بالهون ياجده على نايف تراه وقع بحب نوره - الفصل 3 | روايتك

🌺🍃🌺🍃🌺 🍃🌺🍃🌺 🌺🍃🌺 🍃🌺 🌺 3 .. 📚 😍 📃 📖 روايـــــــــــــة ✍🏼 {  بالهون يا جده على نايف .. تراه وقع بحب نوره } 📖🖌 @storykaligi 🌺🍃 المغرب نوير وهي تحط غطاها على راسها ماسكه قربة الماء؛ يمه بروح اعبي من البير عشان الغسيل الجوهره؛ بسرعه لا تطولين عشان عازم لا يجي وما يحصلك نوير وهي ماسكه نوره من يدها؛ ان شاء الله يمه ما بنتاخر طلعو وهم يغطون على وجوههم ماشين للبير تركو الباب مفتوح كادي جات لامها ركض؛ يمه بنلعب مع فهد وعبدالله ونايف جمانه وهي تطبق بالملابس؛ لا تروحن وش تلعبن مع عيال كوثر؛ يمه بنروح نلعب الجوهره؛ روحو بس لا توسخون ثيابكن كوثر؛ وبنشوف التلفزيون عندهم جمانه؛ لا كذا زودتنها الجوهره؛ خليهم روحوا يمه العبو كادي مدت لسانها لـ جمانه وطلعت وهي تضحك جمانه؛ قليلة الحياء الجوهره ضحكت وهي تلبس نظارتها ورجعت تكمل شغلها اريج جابت الشاي والقهوه صبت لـ جمانه وامها الجوهره وهي تلم بالفساتين اللي جهزتها وتتاكد منها؛ يمه اريج قومي خذيها ودي هذه لام علي وهذه لام سليمان اريج قامت؛ ان شاء الله يمه والحساب الجوهره؛ انا اخذهن منهن بعدين.. . . عند البير نوير وهي تسحب بالدلو وتعبي فيه القربه نوره واقفه و ماسكه القربه لـ نوير البنات كانو ينتظرون بدورهم تكلمت جواهر اخت علي بكل غرور؛ نوره سمعت اخوكم عازم رجع من الشرقيه نوره وهي تحط بالقربه لفت بدون نفس؛ ايوه رجع جواهر؛ احسن انه رجع وترك وظيفته وجا يعيش هنا نوير لمحت سيارة عازم اللي داخله من بوابة القريه من بعيد؛ اقول احنا بنمشي عازم بيوصل للبيت جواهر؛ طيب ليش ما تجن عندي البيت نوره بطفش؛ بعدين نوير سحبت نوره ومشوا للبيت بخطوات سريعه قبل عازم يرجع جواهر كانت تناظر بـ عازم ما شالت عينها عنه مشت شوي بعيد عن البير بعد ما عازم وقف سيارته قرب محل ابوها مشت بخطوات هاديه؛  عازم عازم وهو منزل راسه ولاف؛ هلا اختي جواهر؛ انا جواهر ي عازم عازم ومازال على وضعيته؛ ما سالت عن اسمك سالت وش تبين جواهر؛ و شلونك اخبارك عازم؛ وقفتي معك غلط عندي شغل مشى من عندها وهو معصب ومتنرفز من حركاتها حافظها وحافظ شو تسوي وكيف تتقرب له دخل اخذ اغراض من المحل وحملها  للسياره عشان يوصلها جواهر رجعت مقهوره من تطنيشه لها.. • قبل اذان الفجر عازم جالس فوق السطوح وبيده حب للحمام اللي بالقفص ياكل فيه جمانه خلفه تكوي بالثياب اللي بتوديها للحريم بعد ما امرتها امها تكلم عازم وهو يمسك بحمامته الصغيره وجن؛ اقول جمانه جمانه وما زالت تكوي؛ سم ي اخوي عازم قام وهو يمسك بالحمامه ويجلس قربها على الحصير الشبه متقطع؛ بسالك عن جواهر اخت صديقي علي ترا تحاول تتقرب مني بس البنت ما ادري ما تفهم حاولت ابعدها بس تتلزق فيني جمانه نزلت الكاويه وبدون نفس؛ ترا هي مصفوقتن على عقلها ترا فاقعتن كبدنا قبلك. عازم ناظرها؛ اسمعي باوديك باتسر لها ابيك توصلين لها اني ما ابيها ولا احبها اخاف اخوها يشوفها و يصير بيننا شي ما هو بزين جمانه؛ ي اخوي لا تشيل هم وهي انا اوريك فيها المصفوقه يبغالها تتادب مره ثانيه معك عازم ناظر بخواته اللي نايمات قريب منهم المتغطيات بلحاف واحد لونه زيتي مورد بورود ورديه وخص بنظره نوره ابتسم وهو يتاملها وملامحها جمانه ابتسمت عارفته هو يحبهم بس نوره لها معزه خاصه.. • الصباح ببيت ابو علي جالس ابو علي وجنبه ام علي طلعت جواهر وهي تشيل بصحن الاكل الشعبي والمتواضع حطته عند ابوها وامها جلست وهي تاخذ براد الشاي من الصحن وتصبه مدت لامها الفنجان اخذته وهي مسترسله بحديثها مع ابو علي قبل تجي جواهر؛ انت سالت عن الرجال ابو علي وهو ياخذ الفنجان من يد جواهر؛ الرجال كفو سالت عنه مير قالو ما فيه خلاف جواهر وعلامات الاستغراب على وجهها وبتساؤل؛ اي رجال تتكلمون عنه ام علي ابتسمت؛ خطيبس ولد عمك ساعد جواهر طاح فنجانها من يدها؛ وش ام علي؛ بسم الله عليك علامتس ي بنت ابو علي وهو يعدل بشماغه وهو يقوم من عندهم؛ اليوم بيجون يخطبونس وانا وافقت مير استعدي طلع بعد ما سالهم عن علي جواهر قامت ودموعها تنزل دخلت غرفتها الصغيره جلست بزاويتها وهي تبكي وتشهق بحرقه. امها ابتسمت وهي تحسبها فرحانه من الخبر اللي سمعته.. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺