الفصل 2
🍁🍃🍁🍃🍁
🍃🍁🍃🍁
🍁🍃🍁
🍃🍁
🍁 2 ..
📚 😍 📃
📖 روايـــــــــــــة ✍🏼
{ قل لصدف أما حان التلاقي }
📖🖌 @storykaligi 🍁🍃
جلس وناظرهم وبدا يتكلم::اليوم جمعتكم حتى نتكلم بخصوص مشروع شارع عشرة وكيف نرممه من جد وجديد ،طبعا اطلعت على الملف قبل ساعه ،وانتبهت لشغلتين انا ما اعرف اذ انتم تغافلتوا عنها او م انتبهتوا لها
كلهم بلعوا ريقهم بتوتر من بعد جملته ::الاولى ان في بيت الى الأن ما اخليتوه هل هذا تسيب منكم او صاحب البيت ما رضى انه يخرج وهذا محتمل واقل عذر ممكن احطه في بالي الثاني انا محدد معكم الميزانية وكم وصلنا بالاتفاق اتضح عندي ان الميزانية اقل بكثيررر من اللي اتفقنا عليها ،،ابييي توضيح ياسادة
تكلم المسؤول عن اخلاء المنازل::أستاذ الوليد البيت اللي ذكرته رفضوا انهم يبعونه لنا
تكلم بعصبية::لييه م حطيت مبلغ كبير تسكتهم فيه؟؟؟
بخوف من عصبيته::أستاذ أعطيناهم شيك مفتوح ورفضوا
الوليد بعصبية::حط عنوان البيت على مكتبي انا احل الموضوع نتكلم عن الشغلة الثانية! وين راحت الميزانية الباقية؟؟
تكلم المسؤول عن ميزانية المشروع::أستاذ الوليد الميزانية الباقية انتركت على جنب حتى نستفيد
منها بالتعديلات
ابتسم::عذر اقبح من ذنب،انت تتكلم معي بكامل قواك العقلية؟
بعصبية:الميزانية كانت كبيرة حتى تغطي كامل المشروع وانت جاي تقول لي تركناها على جنب حتى نستفيد بالتعديلات انت مطرود
وقف:اعذار مثل كذا ما ابغى حتى ما يكون وضعكم مثله ،يومين وتشوفون لي وين باقي الميزانية و بخصوص البيت انا راح أحله وطلع.
.
.
دق جواله وعيونه على المرتبة اللي فيها الفراولة والناتيلا::هلا!
::وينك؟
::قريب
::قلت بوصل البيت قبل ساعه واشوفها صارت ساعتين ونص؟
ابتسم لما تذكرها::وزيد بعد ساعه وربع
::ولد وين رحت؟؟
::مشوار صغير وبرجع ،فيكم شىء؟
::لاا بس استغربت لما طولت؟
::كلها ساعتين وراجع زين؟
::طيب
::يالله استودعتك الله
::خير من أودعت وسكر منه
متعجب من نفسه كان ماشي للبيت وراء اخوه رياض بس دق جواله بالاول استغرب من الرقم ولما فتح الخط وانصدم من الكلام لاشعوريا لقى نفسه يبتسم غصب وما يعرف ليش
ولما ردت عليه فطن(سرعةبديهة)وخل نفسه هندي علشان يكمل معها المكالمة
ناظر للفراولة:علشان اعرف بيت راعية الصوت شريتهم.
مسك جواله ودق عليها تنحنح قبل لا ترد
يسترجع اللغة الهندي اللي طلعت منه لا اراديا بسبتها ابتسم لما سمع صوتها::ناريه
توق بعدتّ الجوال عنها وبهمس لا تقول ناريه والله حرام شوهت ام الاسم::اَي راجوا ايش فيه؟
::انا في عند الباب
وبهمس بدون لاتسمع::يبي لي هندي يعلمني ذَا اللغة
توق:: دقيقه وسكرت
لبست عبايتها واخذت الفلوس وطلعت للحوش فتحت الباب وشافت السيارة عند الباب
انصدمت من فخامتها وبهمس::شكل ياتوق شغل كريم يطلع ذهب .
انتبه لها لما فتحت الباب ونزل وهو ماسك ضحكته على شكله اللي حاول كثير انه يغيره حتى ما تنتبه لكذبته قرب ومد لها الاغراض
أخذتهم ومدت له الفلوس::شكرا راجوا
؛:عفوا ناريه
ابتسمت وكانت بتدخل بس سمعت احد يناديها
تنهدت ونزلت الاغراض عند الباب ولفت له::نعم؟
كان ياناظر للي واقف ولابس لبس ملون والشال اللي على راسه والكمامه::من ذَا؟
توق؛:مالك دخل
::الا لي دخل من ذاا
توق؛:وش انت شايف!
لف وناظره
دنق راسه وحاول يغطي وجهه بالشال حتى ما ينتبه؛:كريم مره ثانية؟؟
توق::اقول ماجد توكل لبيتكم ،انت الظاهر متهاوش مع ابوك وجاي تحط حرتك فيني
ماجد::كم مره قلت لك اذ تبين أغراض انا موجود اكتبيهم لي وراح اجيبهم
توق باستهزاء::يالله بغيت اصدقك بغت تدمع عيوني من الحنان اللي بصوتك
ماجد بنرفزه::توووق
توق::اقول بس فارقني قال أجيبهم قال ذكرني بس كم معك فلوس
ماجد::لا تخليني اعصب
توق لفت لراجوا::اقول راجوا انا ادق اذ بغيت شىء انت خل رقم مال انا عندك
ولفت ظهرها بتدخل وبابتسامه::اذ مره ثانية ياماجد جيت هنا وتليقفت علي راح اكلم البيبي تمام ياحبيب البييبي وضحكت وسكرت الباب
قرب وضرب الباب بعصبية::اطلعي وعيدي كلمتك إذا فيك خير
توق من وراء الباب:ووواحدد..اثنين
سكتت تسمع اذ فيه صوت والا لا
فتحت الباب بشويش تشوف اذ باقي هنا والا راح
وانصدمت من وجود راجوا::راجوا ليه انت ما في روح؟
بلعثمه::اا..انا في يعد فلوس
توق::اهاا
لفت لماجد اللي بعد عن البيت وضحكت::مسوي رجال على راسي المريض يحسب اني خوافه يا نعبنوا ذَا الرأس
ناظرت لراجوا::هاا فلوسك كاملة،
هز راسه ومشى وهي دخلت داخل .
🍁📚 @storykaligi 🍁📚🖋
🍃🍁
🍁🍃🍁
🍃🍁🍃🍁
🍁🍃🍁🍃🍁