الهوى لا داعب الغصن حن ومال - الفصل 5 | روايتك

🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 5 .. 📚 😍 📃 📖 روايـــــــــــــة ✍🏼 { الهوى لا داعب الغصن حن و مال   } 📖🖌 @storykaligi 🌹🍃 خرج فارس وهو يسحب سهم نطق بـ صراخ: جنّيت انت ما تشوف كثر الرجال معه سهم: ما يهمني مين معه والا وش بيقولوا فارس: بتفضحها فوق ماهي فاضحتنا ذي امسك اعصابك سهم: للاسف ما اخس منه الا انت مشى سهم راجع لهم وقف ابو فارس بعد ما حصل كل شي قدام عينه من لما دخل ذياب و ابوه و تهجم سهم عليه و كلامهم اللي قالوه وهو فـ قمة هدوءه وقف و نطق: تخسي تتزوج بنتي يالرديء اكمل بصوت عالي: و مجلسي يتعذرك لاني مابي اوسخ يدين عيالي فيك جلس بعد ما خرجو و رفع عيونه لـ سهم اللي كان بيطلع نطق: امسك ارضك وفكنا من المشاكل جلس وهو كاز على اسنانه و يهز رجله اكمل وهو يناظر فـ فارس: روح نادي امك هز راسه و رجع بعد مُده قصيره مع امه نطقت بعد ما جلست: سمّ ابو فارس: جهزي بنتك ملكتها بعد اسبوع و ياخذها زوجها و يفكنا فزّوا كلهم من كلامه نطق فارس: يبه توك طاردهم ابو فارس بهدوء: قلت بتتزوج ما قلت بيتزوجها ذياب! خوييّ ابو عبيد شهقت ونطقت: ابو عبيد متزوج و بناته كبرها وقف سهم: وش ذا الحين وش جاب ابو عبيد بأي حق تقرر تزوجها له ابو فارس بحده: بـحـق اني ابوها! واذا ما عجبك كلامي توكل برا ضحك ونطق: يبه انت صادق؟؟ ابوها؟ ريم ما سوت شي ياناس ذي بنتكم ليه مب واثقين فيها انت ربيتها شاك فـ تربيتك؟ ابو فارس: اي شَــاك! عندك مشكله؟ قلت كلامي اذا ما عجبك تفضل برا لا تشوفك عيني أم فارس: كيف تسوي كذا بنتك الوحيده ذي وقف و نطق بِنبره جَامده: قلت اللي عندي قدامك اسبوع جهزي بنتك خرج بعد كلامه و تركهم تحت تأثير الصدمه ناظرت فـي فارس ونطقت: بتشوفها فـ بناتك، الله لا يرضا عليك ولا يوفقك هذا انت ضيعت مستقبل اختك وش استفدت فارس: يمه الله يحفظك لا تسمينها اختي انا متبري من ذي الكـ… بتر كلمته صوت أمه: وانا لا تسميني يمه! ما الكلب الا انت بنتي ذي و اعرفها اكثر من الكل اعرف متى تكون صادقه و متى تكذب تنهد و خرج بدون ما يرد عليها امّا سهم كان متكتف و يناظر فـ الأرض بشرود - - بعد جلسه طويله دامت لساعات عقد حواجبه وهو يناظر فـ ساعته: وقت الصلاة حامد بـ استغراب: صلاة وش؟ سلمان: الظهر شرايك؟ اكيد الفجر قم خليتني اقعد هنا طول الليل بدون ما احس بالوقت ابتسم و نطق: وين بتلقى رفيق مثلي بس سلمان وهو يركب: بتعب عشان الاقي نشبه مثلك ضحك و ركب: تمون ياولد العم، الحين استعجل خل نلحق ابتسم بخفه وهو يحرك: ابشر حامد ناظر فيه و نطق بجدّيه: ما عجبتني الطريقة اللي قلت فيها ابشر لف عليه وهو يزيد سرعة السياره: فاهمني! تنهد و لف يناظر الطريق و سلمان كل شوي يزيد السرعه بشكل جنوني - - خرجوا من المسجد مع بعض ناظر فـ هزاع اللي مشى لبيتهم بدون ما يناظر فـ احد لحقه و نطق: هزاع لف له بهدوء: اذا بتقول ليه ترا انا اخوك مب هو عقد حواجبه و نطق: ماله دخل مين فيكم اخوي الغلط ما يصير صح اذا كنت انت اخوي زفر و نطق: شف حامد نعسان ومالي خلق الكلام حامد: هزاع وش لعب لعيال ذا؟ هزاع: ما العب! انا جيت لـ أبو البنت و خطبتها وين الغلط حامد: الغلط انك عارف ان سلمان كان بيخطبها رفع كتوفه و نطق: و ما خطبها؟ تمام ماني مجبور اخليها عشان سلمان حتى انا ابي دانه من زمان و ازيدك من الشعر بيت حتى هي تبيني و تدري اني بخطبها حط سلمان يده على كتف هزاع بعد ما سمع اخر كلام لف له بـ استغراب و نطق سلمان وهو يتصنع الابتسامه: مبروك عقبال عرسكم هز راسه: آميـن وعقبالك مشى سلمان راجع لبيتهم اما حامد لف لـ هزاع: بتندم هزاع: اندم؟ ليه حامد: لا تدور انا اخوك وعارفك، انت ما تحبها ولا تبيها زفر و نطق: اذا ما تبي تفهم بكيفك مشى و ترك حامد واقف يناظر فيه مستغرب من تغير اخوه فجأه .. 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹