part 2
أتت رئيسة الموظفين الذي تدعى ب ( ايتن ) والذي يكرهها الجميع لقلة ذوقها وعدم تعاونها مع الموظفين
جوريس بصوت منخفض : امنا الغوله
لارا : اسكتي ي بهيمه هتسمعك
جوريس : قلب البهيمة
ايتن : جوريس
جوريس : نعم !؟
ايتن : انزلي تحت المخزن هتلاقي كرتونه مكتوب عليها أمريكا هاتيها
جوريس في نفسها : اوووف هو مفيش غيري
نزلت تحت وطلعت من باب الشركه لان المخزن له باب اخر جمب باب الشركه الرئيسي
دخلت المخزن وعندما حملت الكرتونه وقعت ع الارض من شدة تقلها
جوريس : يلهوووي دي اتقل من شمس اههه ضهري اول مره اشوف حد اتقل من شمس اي دااا
شالتها بكل قوتها وراحت عشان تخش الشركه الكرتونه خبطت في شخص ووقعت
جوريس بزعيق : هو اي الهبل دا !! هو مش مفروض حضرتك شايفني شايله حاجه تقيله يبقى تحاسب عشان امشي ولا هو مفيش زوق خالص كده ... دا انا امنا الغوله ايتن هتنفخني لو حصل حاجه للكرتونه اووف بقا
نزلت لمستوى الكرتونه لكي تحملها مره اخرى وسط زهول الموظفين
ركبت الاسانسير وطلعت لدور تجمع المكاتب لأنها موظفه عاديه اما اختها فهي في الدور العلوي لأنها سكرتيرة المدير التنفيذي
جوريس : اهي الكرتونه
ايتن : تمام روحي يلا ع شغلك
تحت وهو واقف بكل كره لهذه الفتاه
: احم .. تحب حضرتك ارفدها
عنان : لا ويلا ورايا
مشي وركب الاسانسير وطلع إلى أعلى دور والذي فيه مكتبه ومكتب غيث ومكتب شمس ومكتب آخر لسكرتيرة عنان لكنه لم يأتي لحد الان بسكرتيره
دخل مكتبه وخلع جاكيت البدله حطها ع الكرسي بأنتظام
#بقلم / جودي محروس طه
عنان : اعمل تجمع دلوقتي حالا لكل الشركه
جبل : تؤمر يافندم
نزل وأخبر ايتن لتخبر الموظفين وأخبر أيضا غيث وشمس والموظفين الكبار والعمال والشركه بأكملها
وبالفعل تجمعت كل الشركه ليرو مديرهم
جوريس : اشوفو بس .. ليه يعني يوقفنا كل الوقفه دي يستي طز فيه ليه انا يعني اقف الوقفه دي
لارا : اسكتي بقا هتودينا في داهيه
كانو كلهم واقفين قدام مكتبه عشان يطلع
وبعد عدة دقائق خرج من مكتبه وهي كانت اصلا فاتحه الموبايل ع الفيس ومش مهتمه بيه خالص مع أنه عامل كل دا عشان تعرف أنه رئيس الشركه
لارا : يبت يبت طلع اقفلي التليفون
جوريس : يستي فكك منو نش هياخد بالو مني يعني وسط آلاف الموظفين دول
عنان بحده : الانسه اللي فاتحه الموبايل
اتصدمت وقفلته ع طول وبصتله لكن اتصدمت دي مرمطت بكرامته الارض
جوريس في نفسها : يلهووووي دا انا هتطرد انهارده
جوريس بتوتر : انا ... انا ... انا اسفه معلش
عنان بحده : مش مقدره الشغل متشتغليش واظن انك عارفه قوانين الشركه
جوريس : لا مش عارفه
عنان : ايه ؟
جوريس : اه اه عارفه
عنان بقوه : غلطه منك تاني ومتجيش الشركه تاني عشان متتهزقيش
جوريس : حاضر
#بقلم / جودي محروس طه
عنان : مجمعكم عشان اقول أني جيت مصر تاني دا طبعا بعد ما كسبت الصفقه وعشان انا جيت يبقى تاخدوا بالكم اوي من شغلكم عشان انا مفيش تساهل معايا فاهمين
الكل بصوت واحد : فاهمين
عنان : يلا كل واحد ع شغلو ... وانتي
مكنتش عارفه انو بيقولها هي
عنان : انتي ي آنسه
لارا خبطتها برجلها
جوريس : هااا ؟
عنان : تعالي ورايا
دخل
جوريس : احي ي لارا احي هيموتني ي لارا الحقيني
لارا : مش هعرف اعمل حاجه بس متقلقيش هدعيلك وهبقى ادفنك في تربه نضيفه
جوريس : يستي منك لله غوري