part 1
استيقظت من النوم كعادتها على صوت صراخ ابيها مع امها وخناقهما دائما على ابسط الاشياء
دخلت شمس عليها
شمس : اخيرا صحيتي ... صوتهم كان عالي ازاي مصحتيش ؟
جوريس بملل : اتعودت خلاص
شمس : والله مش لوحدك انا خلاص جالي عقده من خناق كل يوم دا
جوريس : خلاااص دا قدرنا نتعود بقا
شمس : طب يلا يستي قومي نفطر وننزل ع شغلنا
جوريس : روحي طيب جهزي الفطار وانا هخش الحمام وهصلي وهاجي
دخلت عليهم والدتهم بغضب
إيمان : راجل لا يطاق
سمعها محمد (والدهما)
محمد بعلو صوت : والله انتي اكتر ي نكديه
شمس : اي اللي حصل لكل دا ي ماما
إيمان : عشان الفطار اتأخر قال يعني اي يعيني وراه شغل دا قاعد ومش بيشتغل سايب عياله يصرفو عليه
جوريس : ماما انتي ليه مش متخيله إن كل المشاكل دي بتأثر علينا احنا ليهه ؟
قامت بملل من حياتها ذاهبه إلى الحمام ... وبعد دقائق خرجت وارتدت ازدال ثم ادت فرضها
#بقلم / جودي محروس طه
دخلت عليها شمس بعدما انهت تحضير الفطور
شمس : خلاص بقا فكي كده متزعليش نفسك ويلا قومي البسي
جوريس : حاضر يلااا
قامت ولبست بنطلون جينز اسود واسع شئ ما وهودي برجندي ساده وطرحه سوده وكوتش ابيض ولم تحط اي ميكب ع وجهها
اما اختها الكبيره شمس ارتدت سكيرت بليسيه سوده وهودي برجندي زي اختها بالظبط وطرحه سوده وكوتش ابيض وحطت قليل من الميكب المناسب للعمل
استوووب
جوريس محمد / بطلة الروايه فتاه تبلغ من العمر 19 عام لكنها رأت جميع انواع الاحباط من أهلها لكن اختها بجانبها دائما تساندها في كل وقت عيونها عسلي لكن في ضوء الشمس تكون خضراء ، بشرتها بيضاء ، شفايفها صغيره ورديه، شعرها سايح اسود اللون طويل لحد اخر ظهرها ، جسدها ممشوق انها حقا فتاه جميله جدا .
شمس محمد / اخت جوريس الكبيره تبلغ من العمر 22 عام بشرتها بيضاء شعرها قصير شئ ما لونه اسود يدخل عليه اللون الأصفر عيونها بني تحب اختها كثيرا وهي أيضا جميله لكن اقل جمال من جوريس .
محمد / والدهما قاسي يحب المال لديه 54 عام
إيمان / حنونه لكن بسبب مشاكلها مع زوجها سببت لهم مشاكل نفسيه عديده لديها 46 عام
#بقلم / جودي محروس طه
ذهبا هما الاثنين إلى شركة عملهما
دقت شمس على مكتب المدير التنفيذي لأنها السكرتيرة الخاصه به
غيث : خشي ي شمس
دخلت عندما أذن الدخول لها
شمس : انا لسه واصله دلوقتي حالا
غيث : تمام روحي مكتبك هتلاقي ملفات عايزك تترجميهم واول ما تخلصي جبيهوملي عشان عنان جاي انهارده من صفقة أمريكا
شمس : استاذ عنان !!! دا بقالوا سنتين في أمريكا!!
غيث : اهه ماهو خلاص خلص الصفقه وجاي ع مصر تاني
شمس : تمام استأذنك انا بقا
غيث : اتفضلي
ذهبت شمس فهي تعرف عنان جيدا لأنها استغلت هنا قبل اختها لذلك تعرف أنه لايحب اي غلط اما اختها عندما توظفت كان هو في أمريكا فلم تراه
عند جوريس ذهبت إلى مجموعة المكاتب الملتزقه ببعض لان مكتبها يوجد معهم
قعدت ع مكتبها لتبدأ بالعمل
لارا : عرفتي اي اللي حصل ؟
جوريس : اي اللي حصل ؟
لارا : استاذ عنان جاي انهارده من أمريكا
جوريس : مين عنان دا ؟
لارا بخوف : هششش استاذ عنان ي جموسه
جوريس : اي دا !! اي دا !! ليه يعني مين دا ؟
لارا : دا رئيس أكبر مجموعة شركات هنا في مصر ومن ضمنهم الشركه اللي حضرتك قاعده فيها
جوريس : يلهوووي اوعى حد يكون سمعني
لارا : لا لا متقلقيش .. بس لما يجي اوعك تغلطي دا م بيحب الغلط ولو في أصغر التفاصيل
جوريس : يستي ربنا يسهل الأمور