الفصل 3
💫🍃💫🍃💫
🍃💫🍃💫
💫🍃💫
🍃💫
💫 3 ..
📚 😍 📃
📖 روايـــــــــــــة ✍🏼
{ يا اختيار القلب قبل العين }
📖🖌 @storykaligi 💫🍃
بالسعودية _تحديدا بالأحساء
سمعت امها تناديها و ربطت شعرها وطلعت لها بالصالة :سمي يمه؟
كانت جالسه امها بالصالة على الارض وقدامها ترمس قهوة وفناجين وتمره
ابتسمت لجلستها وجلست جنبها وصبت لها فنجان:وش فيك يمه تناديني وش عندك من علم؟
امها بتعب:جالسه بريحاتي ومليت انتي وينك اليوم ما طليتي علي
تقدمت وباست راسها:العذر والسموحه ياالغالية بس اخذت مني النومه وشلون رجولتس اليوم؟
امها: والله اونس اليوم وجعها بزود
بخوف:ليه يمه وطيتي عليها واجد؟
امها هزت راسها بلا: لا والله ماغير سويت القهوة
زعلت وبضيق:والخدامه وينها عنك؟
امها:هالخدامه اليوم تقول انها تعيبانه
مير روحِ شوفيها وش فيها لا تقهويتي
عقدت حواجبها:متى قالت انها تعبانه؟
امها:اليوم وانا اصحيها لصلاة الفجر
اشربت فناجنها ووقفت:بشوفها اجل
امها:يمه ياالبخت ان كان وجعها م تحمله بدق على ولد جيرانا متعب يجي يوديها
البخت اسرحت بالاسم وابتسمت بدون شعور:ابشري
طلعت للحوش ومشت للملحق وهي تتذكر متعب
دخلت وهي تنادي الخدامه: سوما ..سسووماا
دخلت الغرفة وشافتها نايمه على السرير تنهدت وقربت وحطت يدها على جبينها
انصدمت ووخرت يدها بسسسرعه من الحرارة:سوماا انت تسمعيني !!!
وش يعورك؟؟
سوما بتعب همست: بكت انا م يقدر يتنفس بطن يعور رجل يعور ظهر يعور
البخت وقفت:بروح اجيب عباتي و انتي البسي عباتك بنروح المستشفى
طلعت بدون لا تنتظر ردها
دخلت البيت ومشت لصاله:يمه تعبانه سوما بالحيل،دقي على متعب اذ ما هو مشغول يودينا والا تراي بأخذ تاكسي
امها اخذت الجوال وبرفض:لااا مانتي براكبه مع تاكسي حتى لو مشغول
م ردت البخت ومشت لغرفتها ولبست عباتها واخذت جوالها وشنطتها
طلعت لامها:ها يمه وش قال لك؟
امها ببتسامه:يقول ربع ساعه وانا عند الباب
ابتسمت وبقلبها "اصيل":زين يمه
بطلع انا والخدامه ننتظره ..
.
.
بعد خمس ساعات ..
ودعت السياح على امل يلتقون بكره يكملون الجولات باذن الله
ابتسمت براحة وتنهدت بالحمدلله م تنكر ان شغلها جميل وممتع الا انه متعب ومهلك جسدياً، والحين بترجع لشقه عند اخوانها ومشاغبتهم ركبت تاكسي ومشت
.
بعد نص ساعه وصلت
انزلت وادفعت الفلوس وضحكت لا شعوريا من انتبهت لهم جايين مع المربيه اللي شغلتها لهم قبل شهر لما زاد الضغط عليها بالشغل
فتحت ايدينها لهم بحب :ياهلااا
ركضت آيه لحضنها وهي تناديها: إبـراق
بعكس إياس اللي ما ركض لها ومشى بهدوء بيدخل العماره
ناظرته إبـراق بتعجب:إياس مو مشتاق لي!
إياس لف وجهه عنها:انتِ تقولين لأيه زعلانه علي
ابتسمت وباست خدود آيه وتقدمت منه وجلست بمستوى طوله:إياس انا ازعل من الدنيا كلها وم ازعل منك ولا من آيه بس انا شوي ،بس شوي زعلت علشانك زعلت آيه
إياس بزعل:هي تجي عند أصدقائي وتقول لي تعال
رفعت حاجبها إبـراق:وليه زعلت عشانها نادتك
إياس:أصدقائي يضحكون علي منها
هي ليه ما تجي اذ صرت لحالي؟
تنهدت إبـراق ووقفت:نروح لمطعم ونتكلم فيه!
آيه بفرحة:ايييي
إياس:عندي واجب م ابي اروح
إبـراق:بعد م نرجع احله معك
مسكت يده ويد اختها ومشوا لمطعم قريب من عمارتهم.
بعد ربع ساعه..
جلست بعد ماجلستهم:وش تبون تأكلون؟
إياس:نفس آيه
آيه ناظرته وناظرت إبـراق:انا ابي نفسك
ابتسمت ونادت الجرسون:كلنا نفس الوجبة تمام؟
جاء الجرسون وطلبت"برجر"
ولفت لإخوانها:عصير توت صح
هزوا رأسهم بايه وابتسمت ولفت للجرسون : وعصير توت طازج
راح الجرسون بعد م ابتسم لإخوانها
.
.
دخل وجواله باذنه وملامح الانفعال باديه على وجهه و بهمس غير مسموع:طلال لا تجنني الصور ابي لها مسح كلي و اطلب من عزام يتفقد لي اللي طلبته منه برجع بعد ساعه القى الشغل مكتمل
طلال:وينك طيب انت؟
فارس ناظر للمطعم :باخر مكان كان فيه الباسل قبل لا نمسكه وبرجع وأعلمكم التفاصيل
سكر منه وناظر للمطعم اللي بطراز حديث وابتسم وبقلبه"كامرتين ومعهم جهاز استشعار"
تقدم منه الجرسون :اهلا بك ياسيدي
فارس :اهلا
ناظر للمطعم بشكل تقييمي حتى لا ينتبه الجرسون وانتبه للبنت ام حجاب وبذهول "حتى هنا"
وكلم الجرسون:اريد المنيو
لبس نظارته وجلس بالطاولة القريبة من طاولتها
وعقد حواجبه من انتبه لطفلين
"سُياحها المره هذي صغار !!"
لف للجرسون اللي مد له المنيو ببتسامه
ابتسم مجامله وفتحه:ماهو الطبق الرئيسي لهذا اليوم؟
الجرسون:السمك ..
💫📚 @storykaligi 💫📚🖋
🍃💫
💫🍃💫
🍃💫🍃💫
💫🍃💫🍃💫