ليت الأقدار يامنصور ماجبنه - الفصل 32 | روايتك

❤️📝 روايات وقصص مميزة 📝❤️: 🍂 141 🍃  سمعت صوت احد جايها من وراء الباب قامت بسرعه وفتحت الباب وفجاءه حست بيد سحبتها بسرعه ومشت معه ودخل للغرفه وسكر الباب وصمود تتنفس بسرعه وتناظر له بخوف صمود:ليش وش صاير صقر اشر لها تسكر وقرب اذنه للباب وقربت له صمود بتسمع كان صوت خديجه وكانها توها طالعه مع الدرج ووقفت بالصاله خديجه:اوششش سلوى اوووشش ، استحي ع وجهك ........... انتي من عقلك تبيني اراقب صقر؟ سلوى انتي صاحيه؟ ........ ادري انك معجبه فيه بس مااقدر اراقبه لين يطلع ياربي لاتجننيني...... اقول راقبي امك اصرف.... لا اله الا الله ، اي فيه عبدالعزيز بغرفته وش تبين...... سلوى اسألتك غريبه وشلون من عنده؟؟؟ .... اقول انقلعي جايبتني اراقب لك انا وجع وسكرت وناظرت لغرفه عبدالعزيز وسألت نفسها ماشافته بس تحس انه فيه شي واكيد في شي ، بالجناح صقر مسك راسه:مو فاهم شي ومشى لسرير ورمى نفسه صمود قربت له:صقر فهمني ليش قطعت علينا ماكملنا صقر جلس واخذ نفس:ماحسيت اني كملت اللي ابيه ، بس كلام خديجه اكيد له علاقه صمود بخوف:ابوك جاء صح قام صقر وهز راسه بـ لا صمود عقدت حواجبها:الا تو خديجه وامك ونجـ. قاطعها صقر:امي ونجود انا قلت لهم يقولون كذا بصوت عالي عشان تسمع خديجه ، وسمعت بس مو فاهم من سلوى هذي؟ صمود بصدمه:دقيقه فهمني صقر؛قلت لامي ونجود يقولون هالكلام عند باب غرفه امي بصوت عالي وينزلون عشان انتي تدخلين ، بس ماقدرت اكمل الخطه لان خديجه طلعت وراي وطلعتك ، فهمتي صمود بهدوء:اي صقر: سلوى وراها سالفه صمود بقهر جلست ع السرير وحست الكابوس ماراح ينتهي اليوم صقر سحب الكرسي وجلس عليه وسكت وهو يناظر للاب صقر:ع فكره ماراح يمر اليوم بدون مااعرف من وراء هالسالفه ناظرت له صمود صقر بثقه ناظرها:اليوم قدامنا طويل ، معي؟ صمود بهدوء ابتسمت:معك ابتسم لها صقر وصد للاب ، بالرياض حنان تبكي:ابوي يدري وتركني تخيلي هنادي تركني هنادي بضيق:اهدي حبيبتي ، الله مايكتب شي الا وفيه خيره حنان بهدوء مسحت دموعها:صح ، اذا الله كتب لي عوض اكيد خيره صح هنادي هزت راسها بااي وحنان تحس بحرقه داخلها وساكته وكل ماتنزل دمعه تمسحها بسرعه @storykaligi 🍃142 🍂  ببيت عبدالعزيز الساعه ١:٣٤ الظهر بالصاله نجود:وينهم؟ علياء :ماادري لاتسأليني لهم ساعه ونص فوق مانزلو نجود:مو فاهمه شي ، بعرف ليش خلنا نمثل ان ابوي جاء علياء :اكيد يفكر بشي ، صقر مايسوي شي الا وعنده سالفه نجود بهدوء:اموت واعرفها علياء :قال لنا بقولكم نجود:ننتظر ، اما بجناح صقر ناظر لها وهي جالسه قدام اللاب تقرا الايميل مليون مره صقر:خلاص صمود صمود لفت له:الحين لو سحرو منصور كم يوم ويبين السحر صقر رفع حاجب:انتي ليش متشائمه كذا صمود رجعت تقرا:ماادري وكانها تذكرت شي ولفت لصقر:خديجه لما كلمت سلوى ذي ، ليش قالت لها راقبي صقر صقر تربع:هذا اللي افكر فيه ، وتسأل اذا ابوي فيه ولا لا صمود بصدمه ناظرت له:معقوله هي؟؟ صقر:معقوله ليش لا صمود حست بجديه موقفها وارتبكت بس مابينت لصقر ، بمطار امريكا الساعه ٢:٣٣ باليل وقف غانم ويتلفت يدورهم وانفاسه متسارعه ويركض بين زحمه الناس وكل وحده متحجبه يناظر لها وكل بنت صغيره يفز قلبه اذا شافها ، دورهم بكل المطار ومالقاهم  معقوله طلعو لطياره وقف قدام شاشه المطار اقرب رحله كانت للندن ضغط ع راسه بقوه ورن جواله وطلعه بسرعه ورد غانم:مـ.. قاطعه صوت:جبت الاوراق غانم بقهر ضغط ع شفته:اي جبتها عايد:حلو حلو ، تقدرون ترجعون لسعوديه الحين غانم بقهر:طيب وسكر وهو يتلفت وامله انه يحصلهم راح اكيد رجعو بدونه ورجع لسيارته ركبها بتبلد ومشى للبيت جمع ملابسه وحجز اقرب رحله من اللاب اليوم الساعه ٧ الصبح ورمى نفسه ع الكنب ويفكر وين ممكن تروح بالسعوديه؟؟؟ ومي مالها الا خالها اللي بالجبيل اكيد رايحه له @storykaligi 🍂143 🍃  بشقه ساميه ساميه بضيق:ليش بابا ابوساميه:حبيبتي مااقدر ، حلو ان وقعت ع ورقه الملكه لاني بسافر لديره ساميه:طيب متى بتسافر ابوساميه بهدوء:احتمال الثلاثاء ساميه بصدمه:الثلاثاء بعد ثلاث ايام! ابوساميه:ايوه ساميه:كيف بتوقع ع الملكه ابوساميه:اعطيني رقم سيف اذا كان عندك وبكلمه اشرح له ساميه:طيب وماما؟ ابوساميه:بجيبها لك بكرا ساميه بضيق:اوك ، برسل لك الرقم ابوساميه:انتظرك حبيبتي وسكرت وتاففت حست سكرت بوجهها من كل مكان وارسلت رقم سيف لابوها ورمت الجوال وفتحت الدريشه ووقفت قدامها واخذت نفس وهمست؛كل شي اتحمله الحين عشانك صقر ، ببيت ابوعقيل نزلت هنادي وشافت عقيل وابوها جالسين وجلست عندهم عقيل:وينها العروس هنادي ناظرت ابوها:فوق توها هدت ابوعقيل:صايره دلوعه ذي البنت هنادي:يبه حرام عليك اللي تسويه ابوعقيل:ليش حرام عشان ابي مصلحتها هنادي:بس عوض داشر للحين ابوعقيل:ابوه بيزوجه عشان يعقل هنادي:مو ع حساب حنان ابوعقيل عصب وصرخ : بس عاد ، اقطعو هالسالفه واذا بتتكلمون فيها كثير انا اليوم اجيب المملك ويملكون وننتهي عقيل:خلاص يبه سو اللي تشوفه زين هنادي سكتت ونزلت راسها وقام ابوعقيل وطلع وعقيل لف لهنادي عقيل:تدرين ان هذا طيع ابوي مايحب اللي يرادده هنادي:بس حنان حرام عقيل:ادري حرام بس وش نسوي ، ودام ابوي يبي كذا اكيد بيصير غصب عني وعنك سكتت هنادي وصدت وعقيل قام لغرفته ، ببيت عبدالعزيز بمجلس العيال كان نايم وكابه ع وجهه وجواله يرن اخذه بدون نفس ورد بدون مايشوف و ع وضعه سيف:ايوه ابوساميه:اهلين سيف معك عمار ابو ساميه فز سيف وجلس وابتسم:هلا والله عمي عمار: هلافيك ، كيفك سيف:بخير دامك بخير عمار:ابي اتكلم معك بموضوع اذا مايضايقك سيف:افا عمي امر انت عمار:بخصوص ساميه بنتي سيف:تفضل @storykaligi 🍃144 🍂  طلع صقر بعد مالبس ثوب وشماغه بيده صمود:وين؟ صقر وقف قدام المرايه يعدل شماغه:بطلع صمود:تطلع وين ناظرها صقر من المرايه:بنزل اتغدا وبعده بروح لسيف وفهد من زمان ماجلست معهم صمود بهدوء:طيب نسف شماغه وجاء بيطلع ولف لها:انزلي تغدي صمود:مو مشتهيه صقر:بكيفك وطلع وصمود اخذت جوالها وطرت ببالها (حنان) واتصلت ع طول ، نزل صقر شاف امه ونجود بالصاله معهم ريوف صقر:جيعاااان عليا:تعال تعال فهمنا وبعدين تاكل صقر ابتسم:بفهمكم بس مو الحين ريوف:وش يفهمكم؟ صقر:وش دخلك ريوف:بالله؟ اسأل امي انتي وش دخلك صقر جلس جنبها:ريوف جيعان قومي قولي لهم يحطون لي غدا ريوف:تصرفوني ادري بس ماراح اروح ونادت بصوت عالي:خديجه ضغط صقر ع شفته علياء بعصبيه:ريوف كم مره اقول لكم لاتنادونهااا؟ ع جيه خديجه:هلا ريوف:قولي لهم يحطون الغداء خديجه؛طيب ولفت ومشت ووقفها صوت صقر:وقولي لهم يحطون صحن لابوي وانا بطلعه له خديجه لفت له بهدوء:طيب ومشت ريوف شهقت:ابوي فيه؟؟ صقر ناظر لامه علياء :ريوف نجود تعالو معي وقامت واستغربت ريوف اما نجود شبهه فاهمه ، بغرفه صقر صمود بصدمه:نعم نعم وش مفكر نفسه ذا حنان تبكي: مادري صمود بموت احسه يمزح ، عوض وصخ وصخ صمود بضيق:لاتضيقين نفسك حبيبتي انا بدور لك حل حنان: وشو صمود:ماعليك بقول لك بس انتي لاتبكين حنان:طيب ، صمود تكفين كل شوي كلميني ما ابي اجلس لحالي بهالحاله صمود:حبيبتي انتي ابشري وسكرت وبدون تفكير كلمت منصور ورد عليها بسرعه منصور:هلا هلا بالقلب صمود:هلابك منصور وينك منصور:بالسياره راجع للبيت صمود:تقدر تمرني منصور بخوف:ليش فيك شي؟؟؟ صمود:لا بس بتكلم معك بشي منصور:طيب طيب شوي وجايك صمود:انتظرك وسكرت واخذت نفس ع امل يقدر منصور يتكلم مع ابوها ويقنعه اما منصور كان تعبان من البر والكشتات بس كل شي عنده الا صمود ومشى لبيت صقر ، سيف:ابشر ابشر والله ابتسم عمار:اشهد انك رجال وساميه عرفت تختار ابتسم سيف:ماعليك زود واعتبرها باامان ولاتخاف عمار:عارف ابتسم سيف واعجبه كلام عمار وفكرته وسكر من عمار وقام بسرعه لداخل @storykaligi 🍂145 🍃  بالصاله صقر لحاله جالس يطقطق بجواله ع دخله سيف بسرعه رفع راسه وشافه وسيف مبتسم سيف:بالخير خيووو صقر رفع حاجب سيف:هههههه اشفيك شكلي بطلع ع خوال الحب لبناني صقر عرف انه يقصد ساميه ومارد ورجع نظره لجواله سيف: امي وينها؟ صقر: بالمجلس مع البنات سيف:طيب ومشى للمجلس ع طلعه خديجه معها صينيه فيها غداء سيف:من له هذا؟ لف صقر وناظر لها:لي لي هاتي سيف:وش تبي فيه ماراح تتغداء هنا؟ صقر ناظر لخديجه وقام اخذ الصينيه:لا مو لي انا ، روحي انتي خديجه:طيب ولفت ومشت وصقر لف لسيف:هذا لصمود تعبانه وتركه ومشى وسيف ابتسم وهمس:يرزقني بالحب وادلعها ومشى للمجلس ، طلع صقر لفوق ووصل لصاله ونزل الصينيه ع الطاوله ع صوت باب جناحه فتحه ناظر له شاف صمود لابسه فستان ناعم ومعها جلالها صقر: وين صمود: بنزل منصور بيجي صقر عقد حواجبه:ليش؟ صمود:انا اتصلت فيه بس موضوع بقوله صقر:اي وش الموضوع صمود سكرت الباب ووقفت قدامه: مو كل موضوع لازم تعرفه ولفت بتمشي وصقر استغرب:دقيقه هيه صمود لفت له:وشو بعد ، صقر قسم واصله معي وش تبي صقر:اي ماقلت شي بعرف بتقولين له السالفه اللي بنسويها صمود بهدوء:اكيد لا صقر:اي زين ولفت صمود ونزلت وصقر ناظر لها ووده يعرف وش تبي بس مايبي يتدخل وواضح الموضوع ماثر عليها ، اخذ الصينيه ومشى لغرفه شروق ودخل شافها تمشي ع السير لف له شروق:هلا صقر نزل صقر الاكل:اكليه زين شروق وقفت السير:ماابيه مشكور صقر:مو بكيفك غصب بتاكلينه واذا خلصتي حطيه بالصاله سامعه شروق استغربت:ليش صقر:بقولك بعدين وطلع وتركها وشروق تنهدت:واوي ترجع اللي من اليوم احرقه وجلست قدام الاكل وحست انفتحت نفسها وبدت تاكل اما صقر طلع وسكر الباب ونزل بسرعه @storykaligi