ليت الأقدار يامنصور ماجبنه - الفصل 15 | روايتك

❤️📝 روايات وقصص مميزة 📝❤️: 🍂 51 🍃 هاللحظه بغرفه عبدالعزيز وعلياء كان جالس وعلياء تسوي لكتوفه مساج وهي تناظر له ، ودها تسأله وش يحس فيه الحين بس ماتجرأت عبدالعزيز مد يدينه ومسك يديها ووقفت ولف وباس يدها عبدالعزيز:ياعسى هاليدين ي ام سيف ماتمسهم النار ابتسمت علياء سحبها عبدالعزيز وجلسها قدامه عبدالعزيز:كانك متاضيقه شفيكي علياء بهدوء:انت ماتذكر وش صار امس؟ عبدالعزيز عقد حواجبه:وش صار؟ علياء بخوف:عبدالعزيز تحس براسك يوجعك؟ عبدالعزيز:اي ثقييييل علياء خافت يكون خرف وبدا ينسى جلست تناظر له وعبدالعزيز ابتسم:خلاص لاتزعلين ، بااكل علاجي وراح اهتم بنفسي علياء همست:يطول بعمرك عبدالعزيز ابتسم لها ، تحت لف لنجود اللي تناظر له وتنتظره يتكلم صقر:وش كنتي تسوين بالمطبخ نجود ارتبكت:كنت اساعد شروق ناظرها صقر بحده ونجود خافت ع فتحه الباب الكبير ودخل سيف وناظر للي جالسه وعقد حواجبه ونجود استغلت الفرصه وطلعت لدرج بسرعه وصقر لف لها واخذ نفس ومشى لساميه صقر:حياك تعالي للغداء ساميه ابتسمت:اخيراً صقر:هههههههه تعالي خلاص اخر مره اعزمكك ساميه:ههههه لا امزح وقامت وريوف معها وهي مرتاحه انه ماشافهم ولا صارت مشكله سيف:هلا هلا عندنا ضيوف ساميه:هلا فيك صقر:هذا اخوي سيف ناظر له سيف ورفع حاجب ساميه:ي اهلاً تشرفت سيف:الشرف لي ، صقر تعال شوي صقر:دقيقه ، ساميه تفضلي ريوف وصليها ريوف:تعالي ومشت ومشت معها ساميه ومشى صقر لسيف صقر:هلا؟ سيف:ناسي انك متزوج؟ صقر بضحكه ؛ وانت تتغيبى ولا غبي ؟ قلت هالزواج ع ورق وبعدين ساميه صديقه سيف:قسم بالله حرام عليك صقر:سيف مو وايق ، تعال بتاكل ولا روح لفهد تلقاه بغرفته مارد سيف وتركهه ومشى لفوق وصقر مااهتم ومشى لطاوله ، ببيت منصور كوثر بصدمه:يقول رجعو منصور:اي كوثر:حلو يلا نروح لهم منصور رفع جواله:الساعه ٢ ي ادميه كوثر:اوووف ، طيب العصر منصور:لا بالليل احسن كوثر:لا بعيد منصور:كوثر خلاص كوثر؛طيب طيب وسكتت وهي تفكر تقول لحنان وتجي معهم @storykaligi 🍃 52 🍂  بعد الغداء بالصاله فيه صقر وريوف وساميه ريوف كانت ع اعصابها ورسايل شروق لجوالها زادت وهي تدعيها عشان يطلعون صمود مع بعض ريوف:ممم تشرفت فيك ساميه واتمنى ماتقاطعيننا ساميه:الشرف لي حبيبتي ريوف:اجل اخليكم مع بعض انا عندي شغله ناظرها صقر بحده صقر:وش ذي الشغلة ريوف لفت له:هههههه صقر شفيك صاير متطفل ، استاذنكم وقامت صقر بحده؛اجلسي سكتت ريوف ولفت له وساميه حست انه ع اعصابه ريوف:ليش؟ صقر:ابد ولا شي ، خلك عندنا ريوف جلست بهدوء وماحبت تسوي مشاكل وارسلت لشروق بجوالها(صقر رفض امشي عنه روحو طلعوها) ونزلت الجوال وصقر ساكت يناظر لها ورجع صد ، طلعت شروق من المطبخ بعد ماقرت رساله ريوف بدون ماحد وركضت للدرج وطلعت لفوق بالصاله فوق نجود واقفه عند باب جناح صقر نجود:صمود جت جت شروووق صمود:افتحو الباب يلاا اخذت شروق المفتاح وجمعت كل جرأتها وفتحت القفل وصمود بفرحه فتحت الباب وجمدت ملامحها شروق:اخيييراً وضمتها ونجود عقدت حواجبها من ملامح صمود ولفت لورا وشافت صقر متكتف ويناظر لهم وخاااافت شروق بعدت عن صمود:شلونك الحين صمود بلعت ريقها وناظرت لصقر ونزلت راسها استغربت شروق ولفت ومن شافته حست رجولها مايشلونهاا صقر:حلو حلو ، وبعدين وطلعت وش بتسوون؟ صمود:انا طلبت منهم يفتحون لي صقر بثقه:عارف ، شروق ونجود مايسوونها اصلاً شروق ناظرت لنجود ونجود بادلتها النظره ودهم يتكلمون بس خافو صمود:طقت معي داخل ، ابي اطلع اتنفس صقر:تطلعين وين؟ صمود:بطلع من الغرفه صقر:اها، طيب تعالي صمود خافت بس كابرت:وين صقر:مو انتي بتطلعين من الغرفه تعالي صمود ناظرت للبنات ورجعت ناظرت لصقر صقر:ههههه شفيك خايفه يلا صمود اخذت نفس:لا خلاص ، بجلس بالغرفه ابتسم صقر:لا ، انسي عندي لك مكان احسن صمود بتحدي:ماابيه ولفت ودخلت للغرفه وصقر بقهر انها شطفته مشى وراها ودخل وصرخ:اذا تكلممممت معك ماتلفين وتمشين البنات خافو من صوته لفت له صمود:اشكالك ماينفع معهم الا كذا صقر بصدمه:نعم عيدي؟؟؟؟ صمود:اعتقد سمعت ولفت عنه صقر ناظرها بحده ومد يده وسكر الباب وبقوه وقرب لها وصمود لفت له وحسته ناوي ع شي وارتبكت وعقدت حواجبهاااا @storykaligi 🍂 53 🍃   انفتح الباب بسرعه شروق:يبيبببه يييييمه تعالو بسرعه ناظروها عبدالعزيز وعلياء بصدمه شروق بتبكي:تعالوووو صقر يضرب صمود بيضربهااا عبدالعزيز بدون مايحس قام بسرعه وعلياء خافت يصير شي فيه وركضت وراه وشروق وراهم لجناح صقر وقفو عند الباب وسمعو صوته صقر:ماعرفتي صقر للحين وفجاءه صرخت صمود وشهقت شروق وعبدالعزيز ماتحمل وفتح الباب شافها واقفه وصاده وكان صقر معطيها كف وصقر لف للباب ومنصدم من شاف ابوه وصمود من شافت عبدالعزيز خافت وبعدت الشعر عن وجهها وتتنفس بسرعه وعلياء والبنات يناظرون لهم عبدالعزيز لصمود:وش سوا فيك؟؟؟ صمود صارت ورا صقر صقر:يبه لاتتدخل واطلع منها عبدالعزيز مااهتم وهو يناظر لصمود عبدالعزيز: ضربك؟ صمود بخوف من عبدالعزيز مسكت ثوب صقر من كتفه وصقر حس عليها وناظر لابوه صقر:يبه اتركنا لحالنا عبدالعزيز بعصبيه:ضربتها ي كلب ضربتها؟؟؟ صقر: زوجتي حلالي اسوي فيها اللي ابي عبدالعزيز:لا مووو زوجتك علياء :بسسسسس خلاص صقر:يبه اطلع لو سمحت.. صمود بخوف ضغطت ع كتف صقر وهي تناظر لعيون عبدالعزيز اللي بدت تحمر صمود همست:لايقرب صقر سمعها وبدون مايلف لها صقر:يبه انت تعبان عبدالعزيز بصراخ:انا التعبان انت المريض انت العاق ، انت اللي ماتفهم قرب لها ومسك ثوبه بقوه وصرخت صمود صمود:اترررركههههه اطططلعععع عبدالعزيز جلس يناظر لصمود وصقر مالقى حل الا انه يبعد ابوه بالقوه عنه صقر:ييييبه شششفيكككك عبدالعزيز بيتكلم وسكت يناظر لصمود وهمست صمود صمود:مسحور لف صقر لها بسرعه وناظرها بصدمه وصمود تناظر لعبدالعزيز اللي تاملها وعلياء والبنات ماسمعوها صقر:وش قلتي؟ عبدالعزيز؛ ببعد عنهااا صمود قربت لصقر وصارت وراه ع طول وتناظر لابوه وصقر رجع ناظر لابوه ،معقوله مسحور؟ ومن ساحره؟ صمود؟؟؟؟؟؟؟؟؟ علياء :عبدالعزيز عبدالعزيز يناظر لصمود علياء بضيق:عبدالعزيز تعال عبدالعزيز مارد شروق ونجود ماتحملو ودموعهم بدت تنزل وصمود ترجع وكل مالها تضغط ع كتف صقر ، بالصاله كانت ساميه مع ريوف يسمعون الاصوات وريوف ماتقدر تتركها حست ساميه انها طولت عنهم ساميه:استأذن وسلميني ع امك وصقر ريوف:ي قلبي اذنك معك ساميه:يعطيكم العافيه ريوف:تسلمين وطلعت ساميه ع ماسكرت الباب ريوف ركضت لفوووق @storykaligi 🍃 54 🍂  وصلت ريوف لفوق لجناح صقر ومن شافتهم متجمعين خااافت ووقفت جنب شروق ريوف همست:شفيكم شروق سكتت عبدالعزيز بهدوء:صمود اذا تبيني اخذك عنه قولي صمود بخوف سكتت صقر نزل راسه ورفعه:يبه تاخذها عني وين ، شلون بتفرقني عن زوجتي ؟ عبدالعزيز:انت اسكت اخذتها تقهرني بس صقر:لاا اخذتها لاني احبهااا عبدالعزيز انصدم وصمود تدري انه يكذب وناظرت رده فعل عبدالعزيز صقر لف لها وحط يده من وراها وصار كانه ضامها وهي بين يديه ع صدره صقر:يبه صمود زوجتي واحبها ، لاتتعبنا باافكاركك صمود اوووول مره من دخلت هالبيت و ع كثر مشاكلها وكرهها لصقر الا انها بهالوقت حست انها باامان مكان بهالبيت كله ، بين يدين صقر ، لو بتسكر عيونها هي واثقه ان ماحد بيقرب لها علياء :خلهم ي عبدالعزيز صقر وزوجته معاريس تعال معي عبدالعزيز بتبلد ناظر لهم ووده لو يقدر يفرقهم بس شكلهم مندمجين حيل لف وطلع بقهر ودخل لجناحه وسكر الباب وعلياء تنهدت بضيق وناظرت للبنات علياء :تعالو وسكرت باب جناح صقر ومشت مع البنات صمود ماتحركت بعد ماسكرو الباب وصقر نزل نظره لها وشافها وهي كانها تفكر جلس يناظر لها شوي وحست عليه صمود ورفعت نظرها له وعيونها بعيونه وبعد صقر بسرعه وبلع ريقه وصمود وقفت واخذت نفس صقر:وش عرفك ان ابوي مسحور سكتت صمود ونزلت راسها صقر بحده:تكلمي صمود؛ مااقدر اقول صقر بصدمه:انتي اللي ساحرته رفعت راسها صمود بسرعه:لااااا صقر:اجل تكلمي صمود صدت:ما اقدر اقول وبس صقر ناظرها شوي وتكلم بهدوء:مصيري بعرفه سكتت صمود وصقر لف بيطلع صمود:صقر وقف صقر  اووول مره تناديهه بااسمه كذا غرررريبه لف لها بهدوء صمود: اقفل الباب ، ماابيه يقرب لي صقر:ماراح يجيك صمود:ماراح ارتاح صقر سكت شوي وبعدها ابتسم بخبث:اصلاً بالله ع بالك بخليه مفتوح لك ، حتى خديجه بااخذ نسختها ومافي اكل الا اذا جيت سكتت صمود وصدت ولف صقر وطلع وقفل وهو يناظر للباب شوي وتنهد ومشى لتحت اما صمود رمت نفسها ع السرير ومسكت راسها بقووووه وتحسه بينفجر من الوجع @storykaligi 🍂 55 🍃 بالصاله جالسه علياء والبنات عندها ونزل صقر وطلع ع طول من البيت وسكر الباب علياء تنهدت:ياربي وش صار فينا عين وجتنا ريوف:صادقه ابوي تغير وصقر صار طول وقته متضايق ومعصب حتى فهد وسيف ماقمنا نشوفهم علياء :وقلبي مو مرتاح لهالصمود ابد نجود بسرعه:ليش يمه بالعكس طيبه حيل علياء :وانتي متى عاشرتيها؟ نجود:احس علياء :احساسك مو يعني صدق ، افكر اخلي اخوكم يطلقها ونفتك شروق:ليش وش ذنبهااا اخي ليش حاقدين عليها علياء بعصبيه:لانها كانت بتاخذ ابوكم سكتو البنات بصدمه علياء بضيق:صقر تزوجها قبل ياخذها ابوكم ولا كان خاطبها ريوف بصدمه: جد؟؟ علياء : اي ، عشان كذا لاتقربون لها ولاتعاشرونها سكتو البنات ويناظرون لبعض ومنصدمين ، الساعه ٥ العصر ع البحر صقر جالس ويناظر للبحر ولبعده ، جالس يفكر بالل يصير فيه وبااهله ، يحاول قد مايقدر يغيره ولا قدر ، وبالنهايه طلع ابوه مسحور ، بس ليش ومن ؟ مايعرف ، بس اكيد صمود لها علاقه بالقصه حس انه يختنق خلااااااص وقام الا ع صوت وراه ولد؛ يمه شوفي صقر ذاك اللي بالتلفزيون امه:وين وين صقر ماكان له خلق ابد يجامل احد ومشى بسرعه ركب سيارته ومشى ، ببيت مي مي:غزل ووجع البسي غزل:وين بنروح مي:لبيت خالتك حنان غزل:خالتي صمود مي:اي اي صمود فيه يلا ابسي غرل:وابوي يجي مي همست:ابوك ليته يتصل غزل:وشو مي:اقول حبيبتي حنان تنتظرنا يلاا غزل:طيب وقربت لها وبدت مي تلبسها وهي خلاص تبلدت من ناحيه غانم ، الساعه ٧ رجع صقر البيت وماشاف احد بالصاله وطلع لفوق وكل تفكيره بالنوم يبي ينام وصل الجناح وحس انه يتضايق اذا وصل له ، فتحه ودخل وسكر الباب وماشافها بالغرفه استغرب وين بتكون ، نزل شماغه وعلقه ومشى للحمام وشافه مفتوح مو مسكر ولف بغرفه الملابس واستغرب كانت جالسه وصافه ساعات صقر قدامها وكانها تزينهم صقر:وش تسوين لفت له صمود:ليش انت كذا مهمل ساعاتك صقر بصدمه:ايش؟ صمود ناظرت لساعات؛شوف اغلبهم خربانات ووصخات ليش صقر:وش عليك؟ صمود وهي تزين الساعه:قاهرني استغرب صقر وهو يناظر لها @storykaligi