الفصل 4
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 4 ..
📚 😍 📃
📖 روايـــــــــــــة ✍🏼
{ لا تبسم ضاعت علومي وقلت على الدنيا السلام }
📖🖌 @storykaligi 🌺🍃
حمد وقف وهو يشوف ابراهيم على الارض رفع صوته/راكان
راكان التفت وبملامحه الجامدة/حياك ياعم حياك
.
<بيت عبدالرحمن>
ام زياد فتحت الباب
فرح جالسة على سريرها تقرأ فزت واقفة تناظرها
ام زياد بابتسامة/بِسْم الله عليك وش فيك خفتي
فرح تناظرها ساكتة
ام زياد دخلت وقفلت الباب وجلست عالسرير وأشرت بيدها عالسرير/تعالي يابنتي تعالي
فرح ناظرتها بشك جلست وبينهم مسافة
ام زياد قربت منها ومسكت يدها/تدرين يابنتي اني أعزك وأغليك مثل بنان بنتي
فرح بلعت ريقها بخوف من اللي جاي
ام زياد ناظرتها مسكت يد فرح وتمسح عليها/وش فيك خايفة بِسْم الله عليك ياعيني
فرح همست بصوتها الراجف/مو خايفة
ام زياد ابتسمت/جعل الخوف مايعرف طريق لك قولي امين
فرح همست/امين
ام زياد/اليوم عمك ابو ساري عازمنا عالقهوة واكيد مو بعشان سواد عيوننا اكيد عشانك انتي
فرح بصوت هادي/بس انا ماابي اخرج من غرفتي ماابي أقابل احد
ام زياد/وشو ماسمعت وش قلتي
فرح/على امرك عمتي
ام زياد ابتسمت/دامك موافقة اطلعي لغرفة بنان واختاري لك لَبْس من عندها وبنان انا أتفاهم معها اذا رجعت من جامعتها
فرح نزلت راسها بانكسار/حاضر
ام زياد وقفت وناظرتها بوناسة/قومي روحي لغرفة بنان وخذي راحتك مو يطب زياد وتربكينه
فرح وقفت وهمست/حاضر
.
حمد/وش فيه ياراكان وشو له مسوي بإبراهيم هالسواة
راكان بإنكار/انا؟!!هو اللي طاح!!
حمد ناظر ابراهيم
ابراهيم وقف وبدا ينفض نفسه
حمد/ابراهيم
ابراهيم اعتدل بوقفته/هلا خالي
حمد ناظره ساكت
ابراهيم ناظر راكان بحقد/مثل ماقال راكان انا زلقت وطحت
حمد تنهد/عيب عليكم متى بتكبرون لمتى هالحركات ماتقول أهل كأنكم عدوان
راكان ناظر عمه/لاياعم هالمرة غلطان هو زلق وطاح انا مالي شغل
حمد تنهد
راكان/عن اذنك ياعم ابي ارتاح شوي قبل دوامي
حمد/روح ياراكان روح ادري بك راسك مايلين ابد
راكان مر من جنب ابراهيم وقف والتفت ناظره وهمس/مريض نفسي صدق أني مريض!!/كمل طريقه/
حمد هز راْسه من حركاتهم اللي ماتخلص ثم ناظر ابراهيم/تعال معي داخل ابيك
ابراهيم/حاضر ياخال تامر امر
.
<راكان والوليد>
الوليد بغرفته متمدد على السرير على ظهره يطقطق بجواله وهو لازال تختلج صدره حرارة من غبنته رِن جواله/نعم
نبراس/لا تجي بدري اليوم محاضرتي على عشرة
الوليد بنرفزته/ادري حافظ جدولك ماله داعي تقولين
نبراس باستغراب يخالطه صدمة من الاسلوب/نعممم!!
الوليد عض على شفته يكره يتعامل مع احد بهالاسلوب/خلاص مو بجاي
قفل رمى الجوال على الطاولة ووصل لحافة الطاولة لف تمدد على جنبه اليسار وحط يد تحت راْسه والثانية فوقه وتكرر على نفسه وهو يتردد بأذنه كلام ابراهيم"مريض نفسي” حازت بخاطره هالكلمة حيل قاطع هالصمت دخوله
راكان فتح الباب وبنبرة عالية/وليد
الوليد على نفس حاله مارد
راكان تنهد وهو يدري به/قم روح لشغلك
الوليد على وضعه/ماعندي شي اليوم
راكان/انت مو تقول امس ان خالتك تبيك بموضوع مهم!
الوليد اللي ذكر هالسالفة فز جالس/نسيتها
راكان/قم البس بجهز فطور سريع
الوليد قام من السرير واتجه لدولابه يطّلع ملابسه/لا لاتحسبني معك انا ماابي شي
راكان/براحتك
ناظر ساعته/يوووه تأخرت
مشى متجه لغرفته يبدل
.
<بيت حمد>
ابراهيم/المعذرة منك ياخال
حمد/اسمع ياابراهيم
ابراهيم/سم
حمد/انت مالك بهالدنيا لا عيال خال ولا عيال عّم غير هالاثنين إنتوا عزوة لبعضكم لا درات الدنيا بكم بيوم وشو له هالمناقر والمناحس ورمي الهروج وش خليتم للحريم!
ابراهيم/والله ياخال انت تدري بالوليد ووضعه
حمد قاطعه بحدة/وش فيه الوليد!!
ناظره بعصبية/ها ياابراهيم وش فيه!!
ابراهيم/اقصد وضعه الصحي ياخال يعني
حمد بعصبية/ابراهيم
ابراهيم كشّر بوجهه/سم ياخال
حمد/الوليد مافيه الا العافية و الموضوع ذَا يتسكر والوليد عن الف رجال لاجت عازته يساعد باللي يقدر عليه ويتحامل على نفسه بعد
ابراهيم ساكت لكن واضح على وجهه مو عاجبه الكلام
حمد/ وشغل العيارة ذَا حق الحريم اتركه عنك أمسك شغلك واربط معه لسانك وكف اذاك عن عيال عمك
ابراهيم/لكن ياخال راكان بعد ماينتخي ولا به ذرة حيا وحشيمة لاحد
حمد/راكان مايغلط على احد ابد لو هي مثقال ذرة وانت اكيد قايل شي له او انك قايل للوليد كلمة راكان مايتعدى حدوده ابد
ابراهيم بزعل/ خالي انت دايم معهم وتحبهم اكثر مني وماتدانيني
حمد ناظره/ابراهيم انت ولدي مثلك مثلهم وأحبك وأغليك مثلهم ولولا معزتك عندي ماجبتك هينا وتكلمت معك بيني وبينك كان فضحت فيك قدام الله وخلقه
ابراهيم سكت
حمد/وبعدين وش تسوي من الصبح عند بابهم
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺