الفصل 3
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 3 ..
📚 😍 📃
📖 روايـــــــــــــة ✍🏼
{ لا تبسم ضاعت علومي وقلت على الدنيا السلام }
📖🖌 @storykaligi 🌺🍃
راكان يناظرها بحدة/وش تبين من الوليد؟!!
ام ابراهيم/عادي عمة وتبي تسلم على ولد اخوها!!
راكان/والعمة رافعة يدها بوجهه ليش ان شاء الله؟!
ام ابراهيم/كنت اهف عنه الذبان اللي حوله
راكان/اااه تقولين لي الذبان!!/تنهد/طيب وش تبين منه
ام ابراهيم/كنت اسأله عن الايجار
راكان/الظاهر هاذي المرة المليون وانا اقول حسابك معي مو مع الوليد
ام ابراهيم/قلت يعني بدل مااتعبك واستعجلك وانت جاي من الصلاة أخليك تصلي على راحتك وهو دامه قاعد بالبيت لا شغل ولا مشغلة قلت اكيد حاسب حسابك ومعطيه الفلوس وهو يجيبهن معه
راكان دخل يده اليمين بجيبه وطلع محفظته وطلع منها الفلوس ومدها
ام ابراهيم مدت يدها
راكان ترك الفلوس اللي طاحت على الارض وغمض عينه اليمين وعض طرف شفته وهو يمسك يده اليمين بيده اليسار يتصنع الالم/اه يدي اااه
ام ابراهيم ناظرته بغبنة
راكان وهو يضغط على يده/وش فيك ياعمة تبين شي
ام ابراهيم بحقد/لا مشكور ماقصرت
راكان/عن اذنك مااقدر انزل انتي خذيهن مضطر اطلع فوق/رفع يده قدام وجهه/لازم اسوي لها مساج قبل الدوام
ام ابراهيم بغبنتها/ماتشوف شر ان شاء الله
راكان قرب منها بسرعة وحرك يده قدام وجهها يمين ويسار كأنه يضربها من بعيد
ام ابراهيم رجعت على ورا وهي ترمش بسرعة من حركته المفاجئة
راكان/صدق الذبان كثر هالفترة/ناظرها بحدة وبتهديد/المرة الجاية تقربين من الوليد ماأهف الذبان من بعيد/تقدم لها خطوة/
ام ابراهيم بلعت ريقها
راكان همس بشر/مو اهف الذبان لحاله بأهف أشياء ثانية بعد/مشى مبتعد عنها راجع للبيت/
ام ابراهيم ناظرته وهو يمشي/وجع الله يأخذكم إنتوا الاثنين ان شاء الله ويفكني من هالوجيه الودرة الله لا يردها/نزلت وهي تتوعد وتهدد بنفسها وبدت تلم الفلوس وهي شبه جالسة/انا مدري وش شايفة وعد فيك الله يعني عليك بس جعلك تروح محل ماراحت امك ونفتك منك مثلها حسبي الله عليك من ولد حسبي الله
.
الوليد واقف مصدوم يناظرهم
ابراهيم التفت له وهو يتأجج غضب
الوليد رفع حواجبه وابتسم بسخرية لهالنظرة اللي بعيون ابراهيم
ابراهيم بغضبه/وش تبي تقول
الوليد بابتسامة/ابد سلامتك
ابراهيم قرب منه ودفه/قول!!قول يالله
الوليد ابتسم بغبنة/مرة ثانية!!/ناظره بتهديد/احترم نفسك
ابراهيم/ليه وش بتسوي يعني
الوليد ناظره وهو يكتم غيظه
ابراهيم قرب منه ودفه/وش بتسوي يعني
الوليد بسخرية/وش تبيني اسوي لواحد مثلك!!
ابراهيم كشّر بوجهه وبشر/أنطقها اذا فيك خير
الوليد ابتسم/وش تبيني اسوي لواحد هو بنفسه مرخص اللي بتصير عرضه بيوم!!
ابراهيم مسكه من ياقته وشده يخنقه/وش تقصد وليدوه
الوليد بابتسامة/انا ماجبت شي من عندي هذا اللي يصير قدامي!!
ابراهيم شد عليه اكثر وهو يزفر بوجه الوليد بغبنة ثم ابتسم
الوليد عقد حواجبه مستغرب
ابراهيم دفه لورا وهو يتركه/عاد مين بيصدق واحد مثلك!!
الوليد ناظره بحدة
ابراهيم/واحد مايصلي ابد ولايقابل احد ابد حتى شغلته الكل شاك فيها
الوليد/ومين انت حتى تقيم علاقتي بربي!!او تحكم علي بعد!!
ابراهيم/انا ماجبت شي من كيسي هذا اللي يقولونه الناس/بابتسامة/مريض نفسي!!
الوليد ماتحمل ضربه على وجهه
ابراهيم مسك خده يتألم من هاللكمة
الوليد نطق بغبنة/ماالمريض غيرك انت بهالمكان
راكان اللي وصل عندهم واقف على طرف الدرج صرخ/وليييد
الوليد لف يناظره وهو يزفر من غبنته
راكان صرخ/اذلف للبيت حسابي معك داخل
الوليد/ماني بداخل انا بشوف نهايتها معه اليوم
راكان مشى بخطوات سريعة ووقف عنده مسكه من ياقته ودفه لجهة باب شقتهم/قلت لك اذلف للبيت
الوليد ناظر ابراهيم بحدة ثم دخل وهو يتوعده مايتركه
راكان ناظر ابراهيم وهو يتفحصه بعيونه/الحمدلله جت سليمة
ابراهيم ضحك وهو يفرك مكان الضربة/جاني المريض النفسي الثاني ما تنلامون عايلة معاتيه!!
راكان اتسعت عيونه
ابراهيم ناظره بحده/وصل كلامي لأخوك بيندم عاللي سواه ويتمنى يده أنقصت قبل تنمد على واحد مثلي
ومشى من جنب راكان
راكان اللي واقف بمكانه مد يده ومسك ابراهيم من ياقته من ورا
ابراهيم رجع لاإراديا من قوة راكان اللي يعرفها زين
راكان رجع ابراهيم ووقفه بنفس مكانه قدامه وناظره/على وين اعتذر بالاول
ابراهيم ناظره/تخسي
راكان بحدة/تقول أخسي اجل/مسك ابراهيم من يده وشده له وحذفه على الارض
ابراهيم يتألم من ظهره وهو على الارض
راكان/أوزن كلامك وثمنه ماتدري وش بيسوي المريض النفسي المرة الجاية
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺