كنت في عز الثبات لين شفتك وانهزمت - الفصل 110 - بقلم ريناد | روايتك

البــــــــــــــــــــ 110ـــــــــارت ما اصعب شعور الفقد اللي يخليك تعجز تعبر عن حزنك وتكتفي بالسكوت بينما داخلك يحترق وقلب ينبض بالم كان الكل يشوفها ثابته قويه شامخه بينما حنين كانت تصارع وتخوض معركه داخلها موت جدها جدد جروحها فقدت ابوها والحين جدها ويا ترى مين راح تفقد للمره الثالثه؟ الخوف صار ملازمها ماتبي تخسر شخص جديد تنهدت بتعب وهمست بالم:.اللهم اربط على قلبي وقويني لمحت امها الجالسه قدامها والتفت للجهه الثانيه وشافت جوري اللي كانت تهز رجولها وتعض شفايفها ادركت تماماً ان جوري تحاول بكل اللي تقدر عليه عشان ما تبكي وقفت حنين رغم تعبها وجلست جنب جوري وسحبتها لحضنها وغمضت عيونها وهي تسمع انين جوري المحزن:.تركنا جدي بعد ليتني رحت له ليتني شفته ليش يا حنين يروح بدون يودعنا ليش تركنا وترك امي جدي وعدنا يكون لنا السند حنين وهي تمسح على ظهرها بحنيه:.قوي نفسك يا جوري امي بتمرض اذا شافتنا كذا لا تبكين وجدي راح عند اللي ارحم مني ومنك جوري وهي تتمسك بحنين:.مو قادره اتماسك خبيني بحضنك لا تشوفني امي هزتها كلمات جوري وشدت عليها وهي تدعي القوه بس عشان ما تزيد الم امها اللي بالقوه متحمله . . قام بالعزا وموت ناصر فعلاً هزه وقرر يكون بمثابه ولده ويهتم بالعزا ناظر جواله اللي كان يرن رفعه وهو يشوف اسم المتصل "ديما" رد بخوف:.هلا ديما صار شي؟ ديما:.ادري انك مشغول بس حنين تعبانه حيل يا نواف تنهد بتعب:.تبكي؟ ديما:.ليتها تبكي وتريح قلبها بس هي كاتمه وقبل شوي لمست يدها وكانت زي الثلج نواف:.وينها الحين؟ ديما:.جالسه بالمجلس مع الحريم نواف:.خذيها على الغرفه ترتاح وانا شوي وبجي سكرت منه وتوجهت للمجلس وقربت من حنين وهي تهمس بحنيه:.قومي معي ترتاحين شوي حنين:.انا مرتاحه بس خايفه يكون عمر صحى ديما:.عمر مع شوق لا تخافين عليه قربت منهم عهود وجلست على ركبها قدام حنين:.قومي يا روحي عشاني ارتاحي لك شوي ولا تخافين على امك كلنا معها حنين:.بس مابي اتركها اخاف تتعب ديما:.صح كلام عهود روحي ارتاحي وامك بتكون معنا ما يصير انتي تعبانه هزت راسها ووقفت والتفت عليهم:.انتبهوا عليها الله يخليكم واذا هي بردانه عطوها بطانيه تتدفى ديما:.والله انها زي امي بحطها بعيوني ارتاحي انتي مشت حنين ودخلت للغرفه تمددت على السرير وانفجرت بالبكاء وصورة جدها بمخيلتها كتمت انينها وهي تدفن وجهها بالمخده كانت تبكي وتحس ان دموعها تحرق وجهها وكأنها تنتقم منها لانها منعتها من النزول رفعت راسها بخوف وهي تحس باليد اللي مسحت على ظهرها وشافت الانسان اللي فعلاً تقدر تنهار أمامه ارتمت بحضنه وهي تشهق بحزن:.لا تخليني اوعدني تبقى معي قلبي ماعاد يتحمل مابي اخسر احد صدقني اموت نواف وهو يبوس راسها:.الله يطول بعمرك وعمري ونبقى مع بعض للابد لا تبكين يا عيوني لا تبكين حنين وانينها يرتفع:.اكيد قلب امي يحترق زي ما احترق قلبي يوم فقدت ابوي كيف اخذ حزنها ؟ حضنها اكثر وهو يهمس:.كفايه تعذبين قلبك كفايه عليه بعدها عنه وهو يمسح دموعها:.لا تبكين ما اتحمل اشوفك كذا قرب وهو يطبع قُبلته على جبينها وكمل كلامه:. قلبي يحترق عليك ارحميني وارحمي نفسك لا تبكين تحملي اصبري هزت راسها بالنفي:.انا ضعيفه انا ما اقدر نواف وهو يمسك يدينها ويبوسها:.والله انك اقوى انثى شافتها عيني ادعي له بالرحمه كلنا ماشين على هذا الطريق ادري كلامي ماراح يبعد الحزن من قلبك بس تحملي عشان امك وعشاني حنين حضنته وتمسكت فيه وكلامه الدافي يعطيها القوه . . . مرت الوقت وحل الظلام وصارت الساعه ٩:٣٣ م تكفلت ديما وعهود بكل شي وبعد ما خلصوا توجهوا لصاله كان الجو هادي جداً والكل ملتزم الصمت جلست ديما جنب جوري اللي كانت بعالم اخر ديما وهي تهمس بحنيه:.شوفي فيه اكل بالمطبخ قومي معي عشان تاكلين من اليوم وانتي على لحم بطنك جوري:.مالي نفس وين تركي؟ ديما:.بالمجلس ينتظرك جوري:.اليوم مابي اروح للبيت ابي اجلس مع حنين وامي ديما:.يا روحي انتي سوي اللي تبين جوري:.بقوم اتصل بتركي وأعلمه قامت جوري واخذت جوالها واتصلت في تركي وبعد ثواني وصلها رده:.هلا حبيبتي؟ جوري:.انت لسا موجود بالمجلس تركي:.ايه انا انتظرك جوري:.بس انا مابي اروح معك تركي بستغراب:.ليش؟ جوري:.امي اكيد تحتاجني جنبها وانا ابي اكون قريبه منهم تركي:.بس انا ابي اكون معك مابي اخليك جوري:.صدقني انا بخير وبكون احسن لو جلست تركي:.اكيد؟ جوري:.ايه انت روح لا تنتظرني تركي:.طيب لا تزعلين نفسك والا صدقيني بجي اخذك جوري ابتسمت:.قلت لك بكون بخير لا تخاف علي تركي:.انتبهي لنفسك جوري:.وانت بعد . 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺