الفصل 4
▇ـ▄▄▄▄▄▄▄▄ـ▇
{ رواية ذابل هالعمر بعدك فقدتك والبقاء لله }
▇ـ▄▄ @ahgeel ▄▄ـ▇
( البارت : 4💜)
.
مشعـل..~
.
.
عقد حواجبه وهو يشوف سنابات اخوه صقر
وعض على شفته وابتسم بخفه ورفع الجوال
واتصل عليهه ورد : صقير يا حمار انت جاي ؟؟؟
صقر أبتسم : انت وش مصحيك ووش مخليك تشوف سناباتي
ضحك مشعل : والله صدفهه ياخـوك لو ماشفتك مصور الخط كان م دريت وينك فيه الحين؟
صقر : بقى لي 200 كيلو اذا وصلت ان شاء الله بروح البيت على طول
مشعل ؛ طيب انا الصباح أسلم الحراسه واجيك
صقر بضيق : وامي ؟
مشعل : كالعاده بتبقى عندهم يومين كامله والله اني منغث مير خلها ع ربك
صقر : اي والله خلها على ربك .
.
.
امـا داخل القصر الكبيـر ✨
.
.
خلصو عشاء وتوجهو للحديقه الخلفيه قاعدين
بالجلسهه اللي حاطينها ويتقهون ويسولفون ..~
فردوس : بيادر متى تطلع والله البيت شين بدونها
ناظرتها عزوف : والله احسك مبسوطه عشان ابوي صار يهتم فيك
فردوس بضيق : وش دخل ؟
ابو عزوف : عيب هالكلام يا عزوف كلكم خوات وكلكم اهتم فيك زي بعض
فردوس بغيره : بس انت تهتم فيها اكثر ؟
ام عزوف : فردوس تراها بنت يتيمه اكيد بتحصل اهتمام اكثر لا تصيرين حساسه
فردوس : مو حساسه بس ..
قاطعها ابو عزوف ؛ كلكم سوا عندي لاحد يتحسس من الثاني
عبدالله حط جواله بجيبه وجاء وجلس جنب ابوه : كنت اكلم فواز
رودينا : طمنا عليهه؟
عبدالله : بيجي بكرا ان شاء الله
ام عزوف ابتسمت : اخيرا مابغى يشرف كم بيقعد؟
عبدالله : اسبوع ويرجع
ابو عزوف : ماعليه المهم يجي وبخليه ياخذ بيادر معه
عقد حواجبها رودينا : ياخذ بيادر؟ وين ياخذها؟
ابو عزوف : ياخذها معه تدرس وين ياخذها يعني وهي بتطلع الصبح ان شاء الله
ام عزوف : ليش ياخذها ؟
ابو عزوف : تبيني اخليها بنت لحالها بالغربه صعبه
عبدالله : على الاقل فواز يهتم فيها شوي
" فـواز مبتعث بكنـدا لعاب شوي ومستهتر بكل شـيء بسبب ان مافي احد وراه ويسأل عنه عطوه الثقه من عمر صغير عمره 20 "
بوسط الحديث جت رساله لـ فردوس
محتواها خلا وجهها يتغير قرتها وتوسعت عيونها
لاحظت عزوف تغير وجهه اختها وعقدت حواجبها
فردوس سكرت جوالها وقامت ناظرتهم : عن اذنكم بروح انام
ومشت
قامت عزوف وراها : تصبحون على خير
ومشت بسرعهه ورا اختها ودخلت فردوس لغرفتها
ودخلت وراها عزوف ؛ فردوس
فردوس لفت وناظرت اختها ودموعها بعيونها : عزوف
عزوف قربت لها : وش فيك وش اللي قلب وجهك تكلمي؟
فردوس نزلت راسها وبكـت !!
التعريف بـ " فــردوس "
" فـردوس جدا جدا موهوبه تحب الورد والطبخ وشغوفه فيهم جداً جداً تحب ابوها ومتعلقه فيه مره طيبه وحساسه وبسرعه تتأثر قدوتها خواتها عزوف ورودينا 19 سنه "
_
@ahgeel ⇐↜رابط قناتنا بالتلجرام
🍃💜🍃
▄▁▁▁▁▁▁▁▁▁▅ـ
يتبع البارت التالي ➥ ⇩⇩
▇ـ▄▄▄▄▄▄▄▄▄ـ▇