحسب انه مو واضح بس بنتظرك انت تتكلم
صقر بهدوء:ما في شي ، اذا احتجتي شي بالاعداد كلميني
هند:براحتك ، البرنامج يبدا بكرا نفس الوقت
صقر:اوك
هند:تامر ع شي
صقر:سلامتك
اخذت هند الاوراق وطلعت من الاستديو اللي كانو يعدون فيه وصقر اخذ نفس وناظر للجوال ماشاف جاه شي واخذه وطلع
،
ببيت عبدالعزيز
كان فاااااضي هالوقت البنات طالعين مع امهم
وخديجه تشرف ع الخدم بالسرداب
عصبت:وين رايما
الخدامه:طلعت تنظف الدور العلوي
خديجه:ماقلت هالوقت اجتماع
الخدم سكتو ولفت خديجه بعصبيه وطلعت ع نزله رايما معها صينيه فيها الغداء وشهقت خديجه
خديجه:هذا توك تنزلينه
رايما بخوف:انا توي اشوفه
خديجه بعصبيه:لو طالع السيد عبدالعزيز وشايفه بمكانه وش كان بيسوي؟؟
سكتت رايما ونزلت راسها وخديجه بعصبيه دفتها ومشت رايما للمطبخ
وخديجه تناظر لفوق لدرج وهمست:بس صمود وعبدالعزيز فوق؟؟؟؟؟
رفعت حاجبها بااستغراب وفكرت تطلع بس اخذت نفس ورجعت لسرداب
@storykaligi
🍃 152 🍂
بالسوق
ريوف شايله الاكياس ومعها صحه الماء وشنطتها وجوالها والنقاب مايل من الحوسه وتتلفت وتاففت
ريوف:عمى وينكم
رن جوالها واحتاست ماتدري كيف ترد وبملل رمت الاكياس ونزلت الماء وردت
ريوف:نعم وينكم عمى بعينك
نجود:بالكوفي ، تبين ارسل لك الخدامه
ريوف بعصبيه:وش بعده ، لا لاترسلينها
ودخلت الجوال بالشنطه ونزلت اخذت الاكياس ومشت وفجاءه سمعت ضحك قريب لفت وشافت اثنين شباب يضحكون ويناظرون لها
ريوف:ضحكت من سرك انت وياه
ومشت
الشاب١:ههههههههه تعالي خذي الماء حقك
ريوف مشت ولا ردت عليه
الشاب٢: خلها جهاد وربي واضح واصله معها هههههههه
جهاد:وانت الصادق ،
ولف لصديقهم اللي يناظرهم ورافع حاجبه بهدوء
غيث:ماتلاحظون انكم حقيرين وانتم تسوون هالحركات
جهاد لف للي معه:تشوف كذا صالح؟
صالح:لا وانت
جهاد:ههههههه لا
غيث ابتسم بهدوء:اوك ، تعال ي صالح وسوها بااخت جهاد وجهاد انت سوها بااخت صالح
عصب جهاد:هيييه غيث انت تفهم وش تقول
غيث:اي افهم ، احترمو شوارب ع وجيهكم
وقام اخذ جواله ومفاتيحه
ومشى وصالح وجهاد جلسو بمكانهم بقهر وكل واحد يفكر بكلامه ولا بينو لبعض
،
ببيت عبدالعزيز متربعه ع السرير وتهز رجلها بتوتر
ع فتحه الباب ودخل وناظرت له بطرف عين وهو مايناظرها سكر الباب ومشى بيغسل وقامت بسرعه وصارت قدامه ، عقد حواجبه وهو يناظرها
صمود:اكيد بتكون بارد ولا تحس باللي احسه ، الايمييل يقول اذا ماسويتي اللي يبونه اليوم بيسوون شي بمنصور انت فاهم كيف يسوون شي بمنصور
صقر بهدوء:اطلعي منها
صمود بصراخ؛مااااراح اطلع لو انت ماراح تكمل اللي بدينا مع بعض انا بكمله
ومشت للباب مااهتم صقر وبيمشي يغسل بس صمود ماوقفت طلعت ولف صقر
مشت لدرج وصرخت:صقر بعد عني
صقر انصدم من سمعها تقول كذا معناها بدت تمثل لحالها
ركضت لغرفه عبدالعزيز وفتحت الباب بقوه ورجعت بسرعه لجناحهم وصقر يناظرها منصدم اخذت الاوراق اللي ع الطاوله وسحبت عباتها وركضت لتحت وصقر توه يستوعب وركض وراها
بيمسكها بس ماقدر
@storykaligi
🍂153 🍃
مرت بسرعه صمود وهي تلبس عباتها
من بين الخدم اللي تجمعو ومستغربين من الصوت
وخديجه اولهم
فتحت الباب وطلعت
وصقر مشى بسرعه وراها وطلع
صقر: صمود خلاص وقفي
صمود ماردت وركضت لبرا سور البيت كله والحرس يناظرون لها ولا قدرو يسوون شي ويشوفون صقر وراها
طلع صقر وراها ومسكها بقوه
صقر بعصبيه:وش بتسوين
صمود تتنفس بسرعه:سويت نص خطتك وباقي نصها خلاص اتركني
صقر ناظرها بيتكلم بس شافها طلعت جوالها ودورت الرقم واتصلت ... انتظرت شوي ورد عليها صوت بنت
(مشاعل): هلا والله اخيراً اتصلتي
صمود بلعت ريقها وانفاسها متسارعه؛ اخذت الاوراق وينك
مشاعل:تعالي عند محطه الـ..
صمود:ما اعرفها
مشاعل:انتي وينك الحين
صمود ناظرت صقر:بالشارع لحالي
مشاعل:حلو اخذي لك اي تاكسي وبيعرف هالمحطه
صمود بخوف:طيب
وسكرت وناظرت لصقر وتكلمت بهدوء:ماراح اوقف هنا بكملها
صقر ناظرها شوي:بنت ولا ولد؟
صمود:بنت
صقر تافف وماكان بيده شي ترك يدها واخذ نفس:انتبهي ع نفسك وانا وراك ومعك
صمود هزت راسها بـ طيب
صقر اشر للحرس؛اطلب تاكسي
الحارس:طيب
وصمود تناظر للورق وصقر يناظر لها
صمود:هذي مثل الحقيقيه صح
صقر يناظرها وساكت رفعت راسها صمود وناظرت له
صقر حس ع نفسه وهز راسه بـ اي
صمود:اوك
صقر:متاكده تقدرين
صمود:اتفقنا عليها قبل وقلت لك اقدر
صقر اخذ نفس وصد
وصمود تناظر له:شفيك خايف اكثر مني
صقر: ماتدرين وش وراهم
صمود: محد راح يقدر يقرب لي
سكت صقر
وصمود همست:بفك مني قريب
صقر لف للحرس وصرخ بقوه؛ ووووووويييييين التاكسي
صمود استغربت وخافت من صرخته
الحرس: قريب ، شوي ويوصل
صد صقر بقهر ويناظر لشارع الفاضي وصمود مستغربه انفعاله وصدت بهدوء وتدعي انه مايصير شي
،
وصل لرياض واتجه ع طول للبيت اللي قال عنه فايز ووقف قدامه ونزل وقفل السياره
ورن الجرس
فتح له عقيل وعقد حواجبه:امر
منصور:هذا بيت ابوعقيل
عقيل:الله الله
منصور:لاهنت بشوفه
عقيل:اوك تفضل حياك
منصور:يحييك
ودخل وعقيل سكر الباب ودخل منصور للمجلس ودخل ينادي ابوه
بالصاله
ابوعقيل:من؟
عقيل:ماادري اول مره اشوفه
ابوعقيل:طيب
وقام وهنادي استغلت الفرصه وطلعت لحنان تشوفها
ومشى عقيل مع ابوه
@storykaligi
🍃 154 🍂
وقفت سياره التاكسي
ناظر صقر السواق هندي
ولف لصمود وهمس:اقري الاذكار
هزت راسها بـ طيب
فتح الباب الخلفي
وركبت صمود وسكر الباب ومشى السواق وصقر يناظر لهم ومشى بسرعه لداخل السور وركب سيارته وشغلها ومشى وراهم
،
صمود:محطه الـ..
السواق: اوك
واخذت نفس وهي داخلها تردد ادعيه واذكار تحميها
اما بسياره صقر يمشي وراهم بهدوء
ويردد:يارب سترك
،
ابوعقيل: هلا؟
منصور ابتسم:مثل ماسمعت ، شاري قربكم ونسبكم
ابوعقيل ناظر لعقيل ورجع ناظر لمنصور وابتسم:انت تقول ولد متعب الـ..
منصور:الله الله
ابوعقيل:والله والنعم
منصور:ماعليك زود ، عاد كلمت العم فايز وارسلني لكم
ابوعقيل باابتسامه:هلا والله شرفتنا
عقيل:انت من الدمام
منصور:اي
عقييل:وش تشتغل
منصور:ادير شركات بااسم الوالد الله يرحمه
ابوعقيل:معروف
منصور:اتمنى تردون لي خبر بااسرع وقت لاني مضطر ارجع لدمام
عقيل:ابشر
قام منصور وسلم ع ابوعقيل وعقيل حس انهم فرحو بجيته وانه ممكن ياخذها من اللي خطبها وطلع ولف عقيل لابوه
عقيل:بتترك عوض
ابوعقيل: ليش؟
عقيل: وشو اللي ليش ، منصور ارجل منه اكيد وبيصونها ويستاهلها
ابوعقيل ابتسم:يصونها ويستاهلها انا اشهد ، وعوض يستاهل حنان
عقد حواجبه عقيل: مافهمت
ابوعقيل:يعني ي دلخ ، منصور لهنادي وهنادي لمنصور
عقيل انصدم:بس منصور واضح يبي حنااان
ابوعقيل بخبث:ماقالها بالاسم ، عشان كذا بنرد له بعد ملكه حنان
عقيل تنهد بضيق وقام وابوعقيل مبتسم لنسيبه الجديد
،
بالسوق
علياء :خلصتو؟
ريوف تتلفت: وين خاتمي
علياء : اكيد كالعاده نزلتيه ، قومي بس قومي الخاتم بداله خاتم
ريوف بقهر:لاااا هذا هديه ابوي الذهب
علياء جمدت:نعم؟؟؟؟؟ ومضيعته
ريوف سكتت
نجود:قومي ي حمارة خلينا ندوره وين دخلتي اي محل
قامت ريوف ومعها نجود وعلياء جالسه مع شروق وتدعي انه مايضيع وتحصله
@storykaligi
🍂 155 🍃
ريوف بقهر:مو هنا مو هنا
نجود: وجع لفينا المجمع كله
ريوف بضيق:نجود ضاع خاتمي
نجود:امشي خلينا ندوره بالكوفي
مشت ريوف وخايبه امالها
نجود:في وقت حركتي يدك بقوه؟
ريوف:لا
نجود:طيب احد قرب لك وسحبه
ريوف:لا ليش عديمه احساس انا؟
نجود:ي بنت تذكري طيب
ريوف:طلعت من المحل وجيت من عند شباب مستهترين ومشـ.
وكانها تذكرت شي:دقيقه تعالي
ومشت ونجود معها
ووصلت للمكان اللي نزلت الماء حقها فيه وجلست تتلفت وشافت خاتمها ع الارض و شهقت بفرحه
ريوف اخذته:لقيته لقيته الحمدلله
نجود:الحمدلله
صالح:هذي اللي قبل شوي
لفت ريوف له وعرفته وصدت بتمشي
جهاد:اسكت خلها تولي
انقهرت ريوف من كلمته ولفت له:نعم نعم ؟ وش تولي ، ليش انا اللي جايتكم
صالح:هذا اللي نشوفه
نجود:عمى
جهاد:تقلعك جايه لنا وتخانق بعد
ريوف:هييييه انت؟ وش اللي جايه لنا جيت ادور خاتمي
جهاد:اي اي صدقت
ريوف بقهر:عمرك ما صدقت
نجود:خلاص ريوف تعالي
ريوف:وقاحه
قطعهم صوت:خير وش فيه
صالح بهدوء:جالسين احنا تشوف ماقمنا هي اللي جت تدور مشاكل
شهقت ريوف:اناااا؟
غيث يناظر لهم:الاصوات عاليه اسكتو
ريوف لفت له:جيت بدور خاتمي اهم اللي تكلمو وقالو خلها تولي وكاني جايه ادورهم
غيث:طيب اختي اهدي
ريوف:هاديه
غيث:صالح جهاد اطلعو خلاص
صالح قام:يكون احسن
ومشى وجهاد قام بهدوء اعطى ريوف نظره ومشى
وهمست ريوف:عساكم مارجعتو
نجود:بس عاد
غيث:اعتذر لك اختي
ريوف لفت ومشت وماردت
نجود بهدوء:مشكور
ولحقت ريوف وغيث لف ومشى ورا جهاد وصالح
،
وصلو للمحطه
وصمود كل مالها ودقات قلبها تتسارع وتخاف اكثر
وصقر وقف ويناظرها ومركز
رفعت جوالها ويديها ترجف واتصلت وردت مشاعل
صمود: وصلت
مشاعل: شفتك ، انزلي واركبي سياره غمارتين
لفت صمود بخوف وشافت السياره مافي غيرها واخذت نفس وبلعت ريقها
صمود:طيب
نزلت وصقر يناظرها والاوراق بيدها ومشت بخطوات ثقيله لسياره
@storykaligi