الفصل 5
🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 5 ..
📚 😍 📃
📖 روايـــــــــــــة ✍🏼
{ قل لصدف أما حان التلاقي }
📖🖌 @storykaligi 🍁🍃
مسحت دموعها اللي تنزل للمرة الألف شربت ماء واخذت نفس حتى تروح الغصة
رجع دق جوالها وناظرته
مسحت دموعها بسرعه وتنحنحت اكثر من مره شربت ماء تكلمت بهمس::ااا..اااا احمم كححح،راجواا صوتي واضح انه فيه بكي؟؟؟
راجوا باستغراب من تنحنحاتها وحرف الالف اللي تكرره::اَي.لا
توق::وش ذي اَي ،لا
شربت ماء و فتحت الخط::هلااا بحلوة اللبن هلاا بالجازي
امها::يمه وينك انتي،؟
توق بضحكة::بقلبك
امها بنرفزة::توووقق؟؟؟
توق::طيبب لا تعصبين هذاني جاية عطيني نص ساعه وانا بوجهك المزيون
امها::توق يمه صوتك فيه شىء؟علامك
امتلت عيونها دموع::لاا يمه م فيني شىء اصلا صوتي استهلكته وانا اغني لحمير القايلة
توسعت عيونه بصدمه من كذبتها
امها بشك::متاكدة مدري ليه احس انك بكيتي،،
توق حاولت تمسك شهقتها:: وين يمه ابكي اصلا تعرفيني ما اعرف لدموع درب الله يسامحك يالجازي كذا تخليني اشك اني بكيت
بقلبه:والبكي اللي بكيتيه قبل شوي
امها::والله مدري عنك اذ تكذبين والا صادقة لا تطولين يمه زين؟
توق غطت عيونها بيدها اليسار:: ابشري كم عندي الجازي انا هااا؟؟وحده وياحلوها بقلبي
امها بابتسامه::من يقدر على لسانك اللي يقطر عسل
توق ضحكت::الجازي تقدر المهم يمه لا تأكلين الغداء عني انتظريني باكل معك
امها::زين زين انتبهي لنفسك استودعتك الله
توق::خير من أودعتِ سكرت وانفلتت منها الشهقة اللي كانت ماسكتها وبهمس::عادي توق عادي
هذي مو اول مره ليه تبكين هاا بزر انتي ابوك عند الحلال يعني شغل ماطنش مكالماتك عمدا اعذريه يالسخيفة يام دميعه اكيد لو شاف مكالماتك رد عليك وجاك ويمكن يغديك
امسحي دموعك واضحكِ ابوك يحبك بس انشغل شوي .
شهقت بغصة من كلامها اللي تواسي فيه نفسها تدري انها تكذب على نفسها وم تعرف ليش راضية بذا الكذب .يمكن علشان تخفف على نفسها
كان يسمع همسها الخفيف لنفسها وابتسامته مرسومه على وجهه.بسيطة ترضي نفسها بنفسها وتحط الف عذر حتى يروح الزعل تاكد بنفسه انها قوية وصبورة والا ايش اللي يخليها تصبر لحد الحين واحنا بندخل الساعه ثلاث وربع غير انها صبورة ومتحملة وراضية
توق بصوت مبحوح::راجوا فيه مناديل؟
اخذ علبة المناديل اللي بجنبه ومده لهاا::ناريه انت كويس؟
توق ناظرت الدريشة::كويس ياراجوا كويس كثيرر انا قوية ماني ضعيفه
راجوا::كلوا نفر قوي لان الله معه
ضحكت توق::اَي والله صدقت انت ياراجوا مسلم؟
راجوا::اي
توق::كم سنة يشتغل هنا
راجوا بنفسه:وش اقولها الحين
تذكر سواقهم ونطق بسرعه::سبعة سنة
توق::اهاا هذي سعودية كويس احسن من ديرية مال انتا صح؟
راجوا::ما يعرف
عاد هو صدق يتكلم ولا مره راح للهند
توق::مالت عليك ينقال انك ما تبي تغلط على ديرتك وبهمس:وجع توق ياخبلة تبينه يسب ديرته انتي من بكيتي وانا تأكدتك انك منتي بصاحية
وبصوت اعلى::راجوا ديرة مال انتا كويس انا اسفة لاني غلطت عليها
هز راسه وهو ماسك ضحكته وبقوة عليها
.
.
دخل بغضب وضرب المكتب بيده بقوة ولف لشباك اللي كان مساحته يغطي جدار كامل خلف المكتب.
بغضب::وين راحت
انطق الباب واخذ نفس طويل يهدي غضبه شوي ::تفضل
دخل السكرتير::طال عمرك هذا الملف اللي طلبته بخصوص ميزانية المشروع
بدون لا يلف عليه::نزله على المكتب
السكرتير نزله وكان بيمشي بس وقف لما سمعه::سم طال عمرك؟
::البيت اللي رفض أهله يطلعون منه وحطيت ملفه على مكتبي، قول للمدراء حتى يبدون شغل
ابتسم السكرتير::ابشر طال عمرك،بغيت شىء ثاني ؟
لف وجلس على الكرسي وكمل كلامه::ابي تدور عن أهله .
استغرب السكرتير وما علق
الوليد نزل عيونه للملف::وابي معلومات عن الجيران اللي حول البيت
السكرتير::ابشر طال عمرك
الوليد بتشديد::ابيهم الليلة وخاصة اهل البيت ابي تعرف مكانهم
هز راسه بتم طال عمرك وطلع
تنهد الوليد من فضوله وصوت البنت ما راح عن باله يحس انه سمعه من قبل بس ما يعرف وين ومتى و مستغرب ليش عصب لما ما لقاها
رفع اصابعه الابهام والسبابة وضغط على جبينه
لما حس أن الصداع بدأ يستحل راسه ..
.
.
رفعت نفسها بعد ما نزلت اخر صينية حلى ابتسمت على الشكل النهائي لطاولة اللي كان بمفرش ابيض ووردي
اربع صواني حلو وصينة فطائر وفأزة فيها ورد ابيض ووردي
على الجنب اليمين صينيتين الاولى فيها القهوة والشاهي والثانية الفناجيل والكاسات
وعلب الموية مصففة مع الأكواب على الطرف الثاني مع جيك العصير الاثنين برتقال وفراولة و ورق العنب والكب كيك...وغيره ..
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁