الهوى لا داعب الغصن حن ومال - الفصل 3 | روايتك

🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 3 .. 📚 😍 📃 📖 روايـــــــــــــة ✍🏼 { الهوى لا داعب الغصن حن و مال   } 📖🖌 @storykaligi 🌹🍃 مر اسبوع و ذياب محد يدري وينه ولا في خبر عنه - نطق بـ عصبيه: وش بينك مع بنت الناس اخوانها يتوعدون برقبتك ذياب: يبه مو مشكلتي اذا اخوها مجنون انا كنت بكلم البنت ابو ذياب: تكلمها! عيد وش قلت غمض عيونه و نطق: انا ابي البنت زوجه لي وكنت بسألها واني بجي اخطبها ابو ذياب: لا حول ولاقوة الا بالله تبيها زوجه تروح انت وهي تتكلمون فالشوارع، هيا مين يفكك من عيال عمر الحين تنهد و نطق: ناخذ معنا رجال شيوخ و نروح نخطب وقتها اكيد محد منهم بيقول شي و اكيد انهم مابيفضحو اختهم هز رأسه ونطق: خابرك رخمه - - كانت جالسه فـي غرفتها و ضامه نفسها مر اسبوع وهي ما شافت احد من اخوانها او ابوها حتى امها بس تجيب لها اكل وتطلع غمضت عُيونها اللي احرقتها من كثر البُكاء دخلت زوجة فارس معها صحن: خذي كلي بلعت ريقها بهدوء ونطقت: شكراً خذي اكلك معك مابي شي مشاعل: كلي لا تموتي علينا حرام تموتي جوع ابي اشوف فارس يقتلك بيده عشان يبرد قلبي لفت ونطقت بنفس الهدوء: مشاعل اللي فيني مكفيني يرحم امك فكيني من شر لسانك وصل مسمعها صوت ضحكة مشاعل المستفزه و من ثم كلامها اللي احرق قلب ريم بسبب ان الكل مصدق كلام فارس:وحده تتصلق بعيال الشوارع فنص الليل وتتكلم ! عضت شفتها تمنع دمعتها تنزل و وقفت نطقت وهي تأشر على الباب: تدلين طريق غرفتك خرجت مشاعل وهي تضحك وقفلت وراها الباب جلست بقهر و خلخلت اصابعها بين خصلات شعرها تشده وهي تدعي على ذياب نزلت دموعها بسبب حالها اللي انقلب و بسبب اخوها اللي أكّد للكل انه صادق وانها كانت ملتقيه مع ذياب - - نزلت متوجهة للبيت بعد وصولهم لفت على صوته يناديها لفت بـتوتر: هلا حامد: عطي جدي اخذت الصندوق منه و مشت بربكه وهي تحاول تنظم انفاسها اللي تسارعت بـ مجرد مناداته لها دخلت وشافت جدتها تأمر البنات يبدو تنظيف توجهت للداخل وحطت صندوق ادوية جدها خرجت و نطقت: فتيمه ما جات؟ ام سالم: قايله لمرت عمك من امس انّا بنجي اليوم عشان ترسلها تنظف لكن ذول الحريم مدري شصاير بعقولهم دخلت أم دانة و نطقت: هلا والله هلا نوّرنا بدو يسلمون على بعض ضمت اصايل دانة و نطقت بـ همس: هلا بعروستنا بعدت عنها وهي عاقده حواجبها: وش عروسته؟ ابتسمت و نطقت: بعدين اعلمك - وقف حامد قدام السياره و زقارته بين شفتيه عاقد حواجبه يناظر فـي مشعل و هزاع يدخلوا باقي الاغراض فـ البيت وقف سلمان جنبه ونطق: متى ناوي تترك ذا المرض رفع كتوفه و نطق: مدري فك عُقدة حاجبيه ولف عليه بـ ابتسامه: متى بتتقدم؟ سلمان: مدري يمكن بعد عرس منيف حامد: وليه التأخير اخطبها من بكرا وخلي عرسك مع منيف ضحك بخفه وهو يحك حاجبه: شفيك مستعجل ابتسم و نطق: من فرحتي انك بتاخذ اللي تبغاها ضحك بـ سخريه و نطق: كلنا عارفين انها معجزه لو وافق ابوها حامد: عمك ذا المتخلف محد ماخذ رايه لانه للحين مدري كيف يفكر سلمان: بلا خير ابوها اذا ما أقنعه جدي محد بيقدر يقنعه حامد: عاد ان شاءالله جدي يقدر عليه و ما يرده هز راسه بـهدوء و نطق: ان شاءلله - فـ البيت- نطق ابو سالم بـ ابتسامه: ما ودك تفرح ببنتك يا حسين ابتسم بـ هدوء: ان شاءلله لكن هي بعيني للحين صغيره ابو سالم: ما عادت صغيره الحين بعمر الزواج و ماهي لاقيه مثل ولد عمها حسين: ونعم في كل عيال عمها… من تقصد؟ ابو سالم: سلمان ولد اخوك يبي بنتك دانة ضحك بسخرية و نطق: يعقب ياخذ دانه ابو سالم احتدت ملامحه و نطق: تعقب انت ما تعطيه حسين: وليه اعطيه ذا ماهو محترمني ولا محترم ابوه فوق فضيحة امه بعطيه انا بنتي ابو سالم: موضوعنا مب امه وهو محترمكم انتم اللي زودتوها اخذ حسين نفس وهو عارف ان ابوه بيخليه يوافق غصب ابتسم ورفع راسه: طيب بس ماهي زينه ارد ولد زيد عشان ولد سالم وهم كلهم عيال اخواني و ولد زيد خطبها قبله ابو سالم: من هو ولد زيد حسين: هزاع ابو سالم: هزاع! متى خطبها حسين رفع كتوفه و نطق: حسبته قال لكم قبل تجون كلمني وقال انه يبيها واذا جا هنا بيخطب رسمي ابو سالم: هزاع ما كلم ابوه ولا قال لـ أحد! حسين: وش يدريك يبه اكيد كلمه او بيكلمه، المهم انا اللي عندي قلته وقف حسين و طلع شاف هزاع مع مشعل و نطق: هزاع تعال بكلمك ناظر فـ مشعل بـ استغراب و مشى ابتسم حسين وهو يحط يده على كتفه: عمك محتاج خدمه هزاع: آمر ياعمّ ناظر حوله و نطق: تعال معي مو هنا مشى هزاع وهو مستغرب وش اللي يبيه .. 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹