الفصل 4
🪷🍃🪷🍃🪷
🍃🪷🍃🪷
🪷🍃🪷
🍃🪷
🪷 4 ..
📚 😍 📃
📖 قــــــصـــــــة ✍🏼
{ غطوا عيون البنت لا تذبح أنا قتيل وراضي بالمصيبة}
📖🖌 @storykaligi 🪷🍃
قايد ناظر البيت وبتنهيده : كيف، تدرين ان الكل ضدي حتى العمر ضدي ، وإذا اخذتها مااستفدت مير حد السيوف على رقبتي.
شيخه بأندفاع : حشى وانا راسي يشم الهواء .
مسـك يد شيخه وشم ريحه الحنا : يمه مثل ريحه يدينها الصغار .
•
الظهريه ،لمت أغراضها وهي قلقانه ،من صحت مالقت توق وكأنها عارفه برحيلهم .
جلست بالصاله اللي مقابل البـاب ، وهي تراقب البـاب وتنتظر لحظه دخول توق .
بتوتـر وقلق ، قرب يأذن العصر وهي مابينت لها ولا بين جسمهـا الصغير امام عيونهـا .
قامـت ولبست شيلتها وعباتها ،ثم طلعـت وعيونها تتلفت تدور علَيهَا .
•
مسـك يد شيخه وشم ريحه الحنا : يمه مثل ريحه يدينها الصغار
عقد حواجبه من ناظر جدته تضحك وتناظر وراه ،لف وإلا توق واقفه و ممدده يدينها وفاردتها وبانت الحنا اللي بكفها .
ابتسـم وقلبـه ماتوقف من النبض السريع ، مسـك يدهـا الصغيره .
نزلـت راسهـا بحيا من شيخه اللي تناظـر قايد ومبتسمه ومن ثم تنقل النظر لها بنفس الابتسامه.
مسكـت يده وهي تبي تقومه : قوم ..!
قايد ضحك : وين ..؟
ضربت رجلها بالارض : قوم يلا ..!
قام على حيله وعدل ثوبه : قمت
توق مدت يدهـا للسبحه اللي بيده وأخذتها ثم حطتها بجيبه : ورني حلالكم ،خل اركب عليه
قايد ابتسـم وهو يناظر عيونهـا : اشيلك على كتوفي..!
ابتسمـت شيخه اللي سمعـت حديثهم ،وعرفت مقصد قايد اللي مافهمته توق .
كان يقصد انه من حلالهم وإذا ماصار يصير انه من حلالهم .
-
العصريه ،نزلها من الناقه بشويش ، ومن لامست رجلينها الارض راحت تركض .
ناظرها وهي تركض وصرخ : انتبهـي لاتطيحين .
تنهـد من راح زولها من أمامه ،مشى لجدته اللي عقدت حواجبها من هروب توق : وش صابها ..!
قايد تنهـد وعيونه على مكـانها : يمه ماخلت سهم بالعالم الا صوبته على ذَا القلب ، راضي والله اني راضي بالمصيبة .
-
شافت توق مقبله عليها بالركض ،مشت بسرعـه ناحيتها وحضنتها : ياويل حالي عذبتي قلبي ، بلاك خوفتيني .
توق بكذب وهي تلهث من الركض : بغيت اموت يايمه ،لحقني الذيب
ام توق وهي تفحص توق : عسى ماجاك شي..!
توق بهدوء : مافيني شي .
رجعوا للبيت ،ونزلت شيلتها : بنروح المدينه ياتوق
عبست وجههـا وعقدت حواجبها رافضه رحيلها حتى لو فيها رجعه : مابي ..!
ام توق تنهدت من عناد توق : لنا رجعه الدِيَره ياتوق محنا مطولين .
بعد فتره من انها تقنع توق برحيلهم ،اقتنعت ومشوا المدينه .
العشاء ،استقبلتها ام عفراء وجهزت لها الغـرفه .
دخلت توق عابسه وجههـا للغـرفه ، وحلفت ماتخرج من الغـرفه لي مايجي لها خبر ترجع للديره .
-
مرت ١٣سنين سنه وراء سنه .
بالعصريه، جلس بجانب الشداد وعلى يمينه ابوه ، بيده المسبحه اللي مافارقته من ١٣ سنة .
ولا نسىَ طيف طفله صغيره وريحه حنا بيدينها ،ولانسى السهوم اللي صاوبت قلبه .
يلعب بالسبحه بيده ،وبيده الثانيه فنجان الشاهي .
عض شفايفه من حرقه الشاهي على ذكرى اخر لقاء بينهم ،كانها كانت تودعه .
ترك الشاهي وقام لجدته ،تفرج قلبه من بعد الله .
وضع راسـه على رجولها وبحزن تنهـد : الشوق ياجده ،اشتقت لصويب العين .
حطت يدهـا على راسـه وهي تمسح عليه : يجيب الله مطر .
ابتسـم رغم ضيقته من تذكرها ،يجلس امـام بيتهم دوم مشتاق و ولهان ،و يطير النوم من عيونـه .
صـار عمره ٣١ سنه وهو متذكر تفاصيل عيونها ،حتى ريحه يدينها دوم تمر ذكرى ريحه الحنا من يشم الحنا بيد شيخه ويقوم الشوق بصدره لها .
-
ام توق جلست امـام توق : يايمه بلاك للحينك مانسيتي ..!
توق بدون لا تناظر امهـا : مابي اكلمك اطلعي برا.
ام توق مسكـت ذقنها ولفته لجهتها : ناظريني
توق من ناظرت بعيون امهـا ،ماقدرت تمسك نفسها وصرخت بقوه : هذي اليومين اللي قلتي لي عنها ،يمه ماقـدر اناظرك لان من اناظرك اذكر كذبتك علي ،مابي اشوف ولا افكر ان امـي ممكن تطلع كذابه .
ام توق تنهدت واعترفت ان الغلط منها من لقت النتيجـه .
طلعـت من عندها بهدوء تاركتها بإنهيار مع نفسها .
حاضنه مخدتها بقوه وكاتمه بكيها وشهقاتهـا .
-
المغربيه ،بعد تفكير وفت وعدها لنفسها ولضميرها،وقامـت من حيلها متجهه لَـ توق اللي مايعلم سرها الا الله : توق
ماانصدر صوت منها ابد .
دخلت وهي تشوفها تمثل النوم : لا طلعـت شمس النهار بنرجع للديره .
مالقت اَي رده فعل لَـ توق مير انها مستمره بكذبه نومها وتمثيلها .
طلعـت من عندها بهدوء بتنهيده هدت حيلها على زعل توق .
ام عفراء بشمئزاز : بلاها ذي البنـت صايره مدلعه لا تصدقين انها من بطنك تهدين حيلك عشانها .
🪷📚 @storykaligi 🪷📚🖋
🍃🪷
🪷🍃🪷
🍃🪷🍃🪷
🪷🍃🪷🍃🪷