ماكنت بالنيه ورب العباد جابك - الفصل 4 | روايتك

🎀🍃🎀🍃🎀 🍃🎀🍃🎀 🎀🍃🎀 🍃🎀 🎀 4 ... 📚 😍 📜 📖 روايـــــــــــــة { ماكنت بالنيه ورب العباد جابك } 📖🖌 @storykaligi 🎀🍃 سكرت اريام المكالمه ورفعت راسها تدور السواق وتاففت مر عليها الوقت وبقت ربع ساعه وماجاء السواق وانقهرت وجلست ع الرصيف ونزلت شنطتها والكتاب جنبها وحطت يديها ع خذودها من ورا اللثمه وًتناظر لسيارات شوي وحست بصوت وراها الرجال:سعره ٥٠ صح لفت اريام بسرعه شافت الشخص نفسه وكتابها معه ونزلت راسها شافت شنطتها عليها ٥٠ ريال ولف الرجال ومشى وصرخت اويام:هييييييه ي حقير مارد عليها ومشى وهو يضحك وقامت بسرعه اخذت اغراضها وركضت وراه اريام: وقف هييييييه مارد عليها وركب السياره واريام حست خلاص مستقبلها ضاع تذكرت دكتورتها بالجامعه .. الدكتوره:الكتاب بكرا معكم واللي مو معها تعتبر نفسها من الان غايبه وانتي ي افنان وجواهر واريام ترا باقي لكم غياب وتنحرمون وتعيدون هالمنهج وهالكتاب موجود بمكتبه الـ.. بس رجعت اريام ع الواقع وهي تناظر للسياره وبدون شعور ركضت وركبت معه ولف لها بصدمه واريام تناظر للكتاب اللي معه اريام:ي اخي تكفى ابيه والله ي اخي افهم افهم الرجال بصدمه:انزلي اريام:عطني وبنزل الرجال:ماراح اعطيك انزلي اريام هزت راسها بـ لا وهي تناظر له:قلت تكفى طيب رفع حاجب:انزلي اريام:لالالالا مستقبلي هالكتاب الرجال كان يناظر لها بصدمه وبعدها تحولت نظرته لتحدي الرجال:ماراح تنزلين؟ اريام : بدون الكتاب لا الرجال:اووكك وشغل سيارته واريام انصدمت ومشى ماتوقعت ابد يسويها ، شيخه كانت تناظر لبندر وهو ياكل وامها وخالتها يتكلمون ومحمد ع جواله شيخه بهدوء:يمه امنه:عيوني شيخه:عفاف بتجيني اليوم امنه ابتسمه:حياها تبيني اجلس عندكم يعني شيخه : لا بتجيني ببيتنا بروح معك رفع راسه بندر وناظر لها وخيريه ومحمد وحتى امنه انصدمو شيخه ناظرت لامها : انا برجع البيت خيريه:ليش؟؟ ماراح تسافرون بندر؟؟ بندر ناظر لشيخه:لا شيخه بثقه:انا ببقى ببيتنا بجمع اغراضي هناك بندر نزل راسه ورجع ياكل وشيخه صاده عنه ومنقهره منه تدري انه مايحبها بس ليش؟؟ قامت بقهر منه ومشت لفوق وكلهم يناظرون لها عدا بندر اللي مو مهتم وتفكيره بمكان ثاني * الرجال لف لها شافها تناظر لطريق منصدمه وابتسم الرجال:معك زايد وانتي؟ خلينا نتعرف دام الطريق طويل اريام ناظرت له وهي منصدمه وابتسم ورجع يناظر لطريق اريام بلعت ريقها:انا ابي انزل زايد:والكتاب؟ اريام ناظرت للكتاب وناظرت له زايد ابتسم:هاه؟ اريام تذكرت الدكتوره:اعطني اياه ترا والله لو مااخذته بعيد الماده يعني تخيل خريجه واعيد ماده بس والله طقت كبدي من الجامعه بخلص زايد سكت وهو يناظر لطريق اريام: وقف خلنا نتفاهم زايد:اوقف وتنزلين اريام:مع الكتاب زايد هز راسه بـ لا اريام انقهرت وانفجرت:هيييييه تراني وحيده عمتي مالها غيري بهالدنيا ابي اتخرج وافرحها وافتك واتفرغ لها زايد ساكت يناظر لطريق وصرخت اريام بقهر:هييييييييه زايد لف لها:قصري صوتك اريام:وووقف وووقف مالت عليك وعلى الكتاب فوقك زايد رفع حاجب اريام لفت له:اقولك وقف ماتسمع؟ زايد:لا سمعت شي ثاني وش قلتي؟ اريام بتحدي:قلت مالت عليك وعلى الكتاب فوقك زايد:بعد!! سكتت اريام وصدت ماحست الا بالسياره تسرع وانصدمت ولفت له:هيييييه زايد مارد واسرع واريام منصدمه تناظر لطريق وتناظر له اريام:ووووقففف زايد مارد اريام لفت له وامتلت عيونها دموع: وقف خلاص اسفه اسفه مالت علي انا بس وقف مارد زايد وحست اريام سرعته تهداء وارتاحت ووقف زايد بهدوء:انزلي اريام ناظرت للمكان كان جنب مسجد وكله اوادم من جنسيات مختلفه وناظرت له اريام:والكتاب رفع حاجب اريام:طيب طيب ونزلت وسكرت الباب وزايد مشى بسرعه وتاففت اريام ولفت شافت كل الرجال يناظرون لها حست مكانها خطا بينهم وتلفتت ماتدري وين تروح ومشت يمين وكلهم يناظرون لها وخافت وصارت تمشي وتحس بدقات قلبها تتسارع شوي وحست السيارات بدت تنقص واكثر شي تشوفه الدنات والشاحنات الكبيره وسواق كل شاحنه جالس جنبها يناظر لها خافت اكثر وحست بخطوات وراها واقشعر ظهرها ومشت بسرعه وفجاءه طلع قدامها سواق لدنه يركض وضربت فيه بقوه وصرخت وبعد وكانت بتطيح وحست بيد مسكتها وسحبتها لها وسكرت اريام عيونها بقوه وحاسه انها بين ايادي شخص وصرخت وسمعت صوت بهمس زايد:اوووششششش فضحتينا عرفت صوته ورفعت راسها وناظرت لعيونه زايد بهمس:مجنونه تجين من هالطريق؟ اريام سكتت ونزلت راسها وتركها زايد ومشى ومشت بسسعه وراه وهي تتلفت وتناظر لسواقين ماحست الا ضربت بظهر زايد ولف لها اريام بفشله:اسفه مارد ولف ومشى واريام مشت وراه براحه .. * نزلت شيخه معها جوالها وهي تراسل عفاف شيخه:(ماتفهمين انتي؟ اقولك تعالي بيتنا العصر) عفاف:(طيب ليش فهميني مو انتي عند بندر) شيخه:(اقولك بالبيت) عفاف:(طيب طيب) تاففت شيخه ودخلت جوالها بالشنطه .. 🎀📚 @storykaligi 🎀📚🖋 🍃🎀 🎀🍃🎀 🍃🎀🍃🎀 🎀🍃🎀🍃🎀