الهوى لا داعب الغصن حن ومال - الفصل 1 | روايتك

❤️📝 روايات وقصص مميزة 📝❤️: 🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 #ملخص_الرواية .. 📚 😍 📃 📖 روايـــــــــــــة ✍🏼 { الهوى لا داعب الغصن حن و مال   } 📖🖌 @storykaligi 🌹🍃 ( حب ، قتل ، سحر ، ألم ، دراما ، وفاء ، تخطيط ، فراق ، خيبات أمل ، نهاية سعيدة ) ● عاش سلمان طفولة قاسية عن بقية إخوانه وتم تحميله ذنب لا علاقة له به حيث أن والدته تركته وهو طفل ماهو السبب ؟ سلمان محامي شاطر يقع أخوه مشعل في إحدى المشاكل فكيف سوف يساعده سلمان ؟ ● ريم لها أحلامها وطموحاتها لكن كل ذلك سيتغير بسبب أنانية أخوها وعدم تفاهم والدها تنجبر تتزوج من صديق أبوها فهل سيتم هذا الزواج ؟ وهل ستنقلب حياتها ؟ ● دانة تحب سلمان وسلمان يحبها يقرر سلمان التقدم لطلب يدها فينصدم عندما يخبره أبوها ان هزاع ابن عم سلمان قد تقدم لخطبتها تنجبر دانة لاستكمال كذبة أبوها فما السبب؟ وهل ترضى دانه بالأمر الواقع ؟ ● سهم يجبر أخته ان تصور له أوراق قضية يكون زوجها يعمل عليها فقط من أجل كسر زوج أخته تصور وترسل له صورة بالغلط لرويدا يتفاجئ سهم من الصورة ولكنه يوم بعد يوم يتعلق بصاحبة الصورة حتى يقرر التقدم لها ولكن الأمر مستحيل وذلك بسبب ...... راح تعرفوا لما تتابعوا الرواية ؟ ● حامد يحب أصايل كثير وقرر يتقدم لها ولكن فجأة كل شي يتغير لتنصدم أصايل من زواج حامد من سلوى فما الأسباب؟ شخصيات وقصص كثيرة راح تعرفوها منها فارس وحكايته مع مشاعل ؟ حكاية أم سلمان .. الرواية فيها الكثير من الأحداث وكذلك الشخصيات 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹 🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 #الشخصيات .. 📚 😍 📃 📖 روايـــــــــــــة ✍🏼 { الهوى لا داعب الغصن حن و مال   } 📖🖌 @storykaligi 🌹🍃 البرد يستوطن ضلوع العاشقين والليل موحش لا ونيس ولا دفا يا شـينها لا هبت رياح الحـنين عـلى نهاية صيف وبداية شـتاء « عائلة ابو سالم» الجد ابو سالم -محمد- زوجته أم سالم -فايزة- -عيالهم «سالم الولد الكبير  ابو سلمان» زوجته ام مشعل  سُعاد عيال سالم سلمان اكبر عياله "امه ماهي نفس ام باقي اخوانه امه هربت وهو صغير وتركته عنده وذا السبب اللي خلاه دايم يعتبر سلمان مو ولده لان بطبيعة سالم انسان اهم شي عنده سمعته " مشعل عمره 28 حسناء عمرها 24 - « الأخ الثاني زيد » ابو حامد زوجته منيره عيالهم حامد الكبير عمره 31 هزاع عمره 27 ريام عمرها 23 - « سيف اخوهم الثالث» متوفي هو و زوجته بحادث وعايشه بس بنتهم اصايل عند جدها و اخوانها عيال سالم من الرضاعه اصايل عمرها 24 - «العمّه نجود» تسكن بديره بعيده عنهم شوي تجيهم بين فتره و فتره عندها ثلاث عيال سيف متزوج الترف و عنده ولد وبنت و عزيز متزوج نويّر و رواف - «حسين اخوهم» ابو دانه زوجته مزنه اخت سُعاد وعندهم بس بنت وحده - «منيف» اصغر عيال ابو سالم عمره 30 - «رويدا» اخر العنقود عمرها 25 • • عائلة ابو فارس زوجته نوره و عياله ثلاثه فارس عمره 32 سهم 29 الريم 22 - مُلاحظه ابو فارس ما يقرب  لـ ابو سالم ولا بينهم اي علاقه • 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹 🌹🍃🌹🍃🌹 🍃🌹🍃🌹 🌹🍃🌹 🍃🌹 🌹 1 .. 📚 😍 📃 📖 روايـــــــــــــة ✍🏼 { الهوى لا داعب الغصن حن و مال   } 📖🖌 @storykaligi 🌹🍃 كانت جالسه تلعب فـ اصابعها و تبتسم كل ما تذكرت شكله رفعت عيونها لما جلس سلمان جنبها: يا هلا سلمان: علامك جالسه وحدك تتبوسمين ابتسمت و لفت له: ابد بس تذكرت شي عقد حواجبه و قبل يتكلم سكتو على صوت سُعاد اللي تكلم فـي الجوال و ماره من عندهم : اي... لا معنا ولد سالم و بنت سيف و رويدا... اي الله لا يوريك البيت كنه دار رعاية الأيتام رفعت اصايل صوتها و نطقت: على حسب علمي انه بيت جدي مو بيتك و إحنا اهل البيت وانتي الغريبه هنا لفت لها سُعاد وهي رافعه حاجبها و لفت تكمل مكالمتها ضحك سلمان بخفه و نطق: للحين يهمك كلامها نطقت بقهر: ما تسمع وش تقول ذي، ساكته بس عشان حسناء و مشعل رفع كتوفه و نطق: هم عارفين امهم و كلامها و تفكيرها و المفروض انك ما عاد تهتمين لها أصايل: ما اقدر علمني كيف تقدر تكون هادي كذا ولا يهمك اللي تقوله ضحك يحط يديه ورا راسه: انتي بس هي اللي تقول لك كذا و جنيتي شلون لو كان زوجها و عمك و مرته معها ناظرت فيه و نطقت: ليه يسون معك كذا انت مالك ذنب رفع كتوفه و نطق: مدري وش دخلني اذا هي هربت وش سبب هروبها ما اعرف شي بس تعودت انـ... بتر كلمته اصوات رويدا و حسناء و مشعل حسناء بحماس: تخيلوا جدي وش قال ؟ مسكها مشعل و قفل فمها بيده: والله م تقولي قبلي رويدا: احم احم اسمعوا اخر الاخبار عرس منيف بعد اسبوع صرخت اصايل بفرح و وقفت تضمها اكمل مشعل: والاجمل انّ العرس فـي الديره ابتسم سلمان وهو يناظر فيهم فرحانين رويدا: سلماان شفيك مو متحمس اخذ نفس و نطق: كنت ادري جلسوا كلهم جنبه بسرعه و نطقت اصايل: متى مين علمك ؟ سلمان: جدي يخبي عني؟ لا من اول قال لي مشعل: وليه ما علمتنا رفع كتوفه و نطق: قالي لا تقول قبل اتأكد اصايل: طب وينه العريس الحين رويدا: راح يقول عنده شغل حسناء: وانا اقول شفيه له يومين والابتسامه ما تفارق وجهه رويدا: يا بنات لازم نبدا تجهيز من الحين ذا عرس آخر عيال ابو سالم يعني لازم يكون غير عن باقي الاعراس مشعل: باقي انتي ونفتك منكم اصايل بضحك: اي عشان ناخذ راحتنا انا و اخواني وبدون اعمام مزعجين رويدا: اقول انت وهي ماني متزوجه قبل ازوجكم كلكم و ارتاح اخذ نفس سلمان و نطق وهو يحط يده على كتف مشعل: انا و أخوي بترتاحين منّا قريب شوفي هذولا الثنتين حسناء: ثواني مشعل ندري انه بيخطب بس انت؟ ابتسم و نطق: وانا ناوي اخطب توسعت عيونهم و كانت ردودهم بين: مين، دانه، دنو؟ هز راسه و نطق: اي بخطب دانه اعتلت الفرحه ملامحهم و بدوا يضموه نطقت رويدا بعد ما بعدت عنه: و أخوي…موافق؟ سلمان: والله ما ادري مشعل: ماعليك ان شاءلله اذا كلمه جدي يوافق - - فـ مكان ثاني- طلعت من بيت صديقتها متوجهة لبيتهم كان الطريق فاضي ومافي احد بحكم ان الوقت صلاة العشاء فجأه حست بيد تسحبها لمكان بعيد عن الانظار صرخت برعب لكن كتمت صرختها اليد الضخمه اللي انحطت على فمها اتسعت عيونها بصدمه و خوف وهي تشوف الشخص اللي سبب لها رعب كل طفولتها صدرها يعلى و ينزل من شدة الخوف، دموعها تنزل وهي تناظر فيه قريب منها و مثبتها على الجدار و يده على فمها ابتسم ذياب وهو يناظر فـ عيونها: من زمان عن حلوتي لا يكون عجبك بعدي عنك همهمت وهي تحاول تتكلم لكن يده تمنعها جمدت لما سمعت صوت الصرخه هي تعرف ذا الصوت اكثر من اسمها ذياب اول ما سمع صوت فارس تركها وهرب امّا ريم طاحت على الأرض من قوة موجة الخوف اللي مرت فيها لكن سرعان ما وقفت وهي تصرخ بـ ألم لما سحبها فارس من شعرها: هذي اخرتك يالكلبه هاه!! نطقت بـ الم و دموعها ما وقفت: فارس لا تفهم غلط الحين صرخ فـ وجها بعصبيه: وش افهم واقفه مع رجال فـ ذي الظلمه و قريب منك كذا نطق وهو يشد شعرها بقوه اكثر: لو ما جيت الحين وش كنتي سويتي؟ هاه سحبها معه لبيتهم و دخل دفها على الارض اول ما دخل و قفل الباب خرجت أم فارس على صوت صرخة بنتها نطقت بـصراخ: فارس وش ذا! ليه دفيت اختك ابتسم بـقهر و نطق: اسألي بنتك الرخيصه وش مسويه وقفت ريم و نطقت: والله ما سويت شي هو اللي سحبني هو سكتو على صوت الباب اللي يندق بقوه و صوت ابو فارس .. 🌹📚 @storykaligi 🌹📚🖋 🍃🌹 🌹🍃🌹 🍃🌹🍃🌹 🌹🍃🌹🍃🌹