كنت في عز الثبات لين شفتك وانهزمت - الفصل 112 - بقلم ريناد | روايتك

البــــــــــــــــــــ 112ـــــــــارت مي:.لا تتدخل فيني واتركني اعيش حياتي بسلام لا تخليني اجمع الناس عليك انت ما تستحي مشعل:.اسمعيني انا والله ما كنت اقصد اقرا مي:.اتركني انت ما تفهم مشعل:.لا ما افهم ناظرت فيه بحده ومشعل كان يغرق بعيونها اكثر همس ببحه:.سبحان من خلقك! توسعت عيونها وفهت فيه تمام ابتسم مشعل وهو يرفع حواجبه:.تركتك ليش ما تمشين؟ انتبهت على نفسها وركضت ولكنها رجعت واخذت الكتاب ومشت بشكل سريع كان يضحك على تصرفاتها الغريبه . . . رن جوالها واخذته وهي تشوف المتصل تركي ابتسمت بفرح وهي كانت تنتظر اتصاله:.هلا تركي تركي:.السلام عليكم كيفك جوري طمنيني عنك جوري:.وعليكم السلام انا بخير الحمدلله انت كيفك؟ تركي:.الحمدلله كيف صرتي؟ جوري بهدوء:.الحمدلله تركي:.اشتقت لك وبالقوه تحملت هالاسبوع خليني ارتاح وارجعي؟ جوري ابتسمت بحب:.والله مو كثري تركي ابتسم:.يعني وش افهم من كلامك! جوري:.خلاص اليوم تعال بس تركي ممكن طلب؟ تركي:.انتي تامرين واعتبري اني موافق من الحين جوري:.الله يخليك لي ولا يحرمني منك ابي امي تجي معي تركي:.وانا كنت باخذها معنا خلاص تجهزوا اخلص شغل واجيكم جوري:.طيب حبيبي انتبه لنفسك تركي:.عيدي عيدي وش قلتي؟ جوري بإحراج:.ما قلت شي تركي وهو يبتسم:.اوك يا جوري . . . ببيت ابو نواف كانت شوق جالسه بغرفتها تقلب بجوالها وفجاه وصلتها رساله من رقم غريب عقدت حواجبها ودفتحت المحادثه وكانت صوره بلعت ريقها وفتحتها وانصدمت وتوسعت عيونها بصدمه من اللي تشوفه قدامها وكانت صورة عبدالرحمن تسارعت دقات قلبها وفزت بخوف وهي تشوف ديما اللي دخلت وهي تتكلم بخوف:.امه بتجي اليوم ما دري وش عندها شوق قفلت جوالها وتكلمت بربكه:.علامك!! مين اللي بتجي ديما:.ام عبدالرحمن واللي بتكون عمتي بتجي شوق:.ما قالت وش عندها ؟ ديما:.لا وأساسا الملكه مو اليوم شوق:.طيب لا تخافين خليك طبيعيه ديما:.ما دري شوق احس اني خايفه شوق:.لا تخافين بالعكس خليك عادي ديما:.طيب انتي وش فيك ترجفين كذا؟ شوق بلعت ريقها بخوف:.ها!لا ولاشي بردانه بس ديما:.تغطي زين وانا بنزل تحت اسوي حلويات على السريع شوق:.وانا شوي وبلحقك طلعت ديما وشوق جلست وهي ترجف واخذت جوالها وفتحت الصوره وهي تخمن من يكون صاحب هالرقم وليش ارسلها صوره عبدالرحمن . . . جهزت اغراضهم ورفعت راسها وهي تشوف امها اللي تبتسم:.يا بنتي خليها عنك انا بسويها جوري:.شدعوه يمه خلصت ام حنين:.باقي ما قلتي لاختك وبهالحظه دخلت حنين وهي تهمس:.وش تقولون لي؟ جوري:.لا يمه ما قلت ام حنين:.تركي اتصل عليها وقال انه بيجي ياخذنا حنين:.ليش يمه لايكون ما ارتحتي عندي ام حنين:.لا يا بنتي بالعكس مرتاحه الحمدلله بس جوري تحتاجني حنين:.والله مابيكم تروحون جوري:.ما عليه بنجي عندك من فتره لفتره حنين وهي تحضن امها:.اللي يريحك يا قلبي جوري:.وانا يعني ما تحضنيني !! ابتسمت حنين وفتحت لها يدينها وجوري حضنتها وهي تبتسم بفرح . . ببيت ابو نواف كان كل شي جاهز والكل بانتظار ام عبدالرحمن بعد فتره رن الجرس ووقفت ام نواف وفتحت واستقبلتها وجلسوا كانت نظراتها موجهه على شوق تكلمت ام نواف:.تعرفين اللي صار عشان كذا كنسلنا كل شي لبعدين ام عبدالرحمن ببتسامه:.وهذا المفروض اللي يصير ما ينفع نفرح والرجال توه متوفي وقفت شوق:.بروح اشوف ديما ام عبدالرحمن مسكت بيدها وسحبتها عشان تجلس جنبها:.خليها أكيد مشغوله قولي لي كيفك؟ حست شوق بالخوف والتوتر من نظرات ام عبدالرحمن وهمست بهدوء:.الحمدلله بخير ابتسمت باعجاب وهي تتامل شوق لاحظت عهود واستغربت تصرفات ام عبدالرحمن وبعد وقت دخلت ديما وبيدها صينيه العصير كان شكلها مبهر وملفت بس ام عبدالرحمن ما اهتمت ابدا وكانت نظراتها موجهه لشوق حست ديما بتجاهلها لها ولكن قوت نفسها وسلمت عليها وتكلمت بهدوء:.طمنيني عنك ان شاء الله بخير؟ ام عبدالرحمن:.بنعمه الحمدلله جلست ديما وهي تشوف تجاهل ام عبدالرحمن لها وتركيزها على شوق دمعت عيونها وحست بالقهر ناظرت بفستانها بخيبه امل وهالمره حست ان شوق تفوقها بالجمال نزلت راسها والحزن يبان عليها قربت منها عهود وهي تهمس:.ارفعي راسك وخليك مبتسمه ديما ابتسمت بالقوه ورفعت راسها وكانت تسمع مدح ام عبدالرحمن في شوق ابتسمت بالنهايه شوق اختها وما تقدر تزعل عليها ردت الابتسامه لها وكانت تتمنى لو تقوم من المكان لاحظت الحزن اللي ارتسم على وجه ديما تكلمت شوق وهي تبتسم:.طبعا فستاني هذا من ذوق ديما اختي وحبيبتي ام عبدالرحمن بصدمه:.هذا من ذوقك؟ ديما ناظرت في شوق بذهول وهزت راسها وشوق ابتسمت وهي تكمل مدح باختها:.اي والله يا خاله ديما عليها ذوق وكل البيت يحبون ذوقها ودايم اخذ من ملابسها اثق بذوقها ام عبدالرحمن ابتسمت بمجامله .. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺