الفصل 5
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 5 ..
📚 😍 📃
📖 روايـــــــــــــة ✍🏼
{ لا تبسم ضاعت علومي وقلت على الدنيا السلام }
📖🖌 @storykaligi 🌺🍃
ابراهيم تغير وجهه ناظر ساعته بتصريفه/لاإله الا الله ياسرع الوقت
وقف وسلم على راْسه/عن اذنك ياخال تأخرت عن دوامي
حمد/الله يسر لك الله يسر لك
ابراهيم/فمان الله .. وخرج
.
<الجامعة>
نجوى تمشي تجر خطواتها بكسل وهي تتحلطم بينها وبين نفسها
سلاف اللي واقفة متكية بظهرها على جدار المبنى تنتظرها شافتها اعتدلت بوقفتها وبصوت عالي/بدرررري!!
نجوى بقرف من الدوام وصلت عندها /اسمتي واللي يرحم والديك اسكتي
سلاف مشت جنبها/خير وش صاير بعد
نجوى وهي تمشي/امس صادتني ناهد
سلاف باستغراب/وشو
نجوى ناظرتها/وش يعني بالله
سلاف اتسعت عيونها/احلفي!
نجوى/ليش اكذب عليك يعني
سلاف بحماس/ايه وبعدين
نجوى تنهدت/وش بعدينه هددتني وقالت اذا ماتركت هالحركات بتقول لابوي مو امي بس
سلاف بابتسامة/ومع مين ان شاء الله من هو سعيد الحظ
نجوى/العلة
سلاف ارتفعت ضحكتها/وش ذَا النحاسة ماصادتك الا معه
نجوى ناظرتها/ماشاء الله مبسوطة الحين!
سلاف/الا أضيع وجع قلبي
نجوى ناظرتها بنظرة سريعة من فوق لتحت/وش صاير عندك بعد!
سلاف/الحب شافني
نجوى بحماس/احلفي
سلاف/بحضن ابراهيم
نجوى بابتسامة وعيون متسعة صرخت بصوت عالي/واو!أمانة عليك!قولي والله/بحماس/وش صار قولي لاتسكتين
سلاف بغبنة/ماحس ماتأثر ابد مااهتم اساسا
نجوى ضحكت
سلاف ناظرتها بزعل
نجوى بابتسامة تكتم فيها ضحكتها/اسفة اسفة
سلاف مشت بخطوات سريعة
نجوى أسرعت تلحقها/يالله عاد قلت لك اسفة
سلاف ناظرتها وهي تمشي/اللي قاهرني ابراهيم تهاوش معه مسوي فيها يغير على محارمه وجع ان شاء الله يقطع قلبه ويفكني منه
نجوى/صاحية انتي صاحية ليش وافقتي عليه دام هاذي علومك
سلاف وقفت وناظرته بعيون تلمع من القهر/ابيه يحس يتحرك لكن لاحياة لمن تنادي
<المستشفى>
~جلسات الكوفي الخارجية~
راكان بلبس المختبر وفوقه اللاب كوت اللي يبرز مظهره الطبي بساعة ودبلة بيده اليمين ونظارته الشمسية السوداء جالس على طاولة يحدها الجدار من جهة والاشجار من جهة اللي جنبها معطي ظهره للطاولات اللي حوله يناظر لقدامه بدون لايتلفت لاحد حتى لاتلتقي عينه بعين احد يعرفه من الطاولات اللي عن يمينه ويساره يرتشف قهوته اللي سكرها زايد على ذوقه حط كوبه عالطاولة وهو يقلب بجواله رجع رفع كوبه لفمه بيشرب وقف شرب وهو يشوف الظل اللي يغطي عليه رفع عينه وارتسمت ابتسامة عريضة غيرت ملامح وجهه الجامدة لملامح هادية ومريحة تغيرت معهانظرة عينه اللامبالية لنظرة تكتسيها الحبrwuiit28 لايك وكومنت✨
<بالسيارة>
زياد يهمهم بأغنية مروق ومبسوط رد على جواله اللي اعتلت نغمته/ألووووووو
علي/ماشاء الله ماشاء الله وش ذَا الروقان
زياد/كيف مااروق وانا رايح للدوام
علي ضحك/الله ياكبر هالكذبة ومن متى زياد يحب الدوام
زياد بابتسامة/افا عليك ومن متى اكره الدوام
علي بابتسامة/قول لعيون اللي بالدوام تحب الدوام والمدعومين والمرضى بعد
زياد/اموت انا اموت عاللي فاهميني والله
علي/محد يعرفك ويفهمك غيري يازياد
زياد بابتسامة/لاخلا ولاعدم والله
علي/عجّل عجّل زيادوه ألحق عليها قبل لايتكدسون المرضى
زياد/خلاص انا على وصول
علي/حطيت اللي قلت لي عالمكتب مثل ماقلت
زياد/مشكور مشكور ماتقصر
علي/مابينا هالكلام انت بس استعجل شوي
.
<بيت صالحة>
~الحديقة~
صالحة جالسة على طاولة صغيرة بكرسيين بمظهر الجدة المعتاد طرحة طويلة تغطي الجزء العلوي من الجسم ونقاب يعتليه جزء من الطرحة وثوب فضفاض وعكازها جنبها مرتكز طرفه عالطاولة ناظرت الوليد/كيف حالك اليوم ياولدي
الوليد واقف قبالها رفع صوته/الحمدلله بخير سمي ياخالة قلتي امس تبيني ضروري
صالحة/ياوليدي ماودك تطاوعني
الوليد/سمي اطلبي وتم باللي اقدر عليه
صالحة/تقدر ان شاء الله تقدر
الوليد/دام اقدر تفضلي
صالحة/وش رايك تشتغل بمكاني
الوليد اتسعت عيونه وسأل وسط لعثمته وهو فاهم قصدها زين/وشللون اششتغل بممكاننك مافهمت
صالحة/تعرف قصدي زين حرام تضيّع شطارتك هاذيالوليد
الوليد بتوتر يخفيه/لا انا مااصلح لهالمكان ابد يكفيني اساعدك بالامور اللي تبيني افهمك عليها انا شغلتي السواقة وأحب هالشغلة ومقتنع فيها
صالحة/ياولدي مين مايبي يكون الرئيس ويمشي أمور الشغل بنفسه ولايمشي بدونه شي ابد وحوله الموظفين اللي يقولون له سم وأمر ومثل ماتبي
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺