الفصل 5
🎀🍃🎀🍃🎀
🍃🎀🍃🎀
🎀🍃🎀
🍃🎀
🎀 5 ...
📚 😍 📜
📖 روايـــــــــــــة
{ ماكنت بالنيه ورب العباد جابك }
📖🖌 @storykaligi 🎀🍃
ورفعت راسها ووقفت فجاءه وهي تشوف بندر واقف قدامها ينتظرها عند الدرج
اخذت نفس ومشت ووقفها صوته
بندر:من تحسبين نفسك؟
شيخه : نعم؟
بندر لف لها:انتي تدرين ليش تزوجتك صح؟
شيخه بقهر:لا
بندر سكت شوي يناظرها وبعده:بتروحين روحي بس لاتنتظرين اجيك وارجعك للبيت
شيخه بضيق:لاترجعني
بندر ناظر لها
شيخه:الخسران بالاول والاخير انا ، انا اللي تحمست وفكرت بهالزواج وبـ..
وقطعها صوت جوال بندر يرن طلعه ومن شاف الرقم انصدم وبنفس الوقت ابتسم بهدوء وطلع وشيخه امتلت عيونها دموع وكانها فهمت ومشت بسرعه للمجلس شافت خالها وامها
شيخه:يلا
محمد:وين بندر
شيخه:ماادري يلا خالي
محمد:طيب يلا
وقام وطلعت شيخه بسرعه وشافت بندر بالحوش يكلم وصدت ومشت بقهر ..
،
عند بندر كان يكلم بهمس
بندر:روان!
روان ساكته
بندر ابتسم:اشتقت لك
روان:كذاب لو اشتقت لي كان اتصلت والا لاهي مع شيـ.
قاطعها بندر:اوشش ، ماابي اسمع اسمها ، يشهد الله اني اناظر لها كانها اختي
روان بهمس:احس ضميري مات وانا اكلمك بس وربي ماقدرت
بندر:لو ماكلمتيني كان كلمتك
روان:بندر انت تدري اني مـ.
قاطعها بندر:ادري انك متضايقه عشان شيخه بس شيخه فتره وبطلقها بس عشان امي
روان سكتت
بندر:خلينا منها ترا انا والله جد جد اشتقت لك
روان:ههههه وانا
بندر:ي ناس ع هالضحكه قسم من زمان ماابتسمت من سمعت صوتك ماادري وش جاني
استحت روان وسكتت وبندر مبتسم
،
بالسياره عند زايد
كانت لازقه بالباب وهاديه وزايد يناظر لطريق وساكت
شوي ووقف عند اشاره واخذ نفس وتافف ولفت له اريام
اريام بهدوء:شوف ادري انك متضايق اني معك يعني بس ترا انـ.
قاطعها زايد بدون مايشوف لها : انا رجعت لك قبل شوي لاني حسيت اني نزلتك بمكان خطا ، ماكان قصدي
اريام سكتت
لف لها زايد:انتي جد خريجه؟
اريام هزت راسها بـ اي
زايد:مو باين عليك كانك بالثانوي
اريام ابتسمت:حتى ماجد يقول كذا
زايد عقد حواجبه:من ماجد؟
اريام: زوجي مو زوجي يعني مملكين بس هو الحين مسافر
صد عنها زايد:اها
اريام:وانت شكلك عندك عيال
زايد ناظر للاشاره الخضراء ومشى:لا
اريام:ممم خاطب
زايد بهدوء:لا
اريام شهقت: جد
لف لها زايد:لاتشهقين
اريام ابتسمت:اسفه طيب بس جد شكلك يعني كذا يعني شسمه كانك متزوج
زايد مارد واريام سكتت وحست انها طولتها وزايد ماقام يرد عليها
زايد:وين بيتك!
اريام؛شوف ذا الدوار روح يمين
زايد سكت ومشى واريام لفت له وناظرت له وكانت بتتكلم بس تكلم زايد
زايد:وبعدين وين اروح
اريام:امش للمسجد ذاك
زايد : هذا؟
اريام:لا ذاك
لف لها زايد:وين؟
اريام:ماادري عنك بالله تشوف مسجد غير ذا؟؟
سكت زايد يشوفها واريام هزت راسها
اريام:اللهم طولك ي روح بس
زايد رفع حواجبه واريام ناظرت له وكتمت ضحكتها وصد عنها وتنهد
زايد:اخلصي علي وبعدين؟
اريام:هـ.
وقطعها صوت جوالها يرن واخذته شافت رقم السواق وهمست:جابك الله
وردت
اريام بعصبيه:انت حمار ماتفهم؟ جد انت وش انت كم ساعه لك مااتصلت هاه لو للحين منتظرتك كان تجمدت من البرد ، يعني وش اقول اكسر عظامك؟ اشيل اذنك؟ والا عيونك؟ والا انتف شاربك؟ وش اسوي قول وش اسوي
زايد كان يشوف لها ومنصدم
سكتت شوي وفجاءه صرخت:انقلع لاتبرر شغلك عند عمتي حمار
وسكرت ودخلت الجوال بالشنطه ولفت لزايد وابتسمت
اريام:ايوه وين وصلنا
زايد كان يناظر لها منصدم وناسي الطريق ويمشي بهدوء
اريام:شفيك؟ ماعليش تنرفزت شوي عـ.
قاطعها زايد: شوي؟
اريام:اي
زايد مسك راسه وناظر لطريق واريام هزت كتوفها ولفت
اريام: شوف ذاك البيت اللي عنده سيكل
ناظر له زايد
اريام:ايوه هذا بيتنـ..
ماكملت وكانها شرقت وقامت تكح وزايد لف لها بسرعه ووقف السياره قريب للبيت
زايد:ماء ماء اشربي
اريام تكح ولا ردت ولف للمرتبه الثانيه وومد يده واخذ الماء ولف بيعطها شافها مبتسمه ومعها الكتاب وناظر ليساره ماشاف الكتاب ولف لها بسرعه واريام تناظر له بثقه وابتسمت وطلعت الخمسين من شنطتها ونزلتها عنده
اريام:مشكور ع التوصيله وعقبال ماتلقى الكتاب
وفتحت الباب ونزلت تركض للبيت وزايد يناظر لها لين دخلت واخذ نفس وتافف ورجع يناظر للبيت وبدون شعور ابتسم
،
ناصر:وينها روان
تغريد تاكل: فوق بغرفتها
ناصر:ليش ماتجي تفطر؟
تغريد هزت كتوفها بماادري
ناصر : طيب قومي ناديها
ناظرت له تغريد
ناصر؛ قومي
تغريد:طيب طيب بقوم اووف
وقامت وناصر رفع جواله شاف الساعه ٩:٤٣
وتذكر زايد وبيتصل عليه وسمع صوت تغريد
تغريد: جت
روان مبتسمه:هاي صباح الخير
وجلست جنب ناصر وتغريد تناظر لها وجلست
تغريد:وش عندنا
روان ابتسمت:احبك
تغريد: ي حياتي مروقه
ناصر:عسى دوم وش الطاري
روان:ولا شي ، ايوه وين بنطلع اليوم
ناصر:للمطبخ
ناظرت له روان
ناصر قام:انا بطلع وبرجع ابي الغداء جاهز
روان:من عيوني
ابتسم ناصر وطلع وتغريد منصدمه تناظر لروان وروان تاكل مروقه
🎀📚 @storykaligi 🎀📚🖋
🍃🎀
🎀🍃🎀
🍃🎀🍃🎀