كنت في عز الثبات لين شفتك وانهزمت - الفصل 109 - بقلم ريناد | روايتك

البــــــــــــــــــــ109 ـــــــــارت يوم جديد كانت ديما جالسه على الطاوله تاكل رفعت راسها وانصدمت وهي تشوف نواف:.هلا متى جيت ما حسيت عليك نواف:.الحين مريت وين ابوي؟ ديما وقفت بخوف:.وش فيه وجهك كذا؟ نواف:.كنسلي كل شي مابتملكون اليوم ديما حست بدقات قلبها تدق بتوتر:.ليش نواف وش صاير؟ نواف:.ناصر توفى امس جمدت بمكانها وهي تحاول تستوعب كلامه نواف:.قومي البسي عبايتك وقولي لامي وعهود وتعالوا لبيتي وجوري لا تقولون لها شي لاني اساسا باقي ما كلمت تركي كانت واقفه بمكانها تناظر فيه بصدمه نواف حس انها مصدومه:.ديما؟؟اكلمك انا حست على نفسها:.يالله رحمتك كيف حنين نواف:.تعبانه ومو راضيه تاكل عشان كذا ابيك تخلينها تاكل ديما:.بروح الحين اقول لامي وابوي بالشغل هز راسها وطلع . . . كان يعدل شماغه مشى وهو يسمع رنين جواله اخذه وهو يقرا المتصل"نواف " رد تركي:.هلا نواف نواف:.وينك فيه؟ تركي:.بالبيت ليش فيه شي؟ نواف:.جنبك احد؟ تركي:.لا محد علمني وش فيك ؟ نواف:.بقولك بس خليك هادي تركي:.عسى ما شر خوفتني؟ نواف:.ناصر توفى وابيك الحين تاخذ جوري وتوديها بيتي عند امها وأختها تركي توسعت عيونه بصدمه:.متى توفى ووش السبب نواف:.الرجال كبير بالعمر الله يرحمه انت قول الخبر لزوجتك وبعدها خذها لبيتي تركي سكر منه وهو يترحم على ناصر وانصدم بجوري اللي كانت تناظر فيه .. تكلم بنبره غريبه:.جوري؟ جوري وهي تناظر فيه بشك:.مين اللي مات؟ تركي بهدوء:.من متى وانتي واقفه هنا جوري تقدمت منه:.تركي انا اتكلم مين مات تركي بلع ريقه وهو يفكر كيف راح تكون ردة فعلها اخذها وجلسها قدّامه:.شوفي يا جوري انتي تعرفين ان الموت حق وكلنا على هذا الطريق جوري وعيونها تلمع بحزن:.تركي!! لا تخوفني؟ تركي سكت لثواني وبعدها تكلم:.انتي كبيره وفاهمه كل شي جوري بنفاذ صبر:.تركي لايكون امي فيها شي؟؟؟ تركي:.مافيها الا العافيه بس جدك وقفت ودموعها تتجمع بعيونها:.جدي مات؟؟ وقف ومسكها:.اهدي يا جوري جوري وهي تحاول تلفت منه وتبكي:.تكلم انا اقولك جدي مات!! تركي:.قولي الله يرحمه يا جوري هذا قضاء وقدر صارت تبكي وهي تهز راسها بالنفي ومو مصدقه انها فقدت شخص ثاني سحبها لحضنه وهو يقرا عليها:.لا ما يصير جدي ما يموت هو اللي بقى لنا ليش يخلينا ليش يخلي امي خلوه يرجع مستحيل يموت حنا نحتاجه ابيه معنا مابي يموت لااااا بعدها عنه وهو يحاول يهديها:.جوري اسمعيني ما ينفع اللي تسوينه جوري وهي دفته عنها:.بعددد عني انت كذاب جدي عايش وينتظرنا مستحيل يتركنا رجع يمسكها ويهزها بقوه:.استوعبي يا جوري خلاص اهدي لا تسوين كذا جدك راح خلاص صارت تبكي وهي تهز راسها بالنفي:.ما يموت كفايه خسرت ابوي انهارت تماماً وطاحت على الارض ولكن تركي مسكها وحضنها وهو يحاول يمتص حزنها . . . كانت تحس ان الوقت ما يمشي ناظرت حولينها وهي تشوف الناس تعزيها كانت تحس نفسها بحلم وراح تصحى منه التفت حنين على ديما اللي مسكت يدها وهي تبكي:.تعالي معي خلينا ناكل شوي ما يصير اللي تسوينه بنفسك حنين هزت راسها بالنفي وتكلمت بهدوء:.شوفي امي ممكن انها جوعانه ديما بحزن:.وانتي حرام عليك لك يوم مو مأكله شي حنين:.مابي شي خلاص ديما سكتت وهي تلمح اثار الحزن المتراكم داخل عيون حنين سحبت نفسها ومشت لانها مو متحمله تشوف حزنها . . . بلندن كان يناظر بالسقف بملل ويفكر فيها التفت على صوت الباب اللي انفتح رفع حواجبه بستغراب دخلت مي وبيدها اكياس:.انت ما عندك اهل؟ المستشفى يحسبوني زوجتك ابتسمت وبعد ثواني اختفت ابتسامتها وهي توها تنتبه وش قالت كتم ضحكته مشعل ومي حطت الأكياس على الطاوله:.هذي شويه ملابس خليت صاحب الشقه يعطيني مفتاح شقتك وجبت لك ملابس مشعل:.مو لازم لاني بطلع اليوم عقدت حواجبها بستغراب:.والكسر اللي بيدك؟ مشعل:.بطلع اليوم صرت بخير مي ناظرت فيه:.بس انا ما اشوف كذا؟ مشعل:.ما بجلس هنا لا تحاولين مي:.بكيفك بالنهايه الالم عليك انت مشعل ابتسم:.هذا انتي قلتيها علي انا مي انقهرت وتكلمت ببرود:.مفروض تشكرني لاني تكرمت وجيت لهنا مشعل:.لو ادري انهم اتصلوا فيك كنت منعتهم مي:.انا وراي دوام استأذن وسلامتك مره ثانيه مشعل بهدوء:.مي؟ انتي ضيعتي كتاب فيه مذكراتك ؟ وقفت وهي تناظر فيه بعدم استيعاب وخوفاً من انه قرا الكلام:.كيف عرفت؟ مشعل بإحراج:.بصراحه قريت قاطعته بحده:.وانت بأي حق تقرا خصوصيات الناس ما تعرف ان هالشي عيب والا انت ما عندك خصوصيه مشعل:.علامك اكلتيني اقولك لقيته بالمطار وقريت بالغلط مي:.على العموم انا رايحه وياليت ترجعه لي ومشت وهي متجاهله تماماً مشعل . 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺🍃🌺