كنت في عز الثبات لين شفتك وانهزمت - الفصل 116 - بقلم ريناد | روايتك

البــــــــــــــــــــ 116ـــــــــارت قاطعته شوق:.انت الرخيص وانت اللي ما عندك تربيه واختك اطهر منك ولو تجيب سيرتها على لسانك قصيته لك تراجعت لورا بحيث يكون الباب وراها وصارت تماما مستنده على الباب دقته بشكل خفيف وهي تتكلم بصوت عالي:.روح الله ياخذ حقها منك روح والله ما اخليك تقرب لها وبهالحظه فتحت نوف الباب وركضت شوق لداخل وسكرت الباب سمعته وهو يصرخ:.انا اوريكم والله ما اخليكم تنفست شوق براحه ومسحت دموعها وكانت تناظر لنوف اللي ترجف:.لا تخافين منه هو ضعيف ما يقدر يسوي شي نوف بغصه:.مالي احد وجيت لهنا وسببت مشاكل وبسببي يمكن يكون شخص الحين ميت! توسعت عيون شوق بصدمه وعدم فهم . . ولكن حنين ما تحملت كل هالتعب وطاحت مغمى عليها قربوا لها رجال الشرطه وصاروا ينادون على الممرضات جابوا لها سرير وحطوها فيه وأخذوها لطوارئ كان وجهها مصفر وتحت عيونها سواد من كثر البكي باختصار كانت حالتها تكسر القلب عطوها مهديات وتركوها تنام وترتاح . . . توسعت عيون شوق بصدمه وعدم فهم:.ما فهمت! نوف:.اخوي كان راح ياخذني ويذبحني بس انا هربت وجيت لهنا ودقيت الباب وفتحت لي وحده وحمتني من اخوي وكانت قويه حيل لانها وقفت بوجهه ومعاه المسدس حاولت تاخذه منه بس عبدالعزيز كان يسحبه ضغطت عليه وطلعت منه رصاصه وتصاوب زوجها شوق شهقت:.نواف!!! نوف:.راحوا للمستشفى وتركتني مع ولدها شوق طاحت على الكنبه وهي تحاول تستوعب كلام نوف وفجاه وقفت وهي تدور على جوالها بس تذكرت انها رمته بشنطتها وفيها جوالها ناظرت في نوف:.راح نفتح الباب واخوك بيدخل السجن اليوم نوف وهي تبكي:.بس والله مو هو اللي اطلق البنت اللي ضغطت على المسدس شوق:.لسا تدافعين عنه وهو يبي يذبحك!! نوف:.عز طيب ويحبني بس اللي شافه اجبره يكرهني شوق:.لازم تتركين طيبة قلبك هذا ناوي عليك لازم يدخل السجن واليوم وين راحت حنين! نوف:.قلت لك اخذت زوجها وراحت مع عبدالعزيز شوق مشت لغرفه حنين ونواف وهي تسمع صوت بكاء عمر اخذته بحضنها وهي تسمي عليه تبعتها نوف وهي تمسح دموعها:.سامحوني كل اللي قاعد يصير بسببي!! شوق:.انتي مسكينه مالك ذنب . . . فتحت عيونها وفزت بخوف وهي تشوف الابره اللي بيدها سحبتها ورمتها ولكن الممرضه وقفت بوجهها:.يا مدام لازم ترتاحين !! حنين:.ابي اشوفه وين نواف ابي اشوفه الممرضه:.لا تخافين الحين هو بخير وطلع من غرفه العمليات حنين وهي تضحك وتتكلم بفرح:.جد!!انتي تتكلمين جد! اكيد نواف بخير الممرضه:.لا تخافين شوي وراح يصحى وانتي تقدرين تشوفينه بس بالاول ارتاحي .. . . ببيت ابو نواف كانت ديما تدور عليها وعقدت حواجبها بستغراب طلعت بالحديقه وهي تدور عليها ولكن ماكان لها اثر زاد خوفها ورفعت جوالها وهي تتصل ب شوق بس ماكانت ترد تنهدت ديما وهي تتكلم:.وين راحت ! لو رجع ابوي وهي مو هنا بتصير سالفه وينك يا اختي!! وارتعش جسمها وتوسعت عيونها وكانت راحت تصرخ من الشخص اللي مسك ايدها يده كان اسرع وحط ايده الثانية على فمها وهو يمنعها بانها تصرخ همس :.يالظالمه ما تردين علي وش سويتي فيني انتي وش سويتي ديما وكل جسمها يرجف:.ع عبدالرحمن! عبدالرحمن:.قلبه؟ ديما وهي تحس بان الأكسجين اختفى وصارت تلاقي صعوبه بالتنفس:.وش ج جابك عبدالرحمن:.جابني شوقي لك وفضولي اعرف وش قايله لامي ديما عقدت حواجبها بخوف واستغراب من طاري امه:.والله ما قلت لها اي شي يزعل! لفها له وهو يبتسم على خوفها:.ليش خايفه؟ ديما بتبرير:.والله ما قلت لها شي وانت اكيد تعرف ان امك ما حبتني وانا حاولت اخليها تحبني .. ابتسم وهو يمسك يدها:.وانتي نجحتي وامي مو مصدقه متى نتزوج ناظرت فيه بصدمه وكلامه مو راضي يدخل راسها:.هاه! ابتسم عبدالرحمن:.زي ما سمعتي . . . بعد ما نام مشت وحطته بسريره ورجعت وهي تشوف نوف نايمه على الكنب ابتسمت ورمت نفسها على الكنبه الأخرى وهي تفكر بكلامه هو فعلا جرحها وحست كلامه كان صحيح بالنهايه هي فكرت بزوج اختها وأعجبت فيه حست بالقهر ودمعت عيونها وسرعان ما مسحتها وهي تهمس:.وش ذنبي انا! . . بالمستشفى كانت مشبكه يدينها ببعض وتناظر بالناس اللي تمر من قدامها تمسكت بالعبايه اللي عطتها وحده من الحريم وفزت بسرعه وهي تشوف الممرضه جايه عندها:.زوجك صحى مشت بشكل سريع بدون ترد حتى على الممرضه وصلت للغرفه وفتحتها ودخلت وانهمرت دموعها وهي تشوفه يناظر فيها ركضت عنده وهي تبكي وحضنته غمض عيونه بوجع وحنين تتمسك فيه وتبكي:.كنت بموت لو خسرتك سامحني انا السبب كيف لو رحت عني وش كنت بسوي نواف:.انا هنا وبخير خلاص لا تبكين حنين وهي تبكي بزياده:.اكيد تتألم لو انا ما فتحت ماكان صار كل هذا انا سببت لك هالوجع نواف ببحه:.قومي عني اوجعتيني .. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺