كنت في عز الثبات لين شفتك وانهزمت - الفصل 111 - بقلم ريناد | روايتك

البــــــــــــــــــــ 111ـــــــــارت 📖🖌 @storykaligi 🌺🍃 رجع لشقته رغم الالم اللي كان يحسه الا انه مستحيل يجلس بالمستشفى دخل وجلس على اقرب كنبه وتفكيره يشغله ماضي مي اللي كان يتمنى يعرف مين صاحبة هالكتاب ابتسم بستغراب من قوتها العجيبة:.يا ترى ليش يا مي تبين تعدلين الماضي!! غمض عيونه ولكن رجع فتحها بسرعه وهو يسمع دق الباب القوي وقف بتعب وتوجه للباب وفتحه وما انصدم من تمرد مي كانت واقفه بكل ثقه وتناظر فيه بنظرات حاده بلع ريقه من نظراتها اللي خطفت قلبه:.وش تبين؟ جيتي تتطمنين علي صح؟ مي ببرود:.انت تعرف ليش جيت لهنا! مشعل ابتسم:.لا ما ادري مي بقهر:.جيت اخذ الكتاب اللي عندك مشعل وعيونه مركزه فيها:.ممكن ما يكون لك مو بس انتي اللي اسمك مي؟ ابتسمت ببرود وتكلمت:.بس مو معقوله تكون وحده ثانيه ضيعت كتابها بالمطار نفسي؟ ابتسم على ثقتها واشر لها:.تفضلي اساسا كنت بعطيك اليوم دخلت مي ولكن خطواتها تعثرت من عجلتها وكانت راح تطيح بس تمسكت بمشعل صرخ بوجع وهو يتوجع خصوصا انها تمسكت بيده اللي توجعه خافت مي من صرخته وتركت يده ورجعت لورا بشكل سريع وكانت راح تطيح على الطاوله بس مشعل مسكها من خصرها وسحبها ناحيته شهقت بصدمه وعيونها تتوسع بذهول اول مره تكون قريبه منه بهالشكل كانت تعابير مشعل توحي للهدوء عكس تعابير مي اللي تلون وجهها ودمعت عيونها من الاحراج دفته عنها وركضت للخارج ابتسم ولحقها وهو يتكلم بصوت مرتفع:.والكتاب؟ مي وهي تمشي وتشتم بداخلها:.مااااابيه خلاص صار يضحك ورجع لداخل بعد ما سكر الباب وهو يهمس:.متمرده بس حلوه! . . مرت ايام العزا وظن البعض ان حزنهم انتهى ولكن كانت العكس كانت كلها مظاهره خف الحزن ولكن الم الفقد كان يسكن قلوبهم وبكل مره يتذكرون جدهم الراحل بدون عوده بعد مرور تقريبا اسبوع كانت حنين تحتضن عمر وتهمس له بحب:.حبيب ماما ليش ما يبي ينام ؟؟ ابتسمت بحب وهي تمسك يده ذات الحجم الصغير:. لازم تنام عشان ماما تقوم تشوف شغلها ولفت على صوته:.ليش طلعتوا هنا؟ حنين:.صح النوم ابد بس ولدك ما يبي ينام وما كنت ابي اخرب عليك نومتك ابتسم نواف:.خربيها والله فدا ابتسمت بخجل ورجعت تلاعب عمر ونواف جلس جنبها وبعد فتره تكلمت حنين:.ما بتداوم؟ نواف:.شوي وطالع وين امك وأختك؟ حنين:.باقي نايمين نواف هز راسه وحنين تكلمت بهدوء:.متى بتكون ملكه ديما؟ نواف:.ما ينفع نسويها الحين وناصر ماله فتره متوفي لمعت عيونها بحزن وهمست ببحه:.وما يصير تخلي الناس تنتظر حتى لو كان صديقك نواف:.وانا اشوف ان وقتها مو الحين سكتت ونواف اخذ منها عمر وصار يلعب معه . . ببيت ابو نواف كان الكل على طاوله الاكل ام نواف:.انت متى ناوي تاخذ حرمتك متى تعرف انك كبرت ؟ تركي وهو يحط الملعقه على الطاوله:.يمه جوري تبي تكون مع امها وأختها ام نواف:.بس ما ينفع يا ولدي نواف بياخذ راحته ببيته جوري وجودها هناك غلط ديما بصدمه:.يمه!! البنت تبي تكون جنب امها وحنين المفروض ما تفكرين كذا! ام نواف:.ومن قال مابي تكون معهم بس نواف رجال وهذا بيته وحتى لو ما تكلم اكيد انه مو مرتاح اشوف انها تجي هي وامها هنا تركي:.لا ما بجلس انا هنا عندي بيت شوق:.وش دعوه كلكم معصبين! تركي وقف:.ودامك يمه تقولين كذا خلاص باخذها هي وعمتي ونروح بيتنا ام نواف:.ما بغيت تحس انك لازم تسوي كذا!! تركي مشى وديما تكلمت بهدوء:.يمه الله يهديك علامك عليه؟ ام نواف:.اخوك مهمل زوجته لازم يدري انه وراه مسؤوليه والحياه ما تمشي كذا ديما اكتفت بالصمت وكملت اكلها . . . بلندن بعد اخر موقف حصل بينهم ما شافته كانت مقضيه وقتها بدراستها ومنشغله تماماً اخذت جاكيتها ولفت الحجاب على شعرها وطلعت وحصل اللي ما كانت تبيه كان واقف ويناظر فيها تجاهلته ومشت بس مشعل لحقها ووقف قدامها وبيده الكتاب:.ليش تتجاهليني؟ مي ببرود:.لاني مشغوله ما عندي وقت لك ابتسم:.مشغوله طيب ما تبين كتابك؟ مي:.مابيه خلاص احتفظ فيه لك مشعل وهو مبتسم:.وش بيفيدني فيه ما بقى الا كم ورقه مو كاتبه فيها شي مي ناظرت فيه بحده:.واضح انك حافظ اللي فيه حفظ تكلم مشعل وهو يبتسم:.على العموم سامحيني هذا كتابك ياليت تاخذينه وبقولك شي ترا كلنا نغلط والماضي يبقى ماضي كملي حياتك وانسيه! اختفت ابتسامته وهو يشوف الحزن اللي بان عليها ولمعت عيونها سحبت من يده الكتاب ومشت وهي تمنع نفسها ما تبكي كانت تحسه يسخر منها انصدم مشعل وركض وراها وهالمره مسك يدها وسحبها ناحيته:.وقفي وين بتروحين !ما خلصت كلامي مي بصرخه:.اتركني مالك اي حق تلمسني يا تافه!! مشعل:.ما بتركك حتى تناظرين فيني مي حاولت تفك نفسها منه بس كان هو الأقوى رفعت عيونها وهي تتكلم بتعب:.اتركني انت ما تفهم! مشعل:.لهدرجه اللي بالكتاب يزعلك !! 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺