الفصل 2
🌺🍃🌺🍃🌺
🍃🌺🍃🌺
🌺🍃🌺
🍃🌺
🌺 2 ..
📚 😍 📃
📖 روايـــــــــــــة ✍🏼
{ لا تبسم ضاعت علومي وقلت على الدنيا السلام }
📖🖌 @storykaligi 🌺🍃
الوليد غمض عيونه اخذ نفس بصوت مسموع وزفر بوجهها
ام ابراهيم اتسعت عيونها بصدمة/لا اضربني احسن اضربني يالله
الوليد ابتسم بغبنة/محشومة ياعمة محشومة
ام ابراهيم/محشومة!!محشومة!!أنا اعلمك وشلون تحشمني/رفعت يدها بتضربه/
راكان دخل للبيت وشاف عمته وهي رافعة يدها بوجه الوليد وبصوت عالي واضحة فيه الحدة/ام ابرااااهيم!!!
ام ابراهيم بلعت ريقها وناظرت راكان
راكان أسرع بخطواته ووقف عندهم ويناظر عمته بشر/الوليد روح للبيت
الوليد/ان شاء الله
ام ابراهيم اتسعت عيونها توقعت بيرفض ويظل واقف معهم
الوليد لف ومشى متجه للبيت
ام ابراهيم عينها على الوليد اللي راح وتركها لحالها مع راكان
راكان بحدة/وش تبين من الوليد!!
.•
<بيت حمد>
سلاف من ورا الباب/هلا حبيبي
ابراهيم/سولافة قلبي افتحي خليني اصبح على هالوجه
سلاف بدلع/اسفة حبيبي بس لو شافونا عيال عمي وش بنسوي بننفضح!!
ابراهيم/وانا ايش علي فيهم!!
سلاف بزعل/يعني مااهمك انا!!
ابراهيم/وش هالكلام سلاف انتي تدرين اني احبك وشاريك وارخص عمري عشانك
سلاف ابتسمت/ادري ياعمري طيب لو جا ابوي وشافنا!!والله يذبحني
ابراهيم/احسن خليه يشوفنا
سلاف اتسعت عيونها
ابراهيم/يمكن يرحم حالي ونتزوج بسرعة
سلاف ضحكت/لهالدرجة مستعجل!!
ابراهيم/بالحيل والله بالحيل ياروحي انتي ماتعرفين غلاتك عندي
سلاف بدلعها/ادري ياروحي ادري بس ابوي للحين مو راضي للحين أقنعه هو بس وافق عالخطبة عشان خاطر عمتي
إبراهيم بزعل/قفلي عالموضوع خلاص
سلاف/حبيبي اسفة نكدت عليك مع الصباح
ابراهيم/مو مسامحك راضيني
سلاف بخجل/احبك
ابراهيم تشقق من الوناسة/وانا اموت فيك ياروح ابراهيم يالله افتحي الباب وخذي
سلاف باستغراب/وشو!!
ابراهيم/افتحي وخذي هديتك
سلاف ارتسمت ابتسامة عريضة على وجهها بفرحة فتحت الباب شوي ومدت يدها
الوليد وقف مصدوم من المنظر اللي تشوفه عينه
.
<بيت عبدالرحمن>
بنان فتحت الباب ثم فتحت النور وناظرته وتنهدت/زياد زياد
زياد يتأفف
بنان/زياد قوم صَل وانزل افطر معنا
زياد جلس وبصراخ/أوووف وبعدين اذلفي عني اتركيني
بنان ناظرته وهي رافعة حواجبها/قم بس يالله صَل وراك دوام اذلف له مو ميتين عالفطور معك
زياد/حلفت عليك عاد انا اللي ميت افطر معك!!
بنان تناظره من فوق لتحت وهي متكتفة/الحمدلله والشكر من صحى بدى تنفيس
زياد/نعم!!
بنان/قم بس
زياد/اذلفي عن وجهي احسن لك لا تشوفين مني شي مايعجبك
بنان/وشو يعني!!
زياد ناظرها بحدة/خليك مكانك وشوفي وش اسوي
بنان/مررة خوفتني
زياد قام من سريره و بنان جرت شاردة منه
زياد ابتسم/خوافة وتتحدى!!
.
<بيت عبد المجيد>
على الفطور
عبدالمجيد ناظر خلود/ام ساري
خلود/سم
عبدالمجيد/وينه معاذ
خلود/والله ولدك جثة تبارك الرحمن ماقدرت عليه
وسن كتمت ضحكتها
ساري ماابدى اي رد فعل
عبدالمجيد ناظرها/الحين ولدي لحالي هو!!ومن اللي جابته ان شاء الله لا يكون انا بعد
وسن انفجرت تضحك/هدوا هدوا شوي يمه ترا انتي امه مثل ماابوي ابوه
خلود ناظرتها بتكشيرة/مخترعة قانون جديد يعني!!
ساري ابتسم
وسن صفقت/يووه يمه أتقبل هالقصف عشان ساري اروح انا فدوة على هالابتسامة
خلود ابتسمت
وسن/ايه سرّوي/غمزت له/لو نشوف هالابتسامة دايم كان كل يوم عندنا مساير
ساري فهم قصدها اختفت ابتسامته وناظرها
خلود ناظرت وسن بحدة
عبدالمجيد قطع لغة عيونهم/وينه ولدك ذَا الجثة
معاذ داخل/اذكر الله يبه لا أنسدح على فطوركم
عبدالمجيد رماه بملعقة السكر/صليت؟!!
معاذ اللي وخر عنها /صليت يبه صليت
عبدالمجيد/متى تتعدل ها متى؟
معاذ/يبه ارجع طريقي يعني ماتبوني اقعد معكم
خلود/توفر
وسن انفجرت ضحك ونطقت بوسط ضحكها/روح مالك داعي تفطر
معاذ جلس جنبها/غصبن عليك بأفطر معكم
.
<بيت عبدالصمد>
عبدالصمد واقف عند الباب/نادر يالله
نادر يسرع بخطواته لهم
هدى جنبه/الفطور جاهز
عبدالصمد/مستعجل
هدى/افطر وبعدها امشوا
نادر واقف عندهم
عبدالصمد/ قلت لك مستعجلين
هدى/خله يفطر هو طيب
عبدالصمد ناظره بحده/تبي تاكل
نادر/لا يبه
هدى/تناظره كذا قلي وشلون بياكل
عبدالصمد مارد عليها خرج
نادر سلم على راس امه ولحق ابوه وقفل الباب وراه
هدى تأففت ونادت بصوتها العالي/نجوووووى
.
🌺📚 @storykaligi 🌺📚🖋
🍃🌺
🌺🍃🌺
🍃🌺🍃🌺
🌺🍃🌺🍃🌺