الفصل 3
🥀🍃🥀🍃🥀
🍃🥀🍃🥀
🥀🍃🥀
🍃🥀
🥀3 ..
📚 😍 📃
📖 روايـــــــــــــة ✍🏼
{ نلتي مني و أنتصرتي }
📖🖌 @storykaligi 🥀🍃
بعد صلاة المغرب
فارس وقف سيارته عند الشاليه نزل من السياره وهو يحس في شي قلبه مو مطمن ابدا طرد هالافكار من باله وعدل قميصه و دخل
كانو قاعدين بالصاله وصوت الأغاني جدا عالي للدرجه م انتبهو للصوت الباب يلي انفتح لكن انتبهو لما صوت الأغاني وقف
فارس : نحنا ب ملهى ؟ وش هالصوت ؟
نواف وقف وهو يتصنع الفرحه : ي هلا والله بفارس نورتنا
فارس ابتسم وهو يسلم عليه : شخباركم شباب
بدر بلع حبه بسرعه وسلم عليه : مشتاقين للفارس
مازن : طولت الغيبه !
فارس جلس : انتو شخباركم ليش غيرتو الشاليه ؟
نواف ولع دخانه : تبي دخان ؟
فارس : لالا
بدر ضحك : دكتور و تبيه يدخن ؟
فارس : شدعوه اذا دكتور ترا ادخن بس م احب اكثر يعني وقت الحاجه ، م قلتو لي ليش غيرتو الشاليه ؟
بدر : لانه صار مشتبهه فيه تركناه وجينا هذا
فارس : الله يقرفكم م تركتو سواليف البنات والخمر ؟
نواف : ي رجال العمر مره
فارس زفر أنفاسه بقوه : ترا انا م انسى العيش و الملح ولا انسى انه درسنا المتوسطه والثانويه مع بعض بس الحين ابي اقولكم انه خلص مافي شي يخلي هالصداقه تدوم لا منها خير ولا منها فايده
مازن : روق روق ي فارس
فارس وقف : أقول الله معاكم
بدر مسك يده بقوه وكان مفعول الحبه بدا : ل وين ي الفارس ؟
اشر ع مازن وصب القهوه لفارس !
عند البنات
بعد م صلو المغرب
سارا طلعت الصاله وقفت وهي تشوف صورة فارس ع الرفوف اخذت صورته ومررت يدها ع عيونه بهدؤ وجهها مبتسم بلعت ريقها رهي تحس ب الم بقلبها انها تحبه هالكثر لكن هو م يدري عنها ولا يعطيها وجهه مهما تقربت له !
همست من وراها بهدوء: فارس يلي تحبينه ويلي ترفضين الخطاب عشانه ؟
حطت الصوره ويدها ترجف لفت لها : ندى!
ندى ابتسمت : طلعتي تحبين فارس وحنا م ندري بشي
سارا : م احبه بس كنت اشوف الصوره
ندى ابتسمت وهي ترجع شعرها لوراء : اوكي لا تحبينه ..نادت بصوت عالي : طيفووو
طيف سلمت من صلاتها : جيت جيت
سارا : وش بتسوي بتقولين لها ؟
ندى ضحكت : عشان تخطبك
طيف : وش تبغي كنت اصلي
ندى : ابي اسلم ع خالتو فطوم وينها ؟
طيف ابتسمت : عاد امي تحبك مره فوق بغرفتها تقرا قران
مروى : و انا بجي معاكي
طلعو وطلعت سارا وراهم دقو جناح فاطمه و دخلو كانت جالسه فوق الكنبه وبيدها المصحف و تقرا قران اول م شافتهم ابتسمت : ي هلا والله ببناتي
سلمو عليهم وجلسو فوق السرير قدامها
طيف : شفتي ي يمه وش عندي من صحبات
فاطمه : الله يحميكم و يحفظكم.
ندى : طمنينا عنك ي فطومه
فاطمه ضحكت ع الاسم : بعد هالعمر تدلعيني
ندى تذكرت أمها و ابتسمت بحزن : امي يلي كانت تناديك دايما بهالاسم
فاطمه تنهدت : الله يرحمها يارب كانت و نعم الصديقه والله انه الدنيا بهتت بعد موتها
ندى دمعت عيونها بسرعه من طاري امها صح لها ثلاث سنوات ميته لكن للحين م قدرت تنساها او تتعود ع الحياه من دونها
مروى مسكت كتف ندى وهي تعرف انه طاري أمها يعكر مزاجها حاولت تغير جو : شرايكم نطلع الحديقه نقعد فيها شوي نحنا وفطوم ؟
طيف : ي ليت بس امس خربت كل الانوار وللحين فارس م جاب احد يصلحها كلها ظلام مخوف
سارا ابتسمت وهي تسمع اسمه : اكيد مشغول عشان دوامه
فاطمه ابتسمت وهي تناظر ندى : يمه ندى ترا بكرا بكلم جدتك و بنجي نخطبك ل ولدنا فارس
بهتت ملامح سارا و حست الدنيا اظلمت بعيونها بلعت غصتها و وقفت : بروح الحمام
محد كان يدري ب مشاعرها الا ندى وتاكدت من رجفة ايدينها ولما قامت قطع تفكيرها وفاطمه تناديها : ها وش رايك ؟
لفت لها ندى وهي مرتبكه : خالتي انا م افكر بالزواج ابدا
يعني م ادري وش اقولك !
مروى ابتسمت بفرح : طابخين الطبخه ونحنا م ندري ها ي طيفو ؟
طيف ضحكت : هالخبر فريش اليوم صار
ندى وقفت : انا بنزل اكيد جابر يكون اتصل فيني ..
طلعت من الجناح وهي تبي تتهرب منهم
نزلت الصاله تدور سارا لقتها واقفه عند الشباك و دموعها ع خدها
مشت لها و وقفت قدامها ، سارا ناظرتها بالزجاج : مبروك
ندى : مره وحده مبروك ، انا م وافقت عشان تباركين لي !
سارا : وليش م توافقين ؟
الحين بتسوين انك البنت الطيبه وتقولي رفضت عشانك ي ساره !
ندى ناظرتها ب استغراب من نبره صوتها : احسك اليوم مو طبيعيه صاير شي ؟
سارا : ندى لا تحاولين تتصنعين الطيبه !
ندى كل مالها تنصدم اكثر من كلام سارا
سارا كملت : انتي للحين تحبي اسامه و بتوافقي ع فارس ..
🥀📚 @storykaligi 🥀📚🖋
🍃🥀
🥀🍃🥀
🍃🥀🍃🥀
🥀🍃🥀🍃🥀