كنت في عز الثبات لين شفتك وانهزمت - الفصل 107 - بقلم ريناد | روايتك

البــــــــــــــــــــ107 ـــــــــارت 📖🖌 @storykaligi 🌺🍃 بالسياره كانت حنين تلمس وجه عمر بيدها ونواف تكلم بغيره:.وش معنى صار الحب كله له؟ حنين ناظرت وهي تضحك:.وانت وش تبي الحين؟ نواف:.مفروض انك تشتاقين لي وتمسكين يدي بدال ما تزعجين هالمسكين حنين:.ليش اشتاق وانت بوجهي كل دقيقه اشوفك ناظرها ورجع يناظر بالطريق وماهي الا ثواني وابتسم وهو يحس بيدها الناعمه اللي لامست يده واخذتها:.رضيت خلاص؟ ابتسم:.افكر واقولك بعدين حنين ابتسمت وتكلمت بلهفه:.ابي اطلب منك طلب نواف:.انتي مو بس تطلبين يا ام عمر انتي تامرين حنين ابتسمت بحب وهي تعشقه كل مره اكثر:.ابي اروح عند جدي والله اشتقت له نواف:.بس كذا؟ من عيوني باخذك بس مو بكرة لاني مشغول حنين:.لاول مره احس اني فعلا افتخر بجدي احمد ربي مليون مره لانه تغير الحين نسيت كل الماضي مابي الا اعيش بين الناس اللي احبها نواف قرب يدها من فمه وطبع عليها بوسه:.احبك تسارعت دقات قلبها وناظرت فيه ونواف ابتسم وهو يعرف انه لحد هذا اليوم تتوتر وتخاف . . . بالمستشفى بعد ما تطمنت انهم قدروا يساعدونه ابتسمت وسرعان ما اختفت ابتسامتها وهي تشوف الرجال اللي يناظرون فيها باعجاب نزلت عيونها على ملابسها اللي كانت راسمه جسمها والمطر اللي بللها حست بالإحراج ومشت بشكل سريع ودخلت للغرفه اللي فيها مشعل شهقت بخوف ورجعت لورا وهي تشوفه يناظر فيها .. ناظر فيها رغم الالم اللي كان يحسه الا انه تكلم:.ممكن تقربين شوي؟ مي شدت على قبضه يدها وهي ترجف:.وش تبي! مشعل:.تعالي وبتعرفين ؟ قربت منه وهي ترتجف من بروده الغرفه ابتسم وهو يناظر فيها:.هالمره انتي ساعدتيني لو ما كنتي موجوده كنت الحين ميت مي بهمس:.الله مو كاتب تموت هاليوم زادت ابتسامته:.انتي كذا دايم معصبه ؟ مي برفعه حاجب:.انا مو معصبه وش تبي لاني تاخرت ؟ مشعل:.ممكن تجاوبيني وش اسمك؟ مي:.اسمي مي الحين موقفني بهالبرد عشان تعرف اسمي؟؟ مشعل ناظر فيها لثواني وهو يتذكر الكتاب اللي كان باسم "مي" انقهرت من سكوته:.الحمدلله على سلامتك ومره ثانيه لا تسرع انا بمشي الحين ولفت ومشت بس صوته وقفها:.اول خذي طرحتك غطي فيها شعرك ؟ وقفت وهي مصدومه وكأنها توها تستوعب انها بدون حجاب وشعرها برا رجعت وسحبت طرحتها من على الطاوله وغطت فيها شعرها وهربت من نظرات مشعل اللي تخوفها اما مشعل ابتسم وحرك يده بصعوبه وكتب اسمها بالهوا ورجع يبتسم وهو يفكر معقوله تكون هي .. . . وقف قدام بيتهم ونزل وجوري نزلت وراه نزل الشناط ورما لها بالمفتاح:.افتحي الباب مشت قبله وفتحت الباب ودخلت وتركي دخل بعدها سكر الباب وترك الشناط قدّامه ولحقها وقبل تفتح باب غرفتهم سحبها شهقت بخوف وعيونها تتوسع:.وشفيك تركي! تركي ابتسم:.مافيني الا كل خير بس ابيك تعيدين الكلام اللي قلتيه جوري زادت دقات قلبها وحست بحراره وجهها من انفاسه الحاره اللي كانت تضرب بوجهها:.ااء تركي وهو يشدها نحوه اكثر:.لا تتهربين لاني ما بتركك جوري ضاع منها الكلام بس قوت نفسها ورفعت راسها وصارت تناظر بعيونه وحست بدقات قلبها تزيد تكلمت برجفه:.اول خ خ خليني اشيل عبايتي الجو حر عقد حواحبه:. بالعكس الجو حلو جوري بلعت ريقها وتكلمت بصوت مبحوح:.اء لانك م مو لابس عبايه صار يضحك وجوري ابتسمت بغباء بدات ابتسامه تختفي وتحولت نظراته لنظرات غريبه نظرات عجزت جوري تفسرها ممكن إعجاب ممكن حب بس اللي تاكدت منه ان نظراته كفليه لانها تضيعها تكلم وهو يشدها نحوه:.كنت ابي اسمعها منك مره ثانيه بس شكلك ما تبين على العموم وانا بعد احبك يا جوري نزلت راسها بإحراج وصارت تتنفس بصعوبه .. . . ببيت ابو نواف كانت ديما تقلب بملابسها دخلت شوق وارتمت على السرير بتعب ابتسمت ديما:.بشريني امي كارفتك؟ شوق:.هذا وهي عزيمه عادي اجل لو صارت الملكه ديما:.لا تخافين بكرة بوصي امي تنتبه لك شوق:.تزوج نواف وتزوج تركي والحين انتي انا مين بيبقى معي ديما:.ومن قال اني بخليك شوق:.انتي بتتزوجين عبدالرحمن وتروحين تقدمت منها ديما وجلست على السرير:.ناويه اخلي زواجي بعدين مو الحين شوق ابتسمت بفرح:.يعني بتطولين ؟ ديما:.بس احس امه ما بتوافق ما شفتي كيف تناظر شوق:.ممكن لانها اول مره تشوفك ومستغربه ديما:.بس كل كلامها كان عنك شوق مسكت يدين ديما وابتسمت بحب:.بالله وش بيعجبها فيني انتي احلى مني ومافيها كلام ديما:.لانك اختي جالسه تقولين كذا شوق:.صدقيني يا ديما انها راح تحبك ديما ابتسمت:.اهم شي عبدالرحمن يحبني شوق ابتسمت رغم انها كانت تحاول بكل جهد تسكت مشاعر الإعجاب اللي كانت تنولد لعبدالرحمن بالنهايه هو مستحيل يكون لها ومستحيل هي تخرب على اختها رجف قلبها من نظرات الحزن بعيون ديما اللي كل تفكيرها ام عبدالرحمن واقسمت انها تمحي صورته من عقلها .. 🌺📚 @storykaligi 🌺📚🖋 🍃🌺 🌺🍃🌺 🍃🌺🍃🌺 🌺🍃🌺