الفصل 5
🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 5 ..
📚 😍 📃
📖 قــــــصـــــــة ✍🏼
{ غطوا عيون البنت لا تذبح أنا قتيل وراضي بالمصيبة}
📖🖌 @storykaligi 🪷🍃
ام توق بضيق : الله يهديـك يام عفراء مو وقته ذَا الكلام، سويت اللي علي انـا .
ام عفراء ويدينها على خصرها : واضح من دسيتي وصيه المرحومة دلول .
بتقليد لَام توق : قص علي الشيطان ،قديمه ترا
ام توق بعصبيـه صرخـت بوجهها : اللي راح راح ،ومو وقته ابد ،وعلي انـا وتوق بنرجع للديره مايحتاج تشيلين همنا ..!
مشت من جنبها بضيق ، وتوجهت لنفس الغـرفه اللي طلعـت منها.
-
قامـت وجسمها مكسر ومنهد حيلها ،غسلت وجههـا وناظرت محيط الغـرفه.
بلعـت ريقهـا وطلعـت للصاله ،ناظرتـه يلعب مع ولدهم ،ابتسمـت بلطافه وتقدمت لهم وجلسـت متربعه : تعال ياحبيبي تعال.
هدهد ولدها لعند امـه وجلس بحضنهـا ،رفعت رأسهـا : نروح الليله للديره ،اشتقت كثير تكفى
صقر أيد فكرتها وهز راسـه بألايجاب : بأذن الله الصبح نمشي .
شام باست ولدها : ان شاءالله
-
الصبحيه،دخلت الدِيَره وحنينها فاض لأيام طفولتها كثير .
ريحه الدِيَره هي هي ماتغيرت ،الخضّار ،وصوت الذيابه ونسناس الهواء ،والجبال ،حتى بيوتهم مثل ماهي .
وجدار اللقاء مثل ماهو .
دخلت الدِيَره محققه امنيه لها من وهي صغيره ،دخلت الدِيَره وهي داعجه عيونهـا بالمكحله .
دخلوا لبيتهم بأبتسامه اشتياق داعب صدورهم ،دخلت غرفه السجاد وناظرت الركن اللي دايم تنام فيه وهي متضايقة .
اشتاقت حيل وتمنت الزمن يعود بها .
لمت نفسها بالركن وغفت بسرعـه بدون حـس .
-
العصريه، فزت من نومها وهي تسمي على قلبهـا من الحلم اللي شافته .
اخذت شيلتها وبهدوء طلعـت من البيت بدون علم امهـا ،اتجهت للجبل وحنينها يوجعها .
تذكره وتذكر أيامها معاه ،لكن مرت السنين بينهم ولاتذكر شكله بالذات انه كبر .
ابتسمـت من شافت الخضّار ،والحلال اللي ركبها عليه .
لكن ماشافته ولا شافت جدته ،تنهدت ونزلت لثمتها بس طارت من يدها بفعل الريح .
لفت بسرعـه بتمسكها لكنها انصـدمت بجسم ضخم واقف امامها ويناظرها بلهفه .
نزلـت راسهـا بحياء : هات برقعي ،ولا تناظـر ..!
بلع ريقه وهو ماسك برقعها ورا ظهره : يابنيه ،اربكتي قلبي بعيونك الكحيله ..!
ماتحمَلت احد يغازل عيونهـا غير اللي اسمه قايد ،نزلـت للأرض واخذت التراب ورمته بوجهه ،وبسرعه اخذت برقعها ورجعت لبيتهم جري .
تنفست بقوه ويدها على صدرها ،ماتوقعت ولا واحد بالميه يكون في الدِيَره مثل الأشكال اللي قابلته على الجبل ..!
-
فز قلبه من ناظر ظل البنيه اللي كاسيها اللون الاسـود تنزل ركض من اعلى الجبل ،وتتجه لداخل البيت .
لداخل البيت اللي لطالما كان ينتظر صاحبه الظفاير والطرف الكحيل تخرج منه .
لطالما انتظر جسم صغير يطلع من نفس البيت ومن نفس عتبه البـاب .
توقع الف توقع لجَل مايصدق اللي يشوفه ،لانه اكثر من مره يتخيل طيفها وهي صغيره .وما تخيل ابد ممكن يشوفها وهي كبيره .
دخـل بلهفه واتجه لجدته بسرعـه ،وركع عندها وهو يلهث : يمه .
مسـك يدينها وبترجي : أبوس ذَا اليدين ياجعلني ماخلا منك يايمه ،بطلبك وقولي تم .
ابتسمـت شيخه له : تم ،قول .
قايد تنهـد بأبتسامه حزن : ابيك تروحين لبيتهم ..!
عقدت حواجبها بأستغراب : بيت من .!!
قايد بحنين : بيت البنيه اللي طرفها كحيل يايمه ،نسيتي ..!
شيخه تنهدت على حالته : ياولدي كم مره اروح له ولا احد يرد ،هذا اللي تشوفه وهم وهم .
قايد مسـك يد شيخه وبأسها : هالمره متأكد انه مب وهم ،روحـي انتِ وإذا طلـع وهم لك اللي تبينه.
شيخه مسحت على راسـه : الله يهدي سرك ياولدي.
قامـت بمساعدته وبيدها عصاتها ،اخذت شيلتها وعباتها وطلعـت امـام عيونـه .
-
دخَلوا الدِيَره واخذت نفس تشم نسناسها .
ضحكـت من حركه ولدها بحماس وكأنه عارف انها ديرته وبيروح بحضن جدته : تروح عند جده وخاله.
وقف عند بيتهم ولفت له : بتنزل ولا بتروح .
صقر هز راسـه : لا مب نازل عندي شغل ،تجلسين لين متى .؟
شام ماسكه ولدها : دامي جيت وجبت ملابسي خلني ذي اليومين عندهم .
صقر ابتسـم وشال ولده من حضنهـا وبأسه بقوه : ابشري ،انتبهـي له .
شام أخذته : زين .
نزلـت وهو نزل ياخَذ شنطتها وشنطه ولده ،دخلهم وسلم على ام شام وطلع راجع المدينه .
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷