بالهون ياجده على نايف تراه وقع بحب نوره - الفصل 5 | روايتك

🌺🍃🌺🍃🌺 🍃🌺🍃🌺 🌺🍃🌺 🍃🌺 🌺 5 .. 📚 😍 📃 📖 روايـــــــــــــة ✍🏼 {  بالهون يا جده على نايف .. تراه وقع بحب نوره } 📖🖌 @storykaligi 🌺🍃 جمانه واقفه وتلبس كوثر وكادي لبسهم بعد ما حممتهم نوره ونوير يغسلون بالثياب فوق السطح اريج كانت بالمطبخ وتجهز بالاكل اخذت الاكل حطته بالسقيفه نادت نوره ونوير عشان يتعشون جمانه تكلمت وهي تأكل بكوثر وكادي اللي حولها؛ نوير شوفي اذا عيال ابو نايف بالبيت ناديهم يتعشون معنا قامت نوير وغطت راسها وطلعت لبيت ابو نايف كان قريب من بابهم دقته مرره ومرتين وثلاث عرفت مافيه احد بالبيت وقفت عند باب البيت لما سمعت نايف ينادي عليها لفت؛ هلا نايف تكلم وهو يمد صحن فيه قليل من الاكل؛ هذا من عازم يقول تعشوا منه نوير اخذته؛ شكرا نايف رجع ركض لجمعة الاولاد عشان يلحق يلعب معهم دخلت نوير جلست؛ هذا اكل من خطوبة جواهر جمانه ناظرتها؛ من جابه نوير اخذت لقمه بيدها؛ نايف في غيره اريج؛ الله يحفظهم لابوهم والله انهم اعز جيران نوره؛ اقول جمانه وش رايتس بكره نروح ونبارك لـ جواهر جمانه ناظرتها؛ اقولتس تعشي ابرك لتس وبنروح بزواجها بس غير كذا مافيه اريج؛ بقول لامي تخيط لي فستان جمانه قامت واخذت كادي اللي نايمه بحضنها وسدحتها على فراشها.... • اسبوع _ القريه بدات تتزين لـ عرس جواهر زهابها وصل لبيتها قبل ثلاث ايام عازم مع علي ويعلقون بالعقد في ارجاء القريه ابو نايف كان يجهز بالشبه عشان الدلال وثلاجات الشاي و الاولاد الصغار كانو يساعدونهم بنقل الاواني الحريم اجتمعو بسطوح ابو علي جمانه كانت مع جواهر وتساعد في تلبيسها جواهر كانت فرحانه و مبسوطه هذا هدوء وفرحه ما قبل العاصفه. الدقاقات وصلو للبيت صارو يحمون بالدفوف عشان يحيون زواج جواهر وساعد عازم وعلي من خلصو اتجهو لـ ذبخ الذبايح وطبخها كان لا بس ثوبه اللي فصلته له امه ومسوي عمامته العاده اللي اخذها من ابوه وريحة العود اللي ابوه يحبها صارت عادات متمسك فيها علي اخذ المباخر وبدا يضيف ويبخر المعازيم اللي جالسين بالمساحه الكبيره اللي بوسط القريه نايف كان مع ابوه ويغسل بالفناجين عازم راح بعد ما سليمان ناى له يصب القهوه فك ثوبه اللي كان رافعه ومثبته عند خصره شمر عن  يده اخذ الدله وشوي فناجيل لحقه نايف بالفناجيل الباقيه عازم كان يصب لهم ويستمد من نايف الفناجين وضيف الباقين. • الحريم بدات  الدفوف تندق وبدا الرقص والغناء جواهر ونوير واريج كانو ياخذون من الحريم اللي بالمطبخ ويضيفون الحريم اللي جالسين بدا رقص البنات الصغار التقليدي و الحريم واصوات اساورهم الذهب بدات تعطي خلفيه مع تصفيقهم ام علي كانت ضحكتها ما تفارقها ام عازم كانت مبسوطة وفرحانه رغم انها مو بنتها بس عايشه دور اللي بتزوج بناتها قامو البنات الشابات يوسعون لهم مساحه عشان يرقصون الدقاقات زادو بالدق عشان البنات اللي قامو ورقصو _ داخل عند جواهر  _ واقفه عند المرايه جمانه كانت تمشط شعرها بالمشط الخشبي الصغير اخذت الطاسه الذهبيه وحطتها فوق راسها جواهر كانت تبتسم وهي تحط بروجها العودي الغامق وتطبطب باصبعها عليه؛ جمانه جمانه وهي تعدل بشعرها من ورا؛ نعم ي عروس جواهر لفت وقابلتها؛ تدرين اني احب عازم جمانه ناظرتها شوي ولفت وهي تاخذ الاساور الذهب من الصندوق الخشبي وتحطها بيد جواهر؛ بس ربي ما كتب وعازم ما يفكر بالحب ولا عنده هذه السوالف جواهر؛ طيب انا مجبوره اتزوج ساعد ولد عمي جمانه اخذت نفس وطنشتها وهي تلم بالاغراض وترتب بغرفه العرسان اخذت العطر وبدات ترش منه على جواهر والفراش طلعت من عندهم عشان تساعد الحريم اذا بيحتاجون لها.. • بساحة القريه عازم طلع مسدسه واطلق طلقتين بالجو مع اهل العريس قبل يدخل. وبدا السامري يولع عندهم بدا رقص الشباب رقص العريس والشياب والاولاد. علي رجع بعد زفة العريس مسك بيد عازم ورقصوا مع بعض علي كان يستهبل برقصه عازم كان يضحك عليه عازم انتبه للي ماسك بطرف ثوبه ناظر فيه؛ هلا عبدالله عبدالله اشر يقرب له عشان يقول له باذنه عازم نزل له عبدالله قرب وبهمس؛ جمانه تبيك ضروري هناك خلف بيت العم ابو علي عازم هز راسه؛ طيب الحين بروح يمها علي استغرب تكلم وهو يرقص بصوت عالي عشان يسمعه عازم؛ وين رايح عازم قرب له؛ بروح اختي تبيني هناك مشى من بين الجالسين عشان يعدي من عندهم  وصل لـ بيت خلف بيت ابو علي وقف وهو يتلفت يمين ويسار استغرب مشى شوي على صوت ناعم من خلفه؛ عازم عرف الصوت وقف وهو مغمض عيونه عض على شفته السفليه من حسها قريبه منه تكلمت بدلع؛ طيب اقل شي لف علي شوفني .. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺