بالهون ياجده على نايف تراه وقع بحب نوره - الفصل 1 | روايتك

🌺🍃🌺🍃🌺 🍃🌺🍃🌺 🌺🍃🌺 🍃🌺 🌺 1 .. 📚 😍 📃 📖 روايـــــــــــــة ✍🏼 {  بالهون يا جده على نايف .. تراه وقع بحب نوره } 📖🖌 @storykaligi 🌺🍃 بخميس مشيط / قبل ٢١ سنة بـ احدى البيوت الشعبيه الصغيره فتح باب بيته الحديد  دخل وهو يضع شماغه على كتفه ويمسح وجهه بكفه شاف امه جالسه بالحوش تحت السقيفه الصغيره على حصير معها مكينة الخياطه و تخيط بالفساتين لبنات القريه وجنبها بناتها نوره تساعد فيها مشى للسقيفه بخطوات يأس انثنى وباس راس امه جلس وسند راسه وغمض عيونه ناظرته امه بعد ما سحبت نظارتها؛ يمه عازم علامك تكلم وهو مغمض عيونه؛ مابي شيء ي يمه لفت امه لنوره اللي عمرها ما يقارب السبع سنوات؛ يمه قومي جيبي اكل لاخوتس قامت وهي تترك الشغله اللي بيدها؛ ان شاء الله يمه الجوهره رجعت تناظر ولدها؛ يمه عازم احكي قول وش فيك عازم اخذ نفس؛ قلعوني من الشغل الجوهره؛ وش انت مسوي عشان يطردونك عازم؛ مدري يمه صارت مشكله الجوهره بتدرج بكلامها؛ عازم خابرتك انت ما تمسك نفسك عازم؛ ربي بيعوضني. وين البنات ما شفتهن من دخلت على جية نوره وهي تحمل الصحن بيدها حطته على الارض وجلست؛ البنات فوق يغسلن بالثياب ويلعبن عازم؛ قومي ناديهن قامت نوره من عندهم وبصوت مسموع؛ ي بنات عازم وصل تعالن يبيكن نزلو ركض بين ضحكاتهم و فرحتهم باخوهم ابتسم عازم وهو يفتح يده لـ كادي وكوثر اللي اعمارهم تتراوح بين الاربع سنوات احتضنهم بابتسامه؛ هلا بالزينات اريج و جمانه و نوير قربو وباسو راس اخوهم عازم جلسو حوله والابتسامه ما فارقتهم عازم؛ هاه كيف البيت بدوني يومين غبت فيها عنكن لا يكون تعبتن الوالده ابتسمت الجوهره تكلمت وهي تخيط بطرف الفستان؛ لا ما تعبوني تكلمت كوثر وكلامها شوي متكسر؛ عادم جبت معك حلاوى كادي؛ صح جبت لنا يا ويلك لو نسيت عازم؛ افا انا انساكن جبت لكن انتي و كوثر والبنات بعد دخل يده بجيبه طلع منها اكياس الحلاوى مد وحده لـ كادي وحده لـ كوثر مد الباقي لـ خواته الباقين دخل يده مره ثانيه طلع بخور وكحل وحمره نزل خواته قام وجلس جنب امه؛ وهذا لتس ي الغاليه ابتسمت؛ ما كان كلفت على نفسك وانا امك عازم ضحك وهو يبوس راسها لف لـ نوره؛ قومي جهزي فراشي بدخل انام قامت؛ ان شاء الله تكلمت جمانه؛ اخوي تبي اغسل ملابسك عشان تروح لـ شغلك بكره ناظرها شوي مسح على شعرها وقربها له وضمها؛ عطوني اجازه اريج بفرح ؛ يعني بكره بتفطر معنا عازم؛ اكيد بس ابي الفطور السنع جمانه؛ تبشر عازم ابتسم مشى لغرفته الصغيره المكونه من دولاب صغير بزاوية الغرفه ومكتب صغير قريب من شباك الغرفه ومسمار كبير مدقوق بالجدار يعلق فيه ثيابه شاف نوره تعدل باللحاف خلصت نوره ترتيب السرير الصغير يكفي لـ شخص كانت خارجه لفت لـ عازم؛ عازم عازم لف عليها؛ لبيه نوره؛ تلبي حاج اسفه انا سمعت بالغلط وش قلت لامي عازم لا تشيل هم ترى اهم ما علينا تكون مرتاح عازم؛ وكبرتي وصرتي تقولين كلام زين بعد نوره ضحكة وطلعت من عنده عازم انسدح وهو شايل هم خواته و امه اللي ما بقى لهم احد غيره.. الفجر قام على صوت الماء اللي قريب منه عرف امه انها قايمه وتتوضا غمض عيونه وفتحها وهو يسمع بـ اقامة صلاة الفجر من المسجد اللي قريب من بيتهم ابتسم وهو يسمع صوت جمانه؛ خلاص يمه بقومه الحين قام عازم قبلها وطلع وقف عند باب غرفته الصغير؛ صحيت الجوهره ناظرته وهي تمسح بيدها المتجعده؛ اجل الحق على الفجر جماعه عازم مشى بعد ما جمانه جهزت ماء الوضوء له جلس بعد امه بدا يتوضأ جمانه دخلت لـ غرفته سحبت ثوبه المعلق شمت ثوبه المعطر بدهن العود طلعت عازم خلص وضوءه سحب الثوب ولبسه نزل يده يحس بجيوبه؛ المسبحه جيبيها من داخل ركضت جمانه لغرفته اخذتها ومدتها له عازم ابتسم لها؛ تسلمين جمانه؛ سلمت . انتبه لـ نفسك عازم؛ من عيني . طلع من بيتهم وهو يقابل جاره ابتسم من شافه؛ هلا بـ ابو نايف سليمان قرب وسلم عليه؛ وين ي رجال مختفي وكيف شغلك بالشرقيه عساه ضبط عازم سكت شوي؛ والله تهاوشت مع واحد وانطردت سليمان؛ الله يكون بعونك وش بتسوي الحين عازم؛ ربي بيحلها ان شاء الله سليمان؛ اجل امش نلحق على الصلاة.. • 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺